Author: WEB EDITOR

കോഴിക്കോട്: ട്യൂഷന്‍ ക്ലാസിലേക്കെന്ന് പറഞ്ഞ് വീട്ടില്‍ നിന്നിറങ്ങിയ പ്ലസ്ടു വിദ്യാര്‍ത്ഥിയെ കാണാനില്ലെന്ന് പരാതി. പയ്യോളിയിലെ ചാക്കണ്ടി നസീറിന്റെ മകന്‍ നിഹാന്‍ നസീറി(17)നെയാണ് കഴിഞ്ഞ ദിവസം മുതല്‍ കാണാതായത്. ഇതുസംബന്ധിച്ച് പിതാവ് പയ്യോളി പൊലീസില്‍ പരാതി നല്‍കി. വെള്ളിയാഴ്ച ഉച്ചയ്ക്ക് 12 മണിയോടെയാണ് ട്യൂഷന്‍ ക്ലാസിലേക്കെന്ന് പറഞ്ഞ് നിഹാന്‍ സൈക്കിളുമെടുത്ത് വീട്ടില്‍ നിന്നിറങ്ങിയത്. കൊയിലാണ്ടിയിലെ ട്യൂഷന്‍ സെന്ററിലാണ് നിഹാന്‍ പഠിച്ചിരുന്നത്. ഏറെ വൈകിയിട്ടും വീട്ടില്‍ തിരിച്ചെത്താത്തതിനെ തുടര്‍ന്ന് അന്വേഷിച്ചപ്പോള്‍ ട്യൂഷന്‍ സെന്ററില്‍ എത്തിയിട്ടില്ലെന്ന് അറിയാന്‍ കഴിഞ്ഞു. തുടര്‍ന്നാണ് ബന്ധുക്കള്‍ …

Read more “ട്യൂഷന്‍ ക്ലാസ്സിലേക്കെന്ന് പറഞ്ഞ് വീട്ടില്‍ നിന്നിറങ്ങിയ പ്ലസ്ടു വിദ്യാര്‍ത്ഥിയെ കാണാനില്ല”

കോഴിക്കോട്: കരിപ്പൂര്‍ വിമാനത്താവളത്തില്‍ വന്‍ ലഹരി വേട്ട. ചോക്ലേറ്റില്‍ ഒളിപ്പിച്ചു കടത്താന്‍ ശ്രമിച്ച 1.58 കോടിയുടെ എംഡിഎംഎയുമായി യുവാവിനെ പൊലീസ് അറസ്റ്റു ചെയ്തു. പെരിന്തല്‍മണ്ണ സ്വദേശി ഹാരിസ് ആണ് പിടിയിലായത്. ഒമാനില്‍ നിന്നെത്തിയ ഹാരിസിന്റെ ലഗ്ഗേജ് സംശയം തോന്നി പരിശോധിച്ചപ്പോഴാണ് ചോക്ലേറ്റിനകത്ത് ഒളിപ്പിച്ചനിലയില്‍ എംഡിഎംഎ കണ്ടെത്തിയത്. ഹാരിസിനെ മഞ്ചേരി കോടതിയില്‍ ഹാജരാക്കി.

വടകര: ലോണ്‍ ആപ്പില്‍ നിന്ന് പണമെടുത്ത യുവാവിനെ കാണാനില്ലെന്ന് കുടുംബത്തിന്റെ പരാതി. വടകര ആയഞ്ചേരി സ്വദേശി വിഷ്ണു പ്രകാശിനെ (25) ആണ് കാണാതായത്. ഏപ്രില്‍ പതിമൂന്നിന് ബാങ്കിലേക്ക് പോകുന്നുവെന്ന് പറഞ്ഞാണ് വിഷ്ണു വീട്ടില്‍ നിന്നിറങ്ങിയതെന്ന് ബന്ധുക്കള്‍ പറഞ്ഞു. വിഷ്ണു ലോണ്‍ ആപ്പില്‍ നിന്ന് 10,000 രൂപ ലോണ്‍ എടുത്തിരുന്നു. തിരിച്ചടവ് മുടങ്ങിയതിനാല്‍ നിരന്തരം ഭീഷണി കോളുകള്‍ വന്നിരുന്നതായി കുടുംബം പറയുന്നു. ലോണ്‍ ആപ്പ് സംഘം വിഷ്ണുവിന്റെ മോര്‍ഫ് ചെയ്ത ചിത്രങ്ങള്‍ പ്രചരിപ്പിച്ചതായും ഇതില്‍ വിഷ്ണുവിന് മന:പ്രയാസം ഉണ്ടായിരുന്നുവെന്നും …

Read more “ലോണ്‍ ആപ്പില്‍ നിന്ന് പണമെടുത്ത യുവാവിനെ കാണാതായി; നിരന്തരം ഭീഷണികള്‍ വന്നിരുന്നു, മോര്‍ഫ് ചെയ്ത ചിത്രങ്ങള്‍ പ്രചരിപ്പിച്ചുവെന്നും കുടുംബം”

കൊല്ലം: ആശുപത്രി വളപ്പില്‍ കഞ്ചാവ് ചെടി കണ്ടെത്തിയ സംഭവത്തില്‍ പൊലീസ് അന്വേഷണം ആരംഭിച്ചു. പുനലൂര്‍ താലൂക്ക് ആശുപത്രി വളപ്പിലാണ് ഫാര്‍മസിക്ക് സമീപത്തായി ഏകദേശം ഒന്നര മാസത്തോളം പ്രായമുള്ള കഞ്ചാവ് ചെടി കണ്ടെത്തിയത്. രഹസ്യ വിവരത്തിന്റെ അടിസ്ഥാനത്തില്‍ പുനലൂര്‍ എക്‌സൈസ് നടത്തിയ പരിശോധനയില്‍ ചെടി പിടിച്ചെടുത്തു. പുനലൂര്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ശ്രീരാജിന്റെ നേതൃത്വത്തിലായിരുന്നു പരിശോധന. സംഭവത്തില്‍ കൂടുതല്‍ അന്വേഷണം നടത്തുമെന്ന് അദ്ദേഹം പറഞ്ഞു.

