Tuesday, 23 June 2026, 21:03 : Karaval Daily

എഡിഎം നവീൻ ബാബുവിന്റെ മകൾക്ക് സർക്കാർ ജോലി; ഭക്ഷ്യസുരക്ഷാ ഓഫീസറായി നിയമനം, ഉത്തരവിറക്കി റവന്യൂ വകുപ്പ്

by Web EditorState Tuesday, 23 June 2026, 21:03Tuesday, 23 June 2026, 21:03No Comments

തിരുവനന്തപുരം: അന്തരിച്ച മുൻ കണ്ണൂർ എഡിഎം നവീൻ ബാബുവിന്റെ മകൾ നിരഞ്ജന എൻ. നായർക്ക് സർക്കാർ ജോലി നൽകിക്കൊണ്ട് റവന്യൂ വകുപ്പ് ഉത്തരവിറക്കി. ഭക്ഷ്യസുരക്ഷാ വകുപ്പിലാണ് നിരഞ്ജനയ്ക്ക് ജോലി നൽകാൻ തീരുമാനം. സർക്കാരിന്റെ സമാശ്വാസ തൊഴിൽദാന പദ്ധതി പ്രകാരമാണ് നിയമനം. ഭക്ഷ്യ സുരക്ഷാ കമ്മീഷ്ണർ ഉത്തരവിൽ തുടർനടപടി സ്വീകരിക്കും. മകള്‍ക്ക് ആശ്രിത നിയമനം നല്‍കണമെന്ന് കാട്ടി മാതാവ് മഞ്ജുഷ മുഖ്യമന്ത്രിക്ക് അപേക്ഷ നല്‍കിയിരുന്നു. 2024 ഒക്ടോബര്‍ 15നാണ് കണ്ണൂര്‍ പള്ളിക്കുന്നിലെ ക്വാര്‍ട്ടേഴ്‌സില്‍ നവീന്‍ ബാബുവിനെ മരിച്ചനിലയില്‍ കണ്ടെത്തിയത്. …

മുഹറം അവധി ജൂൺ 26 വെള്ളിയാഴ്ച; വ്യാഴം പ്രവൃത്തി ദിനം

by Web EditorState Tuesday, 23 June 2026, 18:53Tuesday, 23 June 2026, 18:53No Comments

തിരുവനന്തപുരം: സംസ്ഥാനത്ത് മുഹറം പ്രമാണിച്ചുള്ള പൊതുഅവധിയിൽ മാറ്റം. നേരത്തെ ജൂൺ 25 വ്യാഴാഴ്ചയായിരുന്നു അവധി നിശ്ചയിച്ചിരുന്നത്. പുതുക്കിയ സർക്കാർ ഉത്തരവ് പ്രകാരം ജൂൺ 26 വെള്ളിയാഴ്ചയായിരിക്കും സംസ്ഥാനത്ത് പൊതുഅവധി. കലണ്ടർ പ്രകാരം നേരത്തെ വ്യാഴാഴ്ചയായിരുന്നു മുഹറം അവധി നിശ്ചയിച്ചിരുന്നത്. എന്നാൽ മാസപ്പിറവി ദൃശ്യമായതിന്റെ അടിസ്ഥാനത്തിൽ മുഹറം വെള്ളിയാഴ്ചയാണെന്ന് സ്ഥിരീകരിച്ചതോടെയാണ് അവധി പുതുക്കി നിശ്ചയിച്ചത്.

