Author: WEB EDITOR

കാസര്‍കോട്: മഞ്ചേശ്വരം പൊലീസ് സ്റ്റേഷന്‍ പരിധിയിലെ മിയാപ്പദവ്, കഞ്ചിപ്പള്ളയില്‍ ഗൃഹനാഥനെ വീട്ടിനകത്ത് മരിച്ച നിലയില്‍ കണ്ടെത്തി. വിശ്വനാഥ മൂല്യ (50) എന്നയാളാണ് മരിച്ചത്. ശനിയാഴ്ച ഉച്ചയോടെയാണ് കൊല്ലക്കജെയിലെ വീട്ടിനകത്ത് മൃതദേഹം കാണപ്പെട്ടത്. വിശ്വനാഥന്‍ ഒറ്റക്കാണ് താമസം. ഭാര്യയും രണ്ടു മക്കളുമുണ്ട്. ഇവരും വിശ്വനാഥ മൂല്യയും പിണങ്ങിക്കഴിയുകയാണ്.രണ്ടു ദിവസമായി പുറത്ത് കാണാത്തതിനെ തുടര്‍ന്ന് നോക്കിയപ്പോഴാണ് മൃതദേഹം കാണപ്പെട്ടതെന്നു പറയുന്നു. വിവരമറിഞ്ഞ് മഞ്ചേശ്വരം പൊലീസ് സ്ഥലത്തെത്തി അന്വേഷണം ആരംഭിച്ചു.

കാസര്‍കോട്: വോട്ട് ചെയ്ത് വീട്ടില്‍ തിരിച്ചെത്തിയ ആളെ സോഫയില്‍ മരിച്ച നിലയില്‍ കണ്ടെത്തി. കാസര്‍കോട് ടൗണ്‍ പൊലീസ് സ്റ്റേഷന്‍ പരിധിയിലെ കൂഡ്ലു, ശിവകൃഷ്ണ നഗറിലെ ശ്രീ ദുര്‍ഗ്ഗാ ഹൗസില്‍ ബി. രാമമൂര്‍ത്തി (75)യുടെ മൃതദേഹമാണ് വീട്ടിനകത്തു കണ്ടെത്തിയത്. വീട്ടിനകത്തെ സോഫയില്‍ ഇരുന്ന നിലയിലാണ് മൃതദേഹം കാണപ്പെട്ടത്. സമീപത്ത് ചോരതുള്ളികളുണ്ട്. ഇത് എങ്ങിനെ ഉണ്ടായതെന്നു വ്യക്തമല്ല.വോട്ടു ചെയ്ത് വീട്ടില്‍ തിരിച്ചെത്തിയിരുന്ന രാമമൂര്‍ത്തിയെ വെള്ളിയാഴ്ച ആരും പുറത്തു കണ്ടിരുന്നില്ല. ശനിയാഴ്ച രാവിലെയും കാണാത്തതിനെ തുടര്‍ന്ന് നോക്കിയപ്പോഴാണ് മരിച്ച നിലയില്‍ കാണപ്പെട്ടത്. …

Read more “വോട്ട് ചെയ്ത് വീട്ടില്‍ തിരിച്ചെത്തിയ കൂഡ്‌ലു സ്വദേശി സോഫയില്‍ മരിച്ച നിലയില്‍ ; സമീപത്ത് രക്തക്കറ”

കാസര്‍കോട്: പെരിയ, നിടുവോട്ട്പാറയിലെ വേങ്ങര വളപ്പില്‍ നാരായണന്‍ (65) അന്തരിച്ചു. പെരിയ ക്ഷീരോല്‍പാദക സംഘം മുന്‍ ഡയറക്ടര്‍, പെരിയ പുലിഭൂതസ്ഥാനം മുന്‍ ജനറല്‍ സെക്രട്ടറി എന്നീ നിലകളില്‍ പ്രവര്‍ത്തിച്ചിട്ടുണ്ട്. സിപിഎം പ്രവര്‍ത്തകനായിരുന്ന നാരായണന്‍ മികച്ച ക്ഷീര കര്‍ഷകന്‍ കൂടിയായിരുന്നു.ഭാര്യ: സതി. സഹോദരങ്ങള്‍: ചോയിച്ചി, വെള്ളച്ചി, പരേതരായ രാമന്‍, സാവിത്രി.