വെഞ്ഞാറമൂട്: കെ.എസ്.ആര്.ടി.സി ബസും ബൈക്കും കൂട്ടിയിടിച്ച് എം.ബി.ബി.എസ് വിദ്യാര്ത്ഥി മരിച്ചു.
വെമ്പായം കന്യാകുളങ്ങര പോംകുന്ന് സ്വദേശിയും ജോര്ദ്ദാനില് മൂന്നാം വര്ഷ എം.ബി.ബി.എസ് വിദ്യാര്ത്ഥിയുമായ ഷാഹിന്(23) ആണ് മരിച്ചത്.
എം.സി റോഡിലെ കന്യാകുളങ്ങരയില് ബുധനാഴ്ച രാത്രിയാണ് അപകടമുണ്ടായത്. ഷാഹിന് വില്ലയില് ഷിറാസ്ഖാന് – സുമയ്യ ദമ്പതികളുടെ മകനാണ്. പശ്ചിമേഷ്യന് യുദ്ധത്തെ തുടര്ന്ന് അവധി ലഭിച്ചതിനെ തുടര്ന്ന് അടുത്തിടെയാണ് നാട്ടിലെത്തിയത്. കെ.എസ്.ആര്.ടി.സി ബസ് മറ്റൊരു വാഹനത്തെ മറികടക്കാന് ശ്രമിക്കുമ്പോള് എതിരെ വന്ന ബൈക്കിനെ ഇടിച്ചു തെറിപ്പിക്കുകയായിരുന്നുവെന്ന് പറയുന്നു.
