കൊടൈക്കനാലില്‍ നിന്ന് ലഹരി കടത്ത്; എല്‍എസ്ഡി സ്റ്റാമ്പുകളുമായി കാസര്‍കോട് സ്വദേശി അറസ്റ്റില്‍

പാലക്കാട്: കൊടൈക്കനാലില്‍ നിന്നും എല്‍എസ്ഡി സ്റ്റാമ്പുകളുമായി എത്തിയ കാസര്‍കോട് സ്വദേശി പിടിയില്‍. കാസര്‍കോട് പിലിക്കോട് സ്വദേശി പ്രസൂണ്‍ (30) എന്ന യുവാവില്‍ നിന്ന് 29 എല്‍എസ്ഡി സ്റ്റാമ്പുകള്‍ പിടികൂടി. കൊടൈക്കനാലില്‍ റിസോര്‍ട്ട് ജീവനക്കാരനായ ഇയാള്‍ കൂട്ടുകാര്‍ക്കിടയില്‍ വില്‍പ്പന നടത്തുവാന്‍ വേണ്ടിയാണ് ലഹരി കടത്തിയതെന്നാണ് പ്രാഥമികാന്വേഷണത്തില്‍ അറിഞ്ഞത്.പാലക്കാട് റെയില്‍വേ സ്റ്റേഷനില്‍ വന്നിറങ്ങി പുറത്തേക്ക് പോകുന്നതിനായി പ്ലാറ്റ്‌ഫോം വഴി വരുമ്പോഴാണ് സംശയാസ്പദമായി കാണപ്പെട്ട യുവാവിന്റെ ബാഗുകള്‍ പരിശോധിച്ചത്. പിടികൂടിയ എല്‍എസ്ഡി സ്റ്റാമ്പുകള്‍ക്ക് വിപണിയില്‍ മൂന്ന് ലക്ഷത്തോളം രൂപ വില വരും. …

പ്രായപൂർത്തി ആകാത്ത ഭിന്നശേഷിക്കാരി പെൺകുട്ടിക്ക് നേരെ ലൈംഗികാതിക്രമം; യുവതിയും യുവാവും അറസ്റ്റിൽ

മംഗളൂരു: പ്രായപൂർത്തിയാകാത്ത ഭിന്നശേഷിക്കാരിയെ ആശുപത്രിയിൽ വെച്ച്  പീഡിപ്പിക്കാൻ ശ്രമിച്ച കേസിൽ യുവതിയും യുവാവും അറസ്റ്റിൽ.മുംബൈയിൽ താമസിക്കുന്ന ബീഹാർ സ്വദേശി അബ്ദുൾ ഹലീം,(37), കുലശേഖർ സ്വദേശിനി ഷമീനാ ബീഗം(22) എന്നിവരെയാണ് പൊലീസ് അറസ്റ്റ് ചെയ്തത്. പെൺകുട്ടിയുടെ മാതാവിന്‍റെ പരാതിയിലാണ്  പൊലീസ് കേസ്സെടുത്തത്. അറസ്റ്റിലായ ഷമീനാ ബീഗം പരാതിക്കാരിയുടെ ഇളയ സഹോദരന്‍റെ ഭാര്യയാണ്. ഈ മാസം പത്തിന് ആണ് കേസിനാസ്പദമായ സംഭവം നടക്കുന്നത്. പരാതിക്കാരിയുടെ  ഇളയ സഹോദരൻ മൻസൂർ അഹമ്മദ് ബാബ ഷെയ്ക്കും, അബ്ദുൾ ഹലീമും കാസർകോട് നിന്ന് മംഗളൂരുവിലേക്ക് …

ലൈംഗിക ബന്ധത്തിന് വഴങ്ങിയില്ല ഒൻപതാം ക്ലാസ് വിദ്യാർത്ഥിയെ ക്രൂരമായി പീഡിപ്പിച്ച്  സഹപാഠികൾ; സ്കൂൾ പ്രിൻസിപ്പൽ അടക്കം 5 പേർക്കെതിരെ പോക്സോ കേസ്സെടുത്ത് പൊലീസ്

