​റഷ്യ-ഉക്രെയ്ൻ യുദ്ധം അവസാനിപ്പിക്കുന്നതുമായി ബന്ധപ്പെട്ട് അമേരിക്കൻ പ്രസിഡന്റ് ഡൊണാൾഡ് ട്രംപ്, റഷ്യൻ പ്രസിഡന്റ് വ്ലാഡിമിർ പുടിൻ, ഉക്രെയ്ൻ പ്രസിഡന്റ് വൊളോഡിമിർ സെലൻസ്കി എന്നിവരുമായി പ്രത്യേകം ഫോൺ സംഭാഷണങ്ങൾ നടത്തി. തുർക്കിയിൽ നടക്കാനിരിക്കുന്ന നാറ്റോ ഉച്ചകോടിയുടെ പശ്ചാത്തലത്തിലാണ് ഈ നിർണായക നീക്കം. കൂടാതെ, ഉച്ചകോടിക്കിടെ ട്രംപ് സെലൻസ്കിയുമായും സിറിയൻ പ്രസിഡന്റുമായും നേരിട്ട് കൂടിക്കാഴ്ച നടത്തുമെന്നും വൈറ്റ് ഹൗസ് സ്ഥിരീകരിച്ചു.

​അന്തരിച്ച ഇറാന്റെ പരമോന്നത നേതാവ് ആയത്തുള്ള അലി ഖമേനിയുടെ വിലാപയാത്രയോടനുബന്ധിച്ചുള്ള ഔദ്യോഗിക ചടങ്ങുകൾ ടെഹ്‌റാനിൽ ആരംഭിച്ചു. ലക്ഷക്കണക്കിന് ആളുകളാണ് ചടങ്ങുകളിൽ പങ്കെടുക്കാനായി തലസ്ഥാന നഗരിയിലേക്ക് ഒഴുകിയെത്തുന്നത്. ചടങ്ങിൽ ഖമേനിയുടെ മൂന്ന് പുത്രന്മാർ പങ്കെടുത്തതായും എന്നാൽ അദ്ദേഹത്തിന്റെ പിൻഗാമിയാകുമെന്ന് കരുതപ്പെടുന്ന മൊജ്താബ ഖമേനി പരസ്യമായി ചടങ്ങുകളിൽ എത്തിയില്ലെന്നതും ശ്രദ്ധേയമായി.

ഇസ്രായേലിൽ ഭരണഘടനാ പ്രതിസന്ധി.
​മീഡിയ റെഗുലേറ്ററുമായി ബന്ധപ്പെട്ട സുപ്രീം കോടതി വിധി മറികടക്കാൻ പ്രധാനമന്ത്രി ബെഞ്ചമിൻ നെതന്യാഹുവിന്റെ കാബിനറ്റ് വോട്ട് രേഖപ്പെടുത്തി. സുപ്രീം കോടതി നിർദ്ദേശത്തെ നെതന്യാഹു സർക്കാർ പരസ്യമായി തള്ളിക്കളയുന്നത് ഇതാദ്യമായാണ്. ഇത് രാജ്യത്ത് വലിയൊരു ഭരണഘടനാ പ്രതിസന്ധിക്ക് വഴിതുറക്കുമെന്ന ആശങ്ക ശക്തമായിട്ടുണ്ട്.

​യു.എസിൽ ആഞ്ഞടിച്ച് ഉഷ്ണതരംഗം
​അമേരിക്കയിലെ 20-ലധികം സംസ്ഥാനങ്ങളിൽ താപനില 100 ഡിഗ്രി ഫാരൻഹീറ്റ് (ഏകദേശം 37.7°C) കടന്നു. കടുത്ത ഉഷ്ണതരംഗത്തെ തുടർന്ന് രാജ്യത്തിന്റെ വിവിധ ഭാഗങ്ങളിലായി ഇതുവരെ 25-ലധികം മരണങ്ങൾ റിപ്പോർട്ട് ചെയ്യപ്പെട്ടിട്ടുണ്ട്.

