കാസര്കോട് നഗരസഭാ കൗണ്സില് യോഗത്തില് വിവേചന വിവാദം; ലീഗ് കൗണ്സിലര്മാര് രണ്ടുചേരിയില്; ബഹളത്തില് യോഗം അലങ്കോലപ്പെട്ടു
കാസര്കോട്; കാസര്കോട് നഗരസഭയില് ബുധനാഴ്ച ചേര്ന്ന കൗണ്സില് യോഗം വിവേചന വിവാദത്തെ തുടര്ന്ന് അലങ്കോലപ്പെട്ടു. അജണ്ട മുഴുവനും പരിഗണിക്കാതെ യോഗം അവസാനിപ്പിക്കേണ്ടി വന്നു. മുന്സിപ്പാലിറ്റിയിലെ പച്ചക്കാട് വാര്ഡില് നിലവിലുണ്ടായിരുന്ന സാംസ്കാരിക നിലയത്തില് പുതുതായി ഹെല്ത്ത് സെന്റര് സ്ഥാപിക്കുകയും അതിനുശേഷം അതേ വാര്ഡില് തന്നെ സാംസ്കാരിക നിലയം സ്ഥാപിക്കുന്നതിന് അനുമതി നല്കാനുമുള്ള യോഗത്തിന്റെ ഏഴാമത് അജണ്ടക്കെതിരെ ലീഗ് കൗണ്സിലര്മാരായ മമ്മു ചാല, മജീദ് കൊല്ലംപാടി, മുസ്താഖ് ചേരങ്കൈ എന്നിവര് പ്രമേയം അവതരിപ്പിച്ചു. അണങ്കൂര് മേഖലയില് ഹെല്ത്ത് സെന്റര് അനുവദിച്ചപ്പോള് …