Web Editor, Author at Karaval Daily : Page 42 of 103

വന്ദേമാതരം പൂര്‍ണമായും ആലപിച്ചു; വേദിയില്‍ അതൃപ്തി അറിയിച്ച് സോണിയ ഗാന്ധിയും ഖാര്‍ഗെയും, എഐസിസി ആസ്ഥാനത്ത് നാടകീയ രംഗങ്ങള്‍

by Web EditorNational Saturday, 15 August 2026, 11:18Saturday, 15 August 2026, 11:19One Comment

ന്യൂഡല്‍ഹി: 80-ാമത് സ്വാതന്ത്ര്യദിനാഘോഷ ദിനത്തില്‍ ഡല്‍ഹിയില്‍ നാടകീയ രംഗങ്ങള്‍. എഐസിസി ആസ്ഥാനത്ത് വന്ദേമാതരം പൂര്‍ണമായും ആലപിച്ചു. രാഹുല്‍ ഗാന്ധി, സോണിയ ഗാന്ധി, മല്ലികാര്‍ജുന്‍ ഖാര്‍ഗെ എന്നിവര്‍ പങ്കെടുത്ത ചടങ്ങില്‍ ആണ് സംഭവം. പൂര്‍ണമായും പാടുന്നത് ശ്രദ്ധയില്‍പെട്ടതോടെ സോണിയ ഗാന്ധിയും മല്ലികാര്‍ജുന്‍ ഖാര്‍ഗെയും നിര്‍ത്താന്‍ ആവശ്യപ്പെട്ടിട്ടും ഗായക സംഘം അത് മുഖവിലയ്‌ക്കെടുക്കാതെ പൂര്‍ണമായും ആലപിക്കുകയായിരുന്നു. വന്ദേമാതരം ആലാപനം കഴിഞ്ഞതിനുശേഷം ഖര്‍ഗെ ദേശീയ പതാക ഉയര്‍ത്തി. വന്ദേമാതരത്തിന്റെ ആദ്യത്തെ ഈരടികള്‍ മാത്രമാണ് പാടേണ്ടത് എന്നതാണ് കോണ്‍ഗ്രസ് നിലപാട്. കേന്ദ്ര സര്‍ക്കാര്‍ …

കൊച്ചി -ബെംഗളൂരു വന്ദേഭാരതിലെ സീറ്റില്‍ ചത്ത പാമ്പ്: അണലിയെ കണ്ടത് യാത്രക്കാരന്‍, റെയില്‍വേ അന്വേഷണം ആരംഭിച്ചു

by Web EditorState Saturday, 15 August 2026, 11:04No Comments

കൊച്ചി: ബംഗളൂരുവിലേക്കുള്ള വന്ദേഭാരത് എക്‌സപ്രസിലെ സീറ്റില്‍ ചത്ത പാമ്പ്.വ്യാഴാഴ്ച ഉച്ചയ്ക്കു 2.20നു കൊച്ചിയില്‍ നിന്നു പുറപ്പെടുന്ന സര്‍വീസ് തുടങ്ങുന്നതിനു തൊട്ടുമുന്‍പായിരുന്നു യാത്രക്കാര്‍ന്‍ അണലിയെ കണ്ടത്. വന്ദേഭാരതിന്റെ സി-6 കോച്ചിലാണ് സംഭവം. വിവരം ലഭിച്ചതോടെ റെയില്‍വേ ശുചീകരണത്തൊഴിലാളികള്‍ എത്തി പാമ്പിനെ നീക്കം ചെയ്ത ശേഷമാണ് ട്രെയിന്‍ പുറപ്പെട്ടത്.കൊച്ചിയിലെ ഇന്‍ഷുറന്‍സ് കമ്പനിയില്‍ ജോലി ചെയ്യുന്ന വിനു വര്‍ഗീസ് ഭാര്യയ്ക്കും രണ്ട് വയസ്സുള്ള കുഞ്ഞിനുമൊപ്പം കോയമ്പത്തൂരിലേക്ക് പോകാനാണ് വന്ദേഭാരതില്‍ കയറിയത്. സീറ്റിലിരുന്നപ്പോഴാണ് തൊട്ടടുത്ത സീറ്റില്‍ പാമ്പ് കിടക്കുന്നത് ശ്രദ്ധയില്‍പ്പെട്ടത്. പരിശോധനയില്‍ പിന്നീട് …

