Day: June 24, 2026

കാസര്‍കോട്: കുമ്പള പൊലീസ് സ്റ്റേഷന്‍ പരിധിയിലെ സീതാംഗോളി ബീവറേജ് ഷോപ്പിനു സമീപത്തെ ക്വാര്‍ട്ടേഴ്‌സില്‍ താമസിക്കുന്ന യുവതിയെ കാണാതായി. ജുനു നര്‍സാറി (23)യെയാണ് കാണാതായത്. ഇന്നലെ (ചൊവ്വ) രാവിലെ 10 .30 മണിയോടെ ക്വാര്‍ട്ടേഴ്‌സില്‍ നിന്നു ഇറങ്ങിപ്പോവുകയായിരുന്നു. എങ്ങോട്ട് പോയതെന്ന് അറിയാതെ വിവിധ സ്ഥലങ്ങളില്‍ അന്വേഷിച്ചുവെങ്കിലും കണ്ടെത്താനായില്ല. തുടര്‍ന്ന് ഭര്‍ത്താവ് നിഖില്‍ നര്‍സാറി കുമ്പള പൊലീസില്‍ പരാതി നല്‍കി. പൊലീസ് നടത്തിയ അന്വേഷണത്തില്‍ പണവുമായാണ് ജൂനുവിനെ ക്വാര്‍ട്ടേഴ്‌സില്‍ നിന്നു ഇറങ്ങിയതെന്നു സൂചന ലഭിച്ചു.

കാസര്‍കോട്: ദുബായിലേക്ക് പോകാനായി വീട്ടില്‍ നിന്നിറങ്ങിയ യുവാവിനെ കാണാതായതായി പരാതി. വിദ്യാനഗർ, ബെദിര, ഖലീല്‍ ഹൗസില്‍ എ.എ ഉബൈസി(26)നെയാണ് കാണാതായത്. മാതാവ് നല്‍കിയ പരാതിയില്‍ കാസര്‍കോട് ടൗണ്‍ പൊലീസ് കേസെടുത്ത് അന്വേഷണം തുടങ്ങി. ദുബായിലേക്ക് പോകാനായി ജൂണ്‍ 22ന് വൈകുന്നേരം നാലു മണിയോടെയാണ് ഉബൈസ് വീട്ടില്‍ നിന്നിറങ്ങിയത്. മംഗ്‌ളൂരു എയര്‍പോര്‍ട്ടു വഴി പോകുന്നുവെന്ന് പറഞ്ഞാണ് വീട്ടില്‍ നിന്നു ഇറങ്ങിയത്. എന്നാല്‍ അതിനു ശേഷം മകനെ കുറിച്ച് വിവരമൊന്നുമില്ലെന്നു ടൗണ്‍ പൊലീസ് രജിസ്റ്റര്‍ ചെയ്ത കേസില്‍ പറയുന്നു.