വറ്റ മത്സ്യം കഴിച്ച് നിരവധി പേര്‍ക്ക് ഭക്ഷ്യവിഷബാധ, വെന്റിലേറ്ററില്‍ ചികിത്സയിലായിരുന്ന മത്സ്യത്തൊഴിലാളി മരിച്ചു

തിരുവനന്തപുരം: വറ്റ മത്സ്യം കഴിച്ച് ദേഹാസ്വാസ്ഥ്യം അനുഭവപ്പെട്ടതിനെത്തുടര്‍ന്ന് ചികിത്സയിലായിരുന്ന മല്‍സ്യത്തൊഴിലാളി മരിച്ചു. ചിലക്കൂര്‍ ഗ്രാലികുന്ന് തൈക്കാവില്‍ വീട്ടില്‍ സുധീര്‍ (40) ആണ് മരിച്ചത്. ഭക്ഷ്യവിഷബാധ ആണെന്നാണ് ആശുപത്രിയില്‍ നിന്നും പൊലീസിന് ലഭിച്ചിട്ടുള്ള വിവരം. സുധീറിന്റെ ബോട്ടില്‍ മത്സ്യം ലഭിക്കാത്തതിനെ തുടര്‍ന്ന് മറ്റൊരു ബോട്ടില്‍ ലഭിച്ച 25 കിലോ തൂക്കം വരുന്ന 28 ഓളം മത്സ്യം വാങ്ങിയിരുന്നു. ഈ മല്‍സ്യത്തെ സുധീറും കുടുംബവും കറിവച്ച് കഴിച്ചിരുന്നു. ഇക്കഴിഞ്ഞ ഒക്ടോബര്‍ 27ന് ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് സുധീറിനെ വര്‍ക്കല താലൂക്ക് …

കാസര്‍കോട് നഗരത്തില്‍ 200 രൂപയുടെ കള്ളനോട്ട് ഇറങ്ങിയതായി പ്രചരണം; അന്വേഷണം തുടങ്ങി

കാസര്‍കോട്: നഗരത്തിലെ ഒരു വ്യാപാര സ്ഥാപനത്തില്‍ ആരോ 200 കള്ളനോട്ടുമായി ഇടപാട് നടത്തിയതായി പ്രചരണം. സോഷ്യല്‍ മീഡിയയിലൂടെയാണ് പ്രചരണം നടക്കുന്നത്. ഫോട്ടോകള്‍ക്കൊപ്പം ശബ്ദ സന്ദേശവും പ്രചരിക്കുന്നുണ്ട്. കള്ളനോട്ട് കാസര്‍കോട്ടെ ഒരു കടയില്‍ ലഭിച്ചിട്ടുണ്ടെന്നും വ്യാപാരികള്‍ ശ്രദ്ധിക്കണമെന്നുമാണ് ശബ്ദ സന്ദേശമുളളത്. അതേസമയം ആരും പൊലീസില്‍ പരാതി നല്‍കിയിട്ടില്ല. വിവരത്തെ തുടര്‍ന്ന് പൊലീസ് രഹസ്യമായി അന്വേഷണം ആരംഭിച്ചിട്ടുണ്ട്.കറന്‍സികള്‍ ഒറിജിനലാണോ എന്ന് തിരിച്ചറിയാന്‍ നോട്ടിന്റെ വെളുത്ത ഭാഗം വെളിച്ചത്തിന് നേരെ പിടിച്ചു നോക്കിയാല്‍ മഹാത്മാഗാന്ധിയുടെ ചിത്രവും, നോട്ടിന്റെ മൂല്യവും വ്യക്തമായി കാണാന്‍ …

സ്വര്‍ണ വിലയില്‍ അമ്പരന്ന് ആഭരണപ്രേമികള്‍; രണ്ട് ദിവസത്തിനിടെ പവന് വര്‍ധിച്ചത് 4680 രൂപ, ഇന്നത്തെ വിലയറിയാം

