യുവാവിനൊപ്പമുള്ള ഫോട്ടോ കാണിച്ച് ഭീഷണി: യുവതിയുടെ മാതാവിന്റെ 24 പവന്‍ സ്വര്‍ണ്ണം കൈക്കലാക്കി; തിരികെ ചോദിച്ചപ്പോള്‍ കാറില്‍ തടഞ്ഞുവച്ച് അക്രമം, കാസര്‍കോട് സ്വദേശിക്കെതിരെ കേസ്, അമിതമായി ഗുളിക കഴിച്ച യുവതി ഗുരുതരനിലയില്‍

കാസര്‍കോട്: യുവതിയുടെ മാതാവിന്റെ 24 പവന്‍ സ്വര്‍ണാഭരണങ്ങള്‍ ഭീഷണിപ്പെടുത്തി കൈക്കലാക്കിയതായി പരാതി. തിരികെ ചോദിച്ച വിരോധത്തില്‍ യുവതിയെ കാറില്‍ തടഞ്ഞുവച്ചു അക്രമിച്ചു. 22കാരിയുടെ പരാതിയില്‍ കാസര്‍കോട്ടെ യൂസഫ് ഇര്‍ഷാദിനെതിരെ കുമ്പള പൊലീസ് കേസെടുത്തു. പരാതിക്കാരിയായ യുവതിയും യൂസഫ് ഇര്‍ഷാദും പരിചയക്കാരായിരുന്നു. ഇതിനിടയില്‍ പരാതിക്കാരിയുടെ കൂടെയുള്ള ഫോട്ടോ കാണിച്ച് ഭീഷണിപ്പെടുത്തി തിരികെ തരാമെന്നു പറഞ്ഞ് യുവതിയുടെ മാതാവിന്റെ 24 പവന്‍ സ്വര്‍ണ്ണം കൈക്കലാക്കുകയായിരുന്നുവെന്ന് പറയുന്നു. എന്നാല്‍ സ്വര്‍ണം തിരികെ കൊടുത്തില്ല. ശനിയാഴ്ച ബന്തിയോട് വച്ച് സ്വര്‍ണം തിരികെ ചോദിച്ചപ്പോള്‍ യുവതിയെ കാറില്‍ തടഞ്ഞുവച്ച് അടിച്ചു പരിക്കേല്‍പ്പിക്കുകയായിരുന്നുവെന്ന് കുമ്പള പൊലീസ് രജിസ്റ്റര്‍ ചെയ്ത കേസില്‍ പറയുന്നു. അതേ സമയം പരാതിക്കാരിയായ യുവതി ‘പാരസറ്റമോള്‍ 650 ‘എന്ന ഗുളിക 20 എണ്ണം ഒന്നിച്ച് കഴിച്ച് അത്യാസന്ന നിലയില്‍ മംഗ്‌ളൂരുവിലെ ആശുപത്രിയില്‍ ചികിത്സയിലാണ്.

Subscribe
Notify of
guest
0 Comments
Oldest
Newest Most Voted
RELATED NEWS
അഗോഡ ആപ്പിലൂടെ റൂം ബുക്ക് ചെയ്തു, ക്യാന്‍സല്‍ ചെയ്തപ്പോള്‍ റീഫണ്ട് ക്രെഡിറ്റ് കാര്‍ഡ് വഴി തരാമെന്ന് വാഗ്ദാനം; കറന്തക്കാട്ടെ 39 കാരന്റ അക്കൗണ്ടില്‍ നിന്ന് പോയത് ഒരുലക്ഷത്തിലധികം രൂപ
Scroll to top

You cannot copy content of this page