Author: WEB EDITOR

തിരുവനന്തപുരം: മില്‍മയ്ക്ക് ലിറ്ററിന് നാലു രൂപ കൂട്ടി. ഇന്ന് ചേര്‍ന്ന മില്‍മയുടെ ഡയറക്ടര്‍ ബോര്‍ഡിലാണ് തീരുമാനം. ജൂണ്‍ ഒന്നു മുതല്‍ വിലവര്‍ധനവ് പ്രാബല്യത്തില്‍ വരുമെന്ന് ഡയറക്ടര്‍ ബോര്‍ഡ് അറിയിച്ചു. നേരത്തെ ഇതുസംബന്ധിച്ച് തീരുമാനം എടുത്തിരുന്നുവെങ്കിലും തിരഞ്ഞെടുപ്പ് കഴിയാന്‍ കാത്തിരിക്കുകയായിരുന്നു. മുഖ്യമന്ത്രി വി.ഡി.സതീശനെ തീരുമാനം അറിയിച്ചിരുന്നുവെന്ന് മില്‍മ ഡയറക്ടര്‍ അറിയിച്ചു. സംസ്ഥാനത്ത് ഉല്‍പ്പാദനച്ചെലവ് ക്രമാതീതമായി ഉയര്‍ന്ന സാഹചര്യത്തിലാണ് നടപടി. വര്‍ധിപ്പിക്കുന്ന തുകയുടെ സിംഹഭാഗവും നേരിട്ട് ക്ഷീരകര്‍ഷകര്‍ക്ക് ലഭിക്കുന്ന രീതിയിലാണ് പുതിയ ക്രമീകരണം.

ആലപ്പുഴ: ആറ്റില്‍ കുട്ടികളിട്ട ചൂണ്ടയില്‍ കുടുങ്ങിയ ബാഗില്‍ അസ്ഥികള്‍ കണ്ടെത്തി. നെടുമുടി പൊലീസ് സ്റ്റേഷനുസമീപം പമ്പയാറ്റില്‍ കഴിഞ്ഞദിവസമാണ് സംഭവം. മനുഷ്യന്റേതെന്ന് സംശയിക്കുന്ന അസ്ഥികളാണ് കണ്ടെത്തിയത്. തുടര്‍ന്ന് പൊലീസിനെ വിവരമറിയിക്കുകയായിരുന്നു. 30 സെന്റീമീറ്റര്‍ നീളമുള്ള അസ്ഥിയും ഇടുപ്പെല്ലിന്റെ അസ്ഥിയും കീഴ്ത്താടിയും പല്ലുമാണ് ബാഗിലുണ്ടായിരുന്നത്. അസ്ഥികളില്‍ പേന കൊണ്ട് മാര്‍ക്ക് ചെയ്തിരുന്നു. അതിനാല്‍ മെഡിക്കല്‍ വിദ്യാര്‍ത്ഥികള്‍ പഠനത്തിനുശേഷം ഉപേക്ഷിച്ച അസ്ഥികളാകാം ഇതെന്ന നിഗമനത്തിലാണ് പൊലീസ്. ബാഗില്‍ നിന്ന് മാസ്‌കും സോപ്പും കണ്ടെത്തിയിട്ടുണ്ട്. അസ്ഥികള്‍ ഫൊറന്‍സിക് പരിശോധനയ്ക്ക് അയയ്ക്കുമെന്ന് പൊലീസ് പറഞ്ഞു.

തിരുവനന്തപുരം: കാസര്‍കോട്- തിരുവനന്തപുരം സില്‍വര്‍ ലൈന്‍ പദ്ധതി റദ്ദാക്കിയതായി മുഖ്യമന്ത്രി വി ഡി സതീശന്‍ പറഞ്ഞു. മന്ത്രിസഭാ യോഗ തീരുമാനങ്ങള്‍ വാർത്താ സമ്മേളനത്തിൽ അറിയിക്കുകയായിരുന്നു മുഖ്യമന്ത്രി.സില്‍വര്‍ ലൈന്‍ പദ്ധതി തത്വത്തില്‍ റദ്ദാക്കിയതാണ്. എന്നാല്‍ വിജ്ഞാപനം നിലവില്‍ ഉള്ളതിനാല്‍ ഭൂമി ഉടമകള്‍ക്ക് സ്ഥലം വില്‍ക്കാനോ, പണയപ്പെടുത്താനോ കഴിയാത്ത സാഹചര്യമാണുള്ളത്. അതു മൂലം ഉണ്ടാകുന്ന പ്രയാസങ്ങള്‍ ഒഴിവാക്കുന്നതിനാണ് മന്ത്രിസഭ സുപ്രധാന തീരുമാനം കൈക്കൊണ്ടത്- മുഖ്യമന്ത്രി പറഞ്ഞു.കാസര്‍കോട് മുതല്‍ തിരുവനന്തപുരം വരെ സില്‍വര്‍ ലൈനിനായി സ്ഥാപിച്ച മഞ്ഞക്കുറ്റികള്‍ എടുത്തുമാറ്റാന്‍ റവന്യു വകുപ്പിനു …

Read more “മന്ത്രിസഭാ യോഗത്തില്‍ സുപ്രധാന തീരുമാനങ്ങള്‍; കാസര്‍കോട്- തിരുവനന്തപുരം സില്‍വര്‍ലൈന്‍ റദ്ദാക്കി, പി എസ് സി റാങ്കു പട്ടികകളുടെ കാലാവധി നീട്ടി, ജൂണ്‍ ഒന്ന് മുതല്‍ 100ദിന കര്‍മ്മ പരിപാടി , തെരഞ്ഞെടുപ്പ് പ്രകടന പത്രികയിലെ ഓരോ വാഗ്ദാനങ്ങളും നടപ്പാക്കുമെന്ന് മുഖ്യമന്ത്രി വി ഡി സതീശന്‍”