Author: WEB EDITOR

കാസര്‍കോട്: ജോലിക്കുപോകുന്നുവെന്നു പറഞ്ഞ് വീട്ടില്‍ നിന്നു ഇറങ്ങിയ യുവാവിനെ കാണാതായി പരാതി. പരപ്പ, പന്നിയെറിഞ്ഞ കൊല്ലിയിലെ കൊച്ചു പറമ്പില്‍ കുര്യന്റെ മകന്‍ സോബിന്‍ കുര്യ(30)നെയാണ് കാണാതായത്. ജോലിക്കുപോകുന്നുവെന്നു പറഞ്ഞ് മിനിഞ്ഞാന്ന് (ചൊവ്വ) രാവിലെയാണ് വീട്ടില്‍ നിന്നു ഇറങ്ങിയത്. തിരിച്ചെത്താത്തതിനെ തുടര്‍ന്ന് ഭാര്യ സൗമ്യ വെള്ളരിക്കുണ്ട് പൊലീസില്‍ പരാതി നല്‍കി.സോബിന്‍ കുര്യനെ കുറിച്ച് എന്തെങ്കിലും വിവരം ലഭിക്കുന്നവര്‍ സമീപത്തെ പൊലീസ് സ്റ്റേഷനിലോ വെള്ളരിക്കുണ്ട് പൊലീസ് സ്റ്റേഷനിലെ 04672242300 എന്ന ഫോൺ നമ്പറിലോ അറിയിക്കണമെന്ന് പൊലീസ് അറിയിച്ചു.

കാസര്‍കോട്: ക്വാര്‍ട്ടേഴ്‌സില്‍ നിന്നു ഇറങ്ങിപ്പോയ യുവതിയെ കാണാതായി. ഭര്‍ത്താവ് നല്‍കിയ പരാതി പ്രകാരം മഞ്ചേശ്വരം പൊലീസ് കേസെടുത്ത് അന്വേഷണം തുടങ്ങി. ഉപ്പള, മണിമുണ്ടയിലെ ഒരു ക്വാര്‍ട്ടേഴ്‌സില്‍ താമസക്കാരിയും ഉത്തര്‍പ്രദേശ് സ്വദേശിനിയുമായ ആച്ചല്‍സിംഗി(25)നെയാണ് കാണാതായത്. കഴിഞ്ഞ ദിവസം വൈകുന്നേരം 4.30 മണിയോടെ ക്വാര്‍ട്ടേഴ്‌സില്‍ നിന്നു ഇറങ്ങിപ്പോയ ഭാര്യ അതിനു ശേഷം തിരിച്ചെത്തിയില്ലെന്നു ഭര്‍ത്താവ് മഞ്ചീറ്റ്‌സിംഗ് നല്‍കിയ പരാതിയില്‍ പറയുന്നു.

കാസര്‍കോട്: കാസര്‍കോട് ടൗണ്‍ പൊലീസ് സ്റ്റേഷന്‍ പരിധിയിലെ കൂഡ്‌ലു, മീപ്പുഗിരിയില്‍ നിന്നു ഭര്‍തൃമതിയെ കാണാതായതായി പരാതി. സുനിത (42)യെ ആണ് കാണാതായത്. ആഗസ്റ്റ് 30 ന് പുലർച്ചെ അഞ്ചു മണിയോടെ വീട്ടില്‍ നിന്നു പോയ സുനിത പിന്നീട് തിരിച്ചെത്തിയില്ലെന്നു ഭര്‍ത്താവ് പ്രജീഷ് കാസര്‍കോട് ടൗണ്‍ പൊലീസില്‍ നല്‍കിയ പരാതിയില്‍ പറഞ്ഞു. ചെര്‍ക്കള, പാടി സ്വദേശിയായ വിനോദ് കുമാര്‍ എന്ന ആള്‍ക്കൊപ്പം പോയതായി സംശയിക്കുന്നുവെന്നു പരാതിയില്‍ കൂട്ടിച്ചേര്‍ത്തു. പൊലീസ് കേസെടുത്ത് അന്വേഷണം തുടങ്ങി.