ദേളി സഅദിയ്യ ഗ്രാൻഡ് മസ്ജിദ് ഉദ്ഘാടനം നാളെ; കാന്തപുരം എപി അബൂബക്കർ മുസ്ലിയാർ നിർവഹിക്കും

കാസർകോട്: പ്രമുഖ വിദ്യാഭ്യാസ സാംസ്കാരിക കേന്ദ്രമായ കാസർകോട് ദേളി ജാമിഅ സഅദിയ്യ ക്യാമ്പസിൽ പുതുക്കിപ്പണിത ‘ജാമിഉ ഹബീബ് ഉസ്മാൻ’ ഗ്രാൻഡ് മസ്ജിദിൻ്റെ ഉദ്ഘാടനം തിങ്കളാഴ്ച വൈകുന്നേരം മൂന്ന് മണിക്ക് നടക്കും. കാന്തപുരം എ.പി. അബൂബക്കർ മുസ്‌ലിയാർ ഉദ്ഘാടനവും സഅദിയ്യ പ്രസിഡന്റ് സയ്യിദ് കെ.എസ്. ആറ്റക്കോയ തങ്ങൾ കുമ്പോൽ വഖ്ഫ് കർമവും നിർവഹിക്കും. ഉച്ചയ്ക്ക് ഒരു മണിക്ക് നടക്കുന്ന സൗഹൃദ സംഗമം രാജ്മോഹൻ ഉണ്ണിത്താൻ എംപി ഉദ്ഘാടനം ചെയ്യും. വൈസ് പ്രസിഡൻ്റ് മുഹമ്മദ് അലി സഖാഫി തൃക്കരിപ്പൂർ അധ്യക്ഷത …

പനി; പ്രശസ്ത മാപ്പിളപ്പാട്ട് ഗായകൻ നിസാർ വയനാട് ദുബായിൽ അന്തരിച്ചു

ദുബായ്: മാപ്പിളപ്പാട്ട് ഗായകൻ നിസാർ വയനാട് ദുബൈയിൽ അന്തരിച്ചു. 44 വയസായിരുന്നു. വയനാട് കമ്പളക്കാട് സ്വദേശിയാണ്. നിരവധി മാപ്പിള പാട്ടുകളിലൂടെ ശ്രദ്ധേയനായി. മലയാളം കന്നട സിനിമകളിലും പാടിയിട്ടുണ്ട്. സംഗീതപരിപാടിക്കായി കഴിഞ്ഞമാസം ദുബൈയിലെത്തിയതാണ്. പനിയെ തുടർന്നാണ് ആശുപത്രിയിൽ ചികിൽസ തേടിയത്. ശനിയാഴ്ച വൈകുന്നേരം ദുബൈ മൻഖൂർ ആശുപത്രിയിലായിരുന്നു മരണം. അടുത്തദിവസം സൗദിയിലും, ദുബൈയിലും വിവിധ സംഗീതപരിപാടിയിൽ പങ്കെടുക്കാനിരിക്കെയാണ് മരണം. നിയമനടപടികൾ പൂർത്തിയാക്കി മൃതദേഹം നാട്ടിലെത്തിക്കാനുള്ള തുടർനടപടികൾ ദുബായിൽ പുരോഗമിക്കുകയാണ്.നിരവധി മാപ്പിളപ്പാട്ട് ആൽബങ്ങളിൽ പാടി അഭിനയിച്ചിട്ടുണ്ട്. ‘പ്രഫസർ ഡിങ്കൻ’ എന്ന …

തൃശ്ശൂരിൽ വീണ്ടും വാഹനാപകടം: കുന്നംകുളത്ത് ബൈക്കിൽ നിയന്ത്രണം വിട്ട കാറിടിച്ച് 3 മരണം: മരിച്ചത് ദമ്പതികളും മൂന്നു വയസ്സുള്ള മകനും

