Author: WEB EDITOR

കൊച്ചി : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ കോതമംഗലം നഗരസഭയിലെ സിപിഎം കൗൺസിലറെ പൊലീസ് അറസ്റ്റ് ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർമാൻ കൂടിയായ കെ.വി. തോമസാണ് പിടിയിലായത്. തോമസ് പീഡിപ്പിച്ചതായി പെൺകുട്ടി നൽകിയ മൊഴിയുടെ അടിസ്ഥാനത്തിൽ പൊലീസ് പോക്സോ കേസെടുക്കുകയായിരുന്നു.തോമസിനെ പാർട്ടിയുടെ പ്രാഥമികാംഗത്വത്തിൽ നിന്നു പുറത്താക്കിയതായി സിപിഎം അറിയിച്ചു. കൗൺസിലർ സ്ഥാനം രാജിവയ്ക്കാൻ ആവശ്യപ്പെട്ടതായി സിപിഎം കോതമംലം ഏരിയ സെക്രട്ടറിയും വ്യക്തമാക്കി.

കണ്ണൂർ: വളപട്ടണം റെയിൽവേ സ്റ്റേഷനു സമീപം വീണ്ടും ട്രാക്കിൽ കല്ല് കണ്ടെത്തി. വളപട്ടണം, കണ്ണപ്പുരം സ്റ്റേഷനുകൾക്ക് ഇടയിലാണ് സംഭവം. വന്ദേഭാരത് കടന്നു പോകേണ്ട ട്രാക്കിലാണ് കല്ല് കണ്ടെത്തിയത്. ഇതുമായി ബന്ധമുണ്ടെന്ന സംശയത്തിൽ പ്രായപൂർത്തിയാകാത്ത 2 പേരെ പൊലീസ് കസ്റ്റഡിയിലെടുത്തു. അട്ടിമറി ശ്രമമുണ്ടോയെന്ന് പരിശോധിച്ചു വരികയാണ്.കഴിഞ്ഞ ദിവസം വളപ്പട്ടണം റെയിൽവേ സ്റ്റേഷനു സമീപം ട്രാക്കിൽ കോൺക്രീറ്റ് സ്ലാബ് കണ്ടെത്തിയിരുന്നു. ഭാവ്നഗർ-കൊച്ചുവേളി എക്സ്പ്രസ് കടന്നു പോകുന്നതിനിടെയാണ് സ്ലാബ് ലോക്കോ പൈലറ്റിന്റെ ശ്രദ്ധയിൽപെട്ടത്. കൃത്യസമയത്ത് ട്രെയിൻ നിർത്താനായതോടെയാണ് അപകടം ഒഴിവായത്. സംഭവത്തിൽ …

Read more “വളപട്ടണം റെയിൽവേ സ്റ്റേഷനിലെ ട്രാക്കിൽ വീണ്ടും കല്ല്; കണ്ടെത്തിയത് വന്ദേഭാരത് കടന്നു പോകേണ്ട ട്രാക്കിൽ, 2 പേർ കസ്റ്റഡിയിൽ”

തിരുവനന്തപുരം: ഈത്തപ്പഴപ്പെട്ടിക്കുള്ളിൽ ഒളിപ്പിച്ചു കടത്തുകയായിരുന്ന ഒന്നേകാൽ കിലോ എം.ഡി.എം.എ. ഡാൻസാഫ് സംഘം പിടിച്ചു. ഇതിനു നാലു കോടിയിലധികം രൂപ വിലവരുമെന്നു കണക്കാക്കുന്നു. സംസ്ഥാനത്ത് അടുത്ത കാലത്തു നടന്ന ഏറ്റവും വലിയ മയക്കുമരുന്നു വേട്ടയാണിത്. സംഘത്തലവനെന്നു സംശയിക്കുന്ന വർക്കല സ്വദേശി സഞ്ജു, വലിയ വിളയിലെ നന്ദു, ഉണ്ണികൃഷ്ണൻ, പ്രവീൺ എന്നിവരെ കസ്റ്റഡിയിലെടുത്തു. ബുധനാഴ്ചരാത്രി വിദേശത്തുനിന്നു തിരുവനന്തപുരം വിമാനത്താവളത്തിലെത്തിയ പ്രതികൾ ഒരു ഇന്നോവ കാറിൽ യാത്ര ചെയ്യുകയും അതിനു തൊട്ടു പിന്നാലെ കറുത്ത ബാഗിൽ പൊതിഞ്ഞു ഈത്തപ്പഴപ്പെട്ടിയിലൊളിപ്പിച്ച എം.ഡി.എം.എ.യുമായി മറ്റൊരു …

