Saturday, 29 August 2026, 21:45 : Karaval Daily

തൈക്കടപ്പുറത്ത് കടലിൽ കുളിക്കാനിറങ്ങിയ യുവാവിനെ കാണാതായി, തിരച്ചിൽ തുടങ്ങി

by Web EditorLocal News Saturday, 29 August 2026, 21:45Sunday, 30 August 2026, 6:29No Comments

കാസർകോട്: തൈക്കടപ്പുറം സി റോഡ് കടപ്പുറത്ത് കടലിൽ കുളിക്കാനിറങ്ങിയ യുവാവിനെ കാണാതായി. സ്റ്റോർ ജംഗ്ഷനിലെ ഹനീഫയുടെയും റഹ്മത്തിന്റെയും മകൻ അജ്മ( 22)ലിനെയാണ് കാണാതായത്. ശനിയാഴ്ച വൈകിട്ട് ആറുമണിയോടെയാണ് സംഭവം. അജ്മലിന്റെ വസ്ത്രവും മൊബൈൽ ഫോണും കരയിൽ നിന്ന് കണ്ടെത്തിയിരുന്നു. വിവരത്തെ തുടർന്ന് എത്തിയ കോസ്റ്റൽ പൊലീസും നാട്ടുകാരും സംയുക്തമായി തിരച്ചിൽ നടത്തുന്നുണ്ട്. ഫിഷറീസിന്റെ ബോട്ടും തിരച്ചിലിനായി എത്തി. രക്ഷാപ്രവർത്തനത്തിന് കോസ്റ്റ് ഗാർഡിനെ എത്തിക്കാനായി ശ്രമം തുടങ്ങിയതായി രാജ്മോഹൻ ഉണ്ണിത്താൻ എംപി അറിയിച്ചു. രാത്രികാല മത്സ്യബന്ധനത്തിന് ഇറങ്ങുന്ന തൊഴിലാളികളോട് …

യൂട്യൂബർ സ്വാലിഹ് വളാഞ്ചേരി അന്തരിച്ചു

by Web Editorsea erosion will affect kerala cost seriously, State Saturday, 29 August 2026, 18:22Saturday, 29 August 2026, 18:22No Comments

മലപ്പുറം: പ്രമുഖ യൂട്യൂബർ സ്വാലിഹ് വളഞ്ചേരി അന്തരിച്ചു. 36വയസായിരുന്നു. പെരിന്തൽമണ്ണയിലെ സ്വകാര്യ ആശുപത്രിയിൽ ശനിയാഴ്ച വൈകുന്നേരത്തോടെയാണ് അന്ത്യം. ശ്വാസ സംബന്ധമായ അസുഖത്തെ തുടർന്ന് ചികിത്സയിലായിരുന്നു. രാവിലെ വളാഞ്ചേരിയിലെ ആശുപത്രിയിൽ സ്വാലിഹ് നേരിട്ട് ആണ് എത്തിയത്. ഉച്ചയ്ക്ക് അസുഖം വർധിച്ചതോടെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.മലപ്പുറം വളാഞ്ചേരി കരേക്കാട് സ്വദേശിയാണ്. സമൂഹമാധ്യമങ്ങളിൽ സജീവമായിരുന്നു സ്വാലിഹ്. വലിയ സൗഹൃദ വലയത്തിനും ഉടമയായിരുന്നു. സമൂഹ മാധ്യമങ്ങളിൽ വീഡിയോകൾ ചെയ്ത് തന്റെ വിശേഷങ്ങളും ചില മൂല്യ വർദ്ധിത ഉല്പന്നങ്ങൾ വില്പനയുടെ വിവരങ്ങൾ പ്രേക്ഷകരുമായി …

നേരം പുലര്‍ന്നതു കാന്തപുരം സമസ്ത ഇനിയും അറിയുന്നില്ല: കെ കെ ശൈലജ

by WEB EDITORState Saturday, 29 August 2026, 17:17Saturday, 29 August 2026, 17:17No Comments

