Author: Web Desk

കാസര്‍കോട്: എലിവിഷം കഴിച്ച് ചികില്‍സയിലായിരുന്ന യുവതി ആശുപത്രിയില്‍ ചികില്‍സക്കിടെ മരിച്ചു. കൊടക്കാട് കണ്ണങ്കൈ സ്വദേശിനി ശില്‍പ(25) ആണ് മരിച്ചത്. പവിത്രന്റെയും സിഡിഎസ് ചെയര്‍പേഴ്‌സണ്‍ പിശാന്തയുടെയുടെയും മകളാണ്. കഴിഞ്ഞ 21 ന് ഉച്ചയ്ക്കാണ് വീട്ടില്‍ വച്ച് എലിവിഷം കഴിച്ചത്. അവശയായി കണ്ട യുവതിയെ പരിയാരം കണ്ണൂര്‍ മെഡിക്കല്‍ കോളജില്‍ പ്രവേശിപ്പിച്ചിരുന്നു. വെള്ളിയാഴ്ച ചികില്‍സക്കിടെ മരണപ്പെട്ടു. ചീമേനി പൊലീസ് ഇന്‍ക്വസ്റ്റ് നടത്തി. മൃതദേഹം വൈകീട്ട് വീട്ടിലെത്തിക്കും. നവോദയ വായനശാലയില്‍ പൊതുദര്‍ശനത്തിന് വക്കും. തുടര്‍ന്ന് സംസ്‌കാരം.

കാസര്‍കോട്: കാസര്‍കോട് ലോക്സഭാ മണ്ഡലത്തിലെ കാസര്‍കോട്, മഞ്ചേശ്വരം മണ്ഡലങ്ങളില്‍ പോളിംഗ് മന്ദഗതിയില്‍. ഉച്ചക്ക് 1.45 വരെയുള്ള ഔദ്യോഗിക കണക്ക് പ്രകാരം കാസര്‍കോട് മണ്ഡലത്തില്‍ 39.89 ശതമാനം പേര്‍ മാത്രമാണ് ലോട്ട് രേഖപ്പെടുത്തിയത്. മഞ്ചേശ്വരത്താണെങ്കില്‍ 38.73 ശതമാനവും. കാഞ്ഞങ്ങാട്ട് 39.89 ശതമാനം പേര്‍ മാത്രമാണ് വോട്ട് രേഖപ്പെടുത്തിയത്. ഇടത് ശക്തി കേന്ദ്രങ്ങളായ ഉദുമ, തൃക്കരിപ്പൂര്‍, പയ്യന്നൂര്‍, കല്യാശ്ശേരി എന്നിവിടങ്ങളില്‍ കനത്ത പോളിംഗാണ് നടക്കുന്നത്. ഉദുമയില്‍ 40.48%, തൃക്കരിപ്പൂര്‍: 43.17%. പയ്യന്നൂര്‍: 48.24%, കല്ല്യാശ്ശേരി 44.96% പേര്‍ വോട്ട് ചെയ്തു. …

Read more “കാസര്‍കോട്ടും മഞ്ചേശ്വരത്തും പോളിംഗ് തണുത്ത നിലയില്‍; പയ്യന്നൂരില്‍ 48.24%”

കാസര്‍കോട്: കാസര്‍കോട് കറന്തക്കാട്ട് കുറ്റിക്കാട്ടില്‍ അജ്ഞാത മൃതദേഹം കണ്ടെത്തി. മധൂര്‍ ഭാഗത്തേക്കുള്ള ബസ് കാത്തിരിപ്പ് കേന്ദ്രത്തിന് സമീപത്തെ കുറ്റിക്കാട്ടിലാണ് മൃതദേഹം കണ്ടത്. ആളെ തിരിച്ചറിഞ്ഞിട്ടില്ല. കാസര്‍കോട് ജനറല്‍ ആശുപത്രിയിലെത്തിച്ച് മരണം സ്ഥിരീകരിച്ചു. 55 വയസ് പ്രായം തോന്നിക്കുന്ന ആളുടെ മൃതദേഹമാണ് കണ്ടെത്തിയത്. ടൗണ്‍ പൊലീസെത്തി അന്വേഷണം തുടങ്ങി. മൃതദേഹം പോസ്റ്റുമോര്‍ട്ടത്തിനായി മോര്‍ച്ചറിയിലേക്ക് മാറ്റി. മരണ കാരണം വ്യക്തമാകണമെങ്കില്‍ പോസ്റ്റുമോര്‍ട്ടം റിപോര്‍ട്ട് ലഭിക്കണമെന്ന് പൊലീസ് പറഞ്ഞു. ബന്ധുക്കള്‍ എത്തിയതിന് ശേഷം മാത്രമേ പോസ്റ്റുമോര്‍ട്ടം നടത്തുകയുള്ളൂവെന്നും പൊലീസ് വ്യക്തമാക്കി.