തൃശ്ശൂർ: ജില്ലയിലെ കൈപ്പമംഗലത്ത് വെള്ളിയാഴ്ച അർദ്ധരാത്രി ഉണ്ടായ എട്ടുപേർ മരിച്ച കാർ അപകടത്തിന്റെ ആഘാതം വിട്ടുമാറും മുമ്പ് വീണ്ടും വാഹനാപകടം. ശനിയാഴ്ച അർധരാത്രി കുന്നംകുളത്തുണ്ടായ അപകടത്തിൽ ദമ്പതികളും ഇവരുടെ മൂന്നുവയസ്സുകാരനായ മകനും മരിച്ചു. ചാവക്കാട് എടക്കഴിയൂർ പഞ്ചവടി താഴത്ത് വീട്ടിൽ മുനീർ (35), ഭാര്യ സഫ്ന (25), മകൻ യമി‍ൽ ഐബക്ക് ( 3) എന്നിവരാണ് മരിച്ചത്.റോഡരികിൽ നിർത്തിയിരുന്ന ഇവരുടെ ബൈക്കിൽ നിയന്ത്രണം വിട്ട കാർ ഇടിച്ചുകയറുകയായിരുന്നു. ശനിയാഴ്ച രാത്രി 11.40-ഓടെയായിരുന്നു സംഭവം. വിവാഹ ചടങ്ങിൽ പങ്കെടുത്ത് …

പാറശാല ഷാരോണ്‍ വധക്കേസ് അന്വേഷണ ഉദ്യോഗസ്ഥന്‍; ഡിവൈഎസ്പി ജോണ്‍സണ്‍ കെജെ അന്തരിച്ചു

കോഴിക്കോട്: ഡിവൈഎസ്പി ജോണ്‍സണ്‍ കെജെ അന്തരിച്ചു. പാറശാല ഷാരോണ്‍ വധക്കേസ് അന്വേഷണ ഉദ്യോഗസ്ഥനായിരുന്നു. സംബന്ധമായ അസുഖത്തെ തുടര്‍ന്ന് ചികിത്സിയിലായിരുന്നു. കോഴിക്കോട്ടെ സ്വകാര്യ ആശുപത്രിയില്‍ വച്ചായിരുന്നു അന്ത്യം. കഴിഞ്ഞ രണ്ടാഴ്ചയായി തീവ്രപരിചരണത്തിലായിരുന്ന അദ്ദേഹം ശനിയാഴ്ച വൈകുന്നേരത്തോടെയാണ് മരണത്തിന് കീഴടങ്ങിയത്. അസാധാരണമായ അന്വേഷണ ബുദ്ധിയും അദൃശ്യമായ തെളിവുകളെ പോലും പിന്തുടരാനുള്ള അസാമാന്യ പ്രതിഭയും കൊണ്ട് കേരള പൊലീസ് സേനയില്‍ വ്യത്യസ്തനായ ഒരു ഉദ്യോഗസ്ഥനായിരുന്നു അദ്ദേഹം. അദ്ദേഹത്തിന്റെ സേവനജീവിതത്തിലെ ഏറ്റവും നിര്‍ണായകവും ശ്രദ്ധേയവുമായ നാഴികക്കല്ലായിരുന്നു ഷാരോണ്‍ രാജ് കൊലക്കേസ്. ഷാരോണ്‍ കൊല്ലപ്പെട്ടതെന്ന് …

ഇന്നത്തെ പ്രധാന വാർത്തകൾ

​യു.എസ് – ഇറാൻ സൈനിക സംഘർഷം രൂക്ഷമായി.​പട്രോളിങ് നടത്തുകയായിരുന്ന അമേരിക്കൻ നാവികസേന കപ്പലുകൾക്ക് നേരെ ഉണ്ടായ ആക്രമണത്തിന് തിരിച്ചടിയായി ഇറാന്റെ മൂന്ന് എണ്ണക്കപ്പലുകൾ യുഎസ് തകർത്തു. ​ആണവ കേന്ദ്രങ്ങൾക്കെതിരെ നടപടിയുണ്ടാകുമെന്ന യുഎസ് പ്രസിഡന്റ് ഡൊണാൾഡ് ട്രംപിന്റെ മുന്നറിയിപ്പും മേഖലയിലെ സ്ഥിതിഗതികൾ കൂടുതൽ സങ്കീർണ്ണമാക്കുന്നു. ​യുദ്ധ വിവരങ്ങളും ദീർഘദൂര മിസൈൽ കുറവിനെക്കുറിച്ചുള്ള വിവരങ്ങളും മാധ്യമങ്ങൾക്ക് ചോർന്ന സംഭവത്തിൽ 50വോളം ഉന്നത അമേരിക്കൻ സൈനിക ഉദ്യോഗസ്ഥരെ നുണപരിശോധനയ്ക്ക് വിധേയരാക്കി. ​നേപ്പാൾ പ്രളയ ദുരന്തം:​നേപ്പാളിലുണ്ടായ കെടുതികളിൽ മരണസംഖ്യ കുത്തനെ ഉയർന്നു. ദുരന്തത്തിൽ …