ചെറുവത്തൂര്‍ ശ്രീ വീരഭദ്ര ക്ഷേത്ര സ്ഥാനികന്‍ കമ്പിക്കാത്ത് കുഞ്ഞമ്പു കമ്മളച്ചന്‍ അന്തരിച്ചു

by Web EditorLocal News Saturday, 15 August 2026, 10:41Saturday, 15 August 2026, 10:42No Comments

ചെറുവത്തൂര്‍: ശ്രീ വീരഭദ്ര ക്ഷേത്ര സ്ഥാനികനും ചെറുവത്തൂര്‍ ശ്രീ കമ്പിക്കാത്ത് ഇരുവരും മൂവരും കുന്നിന് താഴത്ത് ലോകര്‍ സംഘം രക്ഷധികാരിയുമായ കമ്പിക്കാത്ത് കുഞ്ഞമ്പു കമ്മളച്ചന്‍(91) അന്തരിച്ചു. ഭാര്യ: സി.നാരായണി അമ്മ. മക്കള്‍: സി. ഗോപാലന്‍(മുംബൈ), സി രാജന്‍, സി. സേതു. മരുമക്കള്‍: സുധ, (മുബൈ എന്‍ജിനിയര്‍), പുഷ്പ. സഹോദരങ്ങള്‍: കെ ജാനകിയമ്മ (മാണിമൂല), കെ തമ്പായി അമ്മ (മുഴക്കോം), കെ. പാര്‍വ്വതി അമ്മ (പയ്യംകുളം), പരേതനായ കമ്പിക്കാനോന്‍ കൃഷ്ണന്‍ നായര്‍ (വേട്ടറയാടി).

ഇന്‍ഡോനേഷ്യയില്‍ ഭൂകമ്പം; റിക്ടര്‍ സ്‌കെയിലില്‍ 7.7 തീവ്രത രേഖപ്പെടുത്തി, 5 മരണം, സുനാമി മുന്നറിയിപ്പ്

by Web EditorInternational Saturday, 15 August 2026, 10:24Saturday, 15 August 2026, 10:24No Comments

ജക്കാര്‍ത്ത: ഇന്‍ഡോനേഷ്യയിലെ ഫ്‌ലോറസ് ദ്വീപില്‍ വന്‍ ഭൂചലനം. ഭൂചലനം റിക്ടര്‍ സ്‌കെയിലില്‍ 7.7 രേഖപ്പെടുത്തി. രണ്ടുതവണയാണ് ഭൂചലനമുണ്ടായത്. ശനിയാഴ്ച പുലര്‍ച്ചെയുണ്ടായ ഭൂചലനത്തില്‍ അഞ്ചുപേര്‍ മരിച്ചു. ഭൂചലനത്തെ തുടര്‍ന്ന് സുനാമി മുന്നറിയിപ്പും നല്‍കിയിട്ടുണ്ട്. കിഴക്കന്‍ ഇന്തോനേഷ്യയിലെ ഫ്‌ലോറസ് ദ്വീപിലാണ്ഭൂചലനത്തിന്റെ പ്രഭവകേന്ദ്രം. ആദ്യം 6.1 തീവ്രതയിലുള്ള ഭൂചലനവും പിന്നാലെ അതിനേക്കാള്‍ ശക്തമായ ഭൂചലനവുമുണ്ടായി. നിരവധി തുടര്‍ ചലനങ്ങളുണ്ടായതായി റിപ്പോര്‍ട്ട് പുറത്തുവരുന്നുണ്ട്.നൂറുകണക്കിന് പേരെ ദുരന്തസാധ്യതാ പ്രദേശങ്ങളില്‍ നിന്ന് മാറ്റിപ്പാര്‍പ്പിച്ചു.തീരപ്രദേശങ്ങളില്‍ ജാഗ്രതാ നിര്‍ദേശം നല്‍കിയിട്ടുണ്ട്. ഭൂകമ്പത്തെ തുടര്‍ന്ന് സുനാമി തിരമാലകള്‍ ഉണ്ടാകാന്‍ സാധ്യതയുണ്ടെന്ന് …

