ദേശീയ പാത ഓവുചാൽ നിർമ്മാണത്തിലെ അശാസ്ത്രീയത: മീലാദ് നഗർ റോഡിൽ വെള്ളക്കെട്ട്, ഷാഫി മസ്ജിദിലേക്കും വെള്ളം കയറി
മൊഗ്രാൽ: ദേശീയപാത സർവീസ് റോഡിനരികിലെ ഓവുചാലിലേക്ക് മൊഗ്രാൽ മീലാദ് നഗറിൽ നിന്ന് ഒഴുകിയെത്തുന്ന വെള്ളം പോകാൻ ഉണ്ടാക്കിയ സംവിധാനത്തിലെ പിഴവ്മൂലം ശക്തമായ മഴയിൽ വെള്ളക്കെട്ട് രൂപപ്പെട്ടു. ഇതു തൊട്ടടുത്തുള്ള മൊഗ്രാൽ ടൗണിലെ ഷാഫി മസ്ജിദിൽ . വെള്ളം കയറുന്ന അവസ്ഥയായി. ഇക്കാര്യം നിർമ്മാണ കമ്പനി അധികൃതരെ അറിയിച്ചെങ്കിലും നടപടിയൊന്നുമുണ്ടായിട്ടില്ലെന്നു പരാതിയുണ്ട്. ഓവുചാലിലേക്ക് വെള്ളം പോകാൻ ഉണ്ടാക്കിയ ഓവു ചാൽ ചെറുതായതാണ് കുത്തിയൊലിച്ചു വരുന്ന മഴവെള്ളം കെട്ടിനിൽക്കാൻ കാരണമാകുന്നത്. ഇത് തൊട്ടടുത്ത ഷാഫി മസ്ജിദിലേക്ക് കയറുകയും, മീലാദ് നഗറിലേക്കുള്ള …
