കണ്ണൂര്‍: വീടിനു സമീപത്തെ തോട്ടിലെ ഒഴുക്കില്‍പ്പെട്ടു കാണാതായ വീട്ടമ്മയുടെ മൃതദേഹം കണ്ടെത്തി. കൂത്തുപറമ്പ് പാട്യം, മുതിയങ്ങ ശങ്കരവിലാസം സ്‌കൂളിനു സമീപത്തെ നളിനി (70)യുടെ മൃതദേഹമാണ് ശനിയാഴ്ച രാവിലെ കണ്ടെത്തിയത്. വെള്ളിയാഴ്ച രാവിലെയാണ് നളിനിയെ ശക്തമായ കുത്തൊഴുക്കുള്ള കൈത്തോടില്‍ കാണാതായത്. രണ്ടു ദിവസങ്ങളിലായി ഫയര്‍ഫോഴ്‌സും നാട്ടുകാരും തെരച്ചില്‍ നടത്തിയിരുന്നുവെങ്കിലും കണ്ടെത്താന്‍ കഴിഞ്ഞിരുന്നില്ല. തിങ്കളാഴ്ച രാവിലെ തെരച്ചില്‍ പുനഃരാരംഭിച്ചപ്പോഴാണ് തോട്ടിലെ വള്ളിപ്പടര്‍പ്പില്‍ കുടുങ്ങിയ നിലയില്‍ മൃതദേഹം കണ്ടെത്തിയത്.