Day: September 3, 2026

കാസര്‍കോട്: അകത്ത് മെഴുകും പുറത്ത് സ്വര്‍ണ്ണവും ഉപയോഗിച്ച് നിർമ്മിച്ച സ്വര്‍ണ്ണാഭരണങ്ങള്‍ പണയപ്പെടുത്തി 11,44,000രൂപ വായ്പയെടുത്ത് വഞ്ചിച്ചതായി പരാതി. മണപ്പുറം ഫിനാന്‍സ് ലിമിറ്റഡിന്റെ കാസര്‍കോട് ബ്രാഞ്ച് മാനേജര്‍ യു വി കിരണ്‍ കുമാര്‍ നല്‍കിയ പരാതിയില്‍ കാസര്‍കോട് ടൗണ്‍ പൊലീസ് കേസെടുത്തു. പൊയ്‌നാച്ചി, ചെറുകരയിലെ അബ്ദുല്‍ മജീദി (52)നെതിരെയാണ് കേസെടുത്തത്. 2026 ഫെബ്രവരി 25 ന് ആണ് കേസിനാസ്പദമായ സംഭവം.108.407 ഗ്രാം തൂക്കം വരുന്ന രണ്ടു വളകള്‍, ഒരു നെക്ലേസ് എന്നിവ പണയപ്പെടുത്തി പണം കൈപ്പറ്റുകയായിരുന്നുവെന്നു പരാതിയില്‍ പറഞ്ഞു.

കാസർകോട് : കാസർകോട് ജനറൽ ആശുപത്രിയിൽ സാങ്കേതിക തകരാറുമൂലം ദിവസങ്ങളായി പ്രവർത്തനരഹിതമായിരുന്ന മോർച്ചറിയിലെ ഫ്രീസർ യൂണിറ്റ് സ്വന്തം ഉത്തരവാദിത്തത്തിൽ ബി.ജെ.പി കൗൺസിലർമാരായ ദിവ്യ സന്ദീപും രാജേഷ് അമൈയും നന്നാക്കിയെടുത്ത് ജനസേവനത്തിനു മാതൃകയായി. കാസർകോട് : ജനറൽ ആശുപത്രിയിലെ ഫ്രീസർ കേടായി ദിവസങ്ങൾ കഴിഞ്ഞിട്ടും അത് നന്നാക്കാതിരുന്നതുമൂലം പൊതുജനങ്ങൽ നേരിട്ടുകൊണ്ടിരുന്ന ബുദ്ധിമുട്ടു ബി ജെ പിമുൻസിപ്പൽ കൗൺസിലർമാരായ ദിവ്യ സന്ദീപും രാജേഷ് അമൈയും ഉടൻ പരിഹരിച്ചു. ആശുപത്രി അധികൃതരുടെ അനാസ്ഥയ്ക്ക് കാത്തുനിൽക്കാതെ, വിദഗ്ദ്ധരായ മെക്കാനിക്കുകളെ നേരിട്ടെത്തിച്ച് അറ്റകുറ്റപ്പണി പൂർത്തിയാകുന്നതുവരെ …

Read more “കാസർകോട് ജനറൽ ആശുപത്രിയിലെ ഫ്രീസർ അറ്റകുറ്റപ്പണി: ജനങ്ങളുടെ ദുരിതത്തിന് ബി.ജെ.പി കൗൺസിലർമാർ പരിഹാരം ഉണ്ടാക്കി ; മാതൃകയായി”

കാസര്‍കോട്: കാസര്‍കോട് വിജിലന്‍സ് ആന്റ് ആന്റ് കറപ്ഷന്‍ ബ്യൂറോയിലെ ഇന്‍സ്‌പെക്ടര്‍ ടി. നാരായണന് ഡിവൈ.എസ്പിയായി സ്ഥാനക്കയറ്റം. കണ്ണൂര്‍ ക്രൈംബ്രാഞ്ചിലാണ് പുതിയ നിയമനം. പയ്യന്നൂര്‍, കൈതപ്രം സ്വദേശിയായ നാരായണന്‍ കാസര്‍കോട് ജില്ലയിലെ വിവിധ പൊലീസ് സ്റ്റേഷനുകളില്‍ എസ്‌ഐ, ഇന്‍സ്‌പെക്ടര്‍ തസ്തികകളില്‍ ജോലി നോക്കിയിട്ടുണ്ട്. പ്രമാദമായ നിരവധി കേസുകളുടെ അന്വേഷണത്തിന് നിര്‍ണ്ണായക പങ്കു വഹിച്ചിട്ടുണ്ട്. അന്വേഷണ മികവ് പരിഗണിച്ച് മുഖ്യമന്ത്രിയുടെ പൊലീസ് മെഡല്‍ ലഭിച്ചിട്ടുണ്ട്. ദീര്‍ഘകാലം റിപ്പബ്ലിക്- സ്വാതന്ത്ര്യദിന പരേഡുകള്‍ക്ക് നേതൃത്വം നല്‍കിയിരുന്നത് ടി. നാരായണൻ ആയിരുന്നു.