റാണിപുരം റോപ്പ് വേ അപകടം; ചാമുണ്ടിക്കുന്ന് സ്വദേശിയായ ഓപ്പറേറ്റർ മരിച്ചു, ജോലിക്ക് കയറിയത് ഇന്നലെ

കാസർകോട്: റാണിപുരത്ത് റോപ് വേ അപകടത്തിൽ പരിക്കേറ്റ ഓപ്പറേറ്റർ മരിച്ചു. പനത്തടി ചാമുണ്ടിക്കുന്ന് സ്വദേശിയായ സനൂപ് കൃഷ്ണൻ (24)ആണ് മരിച്ചത്. ശനിയാഴ്ച അഞ്ചുമണിയോടെയാണ് അപകടം സംഭവിച്ചത്. സഞ്ചാരികളെ കയറ്റുന്നതിനിടെ റോപ്പ് വേയിൽ കയർ കുരുങ്ങി താഴെ വീഴുകയായിരുന്നു. ഗുരുതരമായി പരിക്കേറ്റ യുവാവിനെ കാസർകോട്ടേ സ്വകാര്യ ആശുപത്രിയിൽ എത്തിച്ചുവെങ്കിലും മരണപ്പെട്ടു. വെള്ളിയാഴ്ചയായിരുന്നു സനൂപ് ഓപ്പറേറ്ററായി ജോലിയിൽ പ്രവേശിച്ചത്. രാജപുരം പൊലീസ് അന്വേഷണം ആരംഭിച്ചു.

ഭാര്യയെ പിരിച്ചു വിട്ടതിലുള്ള പക; സ്കൂൾ ഭക്ഷണത്തിൽ വിഷം കലർത്താൻ ശ്രമം; മുൻ പാചകത്തൊഴിലാളിയുടെ ഭർത്താവ് അറസ്റ്റിൽ

ചെന്നൈ: ഭക്ഷണത്തിൽ വിഷം കലർത്താൻ ശ്രമിച്ച സ്‌കൂളിലെ മുൻ പാചക‌ത്തൊഴിലാളിയുടെ ഭർത്താവ് അറസ്റ്റിൽ. ഈറോഡ് സ്വദേശി ബി അറുമുഖം(60) ആണ് അറസ്റ്റിലായത്. ഇയാളുടെ ഭാര്യ ആലമ്മാളിനെ ഒരുമാസം മുൻപ് സ്കൂളിൽ നിന്ന് പിരിച്ചുവിട്ടിരുന്നു. ഇതേ തുടർന്ന് അറുമുഖം സ്കൂൾ അധികൃതരുമായി തർക്കിച്ചിരുന്നു. പിരിച്ചു വിട്ടതിലുള്ള പകയിലാണ് സ്കൂളിലെ സൗജന്യ പ്രഭാത ഭക്ഷണ പദ്ധതിയുടെ ഭാഗമായുള്ള സാമ്പാറിൽ വിഷം കലർത്താൻ ശ്രമിച്ചത്. ഇതിനായി എട്ടാം ക്ലാസ് വിദ്യാർത്ഥിനിയെ കൂട്ടുപിടിക്കുകയായിരുന്നു. കുട്ടിയെ ഉപയോഗിച്ചാണ് ഇയാൾ വിഷം കലർത്താൻ ശ്രമിച്ചത്.പുതിയ വസ്ത്രം …

