Author: Web Desk

കാസർകോട്: പട്ടാപ്പകൽ റോഡരികിൽ നിർത്തിയിട്ടിരുന്ന സ്കൂട്ടറിൽ നിന്നും പണം കവർച്ച ചെയ്തു. ബോവിക്കാനം അമ്മംങ്കോട് ഗോളിയടുക്കം സ്വദേശി പുരുഷോത്തമൻ്റെ സ്‌കൂട്ടറിൽ നിന്നാണ് 26,000 രൂപ കവർന്നത്. ചെർക്കള ജാൽസൂർ റോഡിലെ എട്ടാം മൈലിലുള്ള ഇദ്ദേഹത്തിൻ്റെ സ്ഥാപനത്തിന് മുന്നിലായി നിർത്തിയിട്ടിരുന്നു. ഈ തക്കം നോക്കി ബൈക്കിൽ എത്തിയ സംഘമാണ് പണം കവർന്നത് എന്ന് സംശയിക്കുന്നു. പുരുഷോത്തമൻ്റെ പരാതിയിൽ ആദൂർ പൊലിസ് കേസെടുത്ത് അന്വേഷണം ആരംഭിച്ചു. പ്രദേശത്തെ സിസിടിവി ക്യാമറ ദൃശ്യങ്ങൾ പൊലീസ് പരിശോധിച്ചു വരുന്നുണ്ട്.

കാസര്‍കോട്: തിരഞ്ഞെടുപ്പു ദിവസം ബേഡകം പഞ്ചായത്ത് പ്രസിഡണ്ടിനെ അപമാനിക്കാന്‍ ശ്രമിച്ചുവെന്ന പരാതിയില്‍ യൂത്ത് കോണ്‍ഗ്രസ് നേതാവ് ഉനൈസിനെതിരെ പൊലീസ് കേസെടുത്തു. ഈ സംഭവത്തില്‍ ഞായറാഴ്ച പൊലീസ് സ്റ്റേഷന്‍ മാര്‍ച്ച് നടത്താനുള്ള സിപിഎം നീക്കം ഉപേക്ഷിക്കണമെന്നാവശ്യപ്പെട്ടു പൊലീസിന്റെ നേതൃത്വത്തില്‍ ചര്‍ച്ച ആരംഭിച്ചിട്ടുണ്ട്. ചര്‍ച്ച പരാജയപ്പെട്ടാല്‍ സ്റ്റേഷന്‍ മാര്‍ച്ച് നടത്തുമെന്നാണ് സൂചന. അതേസമയം തിരഞ്ഞെടുപ്പിനോടനുബന്ധിച്ചു പൊലീസിന്റെ ഔദ്യോഗിക കൃത്യനിര്‍വ്വഹണം തടസ്സപ്പെടുത്തിയെന്നതിനു ലീഗ് പ്രവര്‍ത്തകര്‍ക്കെതിരെയും പൊലീസ് കേസെടുത്തു.

കാസര്‍കോട്: സ്വര്‍ണ വില വര്‍ധിച്ചതോടെ മാല മോഷണ സംഭവങ്ങളും വര്‍ധിച്ചുവരുന്നു. സ്ത്രീകളുടെ മാല മോഷണങ്ങള്‍ പെരുകുന്നതിനിടെ മധ്യവയസ്‌ക്കനെയും വെറുതെ വിട്ടില്ല. ചേവാര്‍ സ്വദേശിയും കര്‍ഷകനുമായ ഗോപാലകൃഷ്ണ ഭട്ടി(60)ന്റെ രണ്ടുപവന്‍ സ്വര്‍ണമാലയാണ് ബൈക്കിലെത്തിയ സംഘം തട്ടിപ്പറിച്ചെടുത്തത്. ശനിയാഴ്ച രാവിലെ വീടിനടുത്തുവച്ചാണ് സംഭവം. തൊട്ടടുത്ത കൃഷിയിടത്തില്‍ ഷര്‍ട്ട് ധരിക്കാതെ നടന്നു പോകുമ്പോള്‍ ബൈക്കില്‍ രണ്ടംഗസംഘം എത്തുകയായിരുