യാത്രക്കാരന്‍ ബസിനകത്ത് കുഴഞ്ഞുവീണു; സ്വകാര്യ ബസ് നേരെ ആശുപത്രിയിലേക്ക് വിട്ടു; എന്നിട്ടും ജീവന്‍ രക്ഷിക്കാന്‍ കഴിയാത്ത സങ്കടത്തില്‍ ബസ് ജീവനക്കാരും യാത്രക്കാരും
കാസര്‍കോട്: ബസ് യാത്രക്കിടയില്‍ നെഞ്ച് വേദന അനുഭവപ്പെട്ട് കുഴഞ്ഞു വീണ വയോധികനെ അതേ ബസില്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. ഉപ്പള, കൈക്കമ്പയിലെ ഗുജിരിക്കടയില്‍ ജോലിക്കാരനായ കര്‍ണാടക, ഭദ്രാവതി, ജപ്പത്തുനഗറിലെ ഫയാസ് അഹമ്മദ് (61) ആണ് മരിച്ചത്. വിവരമറിഞ്ഞ് ബന്ധുക്കള്‍ മഞ്ചേശ്വരത്തേക്ക് തിരിച്ചു.ഇന്നലെ (വെള്ളി) വൈകുന്നേരമുണ്ടായ സംഭവത്തെ കുറിച്ച് ബസ് ജീവനക്കാര്‍ പറയുന്നത് ഇങ്ങനെ: “കാസര്‍കോട് നിന്ന് തലപ്പാടിയിലേക്ക് പോവുകയായിരുന്ന ഗജാനന ബസിലെ യാത്രക്കാരനായിരുന്നു ഫയാസ് അഹമ്മദ്. കാസര്‍കോട് നിന്ന് ബസില്‍ കയറിയ ഇദ്ദേഹം തലപ്പാടിയിലേക്കാണ് ടിക്കെറ്റെടുത്തത്. …
