ഉഷ്ണ തരംഗത്തിനിടയില് തെരഞ്ഞെടുപ്പ് ചൂടും: നേതാക്കളും, പ്രവര്ത്തകരും വിയര്പ്പൊഴുക്കുന്നു
കാസര്കോട്: കടുത്ത ചൂടില് സ്ഥാനാര്ത്ഥികളും പ്രവര്ത്തകരും വിയര്പ്പൊഴുക്കുന്നു. പുറത്തെ കഠിനമായ സൂര്യതാപവും അകത്തു തെരഞ്ഞെടുപ്പ് ചൂടുമായതോടെ നേതാക്കളും, പ്രവര്ത്തകരും ചുട്ടുപൊള്ളുകയാണ്. തിരഞ്ഞെടുപ്പിന് ഇനി കുറഞ്ഞ ദിവസങ്ങളേ ബാക്കിയുള്ളുവെന്നതു ഇക്കൂട്ടരെ കുഴക്കുന്നു. കഴിഞ്ഞ തിരഞ്ഞെടുപ്പുവരെ അനുഭാവികളെയും എതിരാളികളെന്നും വ്യക്തമായി തിരിച്ചറിയാമായിരുന്നു. എന്നാല് ഇത്തവണ എതിര് സ്ഥാനാര്ത്ഥിയും അവരുടെ പ്രവര്ത്തകരുമാണ് എതിരാളികളെന്നു വിശ്വസിക്കാന് സ്ഥാനാര്ത്ഥികളും നേതാക്കന്മാരും വിഷമിക്കുന്നു. ആര്ക്കും ആരെയും വിശ്വസിക്കാന് കഴിയാത്ത പ്രയാസവും ഇക്കാര്യം മറ്റാരോടും പറയാന് കഴിയാത്ത അവസ്ഥയും സ്ഥാനാര്ത്ഥികളുടെ മനസിലും വിയര്പ്പൊഴുക്കുന്നുണ്ടെന്നു പ്രവര്ത്തകര് സംശയിക്കുന്നു. ഇതുമൂലം …
