മയക്കുമരുന്ന് കേസ്; ജാമ്യത്തിലിറങ്ങി മുങ്ങിയ പ്രതി അറസ്റ്റില്
കാസര്കോട്: രണ്ടു മയക്കുമരുന്നു കേസുകളില് പ്രതിയായി ജാമ്യത്തിലിറങ്ങി മുങ്ങിയ പ്രതി അറസ്റ്റില്. ചേവാര്, കുണ്ടങ്കേറടുക്കയിലെ അസറുദ്ദീ(32)നെയാണ് മഞ്ചേശ്വരം പൊലീസ് അറസ്റ്റു ചെയ്തത്. 2023ന് പൊസോട്ട് പെട്രോള് പമ്പിനു സമീപത്തു വച്ച് 8.540 ഗ്രാം എംഡിഎംഎ പിടികൂടിയ കേസിലെ പ്രതിയാണ് .റിമാന്റില് ആയിരുന്ന അസറുദ്ദീനു പിന്നീട് ജാമ്യം ലഭിച്ചു. അതിനു ശേഷം ഇയാള് വിവിധ സ്ഥലങ്ങളില് ഒളിവില് കഴിയുകയായിരുന്നു. പ്രതി നാട്ടില് എത്തിയിട്ടുണ്ടെന്ന വിവരത്തെ തുടര്ന്നാണ് പൊലീസെത്തി അറസ്റ്റു ചെയ്തത്.