സ്വാതന്ത്ര്യ ദിനാഘോഷം; കാസര്‍കോട് മുനിസിപ്പല്‍ സ്റ്റേഡിയത്തില്‍ മന്ത്രി കെ.എം ഷാജി പതാക ഉയര്‍ത്തി അഭിവാദ്യം സ്വീകരിച്ചു

by Web EditorLocal News Saturday, 15 August 2026, 10:02Saturday, 15 August 2026, 10:02No Comments

കാസര്‍കോട്: സ്വാതന്ത്ര്യ ദിന പരേഡില്‍ കാസര്‍കോട് മുന്‍സിപ്പല്‍ സ്റ്റേഡിയത്തില്‍ ജില്ലയുടെ ചുമതലയുള്ള തദ്ദേശ സ്വയംഭരണ വകുപ്പ് മന്ത്രി കെ.എം ഷാജി പതാക ഉയര്‍ത്തി അഭിവാദ്യം സ്വീകരിച്ചു.രാജ്മോഹന്‍ ഉണ്ണിത്താന്‍ എംപി, എംഎല്‍എമാരായ എ.കെ.എം.അഷറഫ്, മാഹിന്‍ കല്ലട്ര, കെ നീലകണ്ഠന്‍, ഗോവിന്ദന്‍ പള്ളിക്കാപ്പില്‍, ജില്ലാ പഞ്ചായത്ത് പ്രസിഡന്റ് സാബുഎബ്രഹാം തുടങ്ങിയവര്‍ ചടങ്ങ് വീക്ഷിക്കാനെത്തി. ജില്ലാ കളക്ടര്‍ അര്‍ജുന്‍ പാണ്ഡ്യന്‍, ജില്ലാ പൊലീസ് മേധാവി നിധിന്‍ രാജ് എന്നിവര്‍ പരേഡിനെ സല്യൂട്ട് ചെയ്തു. സ്വാതന്ത്ര്യദിന പരേഡില്‍ സായുധ സേനകള്‍, പൊലീസ്, എക്‌സൈസ്, …

ഭാരത് സേവക് ദേശീയ പുരസ്കാരം ബിജെപി ജില്ലാ പ്രസിഡന്റ്‌ എം.എൽ അശ്വിനിക്ക്

by Web EditorLocal News Saturday, 15 August 2026, 8:33Saturday, 15 August 2026, 8:34No Comments

കാസർകോട്: ബിജെപി കാസർകോട് ജില്ലാ പ്രസിഡന്റ് എം.എൽ. അശ്വിനിക്ക് ഭാരത് സേവക് സമാജിന്റെ ഭാരത് സേവക് ദേശീയ പുരസ്കാരം. സാമൂഹിക, രാഷ്ട്രീയ മേഖലകളിലെ മികച്ച ഇടപെടലുകൾ പരിഗണിച്ചാണ് പുരസ്‌കാരം. തിരുവനന്തപുരത്തെ സദ്ഭാവന ഓഡിറ്റോറിയത്തിൽ നടന്ന ചടങ്ങിൽ സെൻട്രൽ ഭാരത് സേവക് സമാജ് ദേശീയ ചെയർമാൻ ഡോ.ബി.എസ്. ബാലചന്ദ്രൻ പുരസ്കാരം സമ്മാനിച്ച് അശ്വിനിയെ ആദരിച്ചു. രാഷ്ട്രീയ പ്രവർത്തക എന്ന നിലയിലും അക്ഷയമിത്ര ഫൗണ്ടേഷൻ എന്ന സന്നദ്ധ സംഘടനയുടെ ഭാരവാഹി എന്ന നിലയിലും സമൂഹത്തിന്റെ വിവിധ മേഖലകളിൽ നടത്തിയ ശ്രദ്ധേയമായ …

രാജ്യം എണ്‍പതാമത് സ്വാതന്ത്ര്യ ദിനാഘോഷ നിറവില്‍; പ്രധാനമന്ത്രി അഭിസംബോധന ചെയ്യും

by Web EditorNational Saturday, 15 August 2026, 6:57Saturday, 15 August 2026, 6:57No Comments

