Author: WEB EDITOR

കാസർകോട്:കഴിഞ്ഞ കാലവർഷത്തിൽ മണ്ണിടിച്ചിൽ ഉണ്ടായ വീരമല കുന്നിൽ ദേശീയപാത നിർമ്മാണപുരോഗതി ജില്ലാ കളക്ടർ അർജുൻ പാണ്ഡ്യന്റെ നിർദ്ദേശമനുസരിച്ചു കാഞ്ഞങ്ങാട് ആർ ഡി ഒ കെ ആർ മനോജ് സ്ഥലം സന്ദർശിച്ചു വിലയിരുത്തി. റോഡ് നിർമ്മാണ പ്രവർത്തനം വേഗത്തിൽ ആക്കുന്നതിന് കൂടുതൽ യന്ത്രങ്ങൾ ഉപയോഗിക്കാൻ ആർ ഡി കരാറുകാർക്കു നിർദേശം നൽകി. മെയ് 20നകം നിർമ്മാണം പൂർത്തീകരിക്കാൻ ജില്ലാ കലക്ടർ നേരത്തെ നടത്തിയ സ്ഥലസന്ദർശനത്തിൽ നിർദ്ദേശിച്ചിരുന്നു. വീരമലക്കുന്നിൽ തട്ടുകളായി തിരിച്ച് മണ്ണിടിച്ചിൽ തടയുന്നതിനുള്ള നടപടികളാണ് പുരോഗമിക്കുന്നത്.

അടുത്ത മൂന്ന് മണിക്കൂറിൽ പ്രതീക്ഷിക്കാവുന്ന ദിനാന്തരീക്ഷാവസ്ഥ അടുത്ത 3 മണിക്കൂറിൽ കാസർകോട് ഉൾപ്പെടെ സംസ്ഥാനത്തെ 12 ജില്ലകളിൽ ഇടിമിന്നലോടുകൂടിയ ഇടത്തരം മഴയും 40 കിലോമീറ്റർ വരെ വേഗതയിൽ കാറ്റും ഉണ്ടാവാൻ സാധ്യതയുണ്ടെന്നു കാലാവസ്ഥാ വകുപ്പ് അറിയിച്ചു. കാസർകോടിനു പുറമെ കണ്ണൂർ, പത്തനംതിട്ട,വയനാട്, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, ജില്ലകളിലാണ് ഒറ്റപ്പെട്ട മഴയ്ക്കും ഇടിമിന്നലിന്നും കാറ്റിനും സാധ്യതയെന്ന് അറിയിപ്പിൽ പറഞ്ഞു.

മഞ്ചേശ്വരം: നിയമവിരുദ്ധ പ്രവര്‍ത്തനങ്ങളെ വഴിതിരിക്കാന്‍ മഞ്ചേശ്വരത്തു ഭരണവിലാസം നീക്കമാരംഭിച്ചതായി ആക്ഷേപം ഉയരുന്നു. ഡ്രൈവിംഗ് ലൈസന്‍സില്ലാതെ പ്രായപൂര്‍ത്തിയാകാത്ത ആള്‍ റോഡിലൂടെ അപകടകരമായി ഓടിച്ച കാര്‍ പിടികൂടുകയും കാര്‍ ഉടമക്കെതിരെ കേസെടുക്കുകയും ചെയ്തതിനു പിന്നാലെ മഞ്ചേശ്വരം പരിസരത്തെ എം എസ് എഫ്- യൂത്ത് ലീഗ് നേതാക്കന്മാര്‍ പൊലീസ് മര്‍ദ്ദനമാരോപിച്ചു രംഗത്തെത്തുകയും ആശുപത്രിയില്‍ ചികിത്സയിലാണെന്ന തരത്തില്‍ ചിത്രങ്ങള്‍ പ്രചരിപ്പിക്കുകയും ചെയ്തതു ഇതിന്റെ ലക്ഷണമായി ചൂണ്ടിക്കാട്ടുന്നു.മഞ്ചേശ്വരം ഹൊസബെട്ടു റെയില്‍വേ ഗേറ്റിനടുത്തു 17 നു വൈകിട്ട് മഞ്ചേശ്വരം എസ് ഐ വൈഷ്ണവ് രാമചന്ദ്രനും സംഘവും …

Read more “മഞ്ചേശ്വരത്ത് ‘ഭരണവിലാസം’ ഭരണം തുടങ്ങിയെന്ന് ആക്ഷേപം”