അമേരിക്കയിൽ ഉയർന്ന രക്തസമ്മർദ്ദത്തിനുള്ള ഗുളികകൾ വ്യാപകമായി തിരിച്ചുവിളിക്കുന്നു

by WEB EDITORUSA Tuesday, 23 June 2026, 18:47Tuesday, 23 June 2026, 18:47No Comments

പി പി ചെറിയാൻ ന്യൂയോർക് :അമേരിക്കയിൽ ഉയർന്ന രക്തസമ്മർദ്ദത്തിനുള്ള ഗുളികകൾ വ്യാപകമായി തിരിച്ചുവിളിക്കുന്നു നിർമ്മാണത്തിലെ പിഴവ് മൂലം ഗുളികകൾ ശരീരത്തിൽ ശരിയായ രീതിയിൽ അലിഞ്ഞുചേരാത്തതിനെ തുടർന്നാണ് നടപടി. യു.എസ്. ഫുഡ് ആൻഡ് ഡ്രഗ് അഡ്മിനിസ്ട്രേഷൻ ആണ് ഇക്കാര്യം അറിയിച്ചത്. ക്ലോർതാലിഡോൺ ടാബ്ലറ്റ്സ്യുഎസ്‌പി , 25 എം ജി ( ശരീരത്തിലെ അമിത ലവണങ്ങളും ജലാംശവും മൂത്രത്തിലൂടെ പുറന്തള്ളാൻ സഹായിക്കുന്ന ഒരു ഡൈയൂററ്റിക് മരുന്നാണിത്). രാജ്യവ്യാപകമായി വിതരണം ചെയ്ത 11,460 കുപ്പി ഗുളികകൾ. (100, 1000 ഗുളികകൾ അടങ്ങിയ …

ഇന്ത്യയിലെ ഗ്രാമീണ വികസനത്തിനു കാലിഫോർണിയയിൽ $4 മില്യൺ (33 കോടിയിലധികം രൂപ) സമാഹരിച്ചു

by WEB EDITORUSA Tuesday, 23 June 2026, 18:45Tuesday, 23 June 2026, 18:45No Comments

പി പി ചെറിയാൻ ഓറഞ്ച്, കാലിഫോർണിയ: ഇന്ത്യയിലെ ഗ്രാമീണ മേഖലകളുടെ വികസനത്തിനു കാലിഫോർണിയയിൽ നടന്ന ചടങ്ങിൽ 4 മില്യൺ ഡോളർ (ഏകദേശം 33 കോടിയിലധികം രൂപ) ധനസമാഹരണം നടത്തി. ‘ബെർക്ക്‌ലി ഹാസു ‘ മായി സഹകരിച്ച് പ്രവർത്തിക്കുന്ന ‘സ്മാർട്ട് വില്ലേജ് മൂവ്‌മെന്റ്’ സംഘടിപ്പിച്ച ആദ്യ വാർഷിക ഗാലയിലാണ് ഈ തുക സമാഹരിച്ചത്.കഴിഞ്ഞ ഒൻപത് വർഷമായി ഇന്ത്യയിലെ 1,200 ഓളം ഗ്രാമങ്ങളിലായി 16 ലക്ഷത്തിലധികം ആളുകളിലേക്ക് സമാധാനപരവും സുസ്ഥിരവുമായ വികസനം എത്തിക്കാൻ എസ് വി എമ്മിന് സാധിച്ചിട്ടുണ്ട്. ലോസ് …

യു.എസ്. പൗരത്വം: അപേക്ഷാ ഫീസ് 75% വർദ്ധിപ്പിക്കാൻ ട്രംപ് ഭരണകൂടം ഒരുക്കത്തിൽ

by WEB EDITORUSA Tuesday, 23 June 2026, 18:43Tuesday, 23 June 2026, 18:43No Comments

പി പി ചെറിയാൻ വാഷിംഗ്‌ടൺ :യു.എസ്. പൗരത്വത്തിനായുള്ള അപേക്ഷാ ഫീസ് ട്രംപ് ഭരണകൂടം 75% വർദ്ധിപ്പിക്കാൻ ഒരുങ്ങുന്നു. ആഭ്യന്തര സുരക്ഷാ വകുപ്പ് സമർപ്പിച്ച പുതിയ നിർദ്ദേശപ്രകാരം, നിലവിലെ പേപ്പർ അപേക്ഷാ ഫീസ് 760 ഡോളറിൽ നിന്ന് 1,330 ഡോളറായി (570 ഡോളറിന്റെ വർദ്ധനവ്) ഉയരും.അപ്പീൽ ബോർഡിന് മുന്നിൽ പുനഃപരിശോധന ആവശ്യപ്പെടുന്നതിനുള്ള ഫീസ് 830 ഡോളറിൽ നിന്ന് 1,475 ഡോളറായും വർദ്ധിപ്പിക്കും. മിക്ക ഫീസ് ഇളവുകളും നിർത്തലാക്കുമെങ്കിലും, നിലവിലുള്ളതും മുൻകാലങ്ങളിലുള്ളതുമായ സായുധ സേനാ അംഗങ്ങളെ ഫീസിൽ നിന്ന് ഒഴിവാക്കിയിട്ടുണ്ട്. …