തുംകൂർ: ലൈംഗിക ബന്ധത്തിന് വഴങ്ങാതിരുന്നതിനെ തുടർന്ന് വിദ്യാർത്ഥിയെ ക്രൂരമായി പീഡിപ്പിച്ചെന്ന പരാതിയിൽ സ്കൂൾ പ്രിൻസിപ്പൽ അടക്കം 5 പേർക്കെതിരെ പോക്സോ കേസ് എടുത്ത് കർണാടക പോലീസ്.തുംകൂറിലെ റസിഡൻഷ്യൽ സ്കൂളിലാണ് പരാതിക്കാസ്പദമായ സംഭവം നടന്നത്. റസിഡൻഷ്യൽ സ്കൂളിലെ ഹോസ്റ്റലിൽ വച്ച് സഹപാഠികൾ പീഡിപ്പിച്ചെന്നാണ് പരാതി. സിഗററ്റ് വെച്ച് ശരീരം പൊള്ളിച്ചെന്നും ബ്ലേഡും ഇരുമ്പു വടിയും ഉപയോഗിച്ച് ആക്രമിച്ചെന്നും വിദ്യാർത്ഥിയുടെ  പരാതിയിൽ പറയുന്നു. ഒൻപത്, പത്ത് ക്ലാസുകളിലെ 3 വിദ്യാർത്ഥികളാണ് പീഡനത്തിന് പിന്നിൽ. 5 മാസം മുൻപായിരുന്നു സംഭവം. ആക്രമണത്തിൽ …

മലേഷ്യയില്‍ ചെറുവിമാനം ഹൈവേയിൽ തകര്‍ന്നു വീണ് 10 പേര്‍ മരിച്ചു;  നിയന്ത്രണം നഷ്ടപ്പെട്ട് ഹൈവേയില്‍ വിമാനം വീണത് ലാൻഡിങ്ങിന് തൊട്ടു മുൻപ്

വെബ് ഡെസ്ക്:മലേഷ്യയിൽ ചെറുവിമാനം റോഡിൽ തകർന്നു വീണു 10 പേർ മരിച്ചു. വടക്കൻ മലേഷ്യയിലെ ലാൻങ്കാവിയിൽ നിന്നും ക്വാലാലംപൂരിലെ സുൽത്താൻ അബ്ദുൽ അസീസ് ഷാ വിമാനത്താവളത്തിലേക്ക് പോവുകയായിരുന്ന ചാർട്ടേഡ് വിമാനമാണ് ഹൈവെയിൽ  പൊട്ടിത്തെറിച്ച് തീഗോളമായത്. വിമാനത്തിലുണ്ടായിരുന്ന 8 പേരും റോഡിൽ യാത്ര ചെയ്യുന്ന രണ്ട് പേരും മരിച്ചതായാണ് റിപ്പോർട്ട്.4 വരി പാതയിൽ യാത്ര ചെയ്യുകയായിരുന്ന വാഹനങ്ങൾക്ക് മുകളിലേക്കാണ് വിമാനം പതിച്ചത്. വിമാനാപകടത്തിന്റെ ദൃശ്യങ്ങളിൽ അവശിഷ്ടങ്ങൾ ചിന്നിച്ചിതറി കിടക്കുന്നതും പരിസരത്തുള്ള വീടുകളും വ്യക്തമാണ്.  മരിച്ച വാഹനയാത്രികരിൽ ഒരാൾ ബൈക്കുയാത്രക്കാരനും …

കരിപ്പൂർ വിമാന താവളത്തിൽ ഒരു കോടിയിലേറെ വിലമതിക്കുന്ന സ്വർണ്ണം പിടികൂടി; 2 പേർ പിടിയിൽ