കണ്ണൂര്‍: കാന്തപുരം വിഭാഗത്തിന്റെ സ്ത്രീകളോടുള്ള സമീപനം കാലത്തിനു നിരക്കാത്തതും അങ്ങേയറ്റം സ്ത്രീ വിരുദ്ധവുമാണെന്നു സി പി എം നേതാവും മുന്‍ ആരോഗ്യ മന്ത്രിയുമായ കെ കെ ശൈലജ അപലപിച്ചു.സ്ത്രീകളെ പൊതു നിരത്തുകളിലും വേദികളിലും പ്രദര്‍ശിപ്പിക്കുന്നതു ശരിയല്ലെന്ന കാന്തപുരം വിഭാഗം പ്രസ്താവനയെ അവര്‍ വിമര്‍ശിച്ചു. നിരവധി വിദ്യാഭ്യാസ-സാമൂഹ്യ സേവന സ്ഥാപനങ്ങള്‍ നടത്തുന്ന സമസ്തയില്‍ നിന്ന് ഇത്തരമൊരഭിപ്രായ പ്രകടനമുണ്ടാവുന്നതു അപലപനീയമാണെന്നു ഫേസ് ബുക്ക് കുറിപ്പില്‍ അവര്‍ പറഞ്ഞു. ഇതു സ്ത്രീ വിരുദ്ധമാണ്. സംസ്ഥാനത്തു മുസ്ലീം സ്ത്രീകള്‍ ഉന്നത വിദ്യാഭ്യാസം നേടിയവരാണ്. …

കോണ്‍ഗ്രസ്- സി പി എം ഭായ് ഭായ്; ആലപ്പുഴ ചെന്നാം പള്ളിപ്പുറം ഗ്രാമപഞ്ചായത്തിലെ ബി ജെ പി അംഗമായ പഞ്ചായത്ത് പ്രസിഡന്റിനെ അവിശ്വാസ പ്രമേയത്തിലൂടെ പുറത്താക്കി

by WEB EDITORState Saturday, 29 August 2026, 16:55Saturday, 29 August 2026, 16:56No Comments

ആലപ്പുഴ: മാറിയ രാഷ്ട്രീയ സാഹചര്യത്തില്‍ സി പി എം കോണ്‍ഗ്രസ്സുമായി അടുക്കുന്നു.ബി ജെ പി ഭരണത്തിലായിരുന്ന ആലപ്പുഴയിലെ ചേര്‍ത്തല ചെന്നാംപള്ളിപ്പുറം ഗ്രാമപഞ്ചായത്ത് പ്രസിഡന്റായ ബി ജെ പി അംഗം വി വിനീതയെ കോണ്‍ഗ്രസ്- സി പി എം കൂട്ടുകെട്ട് അവിശ്വാസത്തിലൂടെ പുറത്താക്കി.19 അംഗപഞ്ചായത്തില്‍ ബി ജെ പിക്കും കോണ്‍ഗ്രസിനും ഏഴ് അംഗങ്ങള്‍ വീതമാണുള്ളത്. സി പി എമ്മിന് അഞ്ചംഗങ്ങളുണ്ട്. പഞ്ചായത്ത് പ്രസിഡന്റ്, വൈസ് പ്രസിഡന്റ് തിരഞ്ഞെടുപ്പില്‍ ഏഴ് അംഗങ്ങള്‍ വീതമുള്ള കോണ്‍ഗ്രസും ബി ജെ പിയും മത്സരിച്ചെങ്കിലും …

ഉപ്പള ഗേറ്റില്‍ സര്‍വീസ് റോഡിലെ ഓവുചാലിലെ വെള്ളക്കെട്ടില്‍ ബൈക്ക് കണ്ടെത്തി; ആളുണ്ടോയെന്ന് സംശയം, ഫയര്‍ഫോഴ്‌സ് തിരച്ചില്‍ തുടങ്ങി

by Web EditorLocal News Saturday, 29 August 2026, 16:30Saturday, 29 August 2026, 16:34No Comments