കൊച്ചി: സംസ്ഥാനത്ത് സ്വര്‍ണവിലയില്‍ വന്‍ വര്‍ധനവ്. ഇന്ന് പവന് ഒറ്റയടിക്ക് 2360 രൂപയാണ് വര്‍ധിച്ചത്. 1,07,080 രൂപയാണ് ഒരു പവന്‍ സ്വര്‍ണത്തിന്റെ വില. ഗ്രാമിന് ആനുപാതികമായി 295 രൂപയാണ് വര്‍ധിച്ചത്. 13,385 രൂപയാണ് ഒരു ഗ്രാം സ്വര്‍ണത്തിന്റെ വില. ബുധനാഴ്ച രണ്ടുതവണയായി 2320 രൂപയാണ് വര്‍ധിച്ചത്.രണ്ട് ദിവസത്തിനിടെ പവന് 4680 രൂപയുടെ റെക്കോഡ് വര്‍ധനയാണ് ഉണ്ടായത്. തുടര്‍ച്ചയായ ദിവസങ്ങളിലുണ്ടായ ഈ അപ്രതീക്ഷിത കുതിപ്പ് സ്വര്‍ണം വാങ്ങാന്‍ കാത്തിരിക്കുന്ന സാധാരണക്കാര്‍ക്ക് വലിയ തിരിച്ചടിയായി. ആഗോള വിപണിയിലെ എണ്ണവില അടക്കമുള്ള …

പേര് മാറ്റി 30 വര്‍ഷത്തെ ഒളിവ് ജീവിതം; ‘രണ്ടാം സുകുമാരക്കുറുപ്പ്’ പിടിയില്‍

തൃശൂര്‍: വയോധികയെ കൊലപ്പെടുത്തി സ്വര്‍ണാഭരണങ്ങള്‍ കവര്‍ന്ന കേസിലെ പ്രതി അറസ്റ്റില്‍. ഒറ്റപ്പാലം അമ്പലപ്പാറ വെങ്ങാശേരി കിടായ കൃഷ്ണകുമാര്‍ (49) ആണ് സിറ്റി പൊലീസിന്റെ പിടിയിലായത്.30 വര്‍ഷത്തെ ഒളിവുജീവിതത്തിനു ശേഷമാണ് ഇയാള്‍ പിടിയിലായത്. 1995 ലെ മാര്‍ത്ത വധക്കേസിലെ പ്രതിയും പൊലീസ് രേഖകളിലെ രണ്ടാം സുകുമാരക്കുറുപ്പുമാണ് ഇയാള്‍. ഒറ്റയ്ക്ക് താമസിച്ചിരുന്ന തൃശൂര്‍ കിഴക്കേക്കോട്ട സ്വദേശിനി മാര്‍ത്തയെ(65) കൊലപ്പെടുത്തി സ്വര്‍ണ്ണം മോഷ്ടിക്കുകയായിരുന്നു. സംഭവത്തില്‍ കൃഷ്ണകുമാറും സുഹൃത്ത് ചാലക്കുടി സ്വദേശി പ്രസാദുമായിരുന്നു പ്രതികള്‍. 18 വയസ്സുള്ള ഇരുവരെയും പിടികൂടിയെങ്കിലും ജാമ്യത്തിലിറങ്ങിയ കൃഷ്ണകുമാര്‍ …

രഹസ്യവിവരം, കസബ ബീച്ചിലെ വീട്ടില്‍ റെയ്ഡ്; കിടപ്പുമുറില്‍ നിന്ന് 3.37 ഗ്രാം എംഡിഎംഎ പിടികൂടി, യുവാവ് അറസ്റ്റില്‍

കാസര്‍കോട്: നെല്ലിക്കുന്ന് കസബ ബീച്ചില്‍ പൊലീസ് നടത്തിയ റെയ്ഡില്‍ വീട്ടിലെ കിടപ്പുമുറിയില്‍ സൂക്ഷിച്ച 3.37 ഗ്രാം എംഡിഎംഎ പിടികൂടി. സംഭവവുമായി ബന്ധപ്പെട്ട് വീട്ടുകാരന്‍ പി അഭിജിത്തി(26)നെ ടൗണ്‍ പൊലീസ് അറസ്റ്റുചെയ്തു. രഹസ്യവിവരത്തെ തുടര്‍ന്ന് എസ്എച്ച്ഒ മെല്‍ബിന്‍ ജോസിന്റെ നിര്‍ദേശപ്രകാരം എസ്‌ഐ പിവി മനുവിന്റെ നേതൃത്വത്തില്‍ ബുധനാഴ്ച വൈകീട്ട് കസബബീച്ചില്‍ നടന്ന റെയ്ഡിലാണ് എംഡിഎംഎ പിടികൂടിയത്. പ്രതിയുടെ ദേഹപരിശോധന നടത്തിയെങ്കിലും ഒന്നും കണ്ടെത്താന്‍ കഴിഞ്ഞില്ല. തുടര്‍ന്ന് ഇയാളുടെ വീട്ടില്‍ നടന്ന പരിശോധനയിലാണ് കിടപ്പുമുറിയിലെ തുണികള്‍ക്കിടയില്‍ സൂക്ഷിച്ച എംഡിഎംഎ കണ്ടെത്തിയത്. …