Read more “നാലു കോടി രൂപ വില വരുന്ന ഒന്നേകാൽ കിലോ എം.ഡി.എം.എ.യുമായി തിരുവനന്തപുരത്ത് നാലു പേർ പിടിയിൽ; സംസ്ഥാനത്തെ അടുത്ത കാലത്തെ ഏറ്റവും വലിയ എം.ഡി.എം.എ. വേട്ട”

കാസർകോട് : ബേഡകത്തെ ആശ വർക്കർ ശൈലജ (54)അസുഖത്തെത്തുടർന്ന് അന്തരിച്ചു.പെർളടുക്ക കൊളത്തൂർ മടന്തകോട്ട് സ്വദേശിയാണ്. ഭർത്താവുമൊത്ത് ഇവർ ബേഡകത്തു താമസിച്ചിരുന്നു. ഒരു വർഷം മുമ്പു തോർക്കുളത്തു വസ്തു വാങ്ങി അതിൽ താമസമാരംഭിച്ചു.ഭർത്താവ് വിജയൻ കർഷകനാണ്. മക്കൾ: വിജേഷ്കുമാർ, ലിജേഷ് കുമാർ . സംസ്കാരം വെള്ളിയാഴ്ചരാവിലെ വീട്ടുവളപ്പിൽ .

തിരുവനന്തപുരം: ബിജെപിയുടെ തദ്ദേശ തിരഞ്ഞെടുപ്പ് പ്രചാരണത്തിന് തുടക്കം കുറിക്കാൻ കേന്ദ്ര ആഭ്യന്തരമന്ത്രി അമിത് ഷാ നാളെ കേരളത്തിലെത്തും. രാത്രി 11ഓടെ തിരുവനന്തപുരത്തെത്തുന്ന അമിത് ഷാ ശനിയാഴ്ച 2 പരിപാടികളിൽ പങ്കെടുക്കും.ബിജെപി സംസ്ഥാന കമ്മിറ്റി ഓഫിസ് അമിത് ഷാ ഉദ്ഘാടനം ചെയ്യും. തുടർന്ന് പുത്തരിക്കണ്ടം മൈതാനത്ത് നടക്കുന്ന വാർഡ് തല നേതൃയോഗത്തിൽ തദ്ദേശ തിരഞ്ഞെടുപ്പിൽ മുന്നേറ്റം ലക്ഷ്യമിട്ടുള്ള കേരളം മിഷൻ 2025 പ്രഖ്യാപിക്കും. ഇതോടെ തിരഞ്ഞെടുപ്പിലെ സംഘടനാ തല പ്രചാരണത്തിന് ഔദ്യോഗിക തുടക്കമാകും. ആലപ്പുഴ, കൊല്ലം, പത്തനംതിട്ട, തിരുവനന്തപുരം …

Read more “തദ്ദേശ തിരഞ്ഞെടുപ്പിൽ പ്രചാരണത്തിനു തുടക്കമിടാൻ ബിജെപി; അമിത് ഷാ നാളെ കേരളത്തിൽ, വാർഡ് തല നേതൃയോഗം മറ്റന്നാൾ”

തിരുവനന്തപുരം: മലപ്പുറത്തു മരിച്ച നിപ സമ്പർക്കപ്പട്ടികയിലുള്ള 78 വയസ്സുകാരിയുടെ പരിശോധനാഫലം നെഗറ്റീവാണെന്ന് ആരോഗ്യമന്ത്രി വീണാജോർജ്. നേരത്തേ ഇവരുടെ സംസ്കാര ചടങ്ങുകൾ ആരോഗ്യവകുപ്പ് തടഞ്ഞിരുന്നു. മലപ്പുറം പരപ്പനങ്ങാടി സ്വദേശിയാണ് ഇന്ന് ഉച്ചയോടെ മരിച്ചത്. മങ്കടയിൽ നിപ ബാധിച്ചു മരിച്ച പതിനെട്ടുകാരിയുമായി ഇവർക്ക് സമ്പർക്കമുണ്ടായിരുന്നു, ഇരുവരും ഒന്നിച്ച് കോട്ടയ്ക്കൽ സ്വകാര്യ ആശുപത്രിയിൽ ചികിത്സയിലുണ്ടായിരുന്നു. ഇതോടെയാണ് ആശങ്ക ശക്തമായത്.നിലവിൽ 498 പേരാണ് നിപ സമ്പർക്കപട്ടികയിലുള്ളത്. മലപ്പുറം ജില്ലയിൽ 203 പേരും കോഴിക്കോട് 116 പേരും പാലക്കാട് 177 പേരും എറണാകുളത്ത് 2 …