​കോടികളുടെ ആഭരണങ്ങൾ കവർന്നു.
​ഫ്രാൻസിലെ വിൻഗെൻ-സുർ-മോഡറിലുള്ള പ്രശസ്തമായ മ്യൂസിയത്തിൽ ഇന്ന് പുലർച്ചെയോടെ വൻ കവർച്ച നടന്നു. മ്യൂസിയത്തിന്റെ ജ്വല്ലറി റൂമിൽ അതിക്രമിച്ച് കയറിയ മോഷ്‌ടാക്കൾ ദശലക്ഷക്കണക്കിന് ഡോളർ വിലമതിക്കുന്ന ഇരുപതോളം പുരാതന ആഭരണങ്ങളാണ് കവർന്നത്.

​ഫിഫ ലോകകപ്പിൽ ബ്രസീലിന് അപ്രതീക്ഷിത തോൽവി.
​യു.എസിൽ നടക്കുന്ന ഫിഫ ലോകകപ്പിന്റെ പ്രീ-ക്വാർട്ടർ മത്സരത്തിൽ അഞ്ച് വട്ട ജേതാക്കളായ ബ്രസീലിനെ നോർവേ ഒന്നിനെതിരെ രണ്ട് ഗോളുകൾക്ക് അട്ടിമറിച്ചു. സൂപ്പർ താരം എർലിങ് ഹാലണ്ടിന്റെ ഇരട്ട ഗോളുകളുടെ കരുത്തിലാണ് നോർവേ ചരിത്രത്തിലാദ്യമായി ലോകകപ്പിന്റെ ക്വാർട്ടർ ഫൈനലിൽ പ്രവേശിച്ചത്. 1990-ന് ശേഷം ആദ്യമായാണ് ബ്രസീൽ ക്വാർട്ടർ കാണാതെ പുറത്താകുന്നത്.

പ്രധാനമന്ത്രി നരേന്ദ്ര മോഡി യുടെ ത്രിരാഷ്ട്ര സന്ദർശനം ആരംഭിക്കുന്നു.
​പ്രധാനമന്ത്രി നരേന്ദ്ര മോദി ഇന്ന് (ജൂലൈ 6) ഇന്തോനേഷ്യ, ഓസ്‌ട്രേലിയ, ന്യൂസിലൻഡ് എന്നീ രാജ്യങ്ങളിലേക്കുള്ള 6 ദിവസത്തെ ഔദ്യോഗിക സന്ദർശനത്തിനായി തിരിക്കും. ഇന്തോനേഷ്യയുമായുള്ള ബ്രഹ്മോസ് മിസൈൽ കരാർ ഉൾപ്പെടെയുള്ള നിർണായക പ്രതിരോധ-വ്യാപാര ചർച്ചകൾ ഈ സന്ദർശനത്തിൽ അന്തിമമാകുമെന്നാണ് റിപ്പോർട്ടുകൾ.

​അയോധ്യ രാമക്ഷേത്ര ട്രസ്റ്റ് അടിയന്തര യോഗം ഇന്ന്.
​അയോധ്യ രാമക്ഷേത്രത്തിലെ ഫണ്ട് വിനിയോഗവുമായി ബന്ധപ്പെട്ട് പ്രത്യേക അന്വേഷണ സംഘം സമർപ്പിച്ച പ്രാഥമിക റിപ്പോർട്ടും, ചില ട്രസ്റ്റിമാരുടെ രാജിയും ചർച്ച ചെയ്യാൻ ശ്രീരാമ ജന്മഭൂമി തീർത്ഥക്ഷേത്ര ട്രസ്റ്റിന്റെ നിർണായക യോഗം ഇന്ന് അയോധ്യയിൽ ചേരും.
സുരക്ഷാ കാരണങ്ങളാൽ യോഗത്തിന്റെ വേദി അവസാന നിമിഷം മാറ്റിയിട്ടുണ്ട്.

​ മുംബൈയിൽ റെഡ് അലർട്ട്; വ്യോമഗതാഗതം തടസ്സപ്പെട്ടു.
​മഹാരാഷ്ട്രയിൽ കാലവർഷം അതിശക്തമായതിനെ തുടർന്ന് മുംബൈ നഗരത്തിൽ കാലാവസ്ഥാ വകുപ്പ് റെഡ് അലർട്ട് പ്രഖ്യാപിച്ചു. കനത്ത മഴയെത്തുടർന്ന് മുംബൈ വിമാനത്താവളത്തിൽ നിന്നുള്ള നിരവധി സർവീസുകൾ റദ്ദാക്കുകയോ വഴിതിരിച്ചുവിടുകയോ ചെയ്തു.

