Sunday, 10 May 2026, 13:37 : Page 2 of 3 : Karaval Daily

ഭരണപക്ഷത്തും പ്രതിപക്ഷത്തുമില്ലാതെ മമത; ശോഭന്‍ദേബ് ചതോപാധ്യായ ബംഗാള്‍ നിയമസഭയിലെ പ്രതിപക്ഷ നേതാവ്

by WEB EDITORNational Sunday, 10 May 2026, 13:37Sunday, 10 May 2026, 13:37No Comments

കൊല്‍ക്കത്ത: പശ്ചിമ ബംഗാള്‍ നിയമസഭയില്‍ ഭരണപക്ഷത്തും പ്രതിപക്ഷത്തുമില്ലാതെ ഇതാദ്യമായി മമത ബാനര്‍ജി. പ്രതിപക്ഷ നേതാവായി ബലിഗഞ്ച് എംഎല്‍എ ശോഭന്‍ദേബ് ചതോപാധ്യായയെ തൃണമൂല്‍ കോണ്‍ഗ്രസ് തെരഞ്ഞെടുത്തു. ധനേകാലി എംഎല്‍എ അസീമ പത്ര, ചൗരാംഗിയില്‍ നിന്നുള്ള അംഗം നയന ബന്ദേപാധ്യായ എന്നിവരെ പ്രതിപക്ഷ ഉപനേതാക്കളായും തെരഞ്ഞെടുത്തു. കൊല്‍ക്കത്ത പോര്‍ട്ട് മണ്ഡലത്തില്‍ നിന്നുള്ള എംഎല്‍എ ഫിര്‍ഹാദ് ഹക്കീം ആണ് തൃണമൂല്‍ കോണ്‍ഗ്രസിന്റെ ചീഫ് വിപ്പ്. കൊല്‍ക്കത്ത മുനിസിപ്പല്‍ കോര്‍പ്പറേഷന്‍ മുന്‍ മേയറായിരുന്നു ഹക്കീം. ബംഗാളിലെ ജനങ്ങളുടെ താല്‍പ്പര്യങ്ങള്‍ക്കായി പുതുതായി നിയമിതരായ നേതാക്കള്‍ …

കുന്നൂച്ചി, ബെരിച്ചാത്തോട് മുത്തപ്പന്‍ മഠപ്പുരയില്‍ തിരുവപ്പന വെള്ളാട്ട മഹോത്സവം

by WEB EDITORLocal News Sunday, 10 May 2026, 13:31Sunday, 10 May 2026, 13:31No Comments

കാസര്‍കോട്: പനയാല്‍, കുന്നൂച്ചി, ബെരിച്ചാത്തോട് മുത്തപ്പന്‍ മഠപ്പുര പ്രതിഷ്ഠാദിന തിരുവപ്പന വെള്ളാട്ട മഹോത്സവം മെയ് 26, 27 തീയ്യതികളില്‍ നടക്കും.26ന് പുലര്‍ച്ചെ നാലിനു ഗണപതിഹോമം. വൈകുന്നേരം നാലിനു ദൈവത്തെ മലയിറക്കല്‍, രാത്രി ഏഴിന് അന്തി വെള്ളാട്ടം, 8ന് അന്നപ്രസാദം, 10ന് സന്ധ്യാവേല .തുടര്‍ന്ന് കളിക്കപ്പാട്ട്, കലശം എഴുന്നള്ളിപ്പ്, വെള്ളകെട്ട്. 27ന് പുലര്‍ച്ചെ അഞ്ചിന് തിരുവപ്പന വെള്ളാട്ടം പുറപ്പാട്, തുടര്‍ന്ന് പ്രസാദ വിതരണം, ഉച്ചയ്ക്ക് ഒരു മണിക്ക് അന്നപ്രസാദം, കലശം പൊലിക്കല്‍, ദൈവത്തെ മലയകയറ്റല്‍.