‘പ്രതിവര്‍ഷം 3700 റോഡ് അപകടമരണങ്ങള്‍’, റോഡ് അപകടമരണങ്ങൾ കുറയ്ക്കാനുള്ള പദ്ധതിയുമായി സർക്കാർ; നടൻ മമ്മൂട്ടി റോഡ് സേഫ്റ്റി മിഷന്‍ അംബാസഡര്‍

തിരുവനന്തപുരം: സംസ്ഥാനത്തെ റോഡപകട മരണങ്ങള്‍ കുറയ്ക്കാന്‍ രൂപികരിച്ച കേരള സ്റ്റേറ്റ് റോഡ് സേഫ്റ്റി മിഷന്‍ ബ്രാന്‍ഡ് അംബാസഡറായി നടന്‍ മമ്മൂട്ടിയെ നിയമിച്ചു. റോഡ് സേഫ്റ്റി മിഷന്റെ പ്രഖ്യാപനം പതിനഞ്ചിന് രാവിലെ പതിനൊന്നിന് എറണാകുളം ടൗണ്‍ഹാളില്‍ നടക്കുമെന്ന് ഗതാഗതമന്ത്രി സിപി ജോണ്‍ പറഞ്ഞു. മറ്റ് സിനിമാതാരങ്ങൾ, സാഹിത്യകാരന്മാർ, സംഗീതജ്ഞർ എന്നിവരുടെയും പിന്തുണ തേടും. സമൂഹത്തിലെ എല്ലാ വിഭാഗങ്ങളുടെയും പങ്കാളിത്തം ഉണ്ടായിരിക്കണമെന്നും മന്ത്രി അറിയിച്ചു. മുഖ്യമന്ത്രി വിഡി സതീശന്‍ മിഷന്റെ ചെയര്‍മാനും ഗതാഗത മന്ത്രി കോ- ചെയര്‍മാനുമാണ്. എട്ടുവകുപ്പുകളിലെ മന്ത്രിമാര്‍ …

ചെമ്മനാട് കൊമ്പനടുക്കത്തെ വീട്ടമ്മ ഹൃദയാഘാതം മൂലം മരിച്ചു; സംസ്കാരം ഇന്ന്

കാസർകോട്: ചെമ്മനാട് കൊമ്പനടുക്കത്തെ വീട്ടമ്മ ഹൃദയാഘാതം മൂലം മരിച്ചു.മുത്തനാട് താമസിക്കുന്ന എം. രാധാകൃഷ്ണന്റെ ഭാര്യ ബിന്ദു എം.കെ (48) ആണ് മരിച്ചത്. സംസ്കാരം ഇന്ന് രാവിലെ നടക്കും. പരേതനായ കോടംകൈ കുമാരന്റെയുംസരോജിനി ബാരയുടെയും മകളാണ്.മക്കൾ: രഞ്ജിത്ത്, രാജേഷ് (ഇരുവരും ദുബൈ).സഹോദരങ്ങൾ: സന്തോഷ് ( ബാര), മനോജ്(ബാര), സുധീഷ് ( ഓട്ടോ ഡ്രൈവർ, ബാര). പരേതയായ ലത.

പട്ടാപ്പകൽ വയോധികയുടെ മാല പൊട്ടിച്ചെടുത്ത് രക്ഷപ്പെടാൻ ശ്രമം; മോഷ്ടാവിനെ ധീരമായി നേരിട്ട് 61 കാരി, സ്‌കൂട്ടർ തോട്ടിലേക്ക് തള്ളിയിട്ട് മോഷ്ടാവിനെ തടഞ്ഞുവച്ചു

