Author: WEB EDITOR

കാസര്‍കോട്: കുമ്പള പഞ്ചായത്തിലെ കൊടിയമ്മ ജമാഅത്ത് കമ്മിറ്റി അംഗവും യു എച്ച് ക്ലബ്ബ് പ്രസിഡന്റുമായ കൊടിയമ്മയിലെ പൗരപ്രമുഖന്‍ പള്ളത്തിമാര്‍ മൂസയുടെ മകന്‍ ജലീല്‍ കൊടിയമ്മ തന്റെ പേരിലുള്ള ഏഴുസെന്റ് സ്ഥലം പറമ്പിനോടു ചേര്‍ന്ന കാവിനു സൗജന്യമായി കൈമാറി.ജലീലിന്റെ മാനുഷിക സമീപനത്തെയും മാനവികതയെയും വിശാലമനസ്‌കതയെയും കാവു കമ്മിറ്റിയും നാട്ടുകാരും അഭിനന്ദിച്ചു. കാവില്‍ നടന്ന ചടങ്ങില്‍ രക്ഷാധികാരികളായ ദാസ് കുടുംബം അനുമോദിച്ചു. കാവ് കമ്മിറ്റി അംഗങ്ങള്‍ ജലീലിന് ഉപഹാരം സമ്മാനിച്ചു.നാടിന്റെയും മനുഷ്യരുടെയും സാമൂഹ്യ- സാംസ്‌ക്കാരിക- ജീവകാരുണ്യ മേഖലകളില്‍ നിറസാന്നിധ്യമാണ് ജലീല്‍. …

Read more “മാനവികതയ്ക്കു മാതൃകയായി കൊടിയമ്മയിലെ ജലീല്‍; അനുമോദനങ്ങള്‍ ചൊരിഞ്ഞു നാട്”

കാസര്‍കോട്: കാസര്‍കോട് ജാല്‍സൂര്‍ ജംഗ്ഷനില്‍ ഒറ്റപ്പെട്ട നിലയില്‍ കാണപ്പെട്ട അസം സ്വദേശിനിയെ കാസര്‍കോട് പൊലീസ് സുരക്ഷാ പരിഗണനയില്‍ സഖി വണ്‍ സ്റ്റോപ്പ് സെന്ററില്‍ അഭയം നല്‍കുകയും ഒരാഴ്ചക്കുള്ളില്‍ അസമില്‍ ബന്ധപ്പെട്ടു ബന്ധുക്കളെ കാസര്‍കോട്ടെത്തിച്ച് അവര്‍ക്കൊപ്പം തിരിച്ചയക്കുകയും ചെയ്തു. സഖി വണ്‍ സ്റ്റോപ്പ് സെന്ററിന്റെ മാനുഷിക നടപടിയെ യുവതിയുടെ ബന്ധുക്കളും വിവരമറിഞ്ഞ നാട്ടുകാരും അഭിനന്ദിച്ചു.ഏപ്രില്‍ 23നാണ് യുവതിയെ പൊലീസ് ജാല്‍സൂര്‍ ജംഗ്ഷനില്‍ കണ്ടെത്തിയത്. മലയാളമോ ഇംഗ്ലീഷോ വശമില്ലാത്ത യുവതിയില്‍ നിന്നു ലഭിച്ച ആധാര്‍ വിവരങ്ങളുടെ അടിസ്ഥാനത്തിലാണ് അസം സ്വദേശിനിയാണെന്നു …

Read more “കേരളത്തിന്റെ കരുതല്‍: കാസര്‍കോട് ഒറ്റപ്പെട്ട നിലയില്‍ കണ്ട അസം സ്വദേശിനിയെ പാര്‍പ്പിടവും പരിചരണവും നല്‍കി ബന്ധുക്കളെ എത്തിച്ച് അവര്‍ക്ക് കൈമാറി; സഖി വണ്‍ സ്റ്റോപ്പ് സെന്ററിന് അഭിനന്ദനം”

കാസര്‍കോട്: ഉപ്പള, ബേക്കൂര്‍,ജോഡ്ക്കല്ലില്‍ പ്രതിശ്രുത വരനെ കുത്തിക്കൊലപ്പെടുത്താന്‍ ശ്രമിച്ചതായി പരാതി. സംഭവത്തില്‍ ദാരംബലയിലെ സച്ചിനെതിരെ മഞ്ചേശ്വരം പൊലീസ് വധശ്രമത്തിന് കേസെടുത്തു. ബേക്കൂര്‍, ജോഡ്ക്കല്ലിലെ മംഗളാംബ നിലയത്തില്‍ സച്ചിന്‍കുമാര്‍ (31) ആണ് വധശ്രമത്തിനു ഇരയായത്. ഇദ്ദേഹത്തിന്റെ വിവാഹത്തോടനുബന്ധിച്ച് കെട്ടിയ ഫ്‌ളക്‌സ് ബോര്‍ഡ് നശിപ്പിച്ചത് ചോദ്യം ചെയ്ത വിരോധത്തില്‍ ദാരംബലയിലെ സച്ചിന്‍ എന്ന ആളാണ് ആക്രമിച്ചതെന്നു പരാതിപ്പെട്ടു. കൂടെ ഉണ്ടായിരുന്ന സുഹൃത്ത് മിഥുന്‍ തടഞ്ഞിരുന്നില്ലെങ്കില്‍ ജീവാപായം ഉണ്ടാകുമായിരുന്നുവെന്നു കൂട്ടിച്ചേര്‍ത്തു. കേസില്‍ പ്രതിയായതോടെ സച്ചിന്‍ ഒളിവില്‍ പോയതായി പൊലീസ് പറഞ്ഞു.