ഡ്രൈവറെ കിണറ്റില്‍ വീണ് മരിച്ച നിലയില്‍ കണ്ടെത്തി

by WEB EDITORState Sunday, 10 May 2026, 12:50Sunday, 10 May 2026, 12:50No Comments

എറണാകുളം: ഡ്രൈവറെ കിണറ്റില്‍ വീണ് മരിച്ച നിലയില്‍ കണ്ടെത്തി. തിരുവനന്തപുരം കിളിമാനൂര്‍ പുളിമാത്ത് സ്വദേശി പ്രവീണ്‍(38) ആണ് മരിച്ചത്. എറണാകുളം കിഴക്കമ്പലത്തിനടുത്ത് ഊരാക്കാട് സ്വകാര്യ റൈസ് മില്ലിന് സമീപത്തെ കിണറ്റില്‍ ഇന്ന് രാവിലെയാണ് മൃതദേഹം കണ്ടത്. പ്രവീണ്‍ മില്ലിലെ ഡ്രൈവറായി ജോലി ചെയ്തു വരികയായിരുന്നു. പ്രവീണ്‍ സ്വയം ചാടി മരിച്ചതാണോ ആരെങ്കിലും കൊന്ന് കിണറ്റിലിട്ടതാണോ എന്ന സംശയത്തിലാണ് പൊലീസ്. സംഭവത്തില്‍ ബന്ധുക്കളുടെ പരാതിയില്‍ പൊലീസ് അന്വേഷണം ആരംഭിച്ചു.

യുവാവിനെ കൊലപ്പെടുത്താന്‍ ശ്രമം; നിരവധി ക്രിമിനല്‍ കേസുകളിലെ പ്രതി അറസ്റ്റില്‍

by WEB EDITORState Sunday, 10 May 2026, 12:40Sunday, 10 May 2026, 12:40No Comments

തിരുവനന്തപുരം: യുവാവിനെ കൊലപ്പെടുത്താന്‍ ശ്രമിച്ച സംഭവത്തില്‍ നിരവധി ക്രിമിനല്‍ കേസുകളിലെ പ്രതിയെ പൊലീസ് അറസ്റ്റുചെയ്തു. മേനംകുളം സ്വദേശി ലാലുവിനെ കൊലപ്പെടുത്താന്‍ ശ്രമിച്ച കേസില്‍ ചിറ്റാറ്റുമുക്ക് പഞ്ചായത്ത് നടയില്‍ പഞ്ചായത്ത് ഉണ്ണി എന്ന രതീഷാണ് അറസ്റ്റിലായത്. ഏപ്രില്‍ 19ന് ആയിരുന്നു കേസിനാസ്പദമായ സംഭവം. പ്രതിയുടെ സുഹൃത്തുക്കളുമായി ലാലു സഹകരിക്കാത്തതിലുള്ള വൈരാഗ്യമാണ് ആക്രമണത്തിന് കാരണമെന്ന് പൊലീസ് പറഞ്ഞു. കഴക്കൂട്ടം സ്റ്റേഷനിലും തിരുവനന്തപുരം റൂറല്‍ പൊലീസ് സ്റ്റേഷനിലുമായി 18 ആക്രമണക്കേസുകള്‍ പ്രതിക്കെതിരെ നിലവിലുണ്ടെന്ന് പൊലീസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് …

ബാര്‍ബര്‍ ഷോപ്പിലെ കസേരയില്‍ ഇരുന്ന് മുടിവെട്ടിയശേഷം കണ്ണാടിയില്‍ സൗന്ദര്യം ആസ്വദിക്കുന്ന കുരങ്ങന്‍; വീഡിയോ വൈറല്‍