വിദേശകാര്യമന്ത്രി എസ്. ജയശങ്കർ പശ്ചിമേഷ്യൻ രാജ്യങ്ങളിലേക്കുള്ള തന്റെ ഔദ്യോഗിക പര്യടനം ആരംഭിച്ചു. പ്രാദേശിക സുരക്ഷയും ഉഭയകക്ഷി സഹകരണവുമാണ് ചർച്ചാവിഷയം.

​ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം വരും മണിക്കൂറുകളിൽ ഒഡീഷ തീരം കടക്കാൻ സാധ്യതയുണ്ടെന്ന് ഐഎംഡി അറിയിച്ചു. ഇതേത്തുടർന്ന് ഒഡീഷ, ജാർഖണ്ഡ്, കേരളം എന്നീ സംസ്ഥാനങ്ങളിൽ പരക്കെ കനത്ത മഴയ്ക്ക് സാധ്യതയുണ്ട്.

​പദ്മവിഭൂഷൺ ജേതാവ് തീജൻ ബായി അന്തരിച്ചു.
​പ്രശസ്ത പാണ്ഡവനി (നാടോടി കലാരൂപം) ഗായികയും പദ്മവിഭൂഷൺ ജേതാവുമായ തീജൻ ബായി (69) ദീർഘകാലമായി തുടർന്ന രോഗബാധയെ തുടർന്ന് ഛത്തീസ്ഗഢിലെ റായ്പൂരിൽ അന്തരിച്ചു. പ്രധാനമന്ത്രി ഉൾപ്പെടെയുള്ള പ്രമുഖർ അനുശോചനം രേഖപ്പെടുത്തി.

കേരളത്തിലെ വടക്കൻ ജില്ലകളിൽ അതിശക്തമായ മഴയ്ക്കു സാധ്യതയുള്ളതായി കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്.

​ഓറഞ്ച് അലർട്ട്: കണ്ണൂർ, കാസർകോട് ജില്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചു.
​യെല്ലോ അലർട്ട്: എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് എന്നീ 6 ജില്ലകളിൽ യെല്ലോ അലർട്ടും നിലവിലുണ്ട്.

​കനത്ത കാറ്റിനും കടലാക്രമണത്തിനും സാധ്യതയുള്ളതിനാൽ കേരള തീരത്ത് മത്സ്യബന്ധനത്തിനുള്ള വിലക്ക് തുടരുകയാണ്.

ഉരുൾപൊട്ടൽ, മണ്ണൊലിപ്പ് സാധ്യതയുള്ള പ്രദേശങ്ങളിലുള്ളവർ ജാഗ്രത പാലിക്കാൻ ദുരന്തനിവാരണ അതോറിറ്റി നിർദ്ദേശം നൽകി.
​

കൊച്ചിയിൽ ബ്രിക്സ് വനിതാ വർക്കിംഗ് ഗ്രൂപ്പ് യോഗം ആരംഭിക്കുന്നു.
​ഇന്ത്യയുടെ അധ്യക്ഷതയിൽ രണ്ട് ദിവസം നീണ്ടുനിൽക്കുന്ന ബ്രിക്സ് വനിതാ വർക്കിംഗ് ഗ്രൂപ്പ് യോഗത്തിന് ഇന്ന് കൊച്ചിയിൽ തുടക്കമാകും.
​വനിതാ ശാക്തീകരണം, ഭരണനേതൃത്വത്തിലെ സ്ത്രീ പങ്കാളിത്തം, ഡിജിറ്റൽ-സാമ്പത്തിക ഉൾപ്പെടുത്തൽ, കാലാവസ്ഥാ വ്യതിയാനങ്ങളിലെ സ്ത്രീകളുടെ പങ്ക് എന്നിവയാണ് പ്രധാന ചർച്ചാ വിഷയങ്ങൾ.

​ജൂലൈ 8, 9 തീയതികളിൽ നടക്കാനിരിക്കുന്ന ബ്രിക്സ് വനിതാ മന്ത്രിതല യോഗത്തിന് മുന്നോടിയായാണ് ഈ ഉദ്യോഗസ്ഥതല ചർച്ചകൾ നടക്കുന്നത്.

​കേരളത്തിലെ നിലവിലുള്ളതും മുൻകാലങ്ങളിലുമുള്ള എം.പിമാർ, എം.എൽ.എമാർ എന്നിവർക്കെതിരെ 256 ക്രിമിനൽ കേസുകൾ നിലവിലുണ്ടെന്ന് പോലീസ് ഹൈക്കോടതിയെ അറിയിച്ചു.