ജോൺ മാത്യൂസ് (തമ്പിച്ചായൻ – 92) ഡാലസിൽ അന്തരിച്ചു

by WEB EDITORUSA Tuesday, 23 June 2026, 18:40Tuesday, 23 June 2026, 18:40No Comments

പി പി ചെറിയാൻ ഡാളസ് : ഡാലസ് സെന്റ് മേരീസ് ഓർത്തഡോക്സ് വലിയപള്ളി ഇടവകാംഗമായ നതമ്പിച്ചായൻ ( ജോൺ മാത്യൂസ് – 92) അന്തരിച്ചു. പെട്ടെന്നുണ്ടായ ശ്വാസതടസ്സത്തെ തുടർന്ന് അദ്ദേഹത്തെ ഐസിയുവിൽ പ്രവേശിപ്പിച്ചിരുന്നു. ഇന്ന് പുലർച്ചെ അന്തരിച്ചു. ഭാര്യ: പരേതയായ ലീലമ്മ.മക്കൾ: ചാർലി, ജീ, സൂസി. വിയോഗത്തിൽ സെന്റ് മേരീസ് ഓർത്തഡോക്സ് വലിയപള്ളി ഇടവക അനുശോചിച്ചു .

കെഇഎൽ ഇലക്ട്രിക്കൽ മെഷീൻസ് ലിമിറ്റഡിന്റെ പുതിയ കോർപ്പറേറ്റ് ലോഗോ വ്യവസായ മന്ത്രി പി കെ കുഞ്ഞാലിക്കുട്ടി പ്രകാശനം ചെയ്തു

by Web EditorLocal News Tuesday, 23 June 2026, 18:33Tuesday, 23 June 2026, 18:33No Comments

കാസർകോട്: കാസർകോട് ആസ്ഥാനമാക്കി പ്രവർത്തിക്കുന്ന കേരള സർക്കാർ സ്ഥാപനം കെഇഎൽ ഇലക്ട്രിക്കൽ മെഷീൻസ് ലിമിറ്റഡിന്റെ പുതിയ കോർപ്പറേറ്റ് ലോഗോ വ്യവസായ വകുപ്പ് മന്ത്രി പികെ കുഞ്ഞാലിക്കുട്ടി പ്രകാശനം ചെയ്തു. വ്യവസായ വകുപ്പിന്റെ അഡീഷണൽ ചീഫ് സെക്രട്ടറി മുഹമ്മദ് ഹനീഷ് കെഇഎൽ ഇഎംഎൽ മാനേജിംഗ് ഡയറക്ടർ രാജീവ് കേണോത്ത്, ഡയറക്ടർമാരായ ഡോ. രാജ്മോഹൻ, മനീഷ് മോഹൻ, ലൈജു പി. നായർ, വകുപ്പ് മേധാവികളായ സിജിൽ, സഞ്ജീവ്, ട്രേഡ് യൂണിയൻ നേതാക്കളായ മുഹമ്മദ് അനീസ്, രാഗേഷ് കുമാർ, സനോജ്, എന്നിവർ …

കാസര്‍കോടിന് വേണം കൈത്താങ്ങ്; ജനപ്രതിനിധികള്‍ മുഖ്യമന്ത്രിയെ കണ്ടു

by Web EditorState Tuesday, 23 June 2026, 16:21Tuesday, 23 June 2026, 16:21No Comments