by WEB EDITORNational Sunday, 10 May 2026, 12:31No Comments

മൈസൂരു: ബാര്‍ബര്‍ ഷോപ്പിലെ കസേരയില്‍ ഇരുന്ന് മുടിവെട്ടിയശേഷം കണ്ണാടിയില്‍ സൗന്ദര്യം ആസ്വദിക്കുന്ന കുരങ്ങന്റെ വീഡിയോ സമൂഹ മാധ്യമങ്ങളില്‍ വൈറലായി. ചാമരാജ് നഗര്‍ സന്തേമാരഹള്ളി ഗ്രാമത്തിലെ ദേവരാജുവിന്റെ ബാര്‍ബര്‍ ഷോപ്പാണു കുരങ്ങന്‍ എത്തിയത്. പിന്നാലെ കസേരയില്‍ കയറി മുന്നിലെ കണ്ണാടിയില്‍ സൗന്ദര്യം ആസ്വദിച്ചിരുന്നു. ഇതിനിടെ ദേവരാജ് കുരങ്ങന്റെ തലയില്‍ മസാജ് ചെയ്തു. മസാജ് ആസ്വദിച്ചുകൊണ്ട് കുരങ്ങന്‍ ഉറങ്ങിപ്പോയി. പിന്നീടു കത്രിക ഉപയോഗിച്ചു മുടി വെട്ടാന്‍ ആംഗ്യം കാണിച്ചു. തുടര്‍ന്നു ദേവരാജ് കുരങ്ങന്റെ മുടി മുറിച്ചു ഭംഗിയാക്കി. വീണ്ടും കണ്ണാടിയില്‍ …

സ്ത്രീ സുരക്ഷയ്ക്കും ലഹരിക്കെതിരെയും പ്രത്യേക സ്‌ക്വാഡ്; 200 യൂണിറ്റ് വൈദ്യുതി പ്രതിമാസം സൗജന്യമായി നല്‍കും; ആദ്യ ഉത്തരവിറക്കി വിജയ്

by WEB EDITORNational Sunday, 10 May 2026, 12:22Sunday, 10 May 2026, 12:22No Comments

ചെന്നൈ: തമിഴ് നാട് മുഖ്യമന്ത്രിയായി അധികാരമേറ്റ ഉടന്‍ മൂന്ന് സുപ്രധാന ഉത്തരവിറക്കി വിജയ്. സ്ത്രീ സുരക്ഷയ്ക്കും ലഹരിക്കെതിരെയും പ്രത്യേക സ്‌ക്വാഡ് രൂപീകരിക്കും, 200 യൂണിറ്റ് വൈദ്യുതി പ്രതിമാസം സൗജന്യമായി നല്‍കും എന്നീ ഉത്തരവുകളാണ് വിജയ് പുറത്തിറക്കിയത്. മുന്‍ ഡിഎംകെ സര്‍ക്കാരിനെതിരെ ആഞ്ഞടിച്ചുകൊണ്ടാണ് വിജയ് തന്റെ പ്രസംഗം ആരംഭിച്ചത്. സര്‍ക്കാരിന്റെ നിലവിലെ സ്ഥിതി വഷളാണെന്നും ഖജനാവ് കാലിയാക്കിക്കൊണ്ടാണ് മുന്‍ സര്‍ക്കാര്‍ പോയതെന്നും വിജയ് പറഞ്ഞു. തന്റെ സര്‍ക്കാര്‍ സുതാര്യമായിരിക്കും, പൊതുജനത്തിന്റെ പണം തനിക്ക് വേണ്ടെന്നും അഴിമതിക്ക് ആലോചന ഉണ്ടെങ്കില്‍ …

ചെറുവത്തൂര്‍ ദേശീയപാതയില്‍ 50 മീറ്റര്‍ നീളത്തില്‍ വിള്ളല്‍

by WEB EDITORLocal News Sunday, 10 May 2026, 12:09Sunday, 10 May 2026, 12:11No Comments

