Author: Web Desk

കാസർകോട് : പനി മൂര്‍ച്ഛിച്ചതിനെ തുടര്‍ന്ന്‌ മഞ്ചേശ്വരം ദേര്‍ളക്കട്ട ആശുപത്രിയില്‍ ചികിത്സയിലായിരുന്ന നാലു വയസുകാരി മരിച്ചു. മീഞ്ച പട്ടത്തമൊഗറു കുത്തുറുവിലെ ഫോട്ടോഗ്രാഫറായ ദീക്ഷിതിന്റെ മകള്‍ ആത്മി (4)യാണ്‌ മരിച്ചത്‌. മൂന്നുദിവസം മുമ്പാണ്‌ കുട്ടിക്ക്‌ പനി ബാധിച്ചത്‌. മാതാവ്‌ ശില്‍പ. സഹോദരി ധ്വനി.

കാസർകോട്: ശ്വാസ തടസ്സത്തെ  തുടര്‍ന്ന് പിഞ്ചുകുഞ്ഞ് മരിച്ചു. കാഞ്ഞങ്ങാട് പടന്നക്കാട് കരുവളം സ്വദേശിയും പ്രവാസിയുമായ മധുസൂദനന്‍റെയും രജിലയുടെയും  രണ്ടു വയസ്സുള്ള മകൻ അഹാന്‍ കൃഷ്ണയാണ് മരിച്ചത്. ബുധനാഴ്ച  രാത്രി ശ്വാസം മുട്ടൽ അനുഭവപ്പെട്ടതിനെ തുടര്‍ന്ന് കുഞ്ഞിനെ ആദ്യം പടന്നക്കാട്ടെ സ്വകാര്യ ആശുപത്രിയിലെത്തിച്ചിരുന്നു.  നില ഗുരുതരമായതിന് പിന്നാലെ കാഞ്ഞങ്ങാട് സണ്‍റൈസ് ആശുപത്രിയില്‍ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. സഹോദരന്‍: അയാന്‍ കൃഷ്ണ.  ഓണം ആഘോഷിക്കാൻ ഏതാനും ദിവസം മുമ്പാണ് കുട്ടിയുടെ പിതാവ് മധുസൂദനൻ നാട്ടിലെത്തിയത്.