തിരുവനന്തപുരം: കാസര്‍കോട് ജില്ലയിലെ വിവിധ വികസന പ്രവര്‍ത്തനങ്ങക്ക് പിന്തുണ ആവശ്യപ്പെട്ട് ജില്ലാപഞ്ചായത്ത് പ്രസിഡന്റ് സാബുഎബ്രഹാമിന്റെ നേതൃത്വത്തിലുള്ള സംഘം മുഖ്യമന്ത്രിയെയും മന്ത്രിമാരെയും സന്ദര്‍ശിച്ചു. വര്‍ധിച്ച് വരുന്ന ജില്ലയുടെ സാമൂഹിക സാമ്പത്തിക ആവശ്യങ്ങള്‍ പരിഹരിക്കാന്‍ കാസര്‍കോട് വികസന പാക്കേജില്‍ 100 കോടി രൂപ അനുവദിക്കണമെന്ന് ജനപ്രതിനിധി സംഘം മുഖ്യമന്ത്രി വിഡി സതീശനോട് ആവശ്യപ്പെട്ടു. അനുഭാവപൂര്‍വ്വം പരിഹരിക്കാമെന്ന് അദ്ദേഹം ഉറപ്പ് നല്‍കുകയും ചെയ്തു. മഴക്കാല രോഗങ്ങള്‍ വര്‍ധിച്ചു വരുന്ന സാഹചര്യത്തില്‍, ജില്ലാആശുപത്രി ഉള്‍പ്പെടെയുള്ള ജില്ലയിലെ സര്‍ക്കാര്‍ ആരോഗ്യകേന്ദ്രങ്ങളില്‍ 143 ഡോക്ടര്‍മാരുടെ കുറവുണ്ട്. …

പ്രൊഫസറുടെ വീട്ടിലെ ഷെല്‍ഫില്‍ സൂക്ഷിച്ച 23 പവന്‍ സ്വര്‍ണാഭരണം കാണാതായി; പ്ലംബിംഗ് ജോലിക്കെത്തിയ യുവാവിനെ സംശയം

by Web EditorLocal News Tuesday, 23 June 2026, 15:57Tuesday, 23 June 2026, 15:57No Comments

കാസര്‍കോട്: കിടപ്പുമുറിയിലെ അലമാരയില്‍ സൂക്ഷിച്ച 23 പവന്‍ സ്വര്‍ണാഭരണം കാണാതായതായി പരാതി. ചെമ്മനാട് കൊവ്വല്‍ കടവത്തെ പ്രൊഫ.കെ മുഹമ്മദ് കുഞ്ഞിയുടെ വീട്ടിലെ 27 ലക്ഷം രൂപ വില വരുന്ന സ്വര്‍ണമാണ് കവര്‍ച്ചചെയ്തതെന്ന് സംശയിക്കുന്നത്. കിടപ്പുമുറിയിലെ അലമാരയില്‍ പ്ലാസ്റ്റിക് ബോക്‌സിനകത്തായിരുന്നു സ്വര്‍ണം സൂക്ഷിച്ചത്. 2025 ജനുവരിമാസത്തിനും 2026 മെയ് ഏഴിനും ഇടയ്ക്ക് 3 തവണയായാണ് സ്വര്‍ണം കാണാതായതെന്ന് മുഹമ്മദ് കുഞ്ഞി മേല്‍പറമ്പ പൊലീസിന് നല്‍കിയ പരാതിയില്‍ പറയുന്നു. സംഭവത്തില്‍ വീട്ടില്‍ പ്ലംബിക് ജോലിക്കെത്തിയ യുവാവിനെ സംശയമുള്ളതായും പരാതിയില്‍ പറയുന്നുണ്ട്. …

വസ്ത്രം തരാമെന്ന് പറഞ്ഞു കൂട്ടി കൊണ്ടുപോയി എട്ടുവയസ്സുകാരിയെ പീഡിപ്പിക്കാന്‍ ശ്രമം; മുസ്ലിം ലീഗ് പ്രാദേശിക നേതാവ് പിടിയില്‍

by WEB EDITORState Tuesday, 23 June 2026, 15:12Tuesday, 23 June 2026, 15:12No Comments