കാസര്‍കോട്: നിര്‍മ്മാണത്തിലിരിക്കുന്ന ചെറുവത്തൂര്‍ ദേശീയപാതയില്‍ വിള്ളല്‍. മേല്‍മട്ടലായി ശിവക്ഷേത്രത്തിനു സമീപത്താണ് 50 മീറ്റര്‍ നീളത്തില്‍ വിള്ളല്‍ ഉണ്ടായത്. കഴിഞ്ഞ ദിവസം രാത്രിയില്‍ പെയ്ത കനത്ത മഴയെ തുടര്‍ന്നാണ് വിള്ളല്‍ ഉണ്ടായത്. വിള്ളല്‍ അടയ്ക്കാനുള്ള ശ്രമം തുടങ്ങിയിട്ടുണ്ട്. വേനല്‍ മഴയെ തുടര്‍ന്ന് സ്ഥിതി ഇങ്ങനെയാണെങ്കില്‍ കാലവര്‍ഷം ആരംഭിച്ചാല്‍ എന്തായിരിക്കും അവസ്ഥയെന്നു യാത്രക്കാര്‍ ചോദിക്കുന്നു. അതേസമയം ദേശീയ പാതയിലെ വിവിധ സ്ഥലങ്ങളില്‍ വെള്ളക്കെട്ട് അനുഭവപ്പെട്ടു. നിര്‍മ്മാണം ഇഴഞ്ഞു നീങ്ങുന്ന സര്‍വ്വീസ് റോഡിലും വെള്ളവും ചെളിയും കെട്ടി നില്‍ക്കുന്നു. ഇത് കാല്‍ …

വ്യാജരേഖ ചമച്ച് അവയവക്കച്ചവടം: മുഖ്യപ്രതി നജീബ് കല്ലട്ര അറസ്റ്റില്‍; ഉന്നതരുമായുള്ള ബന്ധത്തെ കുറിച്ചും അന്വേഷണം

by WEB EDITORState Sunday, 10 May 2026, 11:37Sunday, 10 May 2026, 11:56No Comments

എറണാകുളം: വ്യാജരേഖ ചമച്ച് അവയവക്കച്ചവടം നടത്തിയ കേസിലെ മുഖ്യപ്രതി കാസർകോട് ,കളനാട് , ചളിയങ്കോട്ടെ മുഹമ്മദ് നജീബ് കല്ലട്ര അറസ്റ്റില്‍. ഡല്‍ഹി അതിര്‍ത്തിയിലെ ഗാസിയാബാദിൽ വച്ച് എറണാകുളം റൂറൽ പൊലീസാണ് നജീബിനെ പിടികൂടിയത്. അറസ്റ്റ് സംബന്ധിച്ച കൂടുതല്‍ വിവരങ്ങള്‍ അറിവായിട്ടില്ലെങ്കിലും നേപ്പാളിലേയ്ക്ക് കടക്കാനുള്ള ശ്രമത്തിനിടയിലാണ് പിടിയിലായതെന്നാണ് സൂചന. കേസിലെ കൂട്ടു പ്രതികളായ കുന്നത്തുനാട്, കുമാരപുരം തടിയന്‍ വീട്ടില്‍ സണ്ണി വര്‍ഗ്ഗീസ് (56), ഭാര്യ സിനി വര്‍ഗ്ഗീസ് (50), ചേലക്കളത്തെ കുഴിനാടന്‍ വീട്ടില്‍ സനോജ് (22), കുന്നത്തു നാട്, …

ജിമ്മില്‍ നിന്നിറങ്ങിയ യുവാവിന്റെ തലയില്‍ ചുറ്റിക കൊണ്ടടിച്ച് പരിക്കേല്‍പ്പിച്ചു; ഹെല്‍മറ്റ് ധരിച്ചെത്തിയ ആളെ പൊലീസ് തിരയുന്നു

by WEB EDITORState Sunday, 10 May 2026, 11:12Sunday, 10 May 2026, 11:12No Comments