നേപ്പാളില്‍ അല്‍ഭുത രക്ഷപ്പെടൽ, 11-ാം നാള്‍ രണ്ടുപേരെ കൂടി രക്ഷപ്പെടുത്തി

കാഠ്മണ്ഡു: നേപ്പാളിനെ പിടിച്ചുകുലുക്കിയ പ്രളയത്തില്‍ അകപ്പെട്ട് കുടുങ്ങിയ രണ്ടുപേരെ കൂടി രക്ഷപ്പെടുത്തി. ദുരന്തം നടന്ന് 11-ാം നാളാണ് അല്‍ഭുത രക്ഷ നടന്നത്. ചൈനീസ് തൊഴിലാളിയെയും തകര്‍ന്ന വീടിനുള്ളില്‍ കുഴിച്ചിട്ട 64 വയസ്സുള്ള ഒരു സ്ത്രീയെയും ജീവനോടെ കണ്ടെത്തി. ജലവൈദ്യുത പദ്ധതിയുടെ ഒരു തുരങ്കത്തിനുള്ളില്‍ പെട്ട ചൈനീസ് പൗരനെ ജീവനോടെ രക്ഷപ്പെടുത്തിയതാണ് ഏറ്റവും പുതിയ രക്ഷാപ്രവര്‍ത്തനം. വെള്ളിയാഴ്ച ത്രിശൂലി 3എ ജലവൈദ്യുത നിലയത്തിലെ തുരങ്കത്തില്‍ നിന്ന് രണ്ട് നേപ്പാള്‍ തൊഴിലാളികളെ ജീവനോടെ പുറത്തെടുത്തതിന് ശേഷം നടക്കുന്ന മൂന്നാമത്തെ വിജയകരമായ …

സ്വര്‍ണം പണയം വച്ച് സര്‍വ്വീസ് സ്റ്റേഷന്‍ ആരംഭിച്ചു, തുറന്നത് രണ്ടരമാസം, അപ്പോഴേക്കും പൂട്ടിക്കാന്‍ ആളെത്തി; പ്രവര്‍ത്തിക്കാന്‍ അനുമതി നല്‍കിയില്ലെങ്കില്‍ കൂട്ടആത്മഹത്യചെയ്യുമെന്ന് കുടുംബം

ചെറുവത്തൂര്‍: നിയമപ്രകാരമുള്ള എല്ലാ മാനദണ്ഡങ്ങളും പാലിച്ച് ആരംഭിച്ച സര്‍വ്വീസ് സ്റ്റേഷന്‍ തുറക്കാന്‍ സമ്മതിക്കുന്നില്ലെന്ന് ഉടമയുടെ പരാതി. ചീമേനി വെളിച്ചംതോട് സ്വദേശിയും സ്മാര്‍ട് ലൈന്‍ ഓട്ടോ സര്‍വീസ് സ്ഥാപന ഉടമയുമായ കെ മനോജാണ് പരാതിയുമായി രംഗത്തെത്തിയത്. ചില സ്ഥാപിത താല്പര്യക്കാരുടെ ഇടപെടല്‍ മൂലം രണ്ടര മാസം മാത്രമാണ് പ്രവര്‍ത്തിച്ചത്. പൊലൂഷന്‍ കണ്‍ട്രോള്‍ ബോര്‍ഡിന്റെയും കാങ്കോല്‍ ആലപ്പടമ്പ് പഞ്ചായത്തിന്റെയും റവന്യു വകുപ്പിന്റെയും ആവശ്യമായ എല്ലാ സര്‍ട്ടിഫിക്കറ്റുകളും അനുമതി പത്രവും സ്ഥാപനത്തിന് ലഭിച്ചിരുന്നു. എന്നാല്‍ ചിലര്‍ സ്ഥാപനത്തെ കുറിച്ച് വ്യാജപ്രചരണം നടത്തി …

ഭക്ഷണമുണ്ടാക്കാന്‍ പറഞ്ഞിട്ടും കേട്ടില്ല, ഡാന്‍സ് ക്ലാസിന് പോകണമെന്ന് ഭാര്യ; ഭര്‍ത്താവ് യുവതിയെ മര്‍ദ്ദിച്ചുകൊലപ്പെടുത്തി