കോഴിക്കോട്: ദുബായി, അബുദാബി എന്നിവിടങ്ങളിൽ നിന്നും കോഴിക്കോട് വിമാനത്താവളത്തിൽ എത്തിയ രണ്ടു യാത്രക്കാരിൽ നിന്നായി ഒരു കോടിയിലേറെ രൂപ വിലമതിക്കുന്ന 1821 ഗ്രാം സ്വർണമിശ്രിതം എയർ കസ്റ്റംസ് പിടികൂടി. മിശ്രിത രൂപത്തിൽ സ്വർണ്ണം ശരീരത്തിലുള്ളിൽ ഒളിപ്പിച്ചു കടത്തുവാൻ ശ്രമിക്കുന്നതിനിടയിലാണ് എയർ കസ്റ്റംസ് ഇന്റലിജൻസ് ഉദ്യോഗസ്ഥർ ഇവരെ പിടികൂടിയത്. ദുബായിൽ നിന്നും ഇൻഡിഗോ വിമാനത്തിലെത്തിയ മലപ്പുറം തിരൂർ ഓമച്ചപ്പുഴ സ്വദേശിയായ യാഹ്യ കടന്നാത്തു (31) ൽ നിന്നും 860 ഗ്രാം സ്വർണമിശ്രിതം അടങ്ങിയ നാലു ക്യാപ്സ്യൂളും, അബുദാബിയിൽ നിന്നുള്ള …

1000  രൂപ കൈക്കൂലി വാങ്ങിയ മുൻ സബ് രജിസ്ട്രാർക്ക് ഒരു വർഷത്തെ  കഠിന തടവും 20000 രൂപ പിഴയും;  ശിക്ഷ വിധിച്ചത് വിജിലൻസ് കോടതി

കണ്ണൂർ: 1,000 രൂപ കൈക്കൂലി വാങ്ങിയ കേസിൽ കണ്ണൂർ സബ് രജിസ്റ്റർ ഓഫീസിലെ മുൻ സബ് രജിസ്ട്രാർ ആയിരുന്ന കെ. എം. രഘുലാധരനെ ശിക്ഷിച്ച്  തലശ്ശേരി വിജിലൻസ് കോടതി. ഒരു വർഷം കഠിന തടവും 20,000/- രൂപ പിഴയുമാണ്  ശിക്ഷ വിധിച്ചത്. 2011-ൽ കണ്ണൂർ സബ് രജിസ്ട്രാർ ആയിരുന്ന കെ. എം. രഘുലാധരൻ, പരാതിക്കാരന്റെ അച്ഛന്റെ പേരിലുള്ള വസ്തു പരാതിക്കാരന്റെ പേരിൽ വിൽപത്രപ്രകാരം മാറ്റി രജിസ്റ്റർ ചെയ്തു കൊടുക്കുന്നതിനായി 2011 നവംബർ മാസം ഒൻപതാം തിയതി ഓഫീസ്സിൽ …

ഹോട്ടലിലെ താമസത്തിനിടെ രണ്ട് തവണ കുളിച്ചാല്‍ അധികം പണം  നല്‍കേണ്ടി വരും; വിചിത്ര ബോർഡിനെതിരെ സമൂഹമാധ്യമങ്ങളിൽ വിമർശനം;  കാരണം ലളിതം

വെബ്ബ് ഡെസ്ക് : ചൈനയിലെ ഒരു ഹോട്ടലിലാണ് ഉപഭോക്താക്കളില്‍ നിന്ന് രണ്ട് തവണ കുളിച്ചാല്‍ പണം ഈടാക്കുന്നത്. ഹോട്ടലിന്റെ ഈ നയത്തിന് സോഷ്യൽ മീഡിയയിൽ  വിമർശനം ഏറ്റുവാങ്ങുകയാണ് ഇപ്പോൾ. ഈ ഹോട്ടൽ അതിന്റെ ഉപഭോക്താക്കളിൽ നിന്ന് ഒരു രാത്രിക്ക് 2,500 യുവാൻ (28,850 രൂപ) ഈടാക്കുന്നുണ്ട് എന്നതാണ് ശ്രദ്ധേയം. അതിന് പുറമെയാണ് ഈ അധിക പിഴ.തെക്കുപടിഞ്ഞാറൻ ചൈനയിലെ യുനാൻ പ്രവിശ്യയിലുള്ള ഹോട്ടലിൽ ഒരു ചൈനീസ് യുവതി രണ്ട് രാത്രി തനിക്ക് താമസിക്കാൻ മുറി ബുക്ക് ചെയ്തതോടെയാണ് വിഷയം പുറത്തറിഞ്ഞത്. …