തൃശൂര്‍: ജിമ്മില്‍ നിന്നിറങ്ങിയ യുവാവിന്റെ തലയില്‍ ചുറ്റിക കൊണ്ടടിച്ച് പരിക്കേല്‍പ്പിച്ച സംഭവത്തില്‍ ഹെല്‍മറ്റ് ധരിച്ചെത്തിയ ആള്‍ക്ക് വേണ്ടി പൊലീസ് അന്വേഷണം ആരംഭിച്ചു. തൃക്കൂരില്‍ കഴിഞ്ഞദിവസം രാത്രി നടന്ന സംഭവത്തില്‍ പുഴമ്പള്ളം സ്വദേശി ബിനസ് ഡേവിസിന് (37) ആണ് പരിക്കേറ്റത്. ഗുരുതരമായി പരിക്കേറ്റ ഡേവിസിനെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ജിമ്മില്‍ നിന്നിറങ്ങിയ ബിനസിനെ ഹെല്‍മറ്റ് ധരിച്ച് പുറകില്‍ നിന്ന് വന്ന ആള്‍ ചുറ്റിക കൊണ്ട് തലയ്ക്കടിക്കുകയായിരുന്നുവെന്ന് പറയുന്നു. ബോധം നഷ്ടപ്പെട്ട് നിലത്ത് വീണ യുവാവിന്റെ തലയില്‍ വീണ്ടും …

കത്തിയുമായി ഭാര്യാവീട്ടിലെത്തി അക്രമം; യുവാവിനെതിരെ കേസ്

by WEB EDITORLocal News Sunday, 10 May 2026, 10:52Sunday, 10 May 2026, 10:52No Comments

കാസര്‍കോട്: മദ്യലഹരിയില്‍ കത്തിയുമായി ഭാര്യാവീട്ടിലെത്തി അക്രമം നടത്തിയെന്ന പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചു. അജാനൂര്‍, അടോട്ടെ പി സരിത (46)യുടെ പരാതിയില്‍ ഭര്‍ത്താവ് പി പി വിനോദിനെതിരെയാണ് ഹൊസ്ദുര്‍ഗ്ഗ് പൊലീസ് കേസെടുത്തത്.ശനിയാഴ്ച രാവിലെ 8.30 മണിയോടെയാണ് കേസിനാസ്പദമായ സംഭവം. മദ്യലഹരിയില്‍ കത്തിയുമായി പരാതിക്കാരിയുടെ പിതാവിന്റെ ഉടമസ്ഥതയിലുള്ള വീട്ടിലെത്തുകയും കൊല്ലുമെന്ന് ഭീഷണിപ്പെടുത്തിയ ശേഷം ജനല്‍ ഗ്ലാസ് അടിച്ചു പൊട്ടിക്കുകയായിരുന്നുവെന്നു പരാതിയില്‍ പറഞ്ഞു. 5000 രൂപയുടെ നഷ്ടം ഉണ്ടായതായി കൂട്ടിച്ചേര്‍ത്തു.

പോത്തിന്റെ ആക്രമണത്തില്‍ വയോധികന്‍ മരിച്ചു

by WEB EDITORState Sunday, 10 May 2026, 10:49Sunday, 10 May 2026, 10:55No Comments

കൊച്ചി: പോത്തിന്റെ ആക്രമണത്തില്‍ വയോധികന്‍ മരിച്ചു. കൈപ്പടമുകള്‍ കൊല്ലംകുടി വീട്ടില്‍ അബുവാണ് (73) മരിച്ചത്. കളമശ്ശേരി കൈപ്പടമുകളില്‍ ഇന്നലെ രാത്രിയാണ് സംഭവം. വീടിന് സമീപത്തെ മരങ്ങള്‍ കുത്തി മറിക്കുന്നത് കണ്ട് പോത്തിനെ ഓടിക്കാന്‍ ശ്രമിക്കുന്നതിനിടെയാണ് പോത്തിന്റെ ആക്രമണം ഉണ്ടായതെന്ന് പറയുന്നു. ഗുരുതരമായി പരിക്കേറ്റ അബുവിനെ ആശുപത്രിയിലെത്തിച്ചെങ്കിലും ചികിത്സയ്ക്കിടെ മരണപ്പെട്ടു. ആക്രമണകാരിയായ പോത്തിനെ പിന്നീട് നാട്ടുകാര്‍ ചേര്‍ന്ന് പിടികൂടി കെട്ടിയിട്ടു.

ആരാധകക്കടലായി ചെന്നൈ സ്‌റ്റേഡിയം; വിജയ് അധികാരമേറ്റു

by WEB EDITORNational Sunday, 10 May 2026, 10:30Sunday, 10 May 2026, 10:30No Comments

ചെന്നൈ: നടന്‍ വിജയ് മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു. ദൈവനാമത്തിലാണ് സത്യപ്രതിജ്ഞ. ഒപ്പം ഒമ്പത് മന്ത്രിമാരും സത്യപ്രതിജ്ഞ ചെയ്തു. ജവാഹര്‍ലാല്‍ നെഹ്‌റു ഇന്‍ഡോര്‍ സ്റ്റേഡിയത്തില്‍ നടന്ന ചടങ്ങില്‍ കോണ്‍ഗ്രസ് നേതാവ് രാഹുല്‍ ഗാന്ധിയും സിനിമ രാഷ്ട്രീയ മേഖലകളിലുള്ളവരും പങ്കെടുത്തു. രാഷ്ട്രീയ പരിചയം, യുവ പ്രാതിനിധ്യം, ജാതി സമവാക്യങ്ങള്‍ എന്നിവയ്‌ക്കൊപ്പം പാര്‍ട്ടിയുടെ വളര്‍ച്ചയില്‍ ഒപ്പം നിന്ന വിശ്വസ്തരെ മന്ത്രിസഭയില്‍ ഉള്‍പ്പെടുത്താനും വിജയ് ശ്രമിച്ചിട്ടുണ്ട്. മന്ത്രിസഭയിലെ പ്രമുഖ മുഖങ്ങളിലൊന്ന് അണ്ണാഡിഎംകെയുടെ മുന്‍ നേതാവായ കെ.എ. സെങ്കോട്ടയ്യന്‍ ആണ്. മുന്‍ മുഖ്യമന്ത്രിമാരായ …

നവവധു ദുരൂഹ സാഹചര്യത്തില്‍ ഭര്‍തൃവീട്ടില്‍ മരിച്ച നിലയില്‍; കോടിക്കണക്കിന് രൂപ വിലമതിക്കുന്ന സ്വത്തുക്കളുള്ള മകളുടെ മരണത്തിന് പിന്നില്‍ ഭര്‍ത്താവും കുടുംബവുമാണെന്ന് ബന്ധുക്കള്‍

by WEB EDITORNational Sunday, 10 May 2026, 10:19Sunday, 10 May 2026, 10:19No Comments

ലക്‌നൗ: നവവധുവിനെ ദുരൂഹ സാഹചര്യത്തില്‍ ഭര്‍തൃവീട്ടില്‍ മരിച്ച നിലയില്‍ കണ്ടെത്തി. ഉത്തര്‍പ്രദേശിലെ ഗ്രേറ്റര്‍ നോയിഡയിലാണ് സംഭവം. 22കാരിയായ മോണിക നഗറാണ് മരിച്ചത്. 2026 ഫെബ്രുവരി 17 ന് ആയിരുന്നു മോണിക്കയുടെ വിവാഹം. അനൂജ് ചൗഹാന്‍ എന്നയാളെയാണ് മോണിക്ക വിവാഹം കഴിച്ചത്. പ്രണയ വിവാഹമായിരുന്നു. വീട്ടുകാരുടെ എതിര്‍പ്പ് മറികടന്ന് കോടതി ഇടപെടലിലാണ് ഇവരുടെ വിവാഹം നടന്നത്. വിവാഹം കഴിഞ്ഞ് മൂന്ന് മാസം തികയും മുന്‍പാണ് മോണിക്കയുടെ മരണം. മരണത്തിന് പിന്നില്‍ ഭര്‍ത്താവും കുടുംബവുമാണെന്ന് യുവതിയുടെ കുടുംബം ആരോപിച്ചു. മോണിക്കയുടെ …