തിരുവനന്തപുരം: പട്ടാപ്പകൽ വയോധികയുടെ മാല പൊട്ടിച്ചെടുത്ത് രക്ഷപ്പെടാൻ ശ്രമിച്ച മോഷ്ടാവിനെ ധീരമായി നേരിട്ട് വീട്ടമ്മ. രക്ഷപ്പെടാൻ ശ്രമിച്ച കള്ളന്റെ സ്‌കൂട്ടർ തോട്ടിലേക്ക് തള്ളിയിട്ടു വഴി മുടക്കി. ഓടിരക്ഷപ്പെടാൻ ശ്രമിച്ച കള്ളനെ നാട്ടുകാർ പിടികൂടി പൊലീസിന് കൈമാറി. ചെങ്കൽ ആറയൂർ ചാവല്ലൂർ പൊറ്റ കരിമൺവിള വീട്ടിൽ വിജയദാസ് (40) ആണ് പിടിയിലായത്. ബുധനാഴ്ച ഉച്ചയ്ക്ക് രണ്ടുമണിയോടെ പരശുവയ്ക്കൽ ആടുമൻകാട് ആടുവളർത്തൽ കേന്ദ്രത്തിന് സമീപത്തെ ഇടറോഡിലാണ് സംഭവം ഉണ്ടായത്. കുഴിപ്പഴിഞ്ഞി വീട്ടിൽ പ്രസന്നകുമാരി (61) വഴിയിലൂടെ നടന്നുപോകുമ്പോഴായിരുന്നു സംഭവം. സ്‌കൂട്ടറിലെത്തിയ …

തൊഴിലുടമയുടെ മകളുമായി പ്രണയം; ഒരുമിച്ച് വീട്ടിൽ കണ്ടു, മലയാളി യുവാവിനെ പെൺകുട്ടിയുടെ പിതാവ് അടിച്ചുകൊന്നു

ബംഗളൂരു: തൊഴിലുടമയുടെ മകളെ പ്രണയിച്ചുവെന്നാരോപിച്ച് മലയാളി യുവാവിനെ അടിച്ചുകൊന്നു. പാലക്കാട് തിരുവേഗപ്പുറ സ്വദേശി കിരൺ (22) ആണ് കൊല്ലപ്പെട്ടത്. യെലഹങ്കയിൽ കഴിഞ്ഞ ബുധനാഴ്ചയാണ് സംഭവം.സംഭവത്തില്‍ ഫാക്ടറി ഉടമയും തമിഴ്‌നാട് സ്വദേശിയുമായ ആനന്ദിനെ പൊലീസ് കസ്റ്റഡിയിലെടുത്തു. ആനന്ദിന്‍റെ 19 കാരിയായ മകളുമായി കിരൺ ദീർഘകാലമായി പ്രണയത്തിലായിരുന്നു. കിരണിനെ രണ്ടുദിവസം മുമ്പ് കാണാതായിരുന്നു. തുടർന്ന് ബന്ധു പൊലീസില്‍ പരാതി നൽകിയിരുന്നു. പിന്നാലെ നടത്തിയ അന്വേഷണത്തിലാണ് കിരണിന്‍റെ മരണവിവരം പുറത്തറിയുന്നത്. സ്വീറ്റ് കോൺ തയ്യാറാക്കുന്ന മെഷീൻ നിർമിക്കുന്ന കമ്പനി നടത്തിവരികയായിരുന്നു ആനന്ദ്. …

കാഞ്ഞങ്ങാട് ജില്ലാ ആശുപത്രിയിൽ നിന്നും നാളെ വ്യാഴാഴ്ച ലഭിക്കുന്ന ഒ പി സേവനങ്ങൾ അറിയാം

കാസർകോട്: കാഞ്ഞങ്ങാട് ജില്ലാ ആശുപത്രിയിൽ നിന്നും നാളെ വ്യാഴാഴ്ച (05-11-26) ലഭിക്കുന്ന ഒ പി സേവനങ്ങളും ഡ്യൂട്ടിയിൽ ഉണ്ടാകുന്ന ഡോക്ടർമാരുടെ വിവരങ്ങളും താഴെ കൊടുക്കുന്നു 👇🏻