പാലക്കാട്: എട്ടുവയസ്സുകാരിയെ പ്രലോഭിപ്പിച്ചു വീട്ടിലേയ്ക്ക് കൊണ്ടു പോയി പീഡിപ്പിക്കാന്‍ ശ്രമം. സംഭവത്തില്‍ കേസെടുത്ത പൊലീസ് മുസ്ലിം ലീഗിന്റെ പ്രാദേശിക നേതാവായ ഷംസുദ്ദീന്‍ ( 54 ) എന്നയാളെ കസ്റ്റഡിയിലെടുത്തു.കഴിഞ്ഞ ദിവസമാണ് സംഭവം. പിന്നോക്ക സമുദായത്തില്‍പ്പെട്ട പെണ്‍കുട്ടിയെ വസ്ത്രം തരാമെന്നു പറഞ്ഞാണ് പ്രതിയുടെ വീട്ടിലേക്ക് കൂട്ടിക്കൊണ്ടു പോയത്. വീട്ടിനകത്തു വച്ച് പീഡിപ്പിക്കാന്‍ ശ്രമിച്ചതോടെ പെണ്‍കുട്ടി നിലവിളിച്ചു കൊണ്ടു പുറത്തേക്കു ഓടി രക്ഷപ്പെട്ടതോടെയാണ് സംഭവം പുറത്തറിഞ്ഞത്. സംഭവം സംബന്ധിച്ച് കൂടുതല്‍ വിവരങ്ങള്‍ പുറത്തുവന്നിട്ടില്ല.

ഫുട്പാത്തില്‍ ഉറങ്ങുകയായിരുന്ന 10 വയസ്സുകാരിയെ തട്ടിക്കൊണ്ടുപോയി ബലാത്സംഗം ചെയ്ത് കൊലപ്പെടുത്തി, ക്യാബ് ഡ്രൈവര്‍ അറസ്റ്റില്‍, നടുക്കുന്ന സംഭവം രാജ്യ തലസ്ഥാനത്ത്

by Web EditorNational Tuesday, 23 June 2026, 15:02Tuesday, 23 June 2026, 15:03No Comments

ന്യൂഡല്‍ഹി: ഡല്‍ഹിയിലെ മെഹ്റോളിയില്‍ ഫുട്പാത്തില്‍ ഉറങ്ങുകയായിരുന്ന 10 വയസ്സുകാരിയെ തട്ടിക്കൊണ്ടുപോയി ബലാത്സംഗം ചെയ്ത് കൊലപ്പെടുത്തി. സംഭവത്തില്‍ ഒരു ക്യാബ് ഡ്രൈവറെ അറസ്റ്റ് ചെയ്തു. തിങ്കളാഴ്ച പുലര്‍ച്ചെ അഞ്ചുമണിയോടെയാണ് സംഭവം. വീട്ടുകാരൊപ്പം ഉറങ്ങുകയായിരുന്ന പെണ്‍കുട്ടിയെ തട്ടിക്കൊണ്ടുപോവുകയായിരുന്നു. രാവിലെ എഴുന്നേറ്റപ്പോള്‍ കുട്ടിയെ കണ്ടില്ല. കാണാതായതിനെ തുടര്‍ന്ന് കുടുംബം പൊലീസിനെ സമീപിച്ചു. അപ്പോള്‍ തന്നെ പൊലീസ് പല സംഘങ്ങളായി അന്വേഷണം ആരംഭിച്ചു. നൂറോളം സിസിടിവി ദൃശ്യങ്ങള്‍ കേന്ദ്രീകരിച്ചു നടത്തിയ അന്വേഷണത്തില്‍ മണിക്കൂറുകള്‍ക്കം ക്യാബ് ഡ്രൈവറാണ് പ്രതിയെന്ന് പൊലീസ് തിരിച്ചറിഞ്ഞു. ചോദ്യംചെയ്യലില്‍ കുട്ടിയെ …