ബസ് സ്റ്റാന്റിലെ ലൈംഗികാതിക്രമം: ഇരയായ യുവതിയെ കണ്ടെത്തി; പ്രതിക്കായി തെരച്ചിൽ

by WEB EDITORState Sunday, 10 May 2026, 10:13Sunday, 10 May 2026, 10:13No Comments

തിരുവനന്തപുരം: കാട്ടാക്കട ബസ് സ്റ്റാന്റില്‍ ലൈംഗിക അതിക്രമത്തിനു ഇരയായ യുവതിയെ കണ്ടെത്തി. ബ സ്റ്റാന്റിനു സമീപത്തു നിന്നാണ് കണ്ടെത്തിയത്. അവശനിലയിലായ ഇവരെ ഷെല്‍ട്ടല്‍ ഹോമിലേയ്ക്ക് മാറ്റി. വൈദ്യ പരിശോധന ഇന്നു നടത്തും. പ്രതിയെ കണ്ടെത്താന്‍ പൊലീസ് അന്വേഷണം ഊര്‍ജ്ജിതമാക്കി. കാട്ടാക്കട കെ എസ് ആര്‍ ടി സി ബസ്സ്റ്റാന്റില്‍ കഴിഞ്ഞ ദിവസമാണ് ദാരുണമായ സംഭവം നടന്നത്. മാനസിക വെല്ലുവിളി നേരിടുന്ന യുവതി ഏതാനും ദിവസങ്ങളായി ബസ് സ്റ്റാന്റിലാണ് അന്തിയുറങ്ങുന്നത്. യുവതിയെ കാണാത്തതിനെ തുടര്‍ന്ന് സംശയം തോന്നിയ ഡിപ്പോയിലെ …

ഡോക്ടര്‍മാര്‍ സഞ്ചരിച്ച കാറില്‍ ബൈക്ക് ഇടിച്ച് 18 കാരന്‍ മരിച്ചു

by WEB EDITORState Sunday, 10 May 2026, 9:50Sunday, 10 May 2026, 9:50No Comments

തിരുവനന്തപുരം: ഡോക്ടര്‍മാര്‍ സഞ്ചരിച്ച കാറില്‍ ബൈക്ക് ഇടിച്ച് 18 കാരന്‍ മരിച്ചു. ഇന്ന് പുലര്‍ച്ചെ എം സി റോഡില്‍ നടന്ന അപകടത്തില്‍ കടയ്ക്കല്‍ കുറ്റിക്കാട് സ്വദേശി സുബിന്‍ (18) ആണ് മരിച്ചത്. ബൈക്ക് ഓടിച്ചിരുന്ന സുബിന്റെ സുഹൃത്ത് സിദ്ധാര്‍ത്ഥിന് പരിക്കേറ്റു. സിദ്ധാര്‍ത്ഥിനെ ആശുപത്രിയില്‍ പ്രവേശിപ്പിച്ചു. ബൈക്കിന് പിന്നിലായിരുന്നു സുബിന്‍ യാത്ര ചെയ്തിരുന്നത്. വെഞ്ഞാറമൂട് ഭാഗത്ത് നിന്നു വന്ന ബൈക്ക് എതിര്‍ ദിശയില്‍ വന്ന കാറുമായി കൂട്ടിയിടിക്കുകയായിരുന്നുവെന്നാണ് വിവരം. അപകടത്തില്‍ പരിക്കേറ്റ സുബിനെ ഉടന്‍തന്നെ സമീപത്തെ സ്വകാര്യ മെഡിക്കല്‍ …

കര്‍ണ്ണാടക മന്ത്രിയും മുതിര്‍ന്ന കോണ്‍ഗ്രസ് നേതാവുമായ ഡി സുധാകര അന്തരിച്ചു

by WEB EDITORNational Sunday, 10 May 2026, 9:30Sunday, 10 May 2026, 9:30No Comments

