തിരുവനന്തപുരം: നവകേരള യാത്രക്കിടയില് പ്രതിഷേധിച്ച കെഎസ് യു, യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ച കേസില് മുന്മുഖ്യമന്ത്രി പിണറായി വിജയന്റെ ഗണ്മാന് ഉള്പ്പെടെ 5 പൊലീസുകാരെ സസ്പെന്റ് ചെയ്തു. ഇതു സംബന്ധിച്ച് പൊലീസ് ആസ്ഥാനത്തു നിന്നു ഉത്തരവിറങ്ങി.
ഗണ്മാനായിരുന്ന അനില് കുമാര്, എസ്കോര്ട്ട് പൊലീസുകാരായ സന്ദീപ്, അരുണ്, വിപിന്, ഷൈജു എന്നിവരെയാണ് സസ്പെന്റ് ചെയ്തത്. അനില് കുമാര് 25 വര്ഷമായി പിണറായി വിജയന്റെ ഗണ്മാനാണ്.
2023ല് ആലപ്പുഴയിലാണ് സസ്പെന്ഷന് അടിസ്ഥാനമായ സംഭവം നടന്നത്. ഡിസംബര് 5ന് നവകേരള പരിപാടിക്ക് എത്തിയ മുഖ്യമന്ത്രിയുടെ ബസിനു മുന്നില് ആലപ്പുഴ ജനറല് ആശുപത്രി ജംഗ്ഷനു സമീപത്ത് പ്രതിഷേധിച്ച കെഎസ് യു, ജില്ലാ പ്രസിഡണ്ട് എ.ഡി.തോമസ്, യൂത്ത് കോണ്ഗ്രസ് സംസ്ഥാന സെക്രട്ടറി അജയ് ജുവല് കുര്യാക്കോസ് എന്നിവരെ അതിക്രൂരമായി മര്ദ്ദിച്ചുവെന്ന സംഭവത്തിലാണ് സസ്പെന്ഷന്. ഇവരില് എഡി തോമസ് ഇപ്പോള് എംഎല്എ ആണ് .