പന്ത്രണ്ടുകാരിയെ ബലാൽസംഗം ചെയ്ത കേസിൽ പ്രതിക്ക് 97 വ‍ർഷം തടവും 8.30 ലക്ഷം പിഴയും; ശിക്ഷ വിധിച്ചത് കാസർകോട് അഡീഷണൽ ജില്ലാ സെഷൻസ് കോടതി ; കുട്ടി മൊഴി മാറ്റിയിട്ടും തെളിവുകൾ നിർണ്ണായകമായി

കാസര്‍കോട്‌: പന്ത്രണ്ടുകാരിയെ മൂന്നു വര്‍ഷക്കാലം തുടർച്ചയായി  പീഡിപ്പിച്ച കേസിലെ പ്രതിക്ക് 97 വർഷം ശിക്ഷ വിധിച്ച് കാസർകോട് അഡീഷണൽ ജില്ലാ സെഷൻസ് കോടതി. മഞ്ചേശ്വരം  കുഞ്ചത്തൂര്‍, ഉദ്യാവാറിലെ സയ്യിദ്‌ മുഹമ്മദ്‌ ബഷീറി (41)നെയാണ്‌ അഡീഷണൽ ജില്ലാ സെഷൻസ് ഒന്നാം കോടതി ജഡ്‌ജി എ.മനോജ്‌ ശിക്ഷിച്ചത്. 8.30 ലക്ഷം പിഴ അടക്കാനും കോടതി വിധിച്ചു. വിദേശത്തായിരുന്ന പ്രതി നാട്ടിലെത്തിയ സമയത്താണ്‌ കുട്ടിയെ ക്രൂരമായി പീഡിപ്പിച്ചത്. പിതാവ്‌ ഉപേക്ഷിച്ച കുട്ടിയെ പഠിക്കാനും  സഹായിക്കാനും എന്ന വ്യാജേനയാണ്‌ കുടുംബവുമായി  ഇയാൾ ബന്ധം …

നഗ്‌നയായി വീഡിയോ കോളില്‍ സംസാരിക്കാന്‍ നിര്‍ബന്ധിച്ചു; ഭാര്യയുടെ നഗ്ന ദൃശ്യം വിറ്റ് പണമുണ്ടാക്കാന്‍ ശ്രമിച്ച യുവാവിനെതിരെ കേസ്

കാസര്‍കോട്: പണത്തിനുവേണ്ടി ഭാര്യയോട് നഗ്‌നമായി വീഡിയോ കോള്‍ ചെയ്യാന്‍ നിര്‍ബന്ധിക്കുകയും വിസമ്മതിച്ചപ്പോള്‍ ശാരീരികമായി മര്‍ദ്ദിക്കുകയും ചെയ്ത ഭര്‍ത്താവിനെതിരെ നീലേശ്വരം പോലീസ് കേസെടുത്തു. നീലേശ്വരം ബങ്കളം സ്വദേശിയായ യുവാവിനെതിരെയാണ് ഭാര്യയുടെ പരാതി.പാലായിയില്‍ വാടക ക്വാര്‍ട്ടേഴ്സിലാണ് ഇവര്‍ താമസം. ആളുകളില്‍ നിന്നും പണം വാങ്ങി ഭാര്യയെ നിര്‍ബന്ധിച്ചും ഭീഷണിപ്പെടുത്തിയും അവരോട് വിവസ്ത്രയായി നിന്ന് വീഡിയോ കോള്‍ ചെയ്യാന്‍ ആവശ്യപ്പെടുകയായിരുന്നുവെന്നാണ് യുവതിയുടെ പരാതിയില്‍ പറയുന്നത്. ലക്ഷക്കണക്കിന് രൂപ കടമുണ്ടെന്നും അത് പരിഹരിക്കാന്‍ നിവൃത്തിയില്ലെന്നും അതിനാല്‍ പറയുന്ന ആള്‍ക്ക് മുന്നില്‍ വിവസ്ത്രയായി വന്ന് …

ചാണ്ടി ഉമ്മനും ,ലിജിൻ ലാലും നാമനിർദേശ പത്രിക സമർപ്പിച്ചു;പുതുപ്പള്ളി തെരഞ്ഞെടുപ്പ് ചൂടിലേക്ക്