ന്യൂഡല്‍ഹി: എണ്‍പതാമത് സ്വാതന്ത്ര്യദിനാഘോഷങ്ങള്‍ക്കൊരുങ്ങി രാജ്യം. കനത്ത സുരക്ഷായാണ് ഇത്തവണയും രാജ്യതലസ്ഥാനത്ത് ഒരുക്കിയത്. ചെങ്കോട്ടയില്‍ പ്രധാനമന്ത്രി നരേന്ദ്രമോദി ദേശീയ പതാക ഉയര്‍ത്തും. തുടര്‍ന്ന് പ്രധാനമന്ത്രി രാജ്യത്തെ അഭിസംബോധന ചെയ്യും. ദേശീയഗീതത്തിന്റെ 150 വര്‍ഷം ആഘോഷിക്കുന്നതിന്റെ ഭാഗമായി ഈ വര്‍ഷത്തെ ചടങ്ങുകളില്‍ ആദ്യമായി വന്ദേമാതരം ആലപിക്കും. ചരിത്രത്തിലാദ്യമായി ഇക്കുറി ചെങ്കോട്ടയിൽ വന്ദേമാതരം പൂർണ്ണരൂപത്തിൽ ആലപിക്കും. ദേശീയ ഗീതത്തിനും ദേശീയ ഗാനത്തിനും ശേഷമാകും പ്രധാനമന്ത്രിയുടെ പ്രസംഗം. വികസിത ഭാരതം 2047 എന്ന ലക്ഷ്യത്തിലേക്ക് ഇന്ത്യയുടെ പ്രയാണത്തിന് കരുത്തേകുന്ന യുവശക്തിയുടെ ഊര്‍ജ്ജവും സംഭാവനകളും …

യൂണിഫോമിൽ സ്കൂളിൽ വച്ച് വിദ്യാർത്ഥിനികളിൽ മദ്യപിക്കുന്ന ദൃശ്യം സമൂഹമാധ്യമങ്ങളിൽ വൈറൽ; പ്രിൻസിപ്പലിനെ സ്ഥലം മാറ്റി, കളക്ടർ അന്വേഷണത്തിന് ഉത്തരവിട്ടു

by Web EditorNational Saturday, 15 August 2026, 6:25Saturday, 15 August 2026, 6:25No Comments

ചെന്നൈ: വിദ്യാർഥിനികൾ ക്ലാസ് മുറിക്കുള്ളിൽ മദ്യപിക്കുന്ന വീഡിയോ സമൂഹമാധ്യമങ്ങളിൽ പ്രചരിച്ചതിനെത്തുടർന്ന് സ്കൂൾ പ്രിൻസിപ്പലിനെ സ്ഥലം മാറ്റി. കളക്ടർ സംഭവത്തിൽ അന്വേഷണത്തിന് ഉത്തരവിട്ടിട്ടുണ്ട്. ഈ മാസം ഒന്നിന് തമിഴ്‌നാട്ടിലെ കന്യാകുമാരി ജില്ലയിലുള്ള തക്കലൈ സർക്കാർ ഹയർ സെക്കൻഡറി സ്കൂളിൽ ആണ് സംഭവം. പരീക്ഷകൾക്കായുള്ള പ്രത്യേക പരിശീലന ക്ലാസുകൾക്ക് ശേഷമാണ് ഈ സംഭവം നടന്നതെന്നാണ് വിവരം. ശനിയാഴ്ച നടന്ന പ്രത്യേക ക്ലാസിന് ശേഷം വിദ്യാർഥികൾ വീട്ടിൽ പോവാതെ ക്ലാസ് മുറിയിലിരുന്ന് മദ്യപിക്കുകയായിരുന്നു. വിദ്യാർഥിനികൾ മദ്യപിക്കുന്നത് വീഡിയോയിൽ കാണാം. മദ്യത്തെക്കുറിച്ചു വിദ്യാർഥികൾ …

ഇന്നത്തെ പ്രധാന വാർത്തകൾ

by Web EditorInternational Saturday, 15 August 2026, 6:10Saturday, 15 August 2026, 6:33No Comments

