മാവുങ്കാലിൽ പട്ടാപ്പകൽ യുവതിയെ തള്ളിയിട്ട് 3 പവന്റെ മാല കവർന്നു; സ്കൂട്ടറിൽ എത്തിയ പ്രതികൾക്കായി അന്വേഷണം ഊർജിതം
കാസർകോട്: പട്ടാപ്പകൽ യുവതിയെ ഇരുചക്ര വാഹനത്തിൽ പിന്തുടർന്നെത്തിയ സംഘം തള്ളിയിട്ട് മൂന്ന് പവന്റെ താലിമാല കവർന്നു. വ്യാഴാഴ്ച വൈകിട്ട് അഞ്ചരയോടെ മാവുങ്കാൽ നെല്ലിത്തറ കാംകോയ്ക്ക് സമീപമാണ് സംഭവം നടന്നത്. നെല്ലിത്തറയിലെ ഫുഡ് പ്രോഡക്ട്സ് സ്ഥാപനത്തിലെ ജീവനക്കാരിയും പുലയനടുക്കത്തെ രവിയുടെ ഭാര്യയുമായ കെ.സിന്ധുവിന്റെ (42) മാലയാണ് കവർച്ചാ സംഘം തട്ടിയെടുത്തത്. ജോലി കഴിഞ്ഞ് വീട്ടിലെത്തിയ ശേഷം സ്കൂട്ടറിൽ സാധനങ്ങൾ വാങ്ങാൻ പോയതായിരുന്നു സിന്ധു. തിരിച്ച് മടങ്ങുന്നതിനിടെ വെള്ള നിറത്തിലുള്ള പഴയ മോഡൽ സ്കൂട്ടറിലെത്തിയ രണ്ടംഗ സംഘം ഇവരെ പിന്തുടരുകയായിരുന്നു. …
