അന്വറിന് ഇടതുപക്ഷ പശ്ചാത്തലമില്ല, കോണ്ഗ്രസില് നിന്നും വന്നയാളാണ്, പിവി അന്വര് എംഎല്എയെ രൂക്ഷമായി വിമര്ശിച്ച് മുഖ്യമന്ത്രി
തിരുവനന്തപുരം: എഡിജിപിക്കെതിരെ ഗുരുതര ആരോപണങ്ങള് ഉന്നയിച്ച പിവി അന്വര് എംഎല്എയെ പൂര്ണ്ണമായും തളളി മുഖ്യമന്ത്രി പിണറായി വിജയന്. പി ശശിക്കെതിരെ പരാതിയുണ്ടായിരുന്നെങ്കില് അന്വര് ആദ്യം ചെയ്യേണ്ടിയിരുന്നത് പാര്ട്ടിയുടെ ശ്രദ്ധയില്പ്പെടുത്തുകയായിരുന്നു. സാധാരണ നിലയ്ക്ക് ഒരു പ്രശ്നമുണ്ടായാല് അങ്ങനെയാണ് ചെയ്യുക. പരാതിയുണ്ടെങ്കില് പാര്ട്ടിയുടെയും മുഖ്യമന്ത്രിയുടേയും ശ്രദ്ധയില് പെടുത്തുകയായിരുന്നു ഇടതുപക്ഷ എംഎല്എ എന്ന നിലയില് പിവി അന്വര് ചെയ്യേണ്ടിയിരുന്നതെന്ന് മുഖ്യമന്ത്രി തുറന്നടിച്ചു. തിരുവനന്തപുരത്ത് മാധ്യമപ്രവര്ത്തകരുടെ ചോദ്യങ്ങളോട് പ്രതികരിക്കുകയായിരുന്നു മുഖ്യമന്ത്രി. സിപിഎമ്മിന്റെ പാര്ലമെന്ററി പാര്ട്ടി അംഗമാണ് അന്വര്. അതുകൊണ്ടാണല്ലോ ഇടതുപക്ഷ എംഎല്എ …