കോട്ടയം : പുതുപ്പള്ളിയിൽ യു.ഡി.എഫ് സ്ഥാനാർത്ഥി ചാണ്ടി ഉമ്മനും എൻ.ഡി.എ സ്ഥാനാർത്ഥി ലിജിൻ ലാലും നാമനിർദേശ പത്രിക സമർപ്പിച്ചു.പുതുപ്പള്ളി മണ്ഡലം ഉപവരണാധികാരിയുടെ ഓഫീസായ പാമ്പാടി ബ്ലോക്ക് പഞ്ചായത്തിലാണ് ചാണ്ടി ഉമ്മൻ പത്രിക സമർപ്പിച്ചത്.മുതിർന്ന യുഡിഎഫ് നേതാക്കൾ ചാണ്ടി ഉമ്മനെ അനുഗമിച്ചു. ഉമ്മൻചാണ്ടി മുഖ്യമന്ത്രിയായിരിക്കെ കല്ലെറിഞ്ഞ കേസിലെ പ്രതി സിഒടി നസീറിന്‍റെ മാതാവാണ് ചാണ്ടി ഉമ്മന് കെട്ടിവെക്കാനുള്ള പണം നൽകിയത്. ഉമ്മൻചാണ്ടിയുടെ കല്ലറയിലെത്തി പ്രാർത്ഥിച്ച ശേഷം അമ്മക്കും സഹോദരിമാർക്കും ഒപ്പമാണ് ചാണ്ടി ഉമ്മൻ നാമനിർദേശ പത്രിക സമർപ്പിക്കാൻ എത്തിയത്. …

കാസര്‍കോട് പാളത്തില്‍ കല്ലും ക്ലോസറ്റിന്‍റെ പൊട്ടിയ കഷണങ്ങളും; കല്ലേറിന് പിന്നാലെ അട്ടിമറി ശ്രമവും; റെയില്‍വേ അന്വേഷണം തുടങ്ങി

കാസര്‍കോട്: റെയില്‍വേ പാളത്തില്‍ കല്ലും ക്ലോസറ്റിന്റെ പൊട്ടിയ കഷണങ്ങളും വച്ച് ട്രെയിന്‍ അട്ടിമറി ശ്രമമെന്ന് സംശയം. കാസര്‍കോട് ചെമ്പരിക്ക തുരങ്കത്തിനടുത്താണ് സംഭവം. കാസര്‍കോടുനിന്നും പുറപ്പെട്ട കോയമ്പത്തൂര്‍- മംഗളൂരു ഇന്റര്‍സിറ്റി എക്‌സ്പ്രസ് ട്രെയിനിലെ ലോക്കോ പൈലറ്റാണ് പാളത്തില്‍ ക്ലോസറ്റും കല്ലും മറ്റും ആദ്യം കണ്ടത്. ട്രെയിന്‍ പോകുന്നതിനിടെ എന്തോ തട്ടിയതായി ശ്രദ്ധയില്‍പെടുകയായിരുന്നു. തുടര്‍ന്ന് കാസര്‍കോട് റെയില്‍വേ സ്റ്റേഷന്‍ മാസ്റ്ററെ വിവരം അറിയിക്കുകയായിരുന്നു. തുടര്‍ന്ന് ആര്‍പിഎഫും റെയില്‍ പൊലീസും ലോക്കല്‍ പൊലീസും സ്ഥലത്തെത്തി പരിശോധന നടത്തി. തുരങ്കത്തിന് സമീപം ട്രാക്കില്‍ …

