18 വയസ്സില് താഴെയുള്ളവരുടെ പരസ്പര സമ്മതത്തോടെയുള്ള ലൈംഗിക ബന്ധം കുറ്റമല്ലാതാക്കണം; പൊതുതാല്പര്യ ഹര്ജിയില് സുപ്രീം കോടതി കേന്ദ്ര സര്ക്കാരിന്റെ അഭിപ്രായം തേടി
ന്യൂഡല്ഹി: പതിനാറിനും പതിനെട്ടിനും ഇടയില് പ്രായമുള്ളവര് പരസ്പര സമ്മതത്തോടെ ലൈംഗിക ബന്ധത്തില് ഏര്പ്പെടുന്നത് കുറ്റകരമല്ലാതാക്കണമെന്ന പൊതുതാല്പര്യ ഹര്ജിയില് സുപ്രീം കോടതി കേന്ദ്ര സര്ക്കാരിന്റെ അഭിപ്രായം തേടി. ഈ പ്രായമുള്ളവര് ഉഭയകക്ഷി സമ്മതത്തോടെ ലൈംഗിക ബന്ധത്തില് ഏര്പ്പെട്ടാലും പീഡനക്കുറ്റം ചുമത്തിയാണ് നിലവില് കേസെടുക്കുന്നത്. ഇത് ഒഴിവാക്കണമെന്നാണ് ഹര്ജി. ചീഫ് ജസ്റ്റിസ് ഡി.വൈ.ചന്ദ്രചൂഡ്, ജസ്റ്റിസുമാരായ ജെ.ബി.പര്ദിവാല, മനോജ് മിശ്ര എന്നിവരടങ്ങുന്ന ബെഞ്ചാണ് ഹര്ജി പരിഗണിച്ചത്. കേന്ദ്ര ആഭ്യന്തര മന്ത്രാലയം, നിയമ മന്ത്രാലയം, വനിതാ കമ്മിഷന് ഉള്പ്പെടെയുള്ള ഭരണഘടനാസ്ഥാപനങ്ങള്ക്കാണ് നോട്ടിസ് അയച്ചത്. …