നാഗ്പുര്‍: മദ്യലഹരിയില്‍ ഭര്‍ത്താവിന്റെ മര്‍ദനമേറ്റ ഭാര്യ മരിച്ചു. മഹാരാഷ്ട്രയിലെ നാഗ്പുരില്‍ താമസിക്കുന്ന യാമിനി കൃഷ്ണ ലാല്‍ യാദവ്(38) ആണ് മരിച്ചത്. സംഭവത്തില്‍ ഭര്‍ത്താവ് കൃഷ്ണലാല്‍ യാദവി(41)നെ കൊലക്കുറ്റം ചുമത്തി പൊലീസ് അറസ്റ്റ് ചെയ്തു. ദമ്പതികള്‍ക്ക് രണ്ട് ചെറിയ കുട്ടികളുണ്ട്. വ്യാഴാഴ്ചയാണ് ക്രൂരമായ സംഭവം നടന്നത്. വൈകീട്ട് ജോലി കഴിഞ്ഞ് വീട്ടിലെത്തിയ കൃഷ്ണലാല്‍ തനിക്കും കുട്ടികള്‍ക്കുമായി ഭക്ഷണം തയ്യാറാക്കാന്‍ യാമിനിയോട് ആവശ്യപ്പെട്ടിരുന്നു. എന്നാല്‍, ഈ സമയം യാമിനി ഡാന്‍സ് ക്ലാസിലേക്ക് പോകാന്‍ ഒരുക്കത്തിലായിരുന്നു. ഇതിനെച്ചൊല്ലി ഇരുവരും തമ്മില്‍ വഴക്കാരംഭിച്ചു. …

ശ്രീകൃഷ്ണ ജയന്തി ആഘോഷങ്ങളുടെ ഭാഗമായി ഭജന അവതരിപ്പിക്കുന്നതിനിടെ ഗായകന്‍ കുഴഞ്ഞുവീണുമരിച്ചു

മംഗളൂരു: ശ്രീകൃഷ്ണ ജയന്തി ആഘോഷങ്ങളുടെ ഭാഗമായി ഭജന അവതരിപ്പിക്കുന്നതിനിടെ ഗായകന്‍ കുഴഞ്ഞുവീണുമരിച്ചു. വെള്ളിയാഴ്ച രാത്രി 11 മണിയോടെ മംഗളൂരു തോക്കൂര്‍ സുബ്രഹ്‌മണ്യ ക്ഷേത്രത്തിലെ ആഘോഷങ്ങള്‍ക്കിടെയാണ് സംഭവം. തോക്കൂര്‍ സ്വദേശിയായ ശ്രീനാഥ് ഷെട്ടിഗാര്‍ (38) ആണ് മരിച്ചത്. ഭജനക്കിടെ കുഴഞ്ഞുവീണ ഗായകനെ ആശുപത്രിയിലെത്തിച്ചെങ്കിലും മരിച്ചിരുന്നു. മൃതദേഹം ആശുപത്രി മോര്‍ച്ചറിയിലേക്ക് മാറ്റി. ബെംഗളൂരുവില്‍ ജോലി ചെയ്തിരുന്ന ശ്രീനാഥ് ജന്മാഷ്ടമിക്ക് സ്വന്തം നാട്ടിലേക്ക് മടങ്ങിയെത്തിയിരുന്നു. ശ്രീനാഥിന്റെ അപ്രതീക്ഷിത മരണം കുടുംബാംഗങ്ങളെയും സുഹൃത്തുക്കളെയും ദുഃഖത്തിലാഴ്ത്തി.

