Day: May 4, 2026

കോഴിക്കോട്: പേരാമ്പ്രയില്‍ ലീഗ് സ്ഥാനാര്‍ത്ഥി ഫാത്തിമ തഹിലിയക്ക് 5087 വോട്ട് ഭൂരിപക്ഷം ലഭിച്ചു. സിറ്റിംഗ് എംഎല്‍എയും എല്‍ഡിഎഫ് കണ്‍വീനറുമായ ടി.പി. രാമകൃഷ്ണനെയാണ് ഫാത്തിമ പരാജയപ്പെടുത്തിയത്. ഇടതുപക്ഷത്തിന്റെ ഉറച്ച കോട്ടയായിരുന്നു പേരാമ്പ്ര. അധികാരത്തിന്റെ അഹങ്കാരത്തിനേറ്റ തിരിച്ചടിയാണ് തന്റെ വിജയമെന്ന് ഫാത്തിമ പ്രതികരിച്ചു.

കൊല്ലം: കൊട്ടാരക്കരയില്‍ കെ.എന്‍ ബാലഗോപാല്‍ 1012 വോട്ടിന് വിജയിച്ചു. യുഡിഎഫ് സ്ഥാനാര്‍ത്ഥി അയിഷ പോറ്റിയെ ആണ് അദ്ദേഹം പരാജയപ്പെടുത്തിയത്. അവസാനഘട്ടം വരെ മണ്ഡലത്തില്‍ കനത്ത പോരാട്ടമാണ് നടന്നത്. സിപിഎം നേതാവായിരുന്ന അയിഷ പോറ്റി സിപിഎമ്മില്‍ നിന്ന് രാജിവച്ചാണ് യുഡിഎഫ് സ്ഥാനാര്‍ത്ഥിയായി മത്സരിച്ചത്. തുടക്കത്തില്‍ അയിഷ പോറ്റി വിജയിക്കുമെന്നാണ് കരുതിയത്. പിന്നീട് ലീഡ് നില മാറി മറിയുകയായിരുന്നു.

തിരുവനന്തപുരം: കേരളത്തില്‍ കനത്ത വേനല്‍ച്ചൂട് തുടരുന്ന സാഹചര്യത്തില്‍ അതീവ ജാഗ്രതാ നിര്‍ദ്ദേശം പുറപ്പെടുവിച്ചു. പല ജില്ലകളിലും താപനില 40 ഡിഗ്രി സെല്‍ഷ്യസ് വരെ ഉയരാന്‍ സാധ്യതയുണ്ടെന്നാണ് മുന്നറിയിപ്പ്. പാലക്കാട് ജില്ലയിലാണ് ഏറ്റവും ഉയര്‍ന്ന ചൂട് രേഖപ്പെടുത്തിയത്. ഇവിടെ 41.1 ഡിഗ്രി സെല്‍ഷ്യസ് വരെ താപനില ഉയര്‍ന്നിട്ടുണ്ട്. വരും ദിവസങ്ങളിലും ചൂട് തുടരുമെന്നും, വേനല്‍ മഴയ്ക്ക് സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു. പാലക്കാട്, കൊല്ലം, തൃശ്ശൂര്‍ ജില്ലകളില്‍ ഉഷ്ണതരംഗ മുന്നറിയിപ്പുണ്ട്. വയനാട്, ഇടുക്കി ഒഴികെ 12 ജില്ലകളില്‍ യെല്ലോ …

Read more “കേരളത്തില്‍ വേനല്‍ച്ചൂട് രൂക്ഷം; അതീവ ജാഗ്രതാ നിര്‍ദ്ദേശം”

ബേപ്പൂര്‍: ബേപ്പൂര്‍ നിയോജക മണ്ഡലത്തില്‍ എല്‍ഡിഎഫ് സ്ഥാനാര്‍ഥി മുഹമ്മദ് റിയാസ് 7487 വോട്ടിന്റെ ഭൂരിപക്ഷത്തില്‍ വിജയിച്ചു. റിയാസിന് 81,849 വോട്ടും പിവി അന്‍വറിന് (യുഡിഎഫ് സ്വതന്ത്ര്യന്‍) 74,362 വോട്ടും, അഡ്വ. പ്രകാശ് ബാബുവിന് (എന്‍ഡിഎ) 26,543 വോട്ടും ലഭിച്ചു. മുപ്പത്തിയഞ്ച് വര്‍ഷമായി ഇടതുകോട്ടയായി ഉറച്ചുനില്‍ക്കുന്ന മണ്ഡലമാണ് ബേപ്പൂര്‍. ഇത്തവണ ബേപ്പൂരില്‍ കടുത്ത മത്സരമായിരുന്നു. മന്ത്രി പിഎ മുഹമ്മദ് റിയാസും, സിപിഎമ്മില്‍ നിന്ന് പുറത്തുവന്ന് യുഡിഎഫ് പിന്തുണയോടെ മത്സരിച്ച പിവി അന്‍വറും തമ്മിലായിരുന്നു പ്രധാന മത്സരം.

തിരുവനന്തപുരം: വട്ടിയൂര്‍ക്കാവ് നിയമസഭാ മണ്ഡലത്തില്‍ നിന്നു കെ. മുരളീധരന്‍ വിജയിച്ചു. 2796 വോട്ടുകള്‍ക്കാണ് എല്‍ഡിഎഫിലെ വി.കെ പ്രശാന്തിനെ കീഴടക്കിയത്. റിട്ട ഡിജിപി ആര്‍ ശ്രീലേഖ മൂന്നാം സ്ഥാനത്താണ്. ബിജെപി പ്രതീക്ഷ പുലര്‍ത്തിയ മണ്ഡലങ്ങളില്‍ ഒന്നാണ് വട്ടിയൂര്‍ക്കാവ്.

കൊല്ലം: നിയമസഭാ തിരഞ്ഞെടുപ്പില്‍ സംസ്ഥാനത്തു ബി ജെ പിയുടെ സ്‌കോര്‍ ബോഡ് തുറന്നു.കൊല്ലം ജില്ലയിലെ ചാത്തന്നൂര്‍ മണ്ഡലത്തിലാണ് നാട്ടുകാരനും ബി ജെ പി പ്രവര്‍ത്തകനുമായ ബി ബി ഗോപകുമാര്‍ 4002 വോട്ടിന്റെ ഭൂരിപക്ഷത്തോടെ വിജയിച്ചത്. സി പി ഐയുടെ പ്രമുഖ നേതാവും സി പി ഐ സംസ്ഥാന സെക്രട്ടറിയേറ്റ് അംഗവുമായ ആര്‍ രാജേന്ദ്രനാണ് പരാജയപ്പെട്ടത്. കോണ്‍ഗ്രസ് സ്ഥാനാര്‍ത്ഥിയും മണ്ഡലത്തില്‍ സജീവമായിരുന്നു.ബിബി ഗോപകുമാറിന് 46567വോട്ടും ആര്‍ രാജേന്ദ്രനാണ് 42881 വോട്ടും കോണ്‍ഗ്രസിലെ സൂരജ് രവിക്ക് 32390 വോട്ടും ലഭിച്ചു.2011ലും …

Read more “കൊല്ലം ചാത്തന്നൂരില്‍ ബി ജെ പി; ബി ബി ഗോപകുമാര്‍ വിജയിച്ചു”