ദേഹാസ്വാസ്ഥ്യത്തെ തുടര്‍ന്ന് മരണം; യുവ സൈനികന്‍ ഷിജിന് വിട നല്‍കി ജന്മനാട്

കാഞ്ഞങ്ങാട്: നാട്ടില്‍ ലീവിന് എത്തിയപ്പോള്‍ ഉണ്ടായ ദേഹാസ്വാസ്ഥ്യത്തെ തുടര്‍ന്ന് മരണപ്പെട്ട യുവ സൈനികന്‍ ഷിജിന് ഔദ്യോഗിക സൈനിക ബഹുമതികളോടെ ജന്മനാട് വിട നല്‍കി. ജില്ലയിലെ സൈനികരുടെ കൂട്ടായ്മയായ സോള്‍ജിയസ് ഓഫ് കെ എല്‍ 14 വെല്‍ഫെയര്‍ സൊസൈറ്റിയുടെ നേതൃത്വത്തിലാണ് അന്തിമോപചാര ചടങ്ങ് നടന്നത്. കോഴിക്കോട് 151 ബി.എസ്.എഫ് ബറ്റാലിയനിലെ സുബേദര്‍ മേജര്‍ പി.ഹാകൈപ്, സബ് ഇന്‍സ്പെക്ടര്‍ സുര്‍ജിത് സിംഗ് എന്നിവരുടെ നേതൃത്വത്തിലുള്ള 12 അംഗ സൈനിക സംഘം മൃതദേഹത്തില്‍ അന്തിമോപചാരമര്‍പ്പിച്ചു. ഔദ്യോഗിക ആചാരവെടി മുഴക്കുകയും ചെയ്തു. സോള്‍ജിയസ് …

അര്‍ധരാത്രിയില്‍ ഉടമ അറിയാതെ ബാങ്ക് അക്കൗണ്ടില്‍ നിന്നും പണം പിന്‍വലിക്കുന്നു; ബീരന്ത്‌വയല്‍ സ്വദേശിയുടെ 1.3 ലക്ഷം പോയി

കാസര്‍കോട്: അര്‍ധരാത്രി ഉടമ അറിയാതെ ബാങ്ക് അക്കൗണ്ടിലെ പണം ആരോ പിന്‍വലിച്ചു. ബീരന്ത്‌വയല്‍ സ്വദേശി സതീഷ് കുമാറിന്റെ 1,33,300 രൂപയാണ് രണ്ട് തവണയായി നഷ്ടപ്പെട്ടിരിക്കുന്നത്. സതീഷ് കുമാറിന്റെ കാനറാ ബാങ്കിലെ അക്കൗണ്ടില്‍ ഉണ്ടായിരുന്ന പണമാണ് ആരോ പിന്‍വലിച്ചതായി കാണുന്നത്. കഴിഞ്ഞ സപ്തംബര്‍ നാലിനും എട്ടിനും അര്‍ധരാത്രിയിലാണ് പണം പിന്‍വലിച്ചത്. സംഭവത്തില്‍ കാസര്‍കോട് ടൗണ്‍ പൊലീസ് അന്വേഷണം ആരംഭിച്ചു.

ട്രെയിന്‍ തട്ടി കടുവ ചത്തനിലയില്‍

കൊല്ലം: ചെങ്കോട്ട റെയില്‍പാതയില്‍ കടുവയെ ട്രെയിന്‍ തട്ടി ചത്ത നിലയില്‍ കണ്ടെത്തി. ആര്യങ്കാവിനും ഭഗവതീപുരത്തിനും ഇടയില്‍ തമിഴ്‌നാട് ഭാഗത്താണ് അപകടം. ബുധനാഴ്ച പുലര്‍ച്ചെ പാലക്കാട് ഭാഗത്തേക്ക് പോവുകയായിരുന്ന പാലരുവി എക്‌സ്പ്രസ് തട്ടിയാണ് കടുവ ചത്തതെന്നാണ് വിവരം. വനമേഖലയോട് ചേര്‍ന്നുള്ള റെയില്‍വേ ട്രാക്ക് മുറിച്ചുകടക്കാന്‍ ശ്രമിക്കുന്നതിനിടെയാണ് കടുവ ട്രെയിനിന് മുന്നില്‍പ്പെട്ടത്. സംഭവത്തെ തുടര്‍ന്ന് അല്‍പനേരം ട്രെയിന്‍ സ്ഥലത്ത് നിര്‍ത്തിയിട്ടു. ജീവനക്കാര്‍ വിവരം തമിഴ്‌നാട് വനം വകുപ്പിന് കൈമാറി. അധികൃതരെത്തി കടുവയുടെ ജഡം ട്രാക്കില്‍ നിന്നും മാറ്റിയതിനു ശേഷം ട്രെയിന്‍ …

