അതിരൂക്ഷമഴ: പത്തനംതിട്ട ജില്ലയില് പരക്കെ നാശം; 3 മരണം, 3 പേരെ കാണാതായി; പലേടത്തും ഉരുള്പൊട്ടല്, റാന്നി ഒറ്റപ്പെട്ടു, പമ്പയുടെ ഇരു കരകളും കവിഞ്ഞു, 8 ജില്ലകളില് റെഡ് അലര്ട്ട്; 9 ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി
പത്തനംതിട്ട: തെക്കന് ജില്ലകളില് അതിശക്തമായി തുടരുന്ന മഴയിലും ഉരുള്പൊട്ടലിലും 3പേര് മരിച്ചു. മൂന്നു പേരെ കാണാതായി. അടൂര് മലയിലുണ്ടായ ഉരുള്പൊട്ടലില് രവിയുടെ ഭാര്യ സുമതിയാണ് മരിച്ചത്. പയ്യാനിത്തോടത്തുണ്ടായ ഉരുള്പൊട്ടലില് ജോസഫ് എന്നയാള് മരിച്ചു. ഭാര്യ റജിനക്കുവേണ്ടി രക്ഷാപ്രവര്ത്തകര് തിരച്ചില് തുടരുന്നു. കോലാഹല മേട്ടില് വീടിനു മുകളില് മണ്ണിടിഞ്ഞു വീണു. മണ്ണിനടിയില്പ്പെട്ടവരെ രക്ഷിക്കാന് ശ്രമം തുടരുന്നു. പമ്പയില് ജലനിരപ്പുയര്ന്നു. പമ്പയാറിന്റെ തീരത്തോടടുത്ത റാന്നി വെള്ളത്തില് ഒറ്റപ്പെട്ടു. റോഡുകളിലും കടകളിലും വെള്ളം കയറി. സംസ്ഥാനത്തെ എട്ടു ജില്ലകളില് റെഡ് അലര്ട്ട് …