കോട്ടയം: മാസങ്ങള്‍ക്ക് മുമ്പ് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്ത മെഡിക്കല്‍ കോളജ് ആശുപത്രിയിലെ പുതിയ സര്‍ജിക്കല്‍ ബ്ലോക്കിന്റെ ഭാഗങ്ങള്‍ അടര്‍ന്നുവീണു. 257 കോടി രൂപ ചെലവിട്ടു നിര്‍മിച്ച കെട്ടിടം ഫെബ്രുവരി 16നാണ് ഉദ്ഘാടനം ചെയ്തത്. പാര്‍ക്കിങ് സ്ഥലത്താണ് കെട്ടിടത്തിന്റെ ഭാഗം ഇടിഞ്ഞുവീണത്. ഇതോടെ ഇവിടെ പാര്‍ക്ക് ചെയ്തിരുന്ന ഇഎന്‍ടി വിഭാഗത്തിലെ ഡോക്ടറുടെ കാറിന് കേടുപാടുകള്‍ സംഭവിച്ചു. 2025 ജൂലൈ മൂന്നിനാണ് പഴയ സര്‍ജിക്കല്‍ ബ്ലോക്കിലെ ശുചിമുറി സമുച്ചയം ഇടിഞ്ഞുവീണത്. തുടര്‍ന്നാണ് പുതിയ ബ്ലോക്കിലെ വാര്‍ഡുകള്‍ ഉപയോഗിച്ചു …

Read more “മെഡിക്കല്‍ കോളജ് ആശുപത്രിയിലെ പുതിയ കെട്ടിടത്തിന്റെ ഭാഗങ്ങള്‍ അടര്‍ന്നുവീണു; ഡോക്ടറുടെ കാറിന് കേടുപാട്”

തളിപ്പറമ്പ്:ബി.ജെ.പി-ആര്‍.എസ്.എസ് പ്രവര്‍ത്തകരെ ബോംബെറിഞ്ഞ് കൊലപ്പെടുത്താന്‍ ശ്രമിച്ചുവെന്ന പ്രമാദമായ കേസില്‍ പത്ത് സി.പി.എം പ്രവർത്തകർക്ക് 25 വര്‍ഷം തടവും 2,60,000 രൂപ വീതം പിഴയും. തളിപ്പറമ്പ് ജില്ലാ അഡീ. സെഷന്‍സ് കോടതി ജഡ്ജി കെ.എന്‍.പ്രശാന്ത് ആണ് ഇന്ന് (ശനിയാഴ് ച )കേസില്‍ ശിക്ഷ വിധിച്ചത്. പ്രതികളെ വെള്ളിയാഴ്ച കോടതി കുറ്റക്കാരാണെന്നു കണ്ടെത്തിയിരുന്നു.സി.പി.എം ആലക്കോട് ഏരിയാ കമ്മിറ്റിയംഗവും തളിപ്പറമ്പ് താലൂക്ക് സര്‍ക്കിള്‍ സഹകരണ യൂണിയന്റെ ചെയര്‍മാനുമായ തിമിരി എളയാട് മേമന ഹൗസില്‍ എം.കെ.പ്രദീപ്കുമാര്‍ (59), സി.പി.എം മുന്‍ ഏരിയാ സെക്രട്ടറിയും …

Read more “ബി ജെ പി പ്രവർത്തകർക്ക് നേരെ ബോംബെറിഞ്ഞ കേസ്: 10 സി പി എം പ്രവർത്തകർക്ക് 25 വർഷം തടവും 2,60,000 രൂപ വീതം പിഴയും ശിക്ഷ”

കോഴിക്കോട്: മത്സ്യബന്ധനത്തിന് പോയവര്‍ക്ക് ശ്വാസതടസം അനുഭവപ്പെട്ടതിനെ തുടര്‍ന്ന് ആശുപത്രിയിലെത്തിച്ചു. ബേപ്പൂര്‍ ഹാര്‍ബറില്‍ നിന്ന് പുറപ്പെട്ട ആയിഷ ബോട്ടില്‍ മത്സ്യബന്ധനത്തിന് പോയ നാല് ജീവനക്കാര്‍ക്കാണ് ദേഹാസ്വാസ്ഥ്യം ഉണ്ടായത്. 12പേരായിരുന്നു ബോട്ടിലുണ്ടായിരുന്നത്. എഞ്ചിന്‍ റൂമില്‍ വെള്ളം കയറിയപ്പോള്‍ നോക്കാന്‍ ചെന്നതാണ് ജീവനക്കാര്‍. ഇതോടെ ശ്വാസതടസം അനുഭവപ്പെട്ട ഇവര്‍ കുഴഞ്ഞുവീണു. 10 നോട്ടിക്കല്‍ മൈല്‍ അകലവെച്ചാണ് ബോട്ടില്‍ വെള്ളം കയറിയത്. കുഴഞ്ഞുവീണവരെ ആശുപത്രിയിലെത്തിച്ചു.