Author: WEB EDITOR

കാസര്‍കോട്: മാതാവ് വഴക്കു പറഞ്ഞ വിഷമത്തില്‍ പത്താം ക്ലാസ് വിദ്യാര്‍ത്ഥി വീടുവിട്ടിറങ്ങി. ഒരു രാത്രി മുഴുവന്‍ നീണ്ടു നിന്ന അന്വേഷണത്തിനും പ്രാര്‍ത്ഥനകള്‍ക്കും പിന്നാലെ മകന്‍ ഇന്നു (ഞായര്‍) രാവിലെ തിരിച്ചെത്തി. ഇതോടെയയാണ് വീട്ടുകാര്‍ക്കും പൊലീസിനും ആശ്വാസമായത്.കാസര്‍കോട് ടൗണ്‍ പൊലീസ് സ്റ്റേഷന്‍ പരിധിയിലെ ഒരു സ്‌കൂളില്‍ പഠിക്കുന്ന പതിനഞ്ചുകാരന്‍ ഇന്നലെ (ശനി) വൈകുന്നേരമാണ് വീടു വിട്ടിറങ്ങിയത്. മാതാവ് ഗുണദോഷിക്കുകയും വഴക്കു പറയുകയും ചെയ്തതിനു പിന്നാലെയാണ് മകന്‍ വീട്ടില്‍ നിന്നു ഇറങ്ങിയത്. മകന്‍ തിരിച്ചുവരുമെന്നാണ് മാതാവും വീട്ടുകാരും കരുതിയത്. എന്നാല്‍ …

Read more “മാതാവ് വഴക്കു പറഞ്ഞ വിഷമത്തില്‍ പത്താം ക്ലാസ് വിദ്യാര്‍ത്ഥി വീടു വിട്ടിറങ്ങി; സംഭവം കാസര്‍കോട്ട്; കണ്ണീരിനും പ്രാര്‍ത്ഥനയ്ക്കും ഒടുവില്‍ ആശ്വാസം കൊണ്ട് വീട്ടുകാര്‍”

കാസര്‍കോട്: അന്യ സ്ത്രീകളുമായി മൊബൈലില്‍ ചാറ്റ് ചെയ്യുന്നത് ചോദ്യം ചെയ്ത ഭാര്യയെ ക്രൂരമായി മര്‍ദ്ദിച്ചതായി പരാതി. ഭാര്യ നല്‍കിയ പരാതിയില്‍ ഭര്‍ത്താവ് പനയാല്‍, മൈലാട്ടിയിലെ ഷിജു കുമാറിനെതിരെ ബേക്കല്‍ പൊലീസ് കേസെടുത്തു. വെള്ളിയാഴ്ച രാത്രി 10 മണിയോടെയാണ് കേസിനാസ്പദമായ സംഭവം. പരാതിക്കാരിയെ ഭര്‍ത്താവ് തടഞ്ഞു നിര്‍ത്തി മുഖം ചുമരിലമര്‍ത്തി കഴുത്തിന് അടിച്ച് പരിക്കേല്‍പ്പിക്കുകയായിരുന്നുവെന്ന് ബേക്കല്‍ പൊലീസ് രജിസ്റ്റര്‍ചെയ്ത കേസില്‍ പറയുന്നു. മര്‍ദ്ദനം സംബന്ധിച്ച് യുവതി ഇന്നലെ (ശനി) രാത്രി ഏഴര മണിയോടെയാണ് പൊലീസില്‍ പരാതി നല്‍കിയത്.

നീലേശ്വരം: നീലേശ്വരം ബസ് സ്റ്റാൻഡിലെ പൊതുടോയ്‌ലറ്റിൽ യാത്രക്കാരൻ കയറിയപ്പോൾ ടോയ് ലറ്റ് സൂക്ഷിപ്പുകാരൻ പുറത്തുനിന്നു ടോയ് ലറ്റ് പൂട്ടി വീട്ടിലേക്കു പോയി. ശനിയാഴ്ച രാത്രി എട്ടു മണിയോടെയാണ് സംഭവം നടന്നത്. ടോയ്‌ലറ്റിനുള്ളിൽ ആളുണ്ടെന്ന കാര്യം ശ്രദ്ധിക്കാതെ ചുമതലക്കാരൻ പുറത്തു നിന്ന് വാതിൽ പൂട്ടി പോയതോടെയാണ് യാത്രക്കാരൻ അകത്ത് കുടുങ്ങിയത്.കൊന്നക്കാട് സ്വദേശിയായ യാത്രക്കാരനാണ് ദുരനുഭവത്തിന് ഇരയായത്. ടോയ്‌ലറ്റിൽ പ്രവേശിച്ച ഇയാൾ പുറത്തിറങ്ങാൻ ശ്രമിച്ചപ്പോൾ വാതിൽ പുറത്തുനിന്ന് പൂട്ടിയ നിലയിലാണെന്ന് മനസിലാക്കുകയായിരുന്നു. ഏറെ നേരം അകത്ത് കഴിയേണ്ടിവന്ന ഇയാൾ ഒടുവിൽ …

