കാസര്കോട്: കനത്തമഴയില് കരിച്ചേരി വിളക്ക്മാടത്ത് റോഡില് മരംപൊട്ടിവീണു. ഇതേതുടര്ന്ന് പൊയിനാച്ചി ബന്തടുക്ക സംസ്ഥാന പാതയില് ഗതാഗതം തടസപ്പെട്ടു. ശനിയാഴ്ച പുലര്ച്ചേയാണ് റോഡില് വലിയ മരം പൊട്ടിവീണത്. വാഹനങ്ങള് ഇല്ലാത്തസമയത്തായിരുന്നു മരം വീണത്. നാട്ടുകാര് കുറച്ച് മര ശിഖരങ്ങള് വെട്ടിമാറ്റി ഇരുചക്രവാഹനങ്ങള് കടന്നുപോകാന് സൗകര്യമൊരുക്കിയിരുന്നു. പത്തുമണിയോടെ ഫയര്ഫോഴ്സിന്റെ നേതൃത്വത്തില് മരം വെട്ടിമാറ്റി ഗതാഗതം പുനസ്ഥാപിക്കാനുള്ള പ്രവൃത്തി പുരോഗമിക്കുകയാണ്. മരം പൊട്ടിവീണ് ഗതാഗതം തടസപ്പെട്ടതോടെ സര്ക്കാര് ജീവനക്കാരുള്പ്പെടേയുള്ള നിരവധി വാഹനയാത്രക്കാരാണ് വലഞ്ഞത്.
