Day: September 18, 2026

കാസർകോട്: ബേക്കൽ ,മൗവ്വലിൽ പൂച്ചയെ വിഴുങ്ങിയ നിലയിൽ പെരുപാമ്പിനെ പിടികൂടി .സ്വകാര്യ വ്യക്തിയുടെ പറമ്പിൽ യന്ത്രം ഉപയോഗിച്ച് കാട് വെട്ടുന്നതിനിടയിലാണ് തൊഴിലാളികൾ പാമ്പിനെ കണ്ടത്. വിവരമറിഞ്ഞ് എത്തിയ അബ്ദുല്ല ജലാലി, നാസർ, കരിം പളളത്തിൽ, ശുഹൈബ്, ബോയ് മജീദ് , ഹുസൈൻ എന്നിവർ ചേർന്ന് പാമ്പിനെ പിടികൂടി വനം വകുപ്പിനുകൈ മാറി.ഒന്നര മീറ്റർ നീളവും ഇരുപത് കിലോയോളം തൂക്കവും വരുന്ന പെരുമ്പാമ്പാണ് പിടിയിലായത് . പ്രദേശത്തു നേരത്തെയും പെരുമ്പാമ്പുകളെ പിടികൂടിയിരുന്നതായി നാട്ടുകാർ പറഞ്ഞു.

കുമ്പള : കോളേജ് യൂണിയൻ തിരഞ്ഞെടുപ്പിനെ തുടർന്ന് കുമ്പളയിൽ എബിവിപി യും എസ്എഫ്ഐയും നടത്തിയ ആഹ്ലാദപ്രകടനം സംഘർഷത്തിന്റെ വക്കോളമെത്തിയെങ്കിലും പോലീസ് ഇടപെട്ട് സമാധാനം ഉറപ്പിച്ചു. കുമ്പള ഐ എച്ച്‌.ആർ.ഡി.കോളേജിലെ ഫലം അറിഞ്ഞ 15 സീറ്റിൽ 9 എണ്ണം എ.ബി.വി.പി.ക്കും അഞ്ചെണ്ണം എസ്എഫ്ഐക്കും ലഭിച്ചു. ഒരെണ്ണം കെഎസ്‌യു – എം എസ് എഫ് സഖ്യം നേടി. ഫല പ്രഖ്യാപനത്തെ തുടർന്ന് ജേതാക്കളെ അണിനിരത്തി റോഡിന്റെ ഇരു വശങ്ങളിൽ ഒപ്പത്തിനൊപ്പം വിജയാഹ്ലാദപ്രകടനം നടത്തിയ സംഘടന കൾ കുമ്പളയിലെ സിപിഎം ഓഫീസിന് …

Read more “കോളേജ് യൂണിയൻ തിരഞ്ഞെടുപ്പ് : കുമ്പളയിൽ വിജയാഹ്ലാദം സംഘർഷത്തോടടുത്തു”

കാസര്‍കോട്: കാസര്‍കോട് നഗരസഭയും കേരള സര്‍ക്കാര്‍ മൃഗസംരക്ഷണ വകുപ്പും സംയുക്തമായി തെരുവു നായകള്‍ക്കുള്ള പേവിഷബാധ പ്രതിരോധ കുത്തിവയ്പ്പ് ആരംഭിച്ചു. ജില്ലാ വെറ്ററിനറി കേന്ദ്രത്തിനു സമീപത്തു നടന്ന ചടങ്ങ് മുനിസിപ്പല്‍ വൈസ് ചെയര്‍മാന്‍ കെ എം ഹനീഫ ഉദ്ഘാടനം ചെയ്തു. ആരോഗ്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ സെമീന മുജീബ് ആധ്യക്ഷം വഹിച്ചു. മെഹ്‌നുന്നീസ ഹമീദ്, രാമകൃഷ്ണ ഹൊള്ള, മുനിസിപ്പല്‍ സെക്രട്ടറി പി ബി ഷാജു തുടങ്ങിയവര്‍ സംബന്ധിച്ചു.