മോഹന്‍ലാലിന്റെ 367-ാമത് ചിത്രം വരുന്നു; ‘ഓപ്പറേഷന്‍ ഗംഗ’ യുടെ സംവിധാനം വിഷ്ണു മോഹന്‍; ഉക്രൈന്‍ രക്ഷാദൗത്യം പ്രമേയം

കൊച്ചി: നടന്‍ മോഹന്‍ലാലിന്റെ 367-ാം ചിത്രത്തിന്റെ പേര് പ്രഖ്യാപിച്ചു. ‘ഓപ്പറേഷന്‍ ഗംഗ’ എന്ന് പേരിട്ടിരിക്കുന്ന ചിത്രം വിഷ്ണു മോഹനാണ് സംവിധാനം ചെയ്യുന്നത്. ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മിക്കുന്ന ചിത്രത്തിന്റെ ടൈറ്റില്‍ പോസ്റ്ററാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത്. മോഹന്‍ലാലിനൊപ്പം ബോളിവുഡ് താരം അര്‍ജുന്‍ രാംപാല്‍, ഭാഗ്യശ്രീ ബോര്‍സെ, പാര്‍ഥിബന്‍, ആദില്‍ ഹുസൈന്‍ എന്നിവരും ചിത്രത്തില്‍ പ്രധാന വേഷങ്ങളിലെത്തുന്നുണ്ട്.കോ-പ്രൊഡ്യൂസേഴ്‌സ്- ബൈജു ഗോപാലന്‍, വി. സി. പ്രവീണ്‍, എക്‌സിക്യൂട്ടീവ് പ്രൊഡ്യൂസര്‍- കൃഷ്ണമൂര്‍ത്തി. മെഗാ ബജറ്റില്‍ വമ്പന്‍ കാന്‍വാസില്‍ ഒരുങ്ങുന്ന ചിത്രത്തിന്റെ …

ജില്ലാ ആയുര്‍വേദ ആശുപത്രിയില്‍ അതിഥിയായെത്തി, ഒടുവില്‍ കുരുക്കിലായി; വലയില്‍ കുടുങ്ങിയ വെള്ളിമൂങ്ങയെ സാഹസികമായി രക്ഷപ്പെടുത്തി

നീലേശ്വരം: പടന്നക്കാട്ടെ ജില്ലാ ആയുര്‍വേദ ആശുപത്രിയില്‍ പ്രാവുകള്‍ കയറാതിരിക്കാന്‍ സ്ഥാപിച്ച വലയില്‍ കുടുങ്ങിയ വെള്ളിമൂങ്ങയെ അധികൃതര്‍ സാഹസികമായി രക്ഷപ്പെടുത്തി. ആശുപത്രിയിലെ ജീവനക്കാരന്‍ രതീഷ്, തെറാപ്പിസ്റ്റ് റോജിത് കെ.വി എന്നിവരുടെ സമയോചിതമായ ഇടപെടലിലാണ് മൂങ്ങയ്ക്ക് പുതുജീവന്‍ ലഭിച്ചത്. വലയില്‍ കുടുങ്ങിയതിനെ തുടര്‍ന്ന് രണ്ടു ദിവസമായി ഭക്ഷണവും വെള്ളവുമില്ലാതെ കിടക്കുകയായിരുന്നു. ആശുപത്രി കെട്ടിടത്തിന് മുകളിലെ വലയില്‍ എന്തോ അനങ്ങുന്നത് ശ്രദ്ധയില്‍പ്പെട്ട ഇരുവരും എത്തിനോക്കിയപ്പോഴാണ് അവശനിലയിലായ വെള്ളിമൂങ്ങയെ കണ്ടത്. തുടര്‍ന്ന് ഏറെ ശ്രമിച്ച് സുരക്ഷിതമായി വലയില്‍ നിന്ന് പുറത്തെത്തിച്ചു. പ്രാഥമിക ശുശ്രൂഷകള്‍ …