അംഗനവാടി അധ്യാപിക കശുമാവിന്‍ തോട്ടത്തില്‍ വിഷം കഴിച്ചുമരിച്ച നിലയില്‍

കാസര്‍കോട്: അംഗനവാടി അധ്യാപികയെ പ്ലാന്റേഷന്‍ കോര്‍പറേഷന്റെ കശുമാവിന്‍ തോട്ടത്തില്‍ വിഷം കഴിച്ചുമരിച്ച നിലയില്‍ കണ്ടെത്തി. ആദൂര്‍ ബേംഗത്തടുക്കയിലെ ബേബി(46) ആണ് മരിച്ചത്. ബുധനാഴ്ച ഉച്ചയ്ക്ക് 12 മണിയോടെയാണ് അധ്യാപികയെ അംഗനവാടിക്ക് സമീപത്തുള്ള തോട്ടത്തില്‍ മരിച്ച നിലയില്‍ കണ്ടെത്തിയത്. ആദൂര്‍ പൊലീസെത്തി മൃതദേഹം കാസര്‍കോട് ജനറലാശുപത്രിയിലേക്ക് മാറ്റി. ഭര്‍ത്താവ്: സിഎം സുന്ദരന്‍. മകന്‍: പി സന്ദീപ്, സന്ധ്യ, സുജിത്ത്. മരുമകന്‍: രഞ്ജിത്ത്. സഹോദരങ്ങള്‍: സുന്ദര, മാധവ, വസന്ത, കമല.

പരപ്പയിലെ അനധികൃത ഖനന സ്ഥലത്ത് വിജിലന്‍സ് പരിശോധന

കാസര്‍കോട്: പരപ്പയിലെ അനധികൃത ഖനന സ്ഥലം വിജിലന്‍സ് സംഘം മിന്നല്‍ പരിശോധന നടത്തി. ജിയോളജി പെര്‍മിഷന്‍ അനുവദിച്ച സ്ഥലത്തിനോട് ചേര്‍ന്ന് മറ്റു സ്ഥലങ്ങളില്‍ അനധികൃത ഖനനം നടത്തുന്നുവെന്ന് വിജിലന്‍സിനു ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ആയിരുന്നു പരിശോധന.വിജിലന്‍സ് ഡിവൈ.എസ്.പി വിശ്വംബരന്റെ നിര്‍ദേശത്തിന്റെ അടിസ്ഥാനത്തില്‍ വിജിലന്‍സ് ഇന്‍സ്പെക്ടര്‍ ശ്രീദാസന്റെ നേതൃത്വത്തിലായിരുന്നു പരിശോധന നടന്നത്. എ.എസ്.ഐ ജയചന്ദ്രന്‍ ഒളവറ, സീനിയര്‍ സിവില്‍ ഓഫീസര്‍ കെ.വി.ജയന്‍, ഷീബ, സിവില്‍ ഓഫീസര്‍ രാഹുല്‍, വിജേഷ് എന്നിവരും വിജിലന്‍സ് സംഘത്തില്‍ ഉണ്ടായിരുന്നു.

കുറ്റിക്കോലിലെ സഹകരണ സംഘത്തില്‍ നിന്നും 9,73,999 രൂപ തട്ടിയെടുത്തു, സ്ഥാപനത്തിന്റെ അക്കൗണ്ട് ‘ലീന്‍’ ആക്കി; കരിവേടകം സ്വദേശിക്കെതിരെ കേസ്

കാസര്‍കോട്: കുറ്റിക്കോലിലെ സഹകരണ സംഘത്തില്‍ നിന്നും 9,73,999 രൂപ തട്ടിയെടുത്തതായി പരാതി. സൊസൈറ്റി സെക്രട്ടറിയുടെ പരാതിയില്‍ കരിവേടകം നെല്ലിത്താവിലെ ബി ഉണ്ണികൃഷ്ണനെ(46)തിരെ പൊലീസ് കേസെടുത്തു. ഉണ്ണികൃഷ്ണന്‍ അംഗമായ കുറ്റിക്കോലിലെ അഗ്രികള്‍ച്ചറിസ്റ്റ് വെല്‍ഫെയര്‍ കോ-ഓപ്പറേറ്റീവ് സൊസൈറ്റിയില്‍ ആണ് സാമ്പത്തിക ക്രമക്കേട് നടത്തിയത്. കഴിഞ്ഞ ഫെബ്രുവരി 18 മുതല്‍ മാര്‍ച്ച് 18 വരെയുള്ള ഒരു മാസത്തിനിടെ 15 തവണകളായി പല വ്യക്തികളില്‍ നിന്നും പണം അയപ്പിച്ച് പിന്‍വലിപ്പിക്കുകയായിരുന്നു. ഇതേ തുടര്‍ന്ന് സൊസൈറ്റിയുടെ അക്കൗണ്ട് ലീന്‍ ആയി. ഇതുവഴി 9,73,999 രൂപയുടെ …