​സമൻസുകളും വാറന്റുകളും നടപ്പാക്കുന്നതിലെ കാലതാമസം കാരണം പല കേസുകളിലും വിചാരണ വൈകുന്നതിൽ കോടതി അതൃപ്തി രേഖപ്പെടുത്തി.

​രണ്ട് വർഷത്തിലേറെയായി കെട്ടിക്കിടക്കുന്ന 31 കേസുകളിൽ അടിയന്തരമായി വാറന്റുകൾ നടപ്പാക്കാൻ പോലീസിന് കോടതി കർശന നിർദ്ദേശം നൽകി.

​കൊച്ചി നഗരത്തിലെ കിഴക്ക്-പടിഞ്ഞാറ് കണക്റ്റിവിറ്റി വർദ്ധിപ്പിക്കുന്നതിനായുള്ള തമ്മനം-പുല്ലേപ്പടി റോഡ് നാലുവരിപ്പാതയാക്കുന്ന പദ്ധതിയുടെ ഭാഗമായുള്ള ഡിജിറ്റൽ സർവേ നടപടികൾക്ക് തുടക്കമായി. എം.ജി റോഡിനെ ദേശീയപാത ബൈപ്പാസുമായി ബന്ധിപ്പിക്കുന്ന 3.7 കിലോമീറ്റർ റോഡിന്റെ വികസനത്തിനാണ് ഈ നിർണായക നീക്കം

കാസർകോട്
​ജില്ലയിൽ കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുകയാണ്. ഇന്നും , നാളെയും ജില്ലയിലെ ഒറ്റപ്പെട്ടയിടങ്ങളിൽ അതിശക്തമായ മഴയ്ക്ക് (ll സാധ്യതയുണ്ടെന്നാണ് പ്രവചനം.

​മത്സ്യത്തൊഴിലാളികൾക്കുള്ള ജാഗ്രത: ശക്തമായ കാറ്റിനും ഉയർന്ന തിരമാലകൾക്കും സാധ്യതയുള്ളതിനാൽ കേരള തീരത്ത് മീൻപിടിത്തത്തിനുള്ള വിലക്ക് തുടരുകയാണ്.

​യാത്രാ നിയന്ത്രണം: മലയോര മേഖലകളിലേക്കുള്ള യാത്രകൾ പരമാവധി ഒഴിവാക്കാനും, നദികളിലും ജലാശയങ്ങളിലും ഇറങ്ങരുതെന്നും ദുരന്തനിവാരണ അതോറിറ്റി കർശന നിർദ്ദേശം നൽകിയിട്ടുണ്ട്.

സ്വകാര്യ ബസ് പണിമുടക്ക്
​കെഎസ്ആർടിസിയുടെ സൗജന്യ യാത്രാ പദ്ധതികൾ ഉൾപ്പെടെയുള്ള പ്രതിസന്ധികൾ കാരണം ‘ഡീസലടിക്കാൻ പോലും പണം ലഭിക്കുന്നില്ല’ എന്ന് ചൂണ്ടിക്കാട്ടി കാസർകോട് ജില്ലയിലെ സ്വകാര്യ ബസ്സുകൾ ഇന്ന് പണിമുടക്കുന്നു. ഇത് സാധാരണക്കാരായ യാത്രക്കാരെയും വിദ്യാർത്ഥികളെയും കാര്യമായി ബാധിച്ചേ ക്കും .

​സെൻസസ് ഡ്യൂട്ടി ഉദ്യോഗസ്ഥനെ പട്ടി കടിച്ചു : ജില്ലയിൽ സെൻസസ് ഡ്യൂട്ടിക്കായെത്തിയ സർക്കാർ ഉദ്യോഗസ്ഥന് തെരുവ് നായയുടെ കടിയേറ്റതായി റിപ്പോർട്ട്.

ശക്തമായ മഴ തുടരുന്ന സാഹചര്യത്തിൽ അടിയന്തര സഹായങ്ങൾക്കായി താലൂക്ക്, ജില്ലാ കൺട്രോൾ റൂമുകൾ 24 മണിക്കൂറും സജ്ജനൽകിയിട്ടുണ്ട്.