ദുബൈ കെഎംസിസി മഞ്ചേശ്വരം മണ്ഡലം കമ്മിറ്റിയുടെ എട്ടാമത്തെ ബൈത്തുറഹ്‌മ കൈമാറി

വൊര്‍ക്കാടി: ദുബൈ കെഎംസിസി മഞ്ചേശ്വരം മണ്ഡലം കമ്മിറ്റിയുടെ ബൈത്തുറഹ്‌മ ഭവന നിര്‍മ്മാണ പദ്ധതിയിലെ എട്ടാമത്തെ വീട് വൊര്‍ക്കാടി പഞ്ചായത്തിലെ ധര്‍മ്മനഗറില്‍ അവകാശിക്ക് കൈമാറി. പേസ് ഗ്രൂപ്പ് മാനേജിങ് ഡയറക്ടര്‍ പിഎ മുഹമ്മദ് സല്‍മാന്‍ ഇബ്രാഹിം താക്കോല്‍ദാനം നിര്‍വ്വഹിച്ചു. എകെഎം അഷ്റഫ് എംഎല്‍എ ബൈത്തുറഹ്‌മ സമര്‍പ്പണ സമ്മേളനം ഉദ്ഘാടനം ചെയ്തു. മണ്ഡലം കമ്മിറ്റി പ്രസിഡന്റ് ഇബ്രാഹിം ബേരികെ അധ്യക്ഷത വഹിച്ചു. വെല്‍ഫെയര്‍ സ്‌കീം അംഗങ്ങളുടെ കുടുംബങ്ങള്‍ക്കുള്ള പത്ത് ലക്ഷം രൂപ വീതമുള്ള മരണാനന്തര സഹായം ചടങ്ങില്‍ വെച്ച് വിതരണം …

പൊതുമരാത്ത് കരാറുകാരന്‍ സുനൈഫിനെ ചന്ദ്രഗിരി ലയണ്‍സ് ക്ലബ്ബ് അനുമോദിച്ചു

കാസര്‍കോട്: സമയബന്ധിതമായി ചുരുങ്ങിയ ദിവസങ്ങള്‍ക്കുള്ളില്‍ തന്നെ നിര്‍മ്മാണപ്രവര്‍ത്തനങ്ങള്‍ പൂര്‍ത്തിയാക്കിയതിന് ഡിജിപിയുടെ പ്രത്യേക അഭിനന്ദനം ലഭിച്ച പൊതുമരാത്ത് കരാറുകാരന്‍ സുനൈഫ് എം.എ.എച്ചിനെ ചന്ദ്രഗിരി ലയണ്‍സ് ക്ലബ്ബ് അനുമോദിച്ചു. കേരള പൊലീസിന്റെ പല നിര്‍മ്മാണ പ്രവൃത്തികളും കേരളത്തിലുടനീളം സുനൈഫിന്റെ നേതൃത്വത്തിലാണ് പൂര്‍ത്തീകരിച്ചത്. നിലവില്‍ ക്ലബ്ബ് വൈസ് പ്രസിഡണ്ടാണ് സുനൈഫ്. ഇദ്ദേഹത്തിന് ക്ലബ്ബ് പ്രസിഡണ്ട് ഷാഫി നാലപ്പാട് ഉപഹാരം സമര്‍പ്പിച്ചു. ജലീല്‍ മുഹമ്മദ്, ഫാറൂഖ് കാസ്മി, എം.പി അബ്ദുല്‍ നാസര്‍, ആസിഫ്, ഷാഫി പാറക്കട്ട, മഹമൂദ് എം.എ.എച്ച് സംസാരിച്ചു. സെക്രട്ടറി ഷാഫി …

പട്ടേല്‍ കടപ്പുറത്തെ നിര്‍മാണത്തൊഴിലാളിയായ യുവാവ് വീട്ടില്‍ തൂങ്ങിമരിച്ച നിലയില്‍

കാസര്‍കോട്: പടന്നക്കടപ്പുറം പട്ടേല്‍ കടപ്പുറത്ത് നിര്‍മാണത്തൊഴിലാളിയായ യുവാവിനെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. ബീച്ചാരക്കടവിലെ സി തമ്പാന്റെ മകന്‍ കെപി ഷൈജു(34)വാണ് മരിച്ചത്. ടൈല്‍സ് തൊഴിലാളിയായിരുന്നു. വെള്ളിയാഴ്ച വൈകുന്നേരം അഞ്ചുമണിയോടെ യുവാവ് താമസിക്കുന്ന വീടിന്റെ കഴുക്കോലിലാണ് കെട്ടിതൂങ്ങിയ നിലയില്‍ കണ്ടെത്തിയത്. ഉടന്‍ ആശുപത്രിയിലെത്തിച്ചെങ്കിലും മരിച്ചിരുന്നു. മൃതദേഹം പരിയാരം കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. ചന്തേര പൊലീസ് ഇന്‍ക്വസ്റ്റ് നടത്തി. പോസ്റ്റുമോര്‍ട്ടത്തിന് ശേഷം ശനിയാഴ്ച വൈകീട്ട് മൃതദേഹം വീട്ടിലേക്ക് കൊണ്ടുവരും. കാര്‍ത്യായനിയാണ് മാതാവ്. സുകന്യയാണ് ഭാര്യ. രാമിക, …