ഗള്‍ഫ് വ്യവസായിയെ വധിക്കാന്‍ ശ്രമിച്ചക്കേസ്: യൂട്യൂബര്‍ ഖാദര്‍ കരിപ്പൊടിയുടെ ജാമ്യപേക്ഷ കാസര്‍കോട് കോടതി തള്ളി

കാസര്‍കോട്: വധശ്രമക്കേസില്‍ റിമാന്റിലായ യൂട്യൂബര്‍ ഖാദര്‍ കരിപ്പോടിയുടെ ജാമ്യാപേക്ഷ കാസര്‍കോട് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേട്ട് കോടതി തള്ളി. നഗരത്തിലെ ഒരു റെസ്റ്റോറന്റില്‍ വെച്ചുണ്ടായ തര്‍ക്കത്തെ തുടര്‍ന്ന് പ്രവാസി വ്യവസായി അബ്ദുല്‍ അഹാദിനെ ക്രൂരമായി മര്‍ദ്ദിക്കുകയും കത്തികൊണ്ട് കുത്തി കൊലപ്പെടുത്താന്‍ ശ്രമിക്കുകയും ചെയ്ത സംഭവത്തിലാണ് ഖാദര്‍ കരിപ്പൊടിയും കൂട്ടാളി അഷ്‌റഫും അറസ്റ്റിലായത്. അക്രമത്തിന് ശേഷം ഒളിവില്‍ പോയ ഖാദര്‍ അറസ്റ്റ് ഒഴിവാക്കാനായി വിവിധ കോടതികളെ സമീപിച്ച് മുന്‍കൂര്‍ ജാമ്യത്തിന് ശ്രമിച്ചിരുന്നു. മുന്‍കൂര്‍ ജാമ്യാപേക്ഷ സുപ്രീംകോടതിയും തളളിയതിനെ തുടര്‍ന്ന് …

നീരജ് സന്തോഷിന്റെ ആത്മഹത്യ; അധ്യാപകരുടെ മാനസിക പീഡനം കാരണമെന്ന് വീട്ടുകാരുടെ പരാതി

കാസര്‍കോട്: നീലേശ്വരം അഴിത്തലയിലെ പത്താംക്ലാസ് വിദ്യാര്‍ഥി നീരജ് സന്തോഷ് തൂങ്ങിമരിച്ചത് സ്‌കൂളിലെ അധ്യാപകരുടെ മാനസിക പീഡനം കാരണമെന്ന് ആരോപണം. മരണത്തില്‍ ദുരൂഹതയുണ്ടെന്നാരോപിച്ച് പിതാവ് സന്തോഷും കുടുംബവും കാഞ്ഞങ്ങാട് ഡിവൈ.എസ്.പിയ്ക്ക് പരാതി നല്‍കി. സ്‌കൂളില്‍ വെച്ചുണ്ടായ ചില മാനസിക സംഘര്‍ഷങ്ങളെത്തുടര്‍ന്നാണ് വിദ്യാര്‍ത്ഥി ജീവനൊടുക്കിയത് എന്നാണ് കുടുംബത്തിന്റെ ആരോപണം. ചെറുവത്തൂര്‍ ടെക്കനിക്കല്‍ സ്‌കൂളിലെ പത്താംതരം വിദ്യാര്‍ഥിയാണ് നീരജ്. കഴിഞ്ഞ തിങ്കളാഴ്ച ഉച്ചയ്ക്കാണ് നീരജ് വീട്ടില്‍ തൂങ്ങിമരിച്ചത്. മരിക്കുന്നതിന് മുമ്പ് ആരോ ഫോണ്‍ചെയ്തതായും അതുപ്രകാരം ടൗണിലേക്ക് പോയെന്നും പിന്നീട് തിരിച്ചുവന്നാണ് ആത്മഹത്യചെയ്തതെന്നും …