കാസര്‍കോട്: ഉപ്പള ഗേറ്റിന് സമീപം ദേശീയപാതയിലെ സര്‍വീസ് റോഡിലെ ഓവുചാലിലെ വെള്ളക്കെട്ടില്‍ ബൈക്ക് കണ്ടെത്തി. വെള്ളത്തില്‍ മുങ്ങിയ നിലയിലായിരുന്നു ബൈക്ക്. വെള്ളത്തില്‍ ബൈക്ക് യാത്രക്കാരന്‍ വീണിട്ടുണ്ടാകുമോ എന്ന സംശയത്തെ തുടര്‍ന്ന് ഫയര്‍ഫോഴ്‌സ് തിരച്ചില്‍ തുടങ്ങി. ശനിയാഴ്ച ഉച്ചയോടെയാണ് ഓവുചാലില്‍ ബൈക്ക് കണ്ടെത്തിയത്. നിര്‍മാണ പ്രവര്‍ത്തനങ്ങളുടെ ഭാഗമായി ഓവുചാലിലെ വെള്ളം വറ്റിച്ചപ്പോഴാണ് ബൈക്ക് കണ്ടത്. ഒരുമാസം മുമ്പാണ് ഇവിടെ ഓവുചാല്‍ നിര്‍മിച്ചത്. വിവരത്തെ തുടര്‍ന്ന് മഞ്ചേശ്വരം പൊലീസും സ്ഥലത്തെത്തിയിട്ടുണ്ട്.

മലപ്പുറത്ത് 10 കിലോ എംഡിഎംഎയുമായി മൂന്നു പേര്‍ പിടിയില്‍; സംസ്ഥാനത്തെ ഏറ്റവും വലിയ എംഡിഎംഎ വേട്ട

by WEB EDITORState Saturday, 29 August 2026, 16:16Saturday, 29 August 2026, 16:16No Comments

മലപ്പുറം: മലപ്പുറത്ത് 10 കിലോ എംഡിഎംഎ പിടിച്ചു. സംസ്ഥാനത്തെ ഏറ്റവും വലിയ എംഡിഎംഎ വേട്ടയാണിത്. മലപ്പുറം ജില്ലയിലെ മഞ്ചേരിയില്‍ നിന്നാണ് ഇത്രയധികം എംഡിഎംഎ പിടികൂടിയത്. മൂന്നു പേരും അറസ്റ്റിലായിട്ടുണ്ട്.മഞ്ചേരിയില്‍ നിന്ന് നേരത്തെ 96 ഗ്രാം എംഡിഎംഎയുമായി ആറുപേരെ പിടികൂടിയിരുന്നു. ഇവരില്‍ നിന്നു ലഭിച്ച വിവരങ്ങളുടെ അടിസ്ഥാനത്തില്‍ നടത്തിയ പരിശോധനയിലാണ് 10 കിലോയിലധികം എംഡിഎംഎയുമായി മൂന്നു പേര്‍ പിടിയിലായത്. പിടിയിലായവരെ ചോദ്യം ചെയ്തു കൊണ്ടിരിക്കുകയാണ്. ആര്, എവിടെ നിന്നാണ് എംഡിഎംഎ എത്തിച്ചത്, ആരൊക്കെയാണ് സബ് ഏജന്റുമാര്‍ എവിടെയൊക്കെയാണ് വിതരണം …

ഗണേശ ചതുർത്ഥി: സെപ്റ്റംബര്‍ 14-ന് കാസര്‍കോട് ജില്ലയില്‍ പ്രാദേശിക അവധി

by Web EditorLocal News Saturday, 29 August 2026, 16:03Saturday, 29 August 2026, 16:04No Comments

കാസര്‍കോട്: ഗണേശ ചതുർത്ഥി ആഘോഷങ്ങളോടനുബന്ധിച്ച് സെപ്റ്റംബര്‍ 14 തിങ്കളാഴ്ച കാസര്‍കോട് ജില്ലയിലെ എല്ലാ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും ജില്ലാകളക്ടര്‍പ്രാദേശിക അവധി പ്രഖ്യാപിച്ചു. മുന്‍കൂട്ടി നിശ്ചയിച്ചിട്ടുള്ള യൂണിവേഴ്സിറ്റി പരീക്ഷകള്‍, സ്‌കൂള്‍ ബോര്‍ഡ് പരീക്ഷകള്‍, മറ്റ് പൊതു നിയമന പരീക്ഷകള്‍ എന്നിവയ്ക്ക് അവധി ബാധകമല്ല. ഈ പരീക്ഷകള്‍ നിശ്ചയിച്ചത് പ്രകാരം നടക്കും. അവശ്യ സേവനങ്ങള്‍, സര്‍ക്കാര്‍ ട്രഷറികള്‍, നെഗോഷ്യബിള്‍ ഇന്‍സ്ട്രുമെന്റ്‌സ് ആക്ട് പ്രകാരം പ്രവര്‍ത്തിക്കുന്ന വാണിജ്യ ബാങ്കിംഗ് സ്ഥാപനങ്ങള്‍ എന്നിവ സാധാരണ നിലയില്‍ പ്രവര്‍ത്തിക്കുന്നതാണെന്ന് ജില്ലാ കളക്ടര്‍ അര്‍ജുന്‍ …