16 കാരിയെ ഹോംസ്‌റ്റേയില്‍ എത്തിച്ച് പീഡിപ്പിച്ചു; 23കാരനെതിരെ കേസ്

by WEB EDITORLocal News Tuesday, 23 June 2026, 14:49Tuesday, 23 June 2026, 14:49No Comments

കാസര്‍കോട്: പ്രായപൂര്‍ത്തിയാകാത്ത പെണ്‍കുട്ടിയെ ഹോംസ്‌റ്റേയില്‍ എത്തിച്ച് പീഡിപ്പിച്ചതായി പരാതി. ഇത് സംബന്ധിച്ച് അര്‍ജുന്‍ എന്നയാള്‍ക്കെതിരെ അമ്പലത്തറ പൊലീസ് പോക്‌സോ പ്രകാരം കേസെടുത്തു. എന്നാല്‍ സംഭവസ്ഥലം രാജപുരം പൊലീസ് സ്റ്റേഷന്‍ പരിധിയിലായിരുന്നതിനാല്‍ കേസ് അങ്ങോട്ടേക്ക് കൈമാറി. പെണ്‍കുട്ടിയുമായി യുവാവ് നേരത്തെ സൗഹൃദത്തിലായിരുന്നുവത്രെ. ഇതിന്റെ മറവില്‍ പെണ്‍കുട്ടിയെ ഹോംസ്‌റ്റേയില്‍ എത്തിച്ച് ഉപദ്രവിക്കുകയായിരുന്നുവത്രെ. പ്രതിയെ കണ്ടെത്താന്‍ പൊലീസ് അന്വേഷണം ഊര്‍ജ്ജിതമാക്കി. മറ്റൊരു പരാതിയിൽ പരാതിയില്‍ ബാബു എന്നയാള്‍ക്കെതിരെയും രാജപുരം പൊലീസ് പോക്‌സോ പ്രകാരം കേസെടുത്തു. 14വയസുള്ള ആൺകുട്ടിയെ പ്രകൃതി വിരുദ്ധ പീഡനത്തിനു …

യുവാവ് അസുഖം മൂലം മരിച്ചു

by WEB EDITORLocal News Tuesday, 23 June 2026, 14:31Tuesday, 23 June 2026, 14:31No Comments

കാസര്‍കോട്: നീര്‍ച്ചാല്‍, പുതുക്കോളി പട്ടികജാതി ഉന്നതിയിലെ ഉമേഷ് (34) അന്തരിച്ചു. തലശ്ശേരിയിലെ ആശുപത്രിയില്‍ ചികിത്സയിലായിരുന്നു.ബാലകൃഷ്ണന്‍-ലക്ഷ്മി ദമ്പതികളുടെ മകനാണ് അവിവാഹിതനായ ഉമേഷ്. സഹോദരന്‍ അഭിലാഷ്.

തൊഴിലുറപ്പ് പദ്ധതി; ജില്ലയുടെ ഓംബുഡ്‌സ്മാനായി സി രാജാരാമ ചുമതലയേറ്റു

by Web EditorLocal News Tuesday, 23 June 2026, 14:14Tuesday, 23 June 2026, 14:14No Comments

