Author: WEB EDITOR

കോഴിക്കോട്: സമയക്രമത്തെച്ചൊല്ലിയുള്ള തര്‍ക്കത്തിനിടെ സ്വകാര്യ ബസ് മറ്റൊരു ബസില്‍ ഇടിച്ച് അപകടമുണ്ടാക്കാന്‍ ശ്രമം. കോഴിക്കോട് മെഡിക്കല്‍ കോളേജ് റൂട്ടിലായിരുന്നു സംഭവം. മുക്കം – കോഴിക്കോട് റൂട്ടില്‍ ഓടുന്ന വടക്കേടന്‍ എന്ന ബസിലെ ജീവനക്കാരും സിറ്റി റൂട്ടില്‍ സര്‍വീസ് നടത്തുന്ന ഹസ്ബി എന്ന ബസിലെ ജീവനക്കാരും തമ്മിലാണ് സമയക്രമം സംബന്ധിച്ച് തര്‍ക്കം ഉണ്ടായത്. സ്റ്റോപ്പില്‍ നിര്‍ത്തിയിട്ട ബസിനു മുന്നില്‍ ബസ് നിര്‍ത്തിയതാണ് തര്‍ക്കത്തിന് ഇടയാക്കിയത്. അതിനുശേഷം ബസ് പിന്നിലേക്ക് എടുക്കുന്നതിനിടയിലാണ് ആദ്യത്തെ ബസില്‍ ഇടിച്ചത്. രണ്ടു ബസിലും നിറയെ …

Read more “സമയക്രമത്തെച്ചൊല്ലി തര്‍ക്കം; സ്വകാര്യ ബസ് മറ്റൊരു ബസില്‍ ഇടിപ്പിച്ച് അപകടമുണ്ടാക്കാന്‍ ശ്രമം”

കോഴിക്കോട്: സംസ്ഥാനത്തെ നാലു ജില്ലകളില്‍ ഇന്നു വൈദ്യുതി നിയന്ത്രണം ഏര്‍പ്പെടുത്തും. കാസര്‍കോട്, കണ്ണൂര്‍, വയനാട്, കോഴിക്കോട് ജില്ലകളിലാണ് വൈദ്യുതി നിയന്ത്രണം ഏര്‍പ്പെടുത്തുന്നത്. നിയന്ത്രണം തിങ്കളാഴ്ച വരെ തുടരുമെന്ന് അധികൃതര്‍ അറിയിച്ചു.കോഴിക്കോട് സബ് സ്‌റ്റേഷന്‍ അറ്റകുറ്റപ്പണികള്‍ക്ക് വേണ്ടിയാണ് നിയന്ത്രണം ഏര്‍പ്പെടുത്തുന്നത്.

കൊട്ടാരക്കര: സി പി എം സംസ്ഥാന സെക്രട്ടറി എം വി ഗോവിന്ദന്‍ ചാം ചച്ച, ചോം ചച്ച പോലാണെന്ന് സി പി എം അടൂര്‍ ഏരിയാ കമ്മിറ്റിയില്‍ പ്രാദേശിക പാര്‍ട്ടി നേതാക്കള്‍ അഭിപ്രായപ്പെട്ടു.നടന്‍ ജയന്റെ ഒരു സിനിമയില്‍ അത്തരത്തില്‍ ഒരുപാട്ടുണ്ടെന്നും അതുപോലെയാണ് എം വി ഗോവിന്ദന്റെ പത്രസമ്മേളനമെന്നും ഏരിയാ കമ്മിറ്റി അംഗങ്ങള്‍ തുറന്നടിച്ചു. ചാം ചച്ച, ചോം ചച്ച എന്ന പാട്ട് എഴുതിയ ആള്‍ക്കും അതിനു സംഗീതം നല്‍കിയ ആള്‍ക്കും അതു കേട്ടവര്‍ക്കും അതെന്താണെന്നറിയില്ല. അതുപോലെയാണ് ഗോവിന്ദന്റെ …

Read more “എം വി ഗോവിന്ദന്‍ ചാം ചച്ച; ചോം ചച്ച: സി പി എം അടൂര്‍ എ സി”

കണ്ണൂർ: പൊലീസ് സ്റ്റേഷനിൽ നിന്ന് ഇറങ്ങി ഓടിയ പ്രതിയെ പിന്തുടര്‍ന്ന് പിടികൂടി. മുഴപ്പിലങ്ങാട് പാച്ചാക്കരയിലെ നബീസാസില്‍ കെ.സി മുഹമ്മദ് റിഷാനെ(30) യാണ് അറസ്റ്റു ചെയ്തത്. ഒരു കേസില്‍ കസ്റ്റഡിയിലെടുത്ത് എടക്കാട് പൊലീസ് സ്റ്റേഷനിലെത്തിച്ചതായിരുന്നു.വൈകുന്നേരത്തോടെ ടോയ്‌ലറ്റില്‍ പോകണമെന്നുപറഞ്ഞു. ടോയ്‌ലറ്റിലേക്ക് കൊണ്ടുപോകുംവഴി പുറത്തേക്ക് ഓടിപ്പോവുകയായിരുന്നു. പാറാവ് ഡ്യൂട്ടിയിലുണ്ടായിരുന്ന സി.പി.ഒ: അരുണും എ.എസ്.ഐ: സി.പി സാജനും പിറകെ ഓടുകയും സ്റ്റേഷന് സമീപത്തെ റോഡില്‍ വെച്ച് പിടികൂടുകയുമായിരുന്നു.