കേരള പൊലീസിന്റെ ലഹരിവിരുദ്ധ മാരത്തോണും ദീപശിഖാ പ്രയാണവും കാസര്‍കോട് നിന്ന് ആരംഭിച്ചു

കാസര്‍കോട്: ‘സ്പോര്‍ട്സിനൊപ്പം നില്‍ക്കൂ, ലഹരിയെ അകറ്റൂ’ എന്ന മുദ്രാവാക്യവുമായി കേരള പൊലീസ്സംഘടിപ്പിക്കുന്ന സംസ്ഥാനതല മാരത്തോണും ദീപശിഖാ പ്രയാണവും പുതിയ ബസ് സ്റ്റാന്‍ഡ് പരിസരത്ത് നിന്നാരംഭിച്ചു. എം.പി രാജ്മോഹന്‍ ഉണ്ണിത്താന്‍ പരിപാടി ഉദ്ഘാടനം ചെയ്തു. എംഎല്‍എമാരായ കല്ലട്ര മാഹിന്‍, എ.കെ.എം അഷ്‌റഫ്, കെ നീലകണ്ഠന്‍, ഗോവിന്ദന്‍ പള്ളിക്കാപ്പില്‍, സന്ദീപ് വാര്യര്‍, ജില്ലാ പഞ്ചായത്ത് പ്രസിഡന്റ് സാബു എബ്രഹാം, ബ്ലോക്ക് പഞ്ചായത്ത് പ്രസിഡന്റ് അബ്ദുള്ളക്കുഞ്ഞി, നഗരസഭാ അധ്യക്ഷ ഷാഹിന സലിം, ഡിഡിഇ റഫീഖ് എന്നിവര്‍ വിശിഷ്ടാതിഥികളായി. എ.എസ്.പി അച്യുത് അശോക് …

മുക്കാളി റെയില്‍വേ സ്റ്റേഷനില്‍ ട്രാക്കിലേക്ക് ടിപ്പര്‍ മറിഞ്ഞു; ട്രെയിന്‍ ഗതാഗതം സ്തംഭിച്ചു

വടകര: മാഹിക്കും വടകരയ്ക്കും ഇടയില്‍ മുക്കാളി റെയില്‍വേ സ്റ്റേഷനില്‍ റെയില്‍വേ ട്രാക്കിലേക്ക് ടിപ്പര്‍ ലോറി മറിഞ്ഞു. ഇരു ഭാഗത്തേക്കും ട്രെയിന്‍ ഗതാഗതം സ്തംഭിച്ചു. ശനിയാഴ്ചരാവിലെ ഏഴരയോടെയാണ് അപകടമുണ്ടായത്. ഡ്രൈവിങ്ങിനിടെ ഡ്രൈവര്‍ക്ക് പെട്ടെന്ന് അപസ്മാര രോഗം ഉണ്ടായതാണ് അപകടത്തിന് കാരണമെന്നാണ് പ്രാഥമിക വിവരം. അപകടം നടക്കുമ്പോള്‍ മറ്റൊരു ട്രാക്കിലൂടെ വന്ന മെമു ട്രെയിന്‍ സുരക്ഷിതമായി കടത്തിവിട്ടിരുന്നു. ഈ സംഭവത്തെ തുടര്‍ന്ന് ഇരു ഭാഗത്തേക്കുമുള്ള ട്രെയിന്‍ ഗതാഗതം താല്‍ക്കാലികമായി തടസ്സപ്പെട്ടു. ട്രാക്കില്‍ വീണ ലോറി 9 മണിയോടെ മണ്ണുമാന്തി യന്ത്രം …