മൂന്നുവയസുള്ള കുഞ്ഞിനെ സ്‌കൂട്ടറിലിരുത്തി പിതാവും മാതാവും പുഴയില്‍ ചാടി, തിരച്ചില്‍ തുടങ്ങി

by Web EditorNational Saturday, 29 August 2026, 15:55Saturday, 29 August 2026, 15:55No Comments

ഹൈദരാബാദ്: മൂന്നുവയസുള്ള കുഞ്ഞിനെ സ്‌കൂട്ടറില്‍ ഇരുത്തി മാതാപിതാക്കള്‍ ഗോദാവരി നദിയില്‍ ചാടി. കുട്ടിയുടെ കരച്ചില്‍ കേട്ടാണ് സംഭവം പുറംലോകമറിയുന്നത്. വ്യാഴാഴ്ച രാത്രി ആന്ധ്രാപ്രദേശ് വെസ്റ്റ് ഗോദാവരി ജില്ലയിലെ വസിഷ്ഠ പാലത്തിലാണ് ആണ് സംഭവം. വേല്‍പൂരു ഗ്രാമത്തില്‍ താമസിക്കുന്ന ദൊഡ്ഡ സായി (29), ഭാര്യ ശിരീഷ (28) എന്നിവരാണ് മകനൊപ്പം സ്‌കൂട്ടറില്‍ പാലത്തിലെത്തിയത്. രാത്രി 10 മണിയോടെ എത്തിയ ദമ്പതികള്‍ കുട്ടിയെ സ്‌കൂട്ടറില്‍ ഇരുത്തിയ ശേഷം നദിയിലേക്ക് ചാടുകയായിരുന്നുവെന്ന് പൊലീസ് പറഞ്ഞു. പിന്നാലെ എത്തിയ വാഹനയാത്രക്കാരാണ് കുട്ടിയെ പാലത്തില്‍ …

പൂരക്കളരി ഇനി പുലിമട; സ്വരാജ് റൗണ്ടിലിറങ്ങാന്‍ ഒരുങ്ങി 500വോളം പുലികള്‍

by WEB EDITORState Saturday, 29 August 2026, 15:26Saturday, 29 August 2026, 15:26No Comments

തൃശ്ശൂര്‍: ഇന്ന് നാലുമണിയോടെ തൃശ്ശൂര്‍ നഗരത്തില്‍ പുലിയിറങ്ങാന്‍ പോകുന്നു. ഒന്നും രണ്ടുമല്ല, അഞ്ഞൂറോളം പുലികള്‍. ആണ്‍പുലികളും പെണ്‍പുലികളും മാത്രമല്ല ട്രാന്‍സ്‌ജെന്‍ഡര്‍ പുലികളും കുട്ടിപ്പുലികളും കൂട്ടത്തിലുണ്ട്. അയ്യന്തോള്‍, കുട്ടന്‍ കുളങ്ങര, സീതാറാം മില്‍, ചക്കാമുക്ക്, നായ്ക്കനാല്‍, വിയ്യൂര്‍, ശങ്കരം കുളങ്ങര, പാട്ടുരായ്ക്കല്‍, ഒളേരിക്കര എന്നിവിടങ്ങളില്‍ നിന്നാണ് പുലിക്കൂട്ടങ്ങള്‍ സ്വരാജ് റൗണ്ടില്‍ എത്തുന്നത്. മന്ത്രി ഒ.ജെ ജിനീഷ് ഫ്‌ളാഗ് ഓഫ് ചെയ്യുന്നതോടെ പൂരക്കളിക്കളരി പുലി മടയായി മാറും. നാടിന് ഇത് ഹരം പകരും. കുട്ടികള്‍ക്ക് അവിസ്മരണീയ അനുഭവമാകും.51 പുലികളും വാദ്യസംഘവും …