Read more “ആശ്വാസം ; മലപ്പുറത്ത് മരിച്ച നിപ സമ്പർക്ക പട്ടികയിലുള്ള സ്ത്രീയുടെ പരിശോധനാ ഫലം നെഗറ്റീവ്”

തിരുവനന്തപുരം: തിരുവനന്തപുരത്ത് ഹോട്ടൽ ഉടമയുടെ കൊലപാതകത്തിനു കാരണം ജോലിയിൽ നിന്നും പിരിച്ചു വിട്ടതിലുള്ള പ്രതികാരമെന്ന് പ്രതികൾ. വഴുതയ്ക്കാട് കേരള കഫേ ഹോട്ടൽ ഉടമ ജസ്റ്റിൻ രാജിന്റെ കൊലപാതകത്തിൽ പ്രതികളായ വിഴിഞ്ഞം സ്വദേശി രാജേഷ്, നേപ്പാൾ സ്വദേശി ഡേവിഡ് എന്നിവരാണ് പൊലീസിനോടു കുറ്റസമ്മതം നടത്തിയത്. ഇരുവരും ഹോട്ടലിലെ ജീവനക്കാരായിരുന്നു.ചൊവ്വാഴ്ചയാണ് ജസ്റ്റിൻ രാജിനെ ഹോട്ടലിലെ ജീവനക്കാർ താമസിച്ചിരുന്ന വീടിനു സമീപം മരിച്ച നിലയിൽ കണ്ടെത്തിയത്. ആക്രമിച്ച ശേഷം കഴുത്തു ഞെരിച്ച് കൊലപ്പെടുത്തുകയായിരുന്നു. കൊലയ്ക്കു ശേഷം മൃതദേഹം പായ കൊണ്ട് മൂടി. …

Read more “ഹോട്ടൽ ഉടമയുടെ കൊലപാതകം; ജോലിയിൽ നിന്നു പിരിച്ചു വിട്ടതിന്റെ പ്രതികാരമെന്ന് പ്രതികൾ”

തിരുവനന്തപുരം: പോക്സോ കേസിൽ പ്രതിയായ യുവാവിനെ എംഡിഎംഎയുമായി പൊലീസ് അറസ്റ്റ് ചെയ്തു. തിരുവനന്തപുരം മുട്ടത്തറ സ്വദേശി ഗോകുമാർ (24) ആണ് പിടിയിലായത്. ബെംഗളൂരുവിൽ നിന്നു ചില്ലറ വിൽപനയ്ക്കായി എത്തിച്ച 32 ഗ്രാം എംഡിഎംഎ ഇയാളിൽ നിന്ന് പിടികൂടി.എംഡിഎംഎയുടെ ചില്ലറ വിൽപനയുണ്ടെന്ന് രഹസ്യവിവരം ലഭിച്ചതോടെ ഇയാൾ നിരീക്ഷണത്തിലായിരുന്നു. തുടർന്ന് ഡാൻസാഫും ഫോർട്ട് പൊലീസും സംയുക്തമായി നടത്തിയ പരിശോധനയിലാണ് പിടിയിലായത്. 2022ൽ ഫോർട്ട് പൊലീസ് സ്റ്റേഷനിൽ റജിസ്റ്റർ ചെയ്ത ഒരു കേസിലും ഇയാൾ പ്രതിയാണ്. കോടതിയിൽ ഹാജരാക്കിയ പ്രതിയെ റിമാൻഡ് …

Read more “ബെംഗളൂരുവിൽ നിന്നെത്തിച്ച് വിൽപന; പോക്സോ കേസിലെ പ്രതി എംഎഡിഎംഎയുമായി പിടിയിൽ”

