Author: WEB EDITOR

കാസര്‍കോട്: സ്‌കൂട്ടറിലെത്തി ദേശീയ പാത സര്‍വ്വീസ് റോഡിലെ ഫുട്പാത്തിലേക്ക് മാലിന്യങ്ങള്‍ വലിച്ചെറിഞ്ഞ ആളെ പൊലീസ് പിടികൂടി. പ്രതിയെ നോട്ടീസ് നല്‍കി വിട്ടയച്ചുവെങ്കിലും സ്‌കൂട്ടര്‍ കസ്റ്റഡിയിലെടുത്തു. ഉപ്പള, ഹിദായത്ത് നഗര്‍, ഗോള്‍ഡന്‍ റോഡിലെ സിദ്ദിഖ് ഹുസൈനെ(67)യാണ് മഞ്ചേശ്വരം പൊലീസ് ഇന്‍സ്‌പെക്ടര്‍ എംവി വിഷ്ണുപ്രസാദും സംഘവും അറസ്റ്റു ചെയ്തത്.ഇന്നലെ ഉപ്പള ഫൂട്ട്ഓവര്‍ ബ്രിഡ്ജിനു സമീപത്താണ് മാലിന്യം തള്ളിയത്. ഭക്ഷണമാലിന്യവും പ്ലാസ്റ്റിക് മാലിന്യവുമാണ് നടപ്പാതയില്‍ തള്ളിയത്.ദേശീയ പാതയോരത്ത് മാലിന്യങ്ങള്‍ തള്ളുന്നവര്‍ക്കെതിരെ കര്‍ശന നടപടിയെടുക്കുമെന്ന് പൊലീസ് അറിയിച്ചു.

പാലക്കാട് : ശക്തമായ മഴയെ തുടർന്ന് പാലക്കാട് ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ തിങ്കളാഴ്ച അവധി പ്രഖ്യാപിച്ചു. അംഗൻവാടി മുതൽ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. എന്നാൽ മുൻകൂട്ടി നിശ്ചയിച്ച പരീക്ഷകൾക്കും മേളകൾക്കും അവധി ബാധകമല്ല. വയനാട് ജില്ലയിൽ ദുരിതാശ്വാസക്യാമ്പ്പ്രവർത്തിക്കുന്ന സ്കൂളുകൾക്കും നാളെ അവധി പ്രഖ്യാപിച്ചിട്ടുണ്ട്.

ബോവിക്കാനം: ഇന്നു വൈകിട്ട് 3മണിക്ക് പഥസഞ്ചലനം സമാപന പരിപാടിക്ക് ആര്‍എസ്എസിന് അനുവദിച്ച മുളിയാര്‍ പഞ്ചായത്ത് മിനി സ്റ്റേഡിയം പഞ്ചായത്ത് അധികൃതര്‍ അടച്ചുപൂട്ടി. സ്റ്റേഡിയത്തില്‍ ആരും കടക്കാതിരിക്കാന്‍ കാവല്‍ ഏര്‍പ്പെടുത്തണമെന്ന് പൊലീസിനോടാവശ്യപ്പെട്ടതായി പഞ്ചായത്ത് പ്രസിഡന്റ് കെ.ബി മുഹമ്മദ് കുഞ്ഞി വാട്‌സ്ആപ് സന്ദേശത്തില്‍ വെളിപ്പെടുത്തി. പഞ്ചായത്തിന്റെ കരാര്‍ പണികളും വിവാദവുമായി ബന്ധപ്പെട്ട് സ്ഥലം മാറ്റിയ പഞ്ചായത്ത് സെക്രട്ടറിയെ തിരിച്ചുകൊണ്ടുവരാന്‍ ഒരു വിഭാഗം ലീഗ് നേതാക്കള്‍ നടത്തുന്ന ശ്രമവും ഭരണകക്ഷിയായ ലീഗിലും പോഷക സംഘടനകളിലും ഭിന്നത പ്രകടമാക്കിയിരുന്നു. ഇത് ലീഗിന്റെ വാട്‌സ്ആപ്പ് …