പഠനത്തിനിടെ കൃഷിയും; മികച്ച കര്‍ഷകനായി ഒമ്പതാം ക്ലാസുകാരന്‍

കാസര്‍കോട്: ഒമ്പതാം ക്ലാസ് വിദ്യാര്‍ത്ഥിയെ നീലേശ്വരം നഗരസഭയിലെ മികച്ച വിദ്യാര്‍ത്ഥി കര്‍ഷകനായി തെരഞ്ഞെടുത്തു. കാഞ്ഞങ്ങാട് ദുര്‍ഗ്ഗാ ഹൈസ്‌ക്കൂളിലെ വിദ്യാര്‍ത്ഥി വി.കെ.വിശ്വജിത്താണ് പരുസ്‌കാരം നേടിയ കുട്ടികര്‍ഷകന്‍. കര്‍ഷക ദിനത്തില്‍ നഗരസഭ കാര്‍ഷിക വികസന കര്‍ഷകക്ഷേമ വിഭാഗം വിശ്വജിത്തിനെ ആദരിച്ചു. ഹൊസ്ദുര്‍ഗ്ഗ് കടപ്പുറത്തെ ഓട്ടോ ഡ്രൈവര്‍ വത്സലന്റെയും ഷീബയുടെ മകനാണ് വിശ്വജിത്ത്. പഠനത്തിനും പാഠ്യേതര വിഷയങ്ങളിലും പ്രകടിപ്പിക്കുന്ന മികവ് മൂന്നു വര്‍ഷമായി കൃഷിയിലും പുലര്‍ത്തുന്നുണ്ട്. വീടിനടുത്ത 38 സെന്റ് വയലില്‍ കപ്പ, മധുരക്കിഴങ്ങ്, ചോളം, ചീര, വെള്ളരിക്ക എന്നിവ ആദായകരമായി …

കൈതോലപ്പായയിൽ പണം കടത്തിയത് മുഖ്യമന്ത്രി പിണറായി വിജയനെന്ന് ജി ശക്തിധരൻ; കൊണ്ട് പോയത് 2.35 കോടി രൂപ ; പണം എകെജി സെന്‍ററിലെത്തിച്ചത് മന്ത്രി രാജീവ് എന്നും ശക്തിധരൻ; മാസപ്പടി വിവാദത്തിന് പിന്നാലെ സിപിഎമ്മിനെ പ്രതിരോധത്തിലാക്കി പുതിയ വെളിപ്പെടുത്തൽ

തിരുവനന്തപുരം:കൈതോലപ്പായയിൽ പണം കടത്തിയ നേതാവ് പിണറായി വിജയനാണെന്ന് വെളിപ്പെടുത്തി ദേശാഭിമാനി മുൻ അസോസിയേറ്റ് എഡിറ്റർ ജി ശക്തിധരൻ. പായയിൽ പൊതിഞ്ഞ് പണം എറണാകുളത്തെ ദേശാഭിമാനി ഓഫീസിൽ നിന്ന് കൊണ്ട് പോയത് അന്നത്തെ പാർട്ടി സെക്രട്ടറി ആയിരുന്ന പിണറായി വിജയൻ ആയിരുന്നെന്നും എകെജി സെന്‍ററിൽ പണമെത്തിച്ചത് ഇപ്പോഴത്തെ വ്യവസായ മന്ത്രി പി രാജീവാണെന്നും ജി ശക്തിധരൻ ഫേസ് ബുക്ക് പോസ്റ്റിൽ കുറിച്ചു. കോവളത്തെ ഹോട്ടലിൽ നിന്ന് ഒരേ വലിപ്പമുള്ള രണ്ട് കവറുകളിൽ പണവുമായി വന്നത് പിണറായാണെന്നും ശക്തിധരൻ ആരോപിക്കുന്നുണ്ട്. …