കാസര്‍കോട്: ദേശീയ ഗ്രാമീണ തൊഴിലുറപ്പ് പദ്ധതി(എം.ജി.എന്‍.ആര്‍. ജി.എ)യുടെ കാസര്‍കോട് ജില്ലയുടെ ഓംബുഡ്സ്മാന്‍ ആയി മുളിയാര്‍ നെക്രംപാറയിലെ സി രാജാരാമ ചുമതല ഏറ്റെടുത്തു. ജില്ലയിലെ ദേശീയ ഗ്രാമീണ തൊഴിലുറപ്പ് പദ്ധതി തുടക്കക്കാലത്ത് ഉദ്യോഗസ്ഥര്‍ക്കും, തൊഴിലാളികള്‍ക്കും, മേറ്റ്മാര്‍ക്കും പരിശീലനം നല്‍കുന്നതില്‍ പ്രധാന പങ്ക് വഹിച്ചിരുന്നു. സാക്ഷരതാ പ്രസ്ഥാനത്തിലും ജനകീയാസൂത്രണ കോര്‍ഡിനേറ്റര്‍, കുടുംബശ്രി മിഷന്‍ കോര്‍ഡിനേറ്ററായും എന്നീ നിലകളിലും പ്രവര്‍ത്തിച്ചിട്ടുണ്ട്.സംസ്ഥാന ഓഡിറ്റ് വകുപ്പില്‍ നിന്ന് ജോയിന്റ് സയറക്ടരായി സേവനത്തില്‍ നിന്ന് വിരമിച്ച ശേഷം ആസാം സര്‍ക്കാരിന്റെ ഓഡിറ്റ് വകുപ്പില്‍ പ്രധാന വിദഗ്ദ്ധനായി …

ഓപ്പറേഷന്‍ തൂഫാന്‍; പെരിയ ചെക്കിപ്പളളത്ത് ക്വാര്‍ട്ടേഴ്‌സിന് സമീപം കഞ്ചാവ് ചെടി കണ്ടെത്തി

by Web EditorLocal News Tuesday, 23 June 2026, 14:03Tuesday, 23 June 2026, 14:03No Comments

കാസര്‍കോട്: പെരിയ ചെക്കിപ്പളളത്ത് ക്വാര്‍ട്ടേഴ്‌സിന് സമീപം കഞ്ചാവ് ചെടി കണ്ടെത്തി. ചൊവ്വാഴ്ച ഉച്ചയോടെയാണ് സംഭവം. അന്യസംസ്ഥാന തൊഴിലാളികള്‍ താമസിക്കുന്ന ക്വാര്‍ട്ടേഴ്‌സിന് സമീപത്തുനിന്നാണ് ഏകദേശം 126 സെന്റീമീറ്റര്‍ നീളം ഉയരമുള്ള ചെടി ബേക്കല്‍ പൊലീസ് കണ്ടെത്തിയത്. ഇത് ആരാണ് നട്ടുപിടിപ്പിച്ചത് എന്ന കാര്യത്തില്‍ അന്വേഷണം നടക്കുകയാണ്. ജില്ലാ പൊലീസ് മേധാവി പി നിധിന്‍ രാജിന് ലഭിച്ച രഹസ്യവിവരത്തെ തുടര്‍ന്ന് ഡിവൈ.എസ്.പി പി.കെ. ആസാദിന്റെ മേല്‍നോട്ടത്തില്‍ ഇന്‍സ്‌പെക്ടര്‍ അനില്‍കുമാറും സംഘവും സ്ഥലത്തെത്തി ചെടി കസ്റ്റഡിയിലെടുത്തു. ഓപ്പറേഷന്‍ തൂഫാന്റെ ഭാഗമായി ജില്ലയില്‍ …

കൂവാറ്റിയില്‍ നിര്‍മാണ തൊഴിലാളി വീട്ടിനകത്ത് മരിച്ച നിലയില്‍

by Web EditorLocal News Tuesday, 23 June 2026, 13:05Tuesday, 23 June 2026, 13:05No Comments

നീലേശ്വരം: നിര്‍മാണ തൊഴിലാളിയെ വീട്ടിനകത്ത് മരിച്ച നിലയില്‍ കണ്ടെത്തി. ചോയ്യംങ്കോട് കൂവാറ്റി പറയങ്ങാട് സ്വദേശി എം ബാബു(49 )വാണ് മരിച്ചത്. ചൊവ്വാഴ്ച രാവിലെ വീട്ടില്‍ മരിച്ച നിലയില്‍ കണ്ടെത്തുകയായിരുന്നു. തിങ്കളാഴ്ച രാത്രി ഭക്ഷണവും കഴിച്ച് കിടന്നതായിരുന്നു. ഉറക്കത്തില്‍ ഹൃദയാഘാതം സംഭവിച്ചതായി സംശയിക്കുന്നു. നീലേശ്വരം പൊലീസ് ഇന്‍ക്വസ്റ്റ് നടത്തി. പരേതരായ രാമന്റെയും നാരായണിയുടെയും മകനാണ്. ഭാര്യ: ലതിക ബളാല്‍(കേരള ബാങ്ക് മാലക്കല്ല് ബ്രാഞ്ചിലെ താല്‍ക്കാലിക ജീവനക്കാരി). മക്കള്‍: സനല്‍ ബാബു( ഡിഗ്രി വിദ്യാര്‍ഥി), സ്വാതിക ബാബു(വിദ്യാര്‍ത്ഥിനി). സഹോദരി: ചന്ദ്രമതി.

വിവാഹത്തലേന്ന് വരന്റെ വീട്ടുകാര്‍ക്ക് യുവാവ് മോശം സന്ദേശങ്ങളും ചിത്രങ്ങളും അയച്ചു; ഇതറിഞ്ഞ പ്രതിശ്രുത വധുവും കുടുംബവും ജീവനൊടുക്കി, ആത്മഹത്യാകുറിപ്പ് കണ്ടെടുത്തു

by Web EditorNational Tuesday, 23 June 2026, 12:32Tuesday, 23 June 2026, 12:32No Comments

ബെംഗളൂരു: വരന്റെ വീട്ടുകാര്‍ക്ക് യുവാവ് മോശം സന്ദേശങ്ങളും ചിത്രങ്ങളും അയച്ചു നല്‍കിയതിന് പിന്നാലെ പ്രതിശുതവധുവായ 21 കാരിയും മാതാപിതാക്കളും ജീവനൊടുക്കി. കര്‍ണാടക നരസിപുര താലൂക്കിലെ ഹലെകെമ്പയ്യനഹുണ്ടിയിലെ ശിവണ്ണ (50), ഭാര്യ നാഗരത്‌ന (45), മകള്‍ രക്ഷിത (21) എന്നിവരാണ് മരിച്ചത്. വിഷം അകത്ത് ചെന്നാണ് മൂവരും മരിച്ചതെന്ന് പൊലീസ് അറിയിച്ചു. യുവതിയുടെ വിവാഹം അടുത്ത ദിവസം നടക്കാനിരിക്കെയാണ് ദാരുണ സംഭവം നടന്നത്. വീട്ടില്‍ നിന്നും ആത്മഹത്യാ കുറിപ്പും പൊലീസ് കണ്ടെടുത്തു. പ്രദേശവാസിയായ രാഹുല്‍ ഗൗഡ എന്ന യുവാവ് …

ബിജെപി പ്രവര്‍ത്തകന്റെ ടെമ്പോ ട്രാവലര്‍ അടിച്ചു തകര്‍ത്ത നിലയില്‍

by WEB EDITORLocal News Tuesday, 23 June 2026, 12:05Tuesday, 23 June 2026, 12:05No Comments

കണ്ണൂര്‍: പാനൂരില്‍ ബിജെപി പ്രവര്‍ത്തകന്റെ ടെമ്പോ ട്രാവലര്‍ അടിച്ചു തകര്‍ത്തു. തങ്ങള്‍ പീടികയിലെ കാവില്‍ ആകാശിന്റെ ഉടമസ്ഥതയിലുള്ള വാഹനമാണ് തകര്‍ത്തത്. ഇന്ന് (ചൊവ്വ) പുലര്‍ച്ചെയോടെയാണ് സംഭവം. അക്രമത്തില്‍ വാഹനത്തിന്റെ ഇരു വശത്തെയും മുന്‍വശത്തെയും ചില്ലുകള്‍ തകര്‍ന്നു. രാഷ്ട്രീയ വൈരാഗ്യമാണ് അക്രമത്തിനു പിന്നിലെന്നു കാണിച്ച് ആകാശ് പാനൂര്‍ പൊലീസില്‍ പരാതി നല്‍കി.