ലഹരിക്കടിമയായ മകന്‍ പിതാവിനെ വെട്ടിക്കൊലപ്പെടുത്തി; പ്രതി കസ്റ്റഡിയില്‍

by Web EditorState Saturday, 29 August 2026, 15:13Saturday, 29 August 2026, 15:13No Comments

തൃശൂര്‍: തൊയക്കാവില്‍ പിതാവിനെ മകന്‍ വെട്ടിക്കൊലപ്പെടുത്തി. മത്സ്യത്തൊഴിലാളിയായ വേലിയത്ത് കുമാരന്‍ (75) ആണ് കൊല്ലപ്പെട്ടത്. പ്രതിയായ മകന്‍ പ്രജീഷിനെ പൊലീസ് കസ്റ്റഡിയിലെടുത്തു. ശനിയാഴ്ച ഉച്ചയോടെയാണ് സംഭവം. മത്സ്യബന്ധനത്തിന് ശേഷം വീട്ടിലെത്തിയ കുമാരനെ ലഹരിയിലായിരുന്ന മകന്‍ ആക്രമിക്കുകയായിരുന്നുവെന്നാണ് വിവരം. ഗുരുതരമായി പരിക്കേറ്റ കുമാരനെ ഉടന്‍തന്നെ അടുത്തുള്ള ആശുപത്രിയില്‍ എത്തിച്ചു. ചികില്‍സക്കിടെ മരിച്ചു. പ്രതി പ്രജീഷ് ലഹരിക്കടിമയാണെന്ന് പൊലീസ് പറയുന്നു.

മാവേലിയുടെ മുഖത്തും ശരീരത്തും തിളച്ച എണ്ണ കോരിയൊഴിച്ചു; കായംകുളത്ത് പെട്ടിക്കടയുടമക്കെതിരെ പരാതി

by WEB EDITORLocal News Saturday, 29 August 2026, 14:55Saturday, 29 August 2026, 14:55No Comments

ആലപ്പുഴ: കായംകുളത്ത് മാവേലിയുടെ മുഖത്തും ദേഹത്തും തിളച്ച എണ്ണ കോരി ഒഴിച്ചതായി പരാതി.ഓണം നാളുകളില്‍ മാവേലിയുടെ വേഷം കെട്ടി നാട്ടില്‍ സന്തോഷാനുഭവം പകരുന്ന കലാകാരന്‍ കരുനാഗപ്പള്ളിയിലെ ചന്ദ്രബാബുവിന്റെ മുഖത്തും ദേഹത്തുമാണ് തിളപ്പിച്ച എണ്ണ കോരിയൊഴിതെന്ന് ചന്ദ്രബാബു പൊലീസില്‍ പരാതിപ്പെട്ടു.കായംകുളം പുള്ളിക്കണയിലെ ഒരു തട്ടുകടയില്‍ നിന്ന് വൈകിട്ട് മാവേലി വേഷത്തിലെത്തിയ ചന്ദ്രബാബു അവിടെ നിന്ന് ചായയും ബജ്ജിയും കഴിച്ചു. പണവും കൊടുത്തു. അതിനുശേഷം ഓണം ആയിട്ട് മാവേലിക്കൊന്നുമില്ലേ എന്ന് കടക്കാരനോടാരാഞ്ഞു. ഇതിനെതുടര്‍ന്ന് ഇരുവരും തമ്മില്‍ വാക്കേറ്റം നടന്നു.അതിനിടയില്‍ പലഹാരമുണ്ടാക്കാന്‍ …

കുളിക്കുന്ന യുവതിയുടെ നഗ്‌ന ദൃശ്യം പകര്‍ത്തി; കണ്ണൂരിലെ എസ്എഫ്‌ഐ നേതാവിനെ കയ്യോടെ പിടികൂടി

by Web EditorState Saturday, 29 August 2026, 14:46Saturday, 29 August 2026, 14:47No Comments

കണ്ണൂര്‍: കുളിക്കുന്നതിനിടെ നഗ്‌ന ദൃശ്യം പകര്‍ത്തിയെന്ന പരാതിയില്‍ എസ്എഫ്‌ഐ നേതാവിനെതിരെ കേസ്. കണ്ണൂര്‍ സ്വദേശിനിയുടെ പരാതിയില്‍ എസ്എഫ്‌ഐ നേതാവ് കെ.നവനീതിനെതിരെയാണ് ശ്രീകണ്ഠാപുരം പൊലീസ് കേസെടുത്തത്. അതേസമയം കേസില്‍ നിസാര വകുപ്പുകളാണ് പ്രതിക്കെതിരെ ചുമത്തിയെന്നാരോപിച്ച് യുവതി ഡിജിപിക്കും ആഭ്യന്തരമന്ത്രിക്കും പരാതി നല്‍കിയിട്ടുണ്ട്. ഈമാസം 20 നാണ് സംഭവം നടന്നത്. വീട്ടില്‍ കുളിക്കുകൊണ്ടിരിക്കുന്നതിനിടെ വാതിലിന്റെ വിടവിലൂടെ മൊബൈല്‍ ഫ്‌ലാഷ് ലൈറ്റ് അടിച്ചുകൊണ്ട് നവനീത് ദൃശ്യങ്ങള്‍ പകര്‍ത്തിയെന്നാണ് യുവതിയുടെ പരാതി.യുവതി ബഹളം വെച്ചതോടെ നവനീതിനെ വീട്ടുകാര്‍ കയ്യോടെ പിടികൂടി തഞ്ഞുവച്ചു. ഫോണ്‍ …

മുഖ്യമന്ത്രിയെ വഴിയില്‍ തടഞ്ഞ ഡിസിസി അംഗം ചേന്തി അനിലിനെ കോണ്‍ഗ്രസ് പുറത്താക്കി

by Web EditorState Saturday, 29 August 2026, 14:18Saturday, 29 August 2026, 14:18No Comments

തിരുവനന്തപുരം: ശ്രീകാര്യത്ത് മുഖ്യമന്ത്രി വിഡി സതീശനെ വഴിയില്‍ തടഞ്ഞ സംഭവത്തില്‍ കോണ്‍ഗ്രസ് ഡിസിസി അംഗം ചേന്തി അനിലിനെ പാര്‍ട്ടിയില്‍ നിന്ന് പുറത്താക്കി. കെപിസിസി നിര്‍ദേശത്തെ തുടര്‍ന്ന് തിരവനന്തപുരം ഡിസിസിയാണ് അനിലിനെതിരെ നടപടി സ്വീകരിച്ചത്. മുഖ്യമന്ത്രിയെ തടഞ്ഞ സംഭവത്തില്‍ ഇദ്ദേഹത്തെ പൊലീസ് അറസ്റ്റുചെയ്തിരുന്നു. ചേന്തി അനില്‍ റൗഡി ലിസ്റ്റില്‍ ഉള്ള ആളാണെന്നും വാഹനം തടഞ്ഞത് മുഖ്യമന്ത്രിയെ തടയണമെന്ന ഉദ്ദേശ്യത്തോടെയെന്നും റിമാന്‍ഡ് റിപ്പോര്‍ട്ടില്‍ പറയുന്നു പ്രതിക്കെതിരെ ശ്രീകാര്യം, തുമ്പ പൊലീസ് സ്റ്റേഷനുകളില്‍ നിരവധി കേസുകള്‍ ഉണ്ടെന്നും റിപ്പോര്‍ട്ടില്‍ പറയുന്നു. ഭീഷണിപ്പെടുത്തല്‍, …

ഓണാഘോഷം കഴിഞ്ഞ് വീട്ടിലേക്ക് മടങ്ങിയ 14 കാരിയെ ഓട്ടോയില്‍ വച്ച് പീഡിപ്പിച്ച സംഭവം; അറസ്റ്റിലായ ചീമേനി ഞെണ്ടാടിയിലെ ഡ്രൈവര്‍ റിമാന്റില്‍

by Web EditorLocal News Saturday, 29 August 2026, 13:07Saturday, 29 August 2026, 13:07No Comments

കാസര്‍കോട്: ഓണാഘോഷത്തില്‍ പങ്കെടുത്ത് വീട്ടിലേക്ക് മടങ്ങിയ 14കാരിയെ പീഡിപ്പിച്ച സംഭവത്തില്‍അറസ്റ്റിലായ ഞെണ്ടാടിയിലെ ഓട്ടോഡ്രൈവര്‍ ഷാജി(45)യെ റിമാന്റുചെയ്തു. ചീമേനി പൊലീസ് സ്റ്റേഷന്‍ പരിധിയില്‍ നടന്ന ഓണാഘോഷ പരിപാടിയില്‍ പങ്കെടുക്കാനെത്തിയതായിരുന്നു പെണ്‍കുട്ടി. കഴിഞ്ഞ ദിവസം രാത്രി ഓട്ടോയില്‍ വീട്ടിലേക്ക് മടങ്ങുന്നതിനിടെ യാത്രാമധ്യേ ഓട്ടോയില്‍ വെച്ച് പെണ്‍കുട്ടിയെ പീഡിപ്പിച്ചതായാണ് പരാതിയില്‍ പറയുന്നത്. വീട്ടിലെത്തിയപെണ്‍കുട്ടിയുടെ ശാരീരികാവസ്ഥയില്‍ അസ്വാഭാവികത ശ്രദ്ധയില്‍പ്പെട്ടതിനെ തുടര്‍ന്ന് വീട്ടുകാര്‍ വിവരം അന്വേഷിച്ചപ്പോഴാണ് സംഭവം പുറത്തറിയുന്നത്. തുടര്‍ന്ന് പൊലീസില്‍ വിവരം അറിയിക്കുകയായിരുന്നു.

കോടതിയില്‍ ഹാജരാകാതെ എട്ടുവര്‍ഷം ഒളിവില്‍ കഴിഞ്ഞിരുന്ന മലയാളി മംഗളൂരുവില്‍ പിടിയില്‍

by Web EditorNational Saturday, 29 August 2026, 12:44Saturday, 29 August 2026, 12:44No Comments

മംഗളൂരു: കഴിഞ്ഞ എട്ട് വര്‍ഷമായി കോടതിയില്‍ ഹാജരാകാതെ ഒളിവില്‍ കഴിയുകയായിരുന്ന കണ്ണൂര്‍ സ്വദേശിയെ സിറ്റി ഈസ്റ്റ് പൊലീസ് അറസ്റ്റ് ചെയ്തു. മുക്കച്ചേരിക്ക് സമീപമുള്ള ഹിലാരിനഗറില്‍ താമസിക്കുന്ന കണ്ണൂര്‍ ഇരിക്കൂര്‍ സ്വദേശി മുവാസ് (45) ആണ് പിടിയിലായത്. മംഗളൂരു ഈസ്റ്റ് പൊലീസ് സ്റ്റേഷനില്‍ മുവാസിനെതിരെ കേസ് രജിസ്റ്റര്‍ ചെയ്തിരുന്നു. കോടതിയില്‍ ഹാജരാകാതെ ഒളിവില്‍ പോയതിനെ. തുടര്‍ന്ന് കോടതി അയാള്‍ക്കെതിരെ എല്‍പിസി വാറണ്ട് പുറപ്പെടുവിച്ചിരുന്നു. മംഗളൂരു ഈസ്റ്റ് പൊലീസ് പ്രതിയെ അറസ്റ്റ് ചെയ്ത് കോടതിയില്‍ ഹാജരാക്കി.

