Day: May 26, 2026

പയ്യന്നൂർ: ബാങ്കില്‍ മുക്കുപണ്ടം പണയംവെച്ച് 12,68,000 രൂപ തട്ടിയെടുത്തുവെന്ന പരാതിയില്‍ യുവാവിനെതിരെ പൊലീസ് കേസെടുത്തു. ചെറുകുന്ന് മടക്കര കുപ്പുരയില്‍ ഹൗസില്‍ ജാഫര്‍ സിദിഖിന് (43) എതിരെയാണ് കേസ്. കേരള ഗ്രാമീണ്‍ ബാങ്കിന്റെ മാട്ടൂല്‍ ശാഖയില്‍ 2026മാര്‍ച്ച് 23നും മെയ് 16നുമിടയിലുള്ള നാലു ദിവസങ്ങളില്‍ നാല് തവണയായി 16 വ്യാജ സ്വര്‍ണവളകള്‍ പണയംവെച്ച് പണം തട്ടിയെന്നാണ് പരാതി. ബാങ്ക് മാനേജര്‍ സിന്‍ഷ ബി. നമ്പ്യാര്‍ നല്‍കിയ പരാതിയിലാണ് കേസെടുത്തത്.

കാസർകോട്: കാസർകോട് അണങ്കൂർ മുതൽ പുതിയ ബസ്റ്റാൻഡ്- ചന്ദ്രഗിരി ട്രാഫിക് ജംഗ്ഷൻ വരെ ഗതാഗത തടസ്സം രൂക്ഷമായിക്കൊണ്ടിരിക്കുന്നു. രൂക്ഷമായ ഗതാഗത സ്തംഭനം യാത്രക്കാർക്ക് ഉണ്ടാക്കുന്ന ദുരിതം ചില്ലറയല്ല.രാവിലെയും വൈകുന്നേരങ്ങളിലുമാണ് ഏറെയും ഗതാഗത തടസ്സം നേരിടുന്നത്. ഉത്സവ,ആഘോഷ കച്ചവട സീസൺ സമയമായാൽ പിന്നെ പറയേണ്ടതില്ല. അതിനിടയിൽ പുതിയ ബസ്റ്റാൻഡിൽ നിന്ന് പഴയ ബസ് സ്റ്റാൻഡിലേക്ക് ഏതെങ്കിലും ഒരു സംഘടനയുടെയോ, രാഷ്ട്രീയപാർട്ടിയു ടെയോ “ജാഥ”കടന്ന് പോയാൽ പിന്നെ യാത്രക്കാർ വലഞ്ഞത് തന്നെ.ഇത് കാസർകോട്ടെ ജനങ്ങളും,യാത്രക്കാരും അനുഭവിക്കാൻ തുടങ്ങിയിട്ട് നാളേറെയായി. പരിഹാരം …

Read more “ദേശീയ പാത വരുന്നു; കാസർകോട്ട് ഗതാഗത തടസ്സം അതീവ ദുസ്സഹം”

കാസര്‍കോട്: തൊഴുത്തിന് മുന്നില്‍ കെട്ടിയിട്ടിരുന്ന അഞ്ചുമാസം പ്രായമായ ഗര്‍ഭിണിപ്പശുവിനെ കാറില്‍ കടത്തിക്കൊണ്ടു പോയതായി പരാതി. മുളിയാര്‍, മല്ലത്തെ എം വിജയലക്ഷ്മിയുടെ പശുവിനെയാണ് കഴിഞ്ഞ ദിവസം കടത്തിക്കൊണ്ടു പോയത്. പുലർച്ചെ കാറിലെത്തിയ രണ്ടു പേരാണ് മോഷണത്തിനു പിന്നില്‍. കാറിന്റെ ദൃശ്യങ്ങള്‍ സമീപത്തെ സിസിടിവിയില്‍ പതിഞ്ഞിട്ടുണ്ട്. എന്നാല്‍ വ്യാജ നമ്പര്‍ ആയതിനാല്‍ മോഷ്ടാക്കളെ തിരിച്ചറിഞ്ഞിട്ടില്ല. ആദൂര്‍ പൊലീസ് അന്വേഷണം തുടരുകയാണ്.വിധവയാണ് വിജയലക്ഷ്മി. പശുവളര്‍ത്തി ലഭിക്കുന്ന തുച്ഛമായ വരുമാനത്തിലാണ് വിജയലക്ഷ്മിയും മകളും അടങ്ങിയ കുടുംബം ജീവിതം തള്ളിനീക്കുന്നത്. തങ്ങളുടെ ജീവിതമാര്‍ഗമായ പശുവിനെ …