പാറ്റ്ന: അമ്മാവന്റെ ഭാര്യയുമായി മരുമകനു അവിഹിത ബന്ധം; യുവാവിനെ തട്ടി കൊണ്ടുപോയി ക്രൂരമായി മർദ്ദിച്ചു. സാരമായി പരിക്കേറ്റ മിതലേഷ്കുമാർ മുഖിയ (24) ആശുപത്രിയിൽ ചികിത്സയിൽ . നാലു വയസു പ്രായമുള്ള മകന്റെ മാതാവാണ് അമ്മാവന്റെ ഭാര്യ. ഇരുവരും ഏറെക്കാലമായി പ്രണയത്തിലായിരുന്നുവത്രെ. കഴിഞ്ഞ ദിവസം ഇരുവരെയും അമ്മാവൻ കയ്യോടെ പിടികൂടിയിരുന്നു. ഇതിനു പിന്നാലെയാണ് തട്ടി കൊണ്ടുപോയി മർദ്ദിച്ച സംഭവം റിപ്പോർട്ട് ചെയ്യപ്പെട്ടത്. പൊലീസ് അന്വേഷണം തുടങ്ങിയിട്ടുണ്ട്.

മലപ്പുറം : കോട്ടയ്ക്കലിൽ നിപ സമ്പർക്കപട്ടികയിൽ ഉൾപ്പെട്ട സ്ത്രീ മരിച്ചു. മലപ്പുറം പരപ്പനങ്ങാടി സ്വദേശിയാണ് ഇന്ന് ഉച്ചയോടെ മരിച്ചത്. മങ്കടയിൽ നിപ ബാധിച്ചു മരിച്ച പതിനെട്ടുകാരിയുമായി ഇവർക്ക് സമ്പർക്കമുണ്ടായിരുന്നു, ഇരുവരും ഒന്നിച്ച് കോട്ടയ്ക്കൽ സ്വകാര്യ ആശുപത്രിയിൽ ചികിത്സയിലുണ്ടായിരുന്നു. ഇതോടെ ഇവരെ ഹൈ റിസ്ക് സമ്പർക്കപട്ടികയിൽ ആരോഗ്യവകുപ്പ് ഉൾപ്പെടുത്തിയിരുന്നു. ഇവരുടെ സ്രവം പരിശോധിക്കും. പരിശോധന ഫലം ലഭിക്കുന്നതു വരെ മൃതദേഹം സംസ്കരിക്കരുതെന്ന് ആരോഗ്യ വകുപ്പ് നിർദേശം നൽകി.

കൊച്ചി : എറണാകുളം കളമശ്ശേരിയിൽ എൻഐഎ ഓഫിസിന് സമീപമുള്ള സ്വകാര്യ ഭൂമിയിൽ തലയോട്ടിയും അസ്ഥികളും കണ്ടെത്തി. അടിക്കാട് വെട്ടിത്തെളിക്കുന്നതിനിടയിലാണ് തലയോട്ടിയും അസ്ഥികളും കണ്ടെത്തിയത്. തുടർന്ന് ഫൊറൻസിക് സംഘം സ്ഥലത്തെത്തി പരിശോധന നടത്തി.സ്വകാര്യ കമ്പനിയുടെ ഉടമസ്ഥതയിലുള്ളതാണ് ഭൂമി. ഏറെ കാലമായി കാടുപിടിച്ചു കിടന്നിരുന്ന സ്ഥലം വെട്ടി വൃത്തിയാക്കുന്നതിനിടെയാണ് തലയോട്ടിയും അസ്ഥികളും ലഭിച്ചത്. ഇതോടെ പൊലീസിനെ വിവരം അറിയിക്കുകയായിരുന്നു. ഇവയുടെ കാലപ്പഴക്കം കണ്ടെത്താൻ ശാസ്ത്രീയ പരിശോധന നടത്തുമെന്ന് പൊലീസ് വ്യക്തമാക്കി. ഇതിന്റെ അടിസ്ഥാനത്തിൽ ആ കാലത്ത് കാണാതായവരുടെ വിവരങ്ങളെ അടിസ്ഥാനമാക്കിയാകും …

Read more “കളമശേരി എൻഐഎ ഓഫിസിനു സമീപമുള്ള ഭൂമിയിൽ തലയോട്ടിയും അസ്ഥികളും കണ്ടെത്തി, ഫൊറൻസിക് പരിശോധന നടത്തി, കാലപ്പഴക്കം നിർണയിക്കും”