ആലുവയില് കൊല്ലപ്പെട്ട കുട്ടിയുടെ ചിത്രം സോഷ്യല് മീഡിയയില് ഇട്ടവര്ക്കെതിരേ നടപടി വരുന്നു; ചിത്രം ഫേസ്ബുക്കില് പങ്കുവെച്ച പെരുമ്പാവൂര് സ്വദേശിയ്ക്കെതിരെ കേസ്
കൊച്ചി: ആലുവയില് കൊല്ലപ്പെട്ട അഞ്ചുവയസ്സുകാരിയുടെ ചിത്രം ഫേസ്ബുക്കില് പങ്കുവെച്ച ആള്ക്കെതിരെ കേസ്. പെരുമ്പാവൂര് സ്വദേശി മുഹമ്മദ് അഷ്റഫിനെതിരെയാണ് പൊലീസ് കേസെടുത്തത്. കുട്ടിയുടെ ചിത്രത്തിന് ഒപ്പം മതസ്പര്ദ്ധ വളര്ത്തുന്ന തരത്തിലുള്ള അടിക്കുറിപ്പും ഇയാള് എഴുതിയിരുന്നു. കുട്ടിയുടെ ഐഡന്റിറ്റി വെളിപ്പെടുത്തുന്ന തരത്തിലുള്ള പോസ്റ്റുകള്ക്കൊപ്പം പ്രതിയ്ക്കെതിരെ ശരിഅത്തിലെ നിയമ പ്രകാരം കേസെടുക്കണമെന്നും മുഹമ്മദ് അഷ്റഫ് ഫേസ്ബുക്കില് പോസ്റ്റിട്ടിരുന്നു. ഇയാള്ക്കെതിരെ 153, പോക്സോ ആക്ട് എന്നിവ ചുമതിയാണ് കേസ് എടുത്തത്. പോസ്റ്റ് ശ്രദ്ധയില്പ്പെട്ട ജില്ലാ പൊലീസ് ചീഫിന്റെ നിര്ദേശ പ്രകാരമാണ് ഇയാള്ക്കെതിരെ കേസെടുത്തത്. …