പന്തല്‍ തൊഴിലാളിയെ വീട്ടില്‍ തൂങ്ങി മരിച്ച നിലയില്‍ കണ്ടെത്തി

ചെറുവത്തൂര്‍: പന്തല്‍ നിര്‍മ്മാണ തൊഴിലാളിയെ വീട്ടില്‍ തൂങ്ങി മരിച്ച നിലയില്‍ കണ്ടെത്തി. വലിയ പറമ്പ് സ്വദശി കെ.വി.വിനോദ് (46)ആണ് ജീവനൊടുക്കിയത്. വലിയപറമ്പിലെ അര്‍ജുന്‍ ലൈറ്റ് ആന്റ് സൗണ്ട് സ്ഥാപനത്തിലെ ജീവനക്കാരനായിരുന്നു. വീട്ടില്‍ ഒറ്റക്കായിരുന്നു താമസം. ബുധനാഴ്ച രാത്രിയോടെ പൂട്ടിയ വീട്ടില്‍ നിന്ന് ദുര്‍ഗന്ധം വമിച്ചതിനെ തുടര്‍ന്ന് പരിസരവാസികള്‍ പോലീസിനെ വിവരം അറിയിക്കുകയായിരുന്നു. ഇന്‍ക്വസ്റ്റ് നടപടിക്ക് ശേഷം മൃതദേഹം പരിയാരം മെഡിക്കല്‍ കോളജില്‍ പോസ്റ്റുമോര്‍ട്ടം നടത്തി.പരേതനായ അമ്പുക്കുഞ്ഞിന്റെയും തമ്പായിയുടേയും മകനാണ്. ഭാര്യ: ശീലാവതി. മക്കള്‍: ശ്രീലക്ഷ്മി, ആദിലക്ഷ്മി (ഇരുവരും …

പശു കടത്താരോപിച്ച്  കാസർകോട്  സ്വദേശികൾക്ക് നേരെ മംഗളൂരു വിട്ളയിൽ ആക്രമണം; 4 പേർക്ക് പരിക്ക്; 5 പേർക്കെതിരെ   കേസ്സെടുത്തു

കാസർകോട്: പിക്കപ്പ് ലോറിയിൽ കേരളത്തിലേയ്‌ക്ക്‌ കന്നുകാലികളെ കടത്തുകയായിരുന്ന മഞ്ചേശ്വരം സ്വദേശികളടക്കമുള്ള 4 പേരെ  വാഹനങ്ങളിലെത്തിയ  സംഘം വഴിയിൽ തട‌ഞ്ഞ്  നിര്‍ത്തി മര്‍ദ്ദിച്ചു. ക‍ർണാടകയിലെ വിട്ലയിലാണ് സംഭവം. കേരളത്തിലേയ്‌ക്ക്‌ കന്നുകാലികളെ കൊണ്ടുവരികയായിരുന്നു. മഞ്ചേശ്വരം ബാക്രവയലിലെ ഇബ്രാഹിം എന്ന മോനു, മൂസ, കന്യാനയിലെ ഹമീദ്‌ എന്ന ജലീല്‍, സാലത്തൂരിലെ ഹമീദ്‌ എന്നിവർക്കാണ്  വിട്ള അള്ക്കയിൽ വച്ച് മർദ്ദനമേറ്റത്. കന്നുകാലികളെ കൊണ്ട് വരുന്ന വിവരമറിഞ്ഞ് പിൻതുടർന്ന് കാറിലും ബൈക്കിലുമെത്തിയ സംഘമാണ് ആക്രമണം അഴിച്ചുവിട്ടത്. കാലികളെ കൊണ്ട് വന്ന വാഹനവും അക്രമികൾ നശിപ്പിച്ചു. …

യുവതിയെ വിവാഹം ചെയ്തുകൊടുക്കാന്‍ തയ്യാറായില്ല, പിതാവിനെ വീട്ടില്‍കയറി വെട്ടിപ്പരിക്കേല്‍പിച്ചു യുവാവ്

കണ്ണൂര്‍: മകളെ വിവാഹം ചെയ്തുകൊടുക്കാത്തതിന്റെ വൈരാഗ്യത്തില്‍ പിതാവിനെ വീട്ടില്‍കയറി വെട്ടിപ്പരിക്കേല്‍പിച്ചു. ഇരിക്കൂര്‍ മാമാനം സ്വദേശിയും മാത്തില്‍ ചൂരലില്‍ വാടകവീട്ടില്‍ താമസക്കാരുമായ രാജേഷിനാണ്(45) വെട്ടേറ്റത്. വ്യാഴാഴ്ച പുലര്‍ച്ചെ രണ്ടരയോടെയായിരുന്നു സംഭവം. സംഭവത്തില്‍ പ്രതിയായ കണ്ണൂര്‍ തയ്യില്‍ സ്വദേശി അക്ഷയ് ഒളിവില്‍ പോയി. പിന്നീട് കണ്ണൂര്‍ സിറ്റി പോലീസ് പ്രതിയെ പിടികൂടി പെരിങ്ങോം പോലീസിനു കൈമാറി. തലയിലും മുഖത്തും വെട്ടേറ്റ രാജേഷ് പരിയാരം മെഡിക്കല്‍ കോളജില്‍ ചികില്‍സയിലാണ്. ചൂരലിലെ ചെങ്കല്ല് ലോഡിംഗ് തൊഴിലാളിയാണ് രാജേഷ്. രാജഷിന്റെ മകളും അക്ഷയും തമ്മില്‍ …