Read more “മുളിയാര്‍, മല്ലത്ത് നിന്ന് ഗര്‍ഭിണിപ്പശുവിനെ കാറില്‍ കടത്തിക്കൊണ്ടുപോയി; ദൃശ്യങ്ങള്‍ സിസിടിവി ക്യാമറയില്‍”

കാസർകോട് : പെട്രോൾ -ഡീസൽ വില നിരന്തരം വർധിപ്പിച്ച് കൊണ്ടിരിക്കുന്ന കേന്ദ്രസർക്കാർ നടപടിക്കെതിരെ ബൈക്കുകൾ തള്ളി പ്രതിഷേധിച്ച് കെ.എസ് യു കാസർകോട് പുതിയ ബസ്റ്റാന്റിൽ നിന്നും പ്രസ് ക്ലബ് ജംഗ്ഷനിലുള്ള പെട്രോൾ പമ്പു വരെയാണ് ജില്ലാകമ്മിറ്റിയുടെ നേതൃത്വത്തിൽ ബൈക്കുകളും സ്കൂട്ടറുകളും തള്ളി പ്രതിഷേധിച്ചത്‌.മനാഫ് നുള്ളിപ്പാടി ഉദ്ഘാടനം ചെയ്തു. കെ.എസ് യു ജില്ല പ്രസിഡണ്ട് ജവാദ് പുത്തൂർ അധ്യക്ഷത വഹിച്ചു. ജില്ല സെക്രട്ടറി ആദർശ് കെ സ്വാഗതവും അൻസാരി നന്ദിയും പറഞ്ഞു. ജില്ല ജന. സെക്രട്ടറി അഖിൽ ജോൺ, …

Read more “പെട്രോൾ -ഡീസൽ വില വർധനവ്: കാസർകോട്ട് ബൈക്ക് തള്ളി പ്രതിഷേധം”

കാസര്‍കോട്: ഓണ്‍ലൈന്‍ ട്രേഡിംങ് നടത്തി അമിത ലാഭം ഉണ്ടാക്കാമെന്ന് വിശ്വസിപ്പിച്ച് നീലേശ്വരം സ്വദേശിയുടെ 12,16,770 രൂപ തട്ടിയെടുത്തതായി പരാതി. കിഴക്കന്‍ കൊഴുവലിലെ കെ എം രമേശന്‍ (57) നല്‍കിയ പരാതിയില്‍ കാസര്‍കോട് സൈബര്‍ പൊലീസ് കേസെടുത്തു അന്വേഷണം തുടങ്ങി.2026 ഫെബ്രുവരി 11 നും മെയ് ഏഴിനും ഇടയിലുള്ള ദിവസങ്ങളില്‍ ആണ് തട്ടിപ്പ് നടത്തിയത്. വിദേശ കമ്പനിയുടെ പ്രതിനിധി ആണെന്നും ട്രേഡിങ് നടത്തിയാല്‍ നല്ല ലാഭം കിട്ടും എന്നും വിശ്വസിപ്പിച്ചാണ് വിവിധ അക്കൗണ്ടുകളിലേക്ക് പണം അയപ്പിച്ചതെന്ന് പരാതിയില്‍ പറയുന്നു.