ഇന്ത്യയുടെ എൺപതാമത് സ്വാതന്ത്ര്യ ദിനം അത്യാഹ്ലാദത്തോടെ ഭാരതീയർ ആഘോഷിക്കുന്നു. ന്യൂഡൽഹി ചെങ്കോട്ടയിൽ സ്വതന്ത്ര ഇന്ത്യയുടെ കരുത്ത് തെളിയിക്കുന്ന സ്വാതന്ത്ര്യ ദിനപരേഡ് 7. 30ന് ആരംഭിക്കും. പ്രധാനമന്ത്രി നരേന്ദ്രമോഡി ദേശീയ പതാക ഉയർത്തി പരേഡിനെ അഭിവാദ്യം ചെയ്യും. സൈനിക അഭ്യാസപ്രകടനങ്ങളും കലാകായിക പ്രകടനങ്ങളും ഉണ്ടാകും. തിരുവനന്തപുരം സെൻട്രൽ സ്റ്റേഡിയത്തിൽ മുഖ്യമന്ത്രി വി ഡി സതീശനും കാസർകോട് മുൻസിപ്പൽ സ്റ്റേഡിയത്തിൽ മന്ത്രി കെഎം ഷാജിയും ദേശീയ പതാക ഉയർത്തി പരേഡിനെ അഭിവാദ്യം ചെയ്യും. ഹോർമുസ് കടലിടുക്കിൽ ആക്രമണം: ഹോർമുസ് കടലിടുക്കിലൂടെ …

Read more “ഇന്നത്തെ പ്രധാന വാർത്തകൾ”

മാതാപിതാക്കളെ മകൻ വെട്ടിക്കൊലപ്പെടുത്തി, ദൃശ്യങ്ങൾ പകർത്തി ബന്ധുവിന് അയച്ചുകൊടുത്തു

by Web EditorState Saturday, 15 August 2026, 5:51Saturday, 15 August 2026, 6:01No Comments

ഇടുക്കി: മദ്യലഹരിയിൽ മകന്‍ മാതാപിതാക്കളെ കുത്തിക്കൊന്നു. നെടുങ്കണ്ടം എഴുകുംവയലിലാണ് അരുംകൊല നടന്നത്. ആന്റണിയും ഭാര്യ വല്‍സയുമാണ് കൊല്ലപ്പെട്ടത്. മകന്‍ അജീഷിനെ പൊലീസ് കസ്റ്റഡിയിലെടുത്തു. വെള്ളിയാഴ്ച രാത്രി ഒമ്പതരയോടെയാണ് സംഭവം. മദ്യപിച്ച് വീട്ടിലെത്തി മാതാപിതാക്കളുമായി സ്ഥിരമായി വഴക്കിടാറുണ്ടെന്ന് നാട്ടുകാര്‍ പറയുന്നു. കൊലപ്പെടുത്തിയ ശേഷം ദൃശ്യങ്ങൾ മൊബൈൽ ഫോണിൽ പകർത്തി ബന്ധുവിന് അയച്ചുകൊടുത്തു. ബന്ധു ഇത് ഇടവകയിലെ വൈദികന് കൈമാറി. ഇങ്ങനെയാണ് സംഭവം പുറത്തറിഞ്ഞത്. വെള്ളിയാഴ്ച വീട്ടില്‍ നിന്നും ബഹളം കേട്ടിരുന്നു. വൈദികനും ബന്ധുവും നാട്ടുകാരും വീട്ടിലെത്തിയപ്പോൾ കണ്ടത് കൊല്ലപ്പെട്ട …

മംഗൽപാടി ഷിറിയയിൽ കോഴിക്കൂട്ടിൽ കയറി അഞ്ച് കോഴികളെ കൊന്നു; കൂട്ടിൽ നിന്നും പോകാതെ പെരുമ്പാമ്പ്

by Web EditorLocal News Friday, 14 August 2026, 20:46Friday, 14 August 2026, 20:46No Comments

കാസർകോട്: മംഗൽപ്പാടി ഷിറിയ പുതിയങ്ങാടിയിൽ കോഴിക്കൂട്ടിൽ കയറിയ പെരുമ്പാമ്പ് അഞ്ച് കോഴികളെ കൊന്നു. ഇതിൽ രണ്ട് കോഴികളെ പെരുമ്പാമ്പ് ഭക്ഷിച്ച നിലയിലും മൂന്ന് കോഴികളെ കൊന്ന നിലയിലുമാണ് കണ്ടെത്തിയത്. പുതിയങ്ങാടിയിലെ ആലിക്കുഞ്ഞിയുടെ വീട്ടിലെ കോഴികളെയാണ് പെരുമ്പാമ്പ് ആക്രമിച്ചത്. ഏകദേശം അഞ്ച് കിലോ തൂക്കമുള്ള മുട്ടക്കോഴികളെയാണ് കൊന്നത്. വീടിനോട് ചേർന്ന് മരം ഉപയോഗിച്ച് നിർമിച്ച കോഴിക്കൂട്ടിനുള്ളിലാണ് പെരുമ്പാമ്പ് കയറിയത്. വിവരമറിഞ്ഞതിനെ തുടർന്ന് പാമ്പുപിടിത്തക്കാരൻ ചേവാറിലെ ഉബൈദ് മുസ്ലിയാർ സ്ഥലത്തെത്തി. പെരുമ്പാമ്പിനെ പിടികൂടി കാട്ടിൽ വിട്ടയച്ചു.

ബിരിക്കുളത്ത് യുവതി വീട്ടിനുള്ളിൽ തൂങ്ങിമരിച്ച നിലയിൽ

by Web EditorLocal News Friday, 14 August 2026, 18:06Friday, 14 August 2026, 18:06No Comments

നീലേശ്വരം: യുവതിയെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി.ബിരിക്കുളം കൊട്ടമടൽ സ്വദേശി പവിത്രന്റെ ഭാര്യ ഗീത (46) ആണ് മരിച്ചത്. വെള്ളിയാഴ്ച രാവിലെ 11 മണിയോടെയാണ് സംഭവം. കിടപ്പമുറിയിൽ തൂങ്ങിയ നിലയിൽ കണ്ടെത്തിയ യുവതിയെ ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു. വെള്ളരിക്കുണ്ട് പൊലീസ് ഇൻക്വസ്റ്റ് നടത്തി. മാലോം കാര്യോട്ട്ചാൽ സ്വദേശിനിയാണ്. മക്കൾ: വൈശാഖ്, വൈഷ്ണവ്.

കമ്പാറിലെ മോഹന പൂജാരി അന്തരിച്ചു

by Web EditorLocal News Friday, 14 August 2026, 16:50Friday, 14 August 2026, 16:50No Comments

മൊഗ്രാല്‍ പുത്തൂര്‍: കമ്പാറിലെ തെങ്ങ് കയറ്റ തൊഴിലാളി മോഹന പൂജാരി (62) അന്തരിച്ചു. കേരള സ്റ്റേറ്റ് കര്‍ഷക തൊഴിലാളി യൂണിയന്‍ കമ്പാര്‍ യൂണിറ്റ് അംഗമായിരുന്നു. സുമതിയാണ് ഭാര്യ. മല്ലിക, മാലിനി, മഞ്ജുള എന്നിവര്‍ മക്കളാണ്. ബാബു പൂജാരി, കൃഷ്ണ പൂജാരി, കമല സുശീല എന്നിവര്‍ സഹോദരങ്ങളാണ്.

തീവ്ര ന്യൂനമര്‍ദം രൂപപ്പെട്ടു; 8 ജില്ലകളില്‍ ഇന്ന് ശക്തമായ മഴ, യെല്ലോ അലര്‍ട്ട് പ്രഖ്യാപിച്ചു

by Web EditorState Friday, 14 August 2026, 16:38Friday, 14 August 2026, 16:38No Comments

തിരുവനന്തപുരം: സംസ്ഥാനത്ത് മഴ മുന്നറിയിപ്പില്‍ വീണ്ടും മാറ്റം. ഇന്ന് മണിക്കൂറില്‍ 30 മുതല്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിന് സാധ്യതയുണ്ടെന്നും 18 വരെ ഒറ്റപ്പെട്ടയിടങ്ങളില്‍ നേരിയതോ മിതമായതോ ആയ മഴയ്ക്കും, ഇന്ന് കേരളത്തില്‍ ഒറ്റപ്പെട്ടയിടങ്ങളില്‍ ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. എട്ട് ജില്ലകളില്‍ ഇന്ന് യെല്ലോ അലര്‍ട്ടാണ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍ എന്നീ ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള …

സംരക്ഷിത ഇനത്തില്‍പ്പെട്ട കുരങ്ങുമായി കളിക്കുന്ന ദൃശ്യങ്ങള്‍ റീല്‍സാക്കി സമൂഹമാധ്യമങ്ങളില്‍ പങ്കുവെച്ചു; നടന്‍ വിക്രമിന് വനംവകുപ്പ് നോട്ടീസ്

by Web EditorNational Friday, 14 August 2026, 16:14Friday, 14 August 2026, 16:16No Comments

ചെന്നൈ: സംരക്ഷിത കുരങ്ങിനൊപ്പമുള്ള വീഡിയോ റീല്‍സ് ആക്കി സോഷ്യല്‍ മീഡിയിയില്‍ പങ്കുവച്ച നടന്‍ വിക്രമിന് തമിഴ്‌നാട് വനം വകുപ്പിന്റെ നോട്ടീസ്. മൂന്ന് ദിവസത്തിനകം ഹാജരായി വിശദീകരണം നല്‍കണമെന്നാണ് നോട്ടീസില്‍ പറയുന്നത്. സിനിമാ ലൊക്കേഷനില്‍ എത്തിയാണ് നടന് നോട്ടീസ് കൈമാറിയത്. വീഡിയോ ചിത്രീകരിച്ച സാഹചര്യം വിശദീകരിക്കണം. കുരങ്ങിനെ ഇന്ത്യയില്‍ എത്തിച്ചതുമായി ബന്ധപ്പെട്ട രേഖകളും ഹാജരാക്കണം. കുരങ്ങിനെ വളര്‍ത്തുന്നതിനുള്ള നിയമപരമായ രേഖകള്‍ സമര്‍പ്പിക്കാനും നിര്‍ദേശം നല്‍കി. വംശനാശ ഭീഷണി നേരിടുന്ന കുരങ്ങുമായി റീല്‍ ചെയ്തതോടെയാണ് നടന്‍ വിക്രം വിവാദത്തിലായത്. വിവാദമായതോടെ …

മംഗല്‍പ്പാടിയില്‍ ‘വൈബ് പാര്‍ക്ക്’ ഇന്ന് നാടിന് സമര്‍പ്പിക്കും

by Web EditorLocal News Friday, 14 August 2026, 14:13Friday, 14 August 2026, 14:13No Comments

മംഗല്‍പാടി: പച്ചമ്പളം പ്രദേശത്ത് ജനങ്ങളുടെ ആരോഗ്യവും വിനോദവും സാമൂഹിക ഇടപെടലുകളും ഒരുമിച്ച് ലക്ഷ്യമാക്കി ഒരുക്കിയ ‘വൈബ് പാര്‍ക്ക്’ ഇന്നു നാടിന് സമര്‍പ്പിക്കും. വൈകീട്ട് 5ന് തദ്ദേശ സ്വയംഭരണ വകുപ്പ് മന്ത്രി കെ.എം ഷാജി പാര്‍ക്കിന്റെ ഉദ്ഘാടനം നിര്‍വഹിക്കും. എം.എല്‍.എ കെ.എം അഷറഫ് അധ്യക്ഷത വഹിക്കും. രാജ്‌മോഹന്‍ ഉണ്ണിത്താന്‍ എം.പി മുഖ്യാതിഥിയാകും.വയോജനങ്ങള്‍ക്കും കുട്ടികള്‍ക്കും യുവതീ-യുവാക്കള്‍ക്കും കുടുംബങ്ങള്‍ക്കും ഒരുപോലെ ഉപയോഗപ്പെടുത്താന്‍ കഴിയുന്ന തരത്തില്‍ വിവിധ സൗകര്യങ്ങളെ ഒരൊറ്റ കേന്ദ്രത്തില്‍ സമന്വയിപ്പിച്ചാണ് ‘വൈബ് പാര്‍ക്ക്’ ഒരുക്കിയിരിക്കുന്നത്. വിശ്രമം, വ്യായാമം, വിനോദം, കായിക …

കോഴിക്കോട് മെഡിക്കല്‍ കോളേജിലെ യുവ ഡോക്ടര്‍ വീടിനുള്ളില്‍ മരിച്ചനിലയില്‍

by Web EditorState Friday, 14 August 2026, 12:58Friday, 14 August 2026, 13:04No Comments

കോഴിക്കോട്: മെഡിക്കല്‍ കോളേജ് ആശുപത്രിയിലെ യുവ ഡോക്ടറെ വീടിനുള്ളില്‍ മരിച്ചനിലയില്‍ കണ്ടെത്തി. മലപ്പുറം യൂണിവേഴ്‌സിറ്റി ചേനക്കല്‍ സ്വദേശിയും ബയോ കെമിസ്ട്രി വിഭാഗത്തിലെ അസിസ്റ്റന്റ് പ്രൊഫസറുമായനിഖില്‍ ചന്ദ്രനെ തൂങ്ങിമരിച്ച നിലയില്‍ കണ്ടെത്തിയത്. കെ.എസ്.എച്ച്.ബി. കോളനിയിലെ വീട്ടിനുള്ളിലാണ് മൃതദേഹം കണ്ടത്. വെള്ളിയാഴ്ച രാവിലെ ഡോക്ടറെ എത്താത്തതിനെത്തുടര്‍ന്ന് സുഹൃത്തുക്കള്‍ പോയി മുറിയില്‍ നോക്കുമ്പോഴാണ് വിവരമറിയുന്നത്. ഉടന്‍തന്നെ.കോഴിക്കോട് മെഡിക്കല്‍ കോളേജ് പൊലീസില്‍ വിവരമറിയിച്ചു. വാതിലിന്റെ പൂട്ടുതകര്‍ത്ത് ഉള്ളില്‍ക്കയറി മരണം സ്ഥിരീകരിച്ചു. തുടര്‍നടപടികള്‍ക്കുശേഷം മൃതദേഹം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. ജീവനൊടുക്കുന്നതിലേക്ക് നയിച്ചകാരണംവ്യക്തമല്ല. മൂന്നുവര്‍ഷമായി …

ഓണക്കാലത്ത് ആശ്വാസം; കര്‍ണാടകയില്‍ നിന്ന് കേരളത്തിലേക്ക് 150 കെ.എസ്.ആര്‍.ടി.സി സര്‍വീസുകള്‍

by Web EditorState Friday, 14 August 2026, 12:26Friday, 14 August 2026, 12:36No Comments

തിരുവനന്തപുരം: ഓണത്തിരക്ക് പരിഗണിച്ച് കര്‍ണാടകയില്‍ നിന്ന് കേരളത്തിലേക്ക് 150 പ്രത്യേക കെ.എസ്.ആര്‍.ടി.സി ബസ് സര്‍വീസുകള്‍ നടത്തും. കര്‍ണാടക ഗതാഗത മന്ത്രി ബി.എസ്. ബൈരതി സുരേഷാണ് ഇതുസംബന്ധിച്ച ഉത്തരവിട്ടത്. സര്‍വീസുകളുടെ എണ്ണം വര്‍ദ്ധിപ്പിക്കണമെന്ന് ആവശ്യപ്പെട്ട് കെ.സി. വേണുഗോപാല്‍ എം.പി നല്‍കിയ നിര്‍ദ്ദേശം പരിഗണിച്ചാണ് ഈ തീരുമാനം. ബംഗളൂരുവില്‍ നിന്ന് കോഴിക്കോട്, കോട്ടയം, പാലക്കാട്, തൃശൂര്‍, എറണാകുളം, ആലപ്പുഴ, കൊല്ലം, തിരുവനന്തപുരം, കാസര്‍കോട് എന്നീ പ്രധാന ജില്ലകളിലേക്കാണ് സര്‍വീസുകള്‍ നടത്തുക. ഈ മാസം 21 മുതല്‍ 25 വരെയാണ് കര്‍ണാടകയില്‍ …