Read more “ആര്‍എസ്എസ് പഥസഞ്ചലനം: മുളിയാര്‍ പഞ്ചായത്ത് സ്റ്റേഡിയം അടച്ചുപൂട്ടി; കാവലിന് പൊലീസ് സഹായം തേടി, മുസ്ലിം ലീഗിലും പഞ്ചായത്തിലും ഭിന്നത”

കാസര്‍കോട്: കുറ്റിക്കോല്‍, പടുപ്പില്‍ യുവാവിനെ മാരകായുധമായ വടി കൊണ്ട് ഗുരുതരമായി അടിച്ചു പരിക്കേല്‍പ്പിച്ചതായി പരാതി. കരിവേടകം, ശങ്കരംപാടിയിലെ കൊറക്കോല്‍ ഹൗസിലെ പി. അബ്ദുല്‍ ലത്തീഫ് (48) ആണ് അക്രമത്തിന് ഇരയായത്. സാരമായി പരിക്കേറ്റ ഇയാളെ പരിയാരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സംഭവത്തില്‍ വിജേഷ്, വിപിന്‍, ഷിനോജ് എന്നിവര്‍ക്കെതിരെ ബേഡകം പൊലീസ് കേസെടുത്തു.വ്യാഴാഴ്ച രാത്രി ഏഴുമണിക്ക് പടുപ്പിലാണ് കേസിനാസ്പദമായ സംഭവം. പരിചയക്കാരനായ മുബാഷിന്റെ കടയുടെ സമീപത്ത് ഇരിക്കുകയായിരുന്ന തന്നെ വിജേഷ് വടികൊണ്ട് അടിക്കുകയും മറ്റു രണ്ട് പേര്‍ …

Read more “കുറ്റിക്കോല്‍, പടുപ്പില്‍ യുവാവിനെ തല്ലിചതച്ചു; മർദ്ദനം രാഷ്ട്രീയപരമായ മുന്‍വൈരാഗ്യം കാരണമെന്ന് മൊഴി, മൂന്നു പേര്‍ക്കെതിരെ കേസ്”

കാസർകോട്: തളങ്കര കടവിൽ മലിനജലവും, പ്ലാസ്റ്റിക് മാലിന്യങ്ങളും, ചപ്പുചവറുകളും ഓവുചാലിൽ കുടുങ്ങിക്കിടന്നു ദുർഗന്ധം വമിക്കുന്നു. കടവിലെ ബസ് കാത്തിരിപ്പ് കേന്ദ്രത്തിന് സമീപമാണ് മലിനജലം ഓവുചാലിൽ കുടുങ്ങിക്കിടന്ന് ദുർഗന്ധം വമിക്കുന്നത്.സ്കൂൾ- മദ്രസ വിദ്യാർത്ഥികളടക്കം നൂറുകണക്കിനാളുകൾ കടവിൽ എത്തുന്നുണ്ട്. മത്സ്യബന്ധനത്തിനും വിപണനത്തിനുമായി മീനിറക്ക് കേന്ദ്രത്തിലേക്കും, വിനോദസഞ്ചാരത്തിനായി തളങ്കര ബീച്ചിലേക്കും എത്തുന്നവരുടെ പ്രധാന വഴിയാണിത്. ഓവുചാലിൽ നിന്ന് കെട്ടിക്കിടക്കുന്ന മാലിന്യവും, മലിനജലവും നീക്കം ചെയ്തില്ലെങ്കിൽ ഇത് റോഡിലൂടെ ഒഴുകുമെന്ന് ബീച്ചിലെത്തുന്നവർ ചൂണ്ടിക്കാട്ടുന്നു. മഴക്കാലത്ത് ഇങ്ങനെ സംഭവിച്ചിട്ടുണ്ടെന്നും പരിസരവാസികൾ പറയുന്നു. കെട്ടിക്കിടക്കുന്ന മലിനജലത്തിൽ …

Read more “തളങ്കര കടവിൽ ദുർഗന്ധം നാട്ടുകാരും സഞ്ചാരികളും വിഷമത്തിൽ”