Author: Web Desk

കാസര്‍കോട്: ശക്തമായ കാറ്റിലും മഴയിലും തെങ്ങ് ദേഹത്ത് പൊട്ടി വീണ് പരിക്കേറ്റ വീട്ടമ്മ മരിച്ചു. പടന്ന മാച്ചിക്കാട് താമസിക്കുന്ന ജനാര്‍ദ്ദനന്റെ ഭാര്യ പയനി ശകുന്തള (46) ആണ് മരിച്ചത്. കോഴിക്കോട് മെഡിക്കല്‍ കോളജില്‍ ചികില്‍സക്കിടെയാണ് വെള്ളിയാഴ്ച രാവിലെ മരിച്ചത്. ഈമാസം 22ന് തൃക്കരിപ്പൂര്‍ പേക്കടത്ത് കെട്ടിട നിര്‍മ്മാണ ജോലിക്കിടെ കാറ്റിലും മഴയിലും തെങ്ങ് മുറിഞ്ഞ് ദേഹത്ത് വീഴുകയായിരുന്നു. ഗുരുതരമായ പരിക്കേറ്റ് കോഴിക്കോട് മെഡിക്കല്‍ കോളേജില്‍ ആശുപത്രിയിലെത്തിച്ചിരുന്നു. മൃതദേഹം വൈകീട്ട് നാട്ടിലെത്തിക്കും. മക്കള്‍: ശ്രുതി, സുജിന, മരുമകന്‍: പ്രജിഷ് …

Read more “ശക്തമായ കാറ്റില്‍ തെങ്ങ് ദേഹത്ത് പൊട്ടിവീണ് പരിക്കേറ്റ വീട്ടമ്മ മരിച്ചു”

കാസര്‍കോട്: കെപിസിസി അംഗവും മുന്‍ കാസര്‍കോട് ഡിസിസി പ്രസിഡന്റുമായ ഹക്കീം കുന്നിലിന് വാഹനാപകടത്തില്‍ പരിക്കേറ്റു.കാലിന്റെ എല്ലൊടിഞ്ഞ നിലയില്‍ ഹക്കീമിനെ കണ്ണൂരിലെ സ്വകാര്യ ആശുപത്രിയിലേക്ക് മാറ്റി. വ്യാഴാഴ്ച രാത്രി 10 മണിയോടെ കാഞ്ഞങ്ങാട്, അതിഞ്ഞാലിലാണ് അപകടം. സുഹൃത്തിനൊപ്പം നടന്നു പോകുന്നതിനിടയില്‍ അമിത വേഗതയില്‍ എത്തിയ ബുള്ളറ്റിടിച്ചാണ് അപകടം. ഉടന്‍ കോട്ടച്ചേരിയിലെ സ്വകാര്യ ആശുപത്രിയിലെത്തിച്ചു. കാലിന്റെ എല്ല് ഒടിഞ്ഞതായി സ്ഥിരീകരിച്ചതിനെത്തുടര്‍ന്നാണ് കണ്ണൂരിലേക്ക് മാറ്റിയത്.

കാസര്‍കോട്: ഹോസ്ദുര്‍ഗ് ബാറിലെ അഭിഭാഷകന്‍ കോളിച്ചാല്‍ പ്രാന്തര്‍കാവ് സ്വദേശി കെ.എം. ആന്റണി (59) മൈലാടിയില്‍ അന്തരിച്ചു. അസുഖത്തെ തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ ചികിത്സയിലായിരുന്നു. വെള്ളിയാഴ്ച പുലര്‍ച്ചയാണ് മരണം. മൃതദേഹം ഉച്ചകഴിഞ്ഞ് കാഞ്ഞങ്ങാട് ബാര്‍ അനക്സ് ഹാളില്‍ പൊതുദര്‍ശനത്തിന് വെയ്ക്കും. സംസ്‌കാരം ശനിയാഴ്ച വൈകിട്ട് നാലിന് പനത്തടി സെന്റ് ജോസഫ് ഫൊറോന ചര്‍ച്ച് സെമിത്തേരിയില്‍. പരേതനായ ജോസഫ് ഏലിയാമ്മ ദമ്പതികളുടെ മകനാണ്. ഭാര്യ: ലിസി.മകള്‍: ആന്‍മിറ്റ ആന്റണി (വിദ്യാര്‍ത്ഥിനി). സഹോദരങ്ങള്‍: കെ.എം.ജോസഫ്, കെ.എം.തോമസ്, കെ.എം.മാത്യു, പരേതനായ ജേക്കബ്.