Day: April 30, 2026

കാസര്‍കോട്: മഴക്കാലപൂര്‍വ്വ ശുചീകരണത്തിന്റെ ഭാഗമായി കാസര്‍കോട് നഗരസഭാ പരിധിയില്‍ ത്രിദിന ശുചീകരണ യജ്ഞം നടത്തി. ഇന്ന് (വ്യാഴം) നടത്തിയ മെഗാ ശുചീകരണ പരിപാടി നഗരസഭാ ചെയര്‍പേഴ്‌സണ്‍ ഷഹീന സലീം ഉദ്ഘാടനം ചെയ്തു.‘ബന്നറ്, മയെക്ക് മുന്നേ ബിര്‍ത്തി ആക്കീറാ’… എന്ന ശീര്‍ഷകത്തില്‍ മൂന്നു ദിവസങ്ങളിലായി നടത്തിയ ശുചീകരണ യജ്ഞത്തിന്റെ സമാപന പരിപാടിയില്‍ ശുചിത്വമിഷന്‍, കെഎസ് ഡബ്ല്യു എം.പി, കുടുംബശ്രീ, എന്‍എസ്എസ്, എസ്പിസി കേഡറ്റുകള്‍, വ്യാപാരികള്‍, ഹോട്ടല്‍ ആന്റ് റസ്‌റ്റോറന്റ് അസോസിയേഷന്‍ പ്രതിനിധികള്‍, രാഷ്ട്രീയ പ്രവര്‍ത്തകര്‍ സംബന്ധിച്ചു.

കുമ്പള: കുമ്പളയിലെ ബസ്സ്റ്റാന്റ് വിവാദം രമ്യമായി പരിഹരിക്കുന്നതിനു പൊലീസ് സ്റ്റേഷനില്‍ ബന്ധപ്പെട്ടവരുടെ യോഗം ആരംഭിച്ചു. പൊലീസ് വിളിച്ചുചേര്‍ത്ത യോഗത്തില്‍ ബസ് ഉടമകള്‍, ബി എം എസ്- സി ഐ ടി യു തൊഴിലാളി സംഘടനകള്‍, വ്യാപാരികള്‍, പഞ്ചായത്ത് ഭാരവാഹികള്‍ തുടങ്ങിയവര്‍ പങ്കെടുക്കുന്നു.കഴിഞ്ഞ പഞ്ചായത്തിന്റെ കാലാവധി തീരാറായപ്പോള്‍ പഞ്ചായത്ത് ഭരണസമിതി ബസ്സ്റ്റാന്റ് കുമ്പള ടൗണിന്റെ പലഭാഗത്തേക്കു മാറ്റിയിരുന്നു. പ്രതിഷേധത്തോടെയാണെങ്കിലും ബസ്സുകളും ബസ്സുടമകളും തൊളിലാളികളും ആ തീരുമാനവുമായി പൊരുത്തപ്പെട്ടുവരവെ, ഏതാനും ചില ബസ്സുകള്‍ മുമ്പുണ്ടായിരുന്ന ബസ് സ്റ്റാന്റിലേക്കു മാറ്റണമെന്നു തിരഞ്ഞെടുപ്പിനു …

Read more “കുമ്പള ബസ്സ്റ്റാന്റ് വിവാദം: പൊലീസ് സാന്നിധ്യത്തില്‍ ചര്‍ച്ച ഇന്ന്; യോജിച്ച തീരുമാനത്തിനു പൊലീസ് നീക്കം”

കാസര്‍കോട്: ഉപ്പള, ബേക്കൂര്‍,ജോഡ്ക്കല്ലില്‍ പ്രതിശ്രുത വരനെ കുത്തിക്കൊലപ്പെടുത്താന്‍ ശ്രമിച്ചതായി പരാതി. സംഭവത്തില്‍ ദാരംബലയിലെ സച്ചിനെതിരെ മഞ്ചേശ്വരം പൊലീസ് വധശ്രമത്തിന് കേസെടുത്തു. ബേക്കൂര്‍, ജോഡ്ക്കല്ലിലെ മംഗളാംബ നിലയത്തില്‍ സച്ചിന്‍കുമാര്‍ (31) ആണ് വധശ്രമത്തിനു ഇരയായത്. ഇദ്ദേഹത്തിന്റെ വിവാഹത്തോടനുബന്ധിച്ച് കെട്ടിയ ഫ്‌ളക്‌സ് ബോര്‍ഡ് നശിപ്പിച്ചത് ചോദ്യം ചെയ്ത വിരോധത്തില്‍ ദാരംബലയിലെ സച്ചിന്‍ എന്ന ആളാണ് ആക്രമിച്ചതെന്നു പരാതിപ്പെട്ടു. കൂടെ ഉണ്ടായിരുന്ന സുഹൃത്ത് മിഥുന്‍ തടഞ്ഞിരുന്നില്ലെങ്കില്‍ ജീവാപായം ഉണ്ടാകുമായിരുന്നുവെന്നു കൂട്ടിച്ചേര്‍ത്തു. കേസില്‍ പ്രതിയായതോടെ സച്ചിന്‍ ഒളിവില്‍ പോയതായി പൊലീസ് പറഞ്ഞു.