മരിക്കും മുന്പ് അനുശ്രീയുടെ വീഡിയോ കോള്, ലോഡ്ജില് നിന്ന് കൂട്ടുകാര്ക്ക് ലൊക്കേഷന് അയച്ച് അമല്; ഫോണുകള് പരിശോധിക്കും, അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ച് പൊലീസ്
കാസര്കോട്/ കൊച്ചി: പ്രതിശ്രുത വധൂവരന്മാര് മരിച്ച നിലയില് കണ്ടെത്തിയ സംഭവത്തില് അന്വേഷണം ഊര്ജിതമാക്കി പൊലീസ്. ഇരുവരുടേയും മൊബൈല് ഫോണ് പരിശോധനയ്ക്ക് വിധേയമാക്കുമെന്ന് പൊലീസ് അറിയിച്ചു. പള്ളിക്കര പൂച്ചക്കാട്ടെ പി അനുശ്രീ (25), ഇരിട്ടി വിളമന അമ്പലത്തട്ടിലെ വി അമല് (26) എന്നിവരാണ് മരിച്ചത്. അനുശ്രീയെ ഹുന്സൂരിലെ താമസ സ്ഥലത്തും അമലിനെ എറണാകുളത്തെ ഹോട്ടല് മുറിയിലുമാണ് മരിച്ച നിലയില് കണ്ടെത്തിയത്. സംഭവത്തില് പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. ബുധനാഴ്ച രാവിലെ മണിക്കൂറുകളുടെ വ്യത്യാസത്തിലാണ് ഇരുവരും ജീവനൊടുക്കിയത്. …
