കാസർകോട് : ഉക്കിനടുക്കയിലെ കാസർകോട് മെഡിക്കൽ കോളേജ് ആശുപത്രിയിലെ ഒ.പി.സേവനം കാസർകോട് ജനറൽ ആശുപത്രിയിലേക്കു മാറ്റാനുള്ള നോട്ടീസ് പ്രിൻസിപ്പൽ പിൻവലിച്ചു. ഒ.പി. നിറുത്തലാക്കുന്നതിനെതിരെ ഡിവൈഎഫ്ഐ, യൂത്ത് കോൺഗ്രസ്, യൂത്ത് ലീഗ് സംഘടനകളും നാട്ടുകാരും പ്രിൻസിപ്പലിന്റെ ഓഫീസ് റൂമിനുള്ളിൽ കടന്ന് പ്രതിഷേധിച്ചിരുന്നു. ഇതിനെത്തുടർന്നു ഒ.വി. വിഭാഗം മാറ്റില്ലെന്നു പ്രിൻസിപ്പൽ രേഖാമൂലം അറിയിച്ചതായി സമരക്കാർ അറിയിച്ചു.എംബിബിഎസ് രണ്ടാം ബാച്ചിന് കോളേജ് കെട്ടിടത്തിൽ സൗകര്യമൊരുക്കാനായിരുന്നു ശ്രമമെന്നും അക്കാര്യം മന്ത്രിയെയും ജില്ലയിലെ എംഎൽഎമാരെയും അറിയിച്ചിരുന്നുവെന്നും അധികൃതർ സൂചിപ്പിച്ചു







