ഭരണസമിതിക്കും ജീവനക്കാർക്കുമെതിരേ വ്യാജവാർത്ത; വാർത്ത നൽകിയ മാധ്യമങ്ങൾക്കെതിരെ നിയമനടപടിയെടുക്കുമെന്ന് പുത്തിഗെ പഞ്ചായത്ത്
കുമ്പള: പുത്തിഗെ പഞ്ചായത്ത് ഭരണസമിതിക്കും ജീവനക്കാർക്കുമെതിരെ സി.പി.എം. നടത്തുന്ന അപവാദ പ്രചാരണങ്ങൾക്കെതിരെ നിയമനടപടി സ്വീകരിക്കുമെന്ന് ഭരണസമിതി. അടിസ്ഥാനരഹിതമായ ആരോപണങ്ങളിലൂടെ പഞ്ചായത്ത് ഭരണത്തെയും വികസന പ്രവർത്തനങ്ങളെയും തകർക്കാനുള്ള ശ്രമമാണ് നടക്കുന്നതെന്ന് ഭരണസമിതി വാർത്താസമ്മേളനത്തിൽ ആരോപിച്ചു. ഭരണസമിതി അംഗങ്ങളും ജീവനക്കാരും ഔദ്യോഗിക അവധി ദിനത്തിൽ സ്വന്തം ചെലവിൽ നടത്തിയ യാത്രയെ സ്പോൺസേർഡ് യാത്രയായി ചിത്രീകരിച്ച് വ്യാജവാർത്ത പ്രചരിപ്പിക്കുകയായിരുന്നുവെന്നു അവർ പറഞ്ഞു. യാത്രയ്ക്ക് പഞ്ചായത്തിന്റെയോ കരാറുകാരുടെയോ പണം ഉപയോഗിച്ചിട്ടില്ലെന്നും ഇതുസംബന്ധിച്ച രേഖകൾ ഹാജരാക്കിയിട്ടുണ്ടെന്നും ഭരണസമിതി വ്യക്തമാക്കി.സി.പി.എം നിയന്ത്രണത്തിലുള്ള ചാനലുകളിൽ അടക്കം വന്നവ്യാജവാർത്ത …