കാസർകോട് നിന്നുള്ള ആശുപത്രി മാലിന്യം കർണാടകയിൽ കൊണ്ട് പോയി തള്ളി; വാഹനം പിടികൂടി പൊലീസിൽ ഏൽപ്പിച്ച് നാട്ടുകാർ

മംഗളൂരു: കാസർകോട്ടെ ആശുപത്രിയിൽ നിന്നുള്ള മാലിന്യം കർണാടകയിലെ  പാതയോരത്ത് കൊണ്ട് പോയി തള്ളിയ സംഭവത്തിൽ വാഹനവും ഡ്രൈവറേയും  നാട്ടുകാർ പിടികൂടി പൊലീസിൽ ഏൽപ്പിച്ചു.കാഞ്ഞങ്ങാട് – കല്ലട പാതയോരത്ത് ഉക്കാടത്തെ ഒഴിഞ്ഞ പറമ്പിലാണ് ലോറിയിൽ ആശുപത്രി മാലിന്യം കൊണ്ട് പോയി തള്ളിയത്.കഴിഞ്ഞ ദിവസമായിരുന്നു സംഭവം. കുറച്ച് ദിവസങ്ങൾക്ക് മുൻപ് ചെല്ലട്ക്ക അമേയ റോഡിലുള്ള കേപ്പുവിൽ ആശുപത്രി മാലിന്യം തള്ളിയത് ശ്രദ്ധയിൽപ്പെട്ടതിന് തുടർന്ന് നാട്ടുകാർ വിട്ട്വാൾ പൊലീസിൽ വിവരം അറിയിച്ചിരുന്നു. ഇതേ വാഹനം തന്നെയാണ് അന്നും മാലിന്യം തള്ളിയതെന്ന്  വ്യക്തമായതിന്‍റെ …

കാപ്പ കേസിലെ പ്രതിയെ സ്റ്റേഷനിലേക്ക് വിളിച്ച് വരുത്തി; പ്രതിയുടെ 60,000 രൂപ വിലയുള്ള പേന അടിച്ചുമാറ്റി പോലീസ് ഉദ്യോഗസ്ഥന്‍

പാലക്കാട്: പ്രതിയുടെ 60,000 രൂപ വിലയുള്ള പേന എസ്എച്ച്ഒ കൈവശപ്പെടുത്തിയതായി ആരോപണം. പാലക്കാട് തൃത്താല പൊലീസ് സ്റ്റേഷനിലാണ് സേനയെ നാണം കെടുത്തിയ സംഭവം. ഞാങ്ങാട്ടിരി സ്വദേശി ഫൈസലിന്റെ പക്കല്‍ ഉണ്ടായിരുന്ന മൗണ്ട് ബ്ലാങ്ക് പേനയാണ് എസ്എച്ച്ഒ വിജയകുമാര്‍ കൈവശപ്പെടുത്തിയത്. സംഭവത്തില്‍ പൊലീസുകാരനെതിരെ വകുപ്പുതല നടപടിക്ക് ജില്ലാ പൊലീസ് മേധാവി തന്നെ ശുപാര്‍ശ നല്‍കി. ഗുരുതര കൃത്യവിലോപം എസ്എച്ച്ഒയുടെ ഭാഗത്തുനിന്ന് ഉണ്ടായതായാണ് ജില്ലാ പൊലീസ് മേധാവിയുടെ റിപ്പോര്‍ട്ട്. കാപ്പ നടപടികള്‍ക്ക് വേണ്ടി സ്റ്റേഷനിലേക്ക് വിളിച്ച് വരുത്തിയപ്പോഴാണ് ഫൈസലിന്റെ പേന …