ബംഗ്‌ളൂരു: കര്‍ണ്ണാടക മന്ത്രിയും മുതിര്‍ന്ന കോണ്‍ഗ്രസ് നേതാവുമായ ഡി സുധാകര(66) അന്തരിച്ചു. ഞായറാഴ്ച പുലര്‍ച്ചെ ബാംഗ്ലൂര്‍ ഇലക്ട്രോണിക് സിറ്റിയിലെ കൃഷ്ണ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് ആശുപത്രിയിലായിരുന്നു അന്ത്യം.ഹിരിയൂര്‍ നിയോജക മണ്ഡലത്തില്‍ നിന്നുള്ള എം എല്‍ എ ആയ ഡി സുധാകരന്‍ പ്ലാനിംഗ് ആന്റ് സ്റ്റാറ്റിറ്റിക്‌സ് വകുപ്പ് മന്ത്രിയായിരുന്നു.

പണം ഇല്ലെങ്കിൽ പ്രണയം എന്തിന്?:പ്രണയം നടിച്ച് യുവതിയിൽ നിന്ന് ലക്ഷങ്ങളുടെ സ്വർണാഭരണങ്ങൾ തട്ടിയെടുത്ത വിരുതൻ പിടിയിൽ

by WEB EDITORState Sunday, 10 May 2026, 7:07Sunday, 10 May 2026, 7:22No Comments

തൃശ്ശൂർ: യുവതിയുമായി പ്രണയം അഭിനയിച്ച് ലക്ഷക്കണക്കിന് രൂപയുടെ സ്വർണ്ണം തട്ടിയെടുത്ത ശേഷം ഭീഷണിപ്പെടുത്തി വീണ്ടും തട്ടിപ്പിന് ശ്രമിച്ച തലശ്ശേരി സ്വദേശിയായ വിരുതനെ കൊടുങ്ങല്ലൂർ പോലീസ് അറസ്റ്റ് ചെയ്തു .തലശ്ശേരിയിലെ ഫഹിം അഹമ്മദാണ് (23) പിടിയിലായതു്. സമൂഹമാധ്യമത്തിലൂടെ യുവതിയുമായി പ്രണയത്തിലായ ഇയാൾ സാമ്പത്തിക സഹായം ആവശ്യപ്പെടുകയായിരുന്നു. പ്രണയം കടുത്ത ഘട്ടത്തിൽ എത്തിയപ്പോഴായിരുന്നു സാമ്പത്തിക സഹായ അഭ്യർത്ഥന. പണം ഇല്ലെങ്കിൽ പ്രണയം ഉപേക്ഷിക്കേണ്ടി വരും എന്ന് ഭീഷണിക്കു മുന്നിൽ ദുർബലയായ യുവതി കഴിഞ്ഞ ഒക്ടോബറിൽ തന്റെ നാലു പവൻ വരുന്ന …

കോൺക്രീറ്റ് തൂണ് ഇടിഞ്ഞുവീണ് എട്ട് വയസ്സുകാരൻ ദാരുണമായി മരിച്ചു

by WEB EDITORState Sunday, 10 May 2026, 6:54Sunday, 10 May 2026, 6:54No Comments

മലപ്പുറം : വീടിന്റെ തൂണ് ഇടിഞ്ഞുവീണു നിലമ്പൂരിൽ എട്ടുവയസ്സുകാരൻ ദാരുണമായി മരിച്ചു. രാമംകുത്തിയിലെ മൊയ്തുവിന്റെ മകൻ സിഫ്രാനാ (8)ണ് മരിച്ചത് .ഇന്നലെ വൈകിട്ട് അടുത്ത് വീട്ടിൽ കുട്ടികളുമായി ടെറസിൽ കളിച്ചുകൊണ്ടിരിക്കുന്നതിനിടയിലാണ് അപകടം. തുണികൾ ഉണക്കാൻ ഉണ്ടാക്കിയ ഫില്ലറയിൽ നിന്ന് വെട്ടുകല്ലുകൾ തലയിലേക്ക് വീണായിരുന്നു അപകടം. അപകടമുണ്ടായുടനെ സിഫ്രാനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഷൈഹയാണ് മാതാവ്. മൂന്ന് സഹോദരങ്ങൾ ഉണ്ട് .