Read more “ബസ്റ്റാൻഡ് ടോയ്‌ലറ്റിൽ യാത്രക്കാരൻ കുടുങ്ങി; 112-ൽ വിളിച്ച് സഹായം തേടി”

കാസര്‍കോട്: കോളിയടുക്കം ഗവ. യുപി സ്‌കൂള്‍ കലോത്സവം ‘രംഗോത്സവ് -26 ‘ഗായകനും പ്രശസ്ത നാടക നടനുമായ ഉദയന്‍ കാടകം ഉദ്ഘാടനം ചെയ്തു. ചെമ്മനാട് ഗ്രാമപഞ്ചായത്തംഗം രതി ബാലചന്ദ്രന്‍ മുഖ്യാതിഥിയായിരുന്നു. ഹെഡ്മാസ്റ്റര്‍ പി കെ മധുസൂദനന്‍, എസ് എം സി ചെയര്‍മാന്‍ നസീര്‍ കോളിയടുക്കം ,എം പി ടി എ പ്രസിഡണ്ട് മിനി ശശിധരന്‍, സീനിയര്‍ അസിസ്റ്റന്റ് കെ രാധക്കുട്ടി, സ്റ്റാഫ് സെക്രട്ടറി എ വിദ്യ, ഇന്ദു, കലോത്സവ കണ്‍വീനര്‍ ധന്യ അഭിലാഷ് സംസാരിച്ചു.

കാസര്‍കോട്: ബേക്കല്‍ പൊലീസ് സ്റ്റേഷന്‍ പരിധിയിലെ ഒരു മദ്രസയിലെ വിദ്യാര്‍ത്ഥിനിയായ 12 കാരിയെ തട്ടിക്കൊണ്ടു പോയെന്ന പരാതിയില്‍ വന്‍ വഴിത്തിരിവ്. തന്നെ ആരും തട്ടിക്കൊണ്ട് പോയതല്ലെന്നും മദ്രസ അധ്യാപകനെ ഭയന്ന് ട്രെയിന്‍ കയറിപ്പോയതാണെന്നും പെണ്‍കുട്ടി പൊലീസിനു മൊഴി നല്‍കി.ഇതോടെയാണ് പൊലീസിനും ബന്ധുക്കൾക്കും ശ്വാസം വീണത്.ഇന്ന് (ശനി) രാവിലെയോടെയാണ് നാടകീയ സംഭവത്തിന്റെ തുടക്കം. 6.45 മണിയോടെ പതിവുപോലെ മദ്രസയിലേക്ക് പോകാനായി വീട്ടില്‍ നിന്നിറങ്ങിയതായിരുന്നു പെണ്‍കുട്ടി. എന്നാല്‍ മദ്രസയില്‍ എത്തിയില്ല. വിദ്യാർത്ഥിനി മദ്രസയിൽ എത്താത്ത കാര്യം അധികൃതര്‍ വീട്ടുകാരെ അറിയിച്ചു. …

Read more “ബേക്കലില്‍ മദ്രസാ വിദ്യാര്‍ത്ഥിനിയെ തട്ടിക്കൊണ്ടു പോയതല്ല; സംഭവത്തില്‍ വഴിത്തിരിവ്”

പയ്യന്നൂര്‍: പയ്യന്നൂര്‍ റെയില്‍വെ സ്റ്റേഷനില്‍ വന്‍ ലഹരി വേട്ട. 17കിലോ കഞ്ചാവുമായി യുവാവ് അറസ്റ്റില്‍. പശ്ചിമ ബംഗാള്‍, മുര്‍ഷിദാബാദ് സ്വദേശിയായ ദശരഥ് മണ്ഡലി (21) നെയാണ് എക്‌സൈസ് അധികൃതര്‍ പിടികൂടിയത്. രഹസ്യവിവരത്തെത്തുടര്‍ന്ന് ഇന്നുച്ചക്ക് 11.30 മണിയോടെയാണ് കഞ്ചാവ് പിടികൂടിയത്. പാലക്കാട് വഴി എത്തിയ ട്രെയിനിലാണ് കഞ്ചാവ് കൊണ്ടു വന്നതെന്നാണ് ദശരഥ് മണ്ഡല്‍ പൊലീസിനു നല്‍കിയ മൊഴി.