‘ആരോപണങ്ങളില്‍ ഉറച്ച് നില്‍ക്കുന്നു, ദീപ്തി കല്യാണി തന്റെ കുടുംബത്തെ ഉള്‍പ്പെടെ പറഞ്ഞു’: യൂട്യൂബര്‍ എസ്ആര്‍ ധന്യ

by Web EditorState Saturday, 29 August 2026, 12:29Saturday, 29 August 2026, 12:29No Comments

കാസര്‍കോട്: ട്രാന്‍സ് വുമണ്‍ ദീപ്തി കല്യാണിക്കെതിരായ അധിക്ഷേപ പരാമര്‍ശത്തില്‍താന്‍ പറഞ്ഞ കാര്യങ്ങളില്‍ ഇപ്പോഴും ഉറച്ചു നില്‍ക്കുന്നുവെന്നും ഏത് അന്വേഷണത്തെയും താന്‍ സ്വാഗതം ചെയ്യുന്നുവെന്നും യൂട്യൂബര്‍ എസ്ആര്‍ ധന്യ മാധ്യമങ്ങളോട് പറഞ്ഞു. ഉന്നയിച്ച ആരോപണത്തില്‍ തെളിവുകളുണ്ടെന്ന് ഹെലന്‍ ഓഫ് സ്പാര്‍ട്ട എന്ന എസ് ആര്‍ ധന്യ പറഞ്ഞു. കുടുംബത്തെ ഉള്‍പ്പടെ പറഞ്ഞതുകൊണ്ടാണ് മോശമായ രീതിയില്‍ വീഡിയോ ചെയ്തത്. സൈബര്‍ അധിക്ഷേപത്തില്‍ താന്‍ നല്‍കിയ ഏഴ് പരാതികളില്‍ പൊലീസ് നടപടി എടുത്തില്ല. പൊലീസ് നടപടി ഇല്ലാത്തതുകൊണ്ടാണ് വീഡിയോയിലൂടെ മറുപടി നല്‍കുന്നതെന്നുമാണ് …

ആശുപത്രിയില്‍ ജീവനക്കാരിയായ 22 കാരിയെ പീഡിപ്പിച്ചതായി പരാതി; ഓപ്പറേഷന്‍ തിയേറ്ററിലെ ജീവനക്കാരനെതിരെ കേസ്

by Web EditorLocal News Saturday, 29 August 2026, 12:13Saturday, 29 August 2026, 12:15No Comments

കാസര്‍കോട്: ആശുപത്രി ജീവനക്കാരിയായ 22 കാരിയെ അതേ ആശുപത്രിയിലെ ജീവനക്കാരന്‍ പീഡിപ്പിച്ചതായി പരാതി. സംഭവത്തില്‍ യുവാവിനെതിരെ പൊലീസ് കേസെടുത്തു. കഴിഞ്ഞ മെയില്‍ ആശുപത്രിയില്‍ വച്ചാണ് സംഭവമെന്ന് പരാതിയില്‍ പറയുന്നു. യുവതി വനിതാ പൊലീസ് സ്റ്റേഷനില്‍ നല്‍കിയ പരാതിയില്‍ അന്വേഷണം ആരംഭിച്ചു.

കെട്ടിട നിർമ്മാണ തൊഴിലാളി കുഴഞ്ഞുവീണു മരിച്ചു

by WEB EDITORLocal News Saturday, 29 August 2026, 11:46Saturday, 29 August 2026, 11:46No Comments

മുള്ളേരിയ: കെട്ടിട നിർമ്മാണ തൊഴിലാളി അഡൂർ മണ്ഡബെട്ടുവിലെ ബാലകൃഷ്ണൻ (48) കുഴഞ്ഞു വീണു മരിച്ചു. ദേഹാസ്വാസ്ഥ്യം അനുഭവപ്പെട്ട ഇദ്ദേഹത്തെ ഉടൻ അടുത്തുള്ള ക്ലിനിക്കിൽ എത്തിച്ചെങ്കിലും കുഴഞ്ഞു വീഴുകയായിരുന്നു. പ്രാഥമിക ചികിത്സക്കു ശേഷം ആശുപത്രിയിലേക്കു മാറ്റിയെങ്കിലും മരണം സ്ഥിരീകരിക്കുകയായിരുന്നു. പരേതനായ ഗോപാലനാണ്‌ പിതാവ്. അമ്മ: മാധവി. ഭാര്യ: സുജാത. മക്കൾ: ഷിബിൽ, അനന്യ. സഹോദരങ്ങൾ: ശ്രീധര ,ലക്ഷ്മി.