ചെര്‍പ്പുളശ്ശേരി: ചെറിയ പെരുന്നാള്‍ പ്രഭാഷണത്തിനിടെ ഇമാം പള്ളിയില്‍ കുഴഞ്ഞുവീണു മരിച്ചു. തൃക്കടീരി ആറ്റാശ്ശേരിയിലെ ഇസ്ലാമിക് സര്‍വീസ് സൊസൈറ്റി ജുമാമസ്ജിദ് ഇമാം മൗലവി അബ്ദുല്‍ ഷുക്കൂര്‍ ഖാസിമി (54) ആണു മരിച്ചത്. തൊടുപുഴ സ്വദേശിയാണ്. ചെറിയ പെരുന്നാള്‍ നമസ്‌കാരം നിര്‍വഹിച്ചു പ്രഭാഷണം നടത്തുന്നതിനിടെ ഹൃദയാഘാതമുണ്ടാവുകയായിരുന്നു. ഉടന്‍ തന്നെ പള്ളിയിലുള്ളവര്‍ പ്രഥമ ശുശ്രുഷ നല്‍കി ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭാര്യയും, ഒരു മകനുമുണ്ട്.

ചാവക്കാട്: അക്യു പങ്ചറിലൂടെ ഏഴാമത്തെ കുഞ്ഞിന് ജന്മം നല്‍കിയ യുവതി പ്രസവത്തിന് പിന്നാലെ അണുബാധയേറ്റ് മരിച്ചു. ചാവക്കാട് സ്വദേശിയായ മുഹ്‌സിന(37)യാണ് മരിച്ചത്. അണുബാധയെ തുടര്‍ന്ന് തൃശൂര്‍ മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുന്നതിനിടെയാണ് മരണം. പ്രസവിച്ച് നാലാം ദിവസം യുവതിയുടെ നവജാത ശിശു മരിച്ചിരുന്നു. സംഭവത്തില്‍ ഭര്‍ത്താവ് എടക്കഴിയൂരില്‍ കല്ലുവളപ്പില്‍ ഇബ്രാഹിമിനെതിരെ ബന്ധുക്കള്‍ പരാതി നല്‍കി. ഇയാള്‍ അക്യൂപങ്ചര്‍ ചികിത്സ നല്‍കുന്ന വ്യക്തിയാണെന്ന് പരാതിയില്‍ പറയുന്നു. വീട്ടില്‍ വച്ചായിരുന്നു പ്രസവം. അണുബാധയുണ്ടായിട്ടും യുവതിയെ ആശുപത്രിയിലെത്തിച്ചില്ലെന്നാണ് ബന്ധുക്കളുടെ പരാതി. …

Read more “അക്യു പങ്ചറിലൂടെ ഏഴാമത്തെ കുഞ്ഞിന് ജന്മം നല്‍കി; പ്രസവത്തിന് പിന്നാലെ അണുബാധയേറ്റ് യുവതി മരിച്ചു; ഭര്‍ത്താവിനെതിരെ പരാതി”