കാസര്‍കോട്: യുവസംരംഭകനെ വീട്ടിലെ കിടപ്പുമുറിയില്‍ തൂങ്ങി മരിച്ച നിലയില്‍ കണ്ടെത്തി. മുള്ളേരിയ ടൗണില്‍ അടുത്തിടെ ആരംഭിച്ച കാര്‍ വാഷിംഗ് ആന്റ് സിറാമിക്സ് കോട്ടിംഗ് സ്ഥാപന ഉടമയായ കീര്‍ത്തന്‍ (27) ആണ് മരിച്ചത്. മുള്ളേരിയ ബെള്ളൂറടുക്കയിലെ പരേതനായ ശ്രീധര-കുസുമ ദമ്പതികളുടെ മകനാണ്. ഇന്നലെ ഉച്ചയോടെ സഹോദരനായ കിരണാണ് കീര്‍ത്തനെ കിടപ്പുമുറിയില്‍ തൂങ്ങിയ നിലയില്‍ കണ്ടെത്തിയത്. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ആത്മഹത്യയുടെ കാരണം വ്യക്തമല്ല. ആദൂര്‍ പൊലീസ് കേസെടുത്തു.

കാസര്‍കോട്: കാസര്‍കോട് ലോക്സഭാ മണ്ഡലത്തിലെ പയ്യന്നൂര്‍ നിയമസഭാ മണ്ഡലത്തില്‍ കനത്ത പോളിംഗ്. രാവിലത്തെ ആദ്യത്തെ മൂന്നു മണിക്കൂറില്‍ 21.76 ശതമാനം പേരാണ് വോട്ടു രേഖപ്പെടുത്തിയത്. കാസര്‍കോട് ലോക്സഭാ മണ്ഡലത്തിലെ ഏറ്റവും ഉയര്‍ന്ന പോളിംഗാണിത്. രണ്ടാം സ്ഥാനത്ത് 19.68 ശതമാനത്തോടെ കല്ല്യാശ്ശേരി മണ്ഡലമാണ്. ആദ്യ മൂന്ന് മണിക്കൂറില്‍ ഏറ്റവും കുറവ് പോളിംഗ് നടന്നത് കാഞ്ഞങ്ങാട് നിയമസഭാ മണ്ഡലത്തിലാണ്. 16.65 ശതമാനം. മറ്റു മണ്ഡലങ്ങളിലെ വോട്ടിംഗ് ശതമാനം ഇങ്ങനെ: കാസര്‍കോട്-16.82%, ഉദുമ: 17.12%, തൃക്കരിപ്പൂര്‍: 18.16%.

കാസര്‍കോട്: ഒരുമാസത്തിലധികം നീണ്ടുനിന്ന തെരഞ്ഞെടുപ്പ് വീറും വാശിയും ഇന്നു രാവിലെ നടന്ന വോട്ടിങ്ങിലും തെളിഞ്ഞുനിന്നു. സംസ്ഥാന പിറവിക്ക് ശേഷം നടന്ന 16 ലോക്‌സഭാ തെരഞ്ഞെടുപ്പുകളില്‍ 12 ലും കാസര്‍കോട് ലോക്‌സഭാ മണ്ഡലം ഇടതിനൊപ്പമായിരുന്നു. 1957 ല്‍ നടന്ന ആദ്യ തെരഞ്ഞെടുപ്പില്‍ മാത്രമല്ല, തുടര്‍ച്ചയായി നടന്ന മൂന്നു തെരഞ്ഞെടുപ്പുകളിലും കമ്മ്യൂണിസ്റ്റ് നേതാവായിരുന്ന എ കെ ഗോപാലിനൊപ്പം കാസര്‍കോട് നിന്നു. തുടര്‍ന്ന് മൂന്നുതവണ എം രാമണ്ണറൈ കാസര്‍കോട് എംപിയായി. അതിനുശേഷം മൂന്ന് തവണ ടി ഗോവിന്ദനും 3 തവണ പി …

Read more “കാസര്‍കോട്ട് വോട്ടിങിലും വാശി; സീറ്റ് നിലനിര്‍ത്താനും തിരിച്ച് പിടിക്കാനും”