Day: April 30, 2026

തിരുവനന്തപുരം: കാസർകോട് ഉൾപ്പെടെ സംസ്ഥാനത്ത് മൂന്നു ജില്ലകളിൽ ഇന്ന് ശക്തമായ വേനൽ മഴ കേന്ദ്ര കാലാവസ്ഥാ വകുപ്പ് പ്രവചിച്ചു. കാസർകോടിന് പുറമേ കണ്ണൂർ, ഇടുക്കി ജില്ലകളിലാണ് മഴ ശക്തമായി അനുഭവപ്പെടുക.മെയ്‌ രണ്ടുവരെ സംസ്ഥാനത്ത് ഒറ്റപ്പെട്ട മഴയുണ്ടാവും. മേയ് ഒന്നിന് പത്തനംതിട്ട, ഇടുക്കി, വയനാട് ജില്ലകളിലും രണ്ടിന് വയനാട്,എറണാകുളം, ആലപ്പുഴ, കോട്ടയം ജില്ലകളിലും ഒറ്റപ്പെട്ട ശക്തമായ മഴ പ്രവചിച്ചിട്ടുണ്ട്.ഇന്ന് ശക്തമായ മഴക്കൊപ്പം ഇടിമിന്നലും കാറ്റും അനുഭവപ്പെടുമെന്നും മുന്നറിയിപ്പുണ്ട്. ഇന്ന് മഴയും ഇടിമിന്നലും പ്രവചിച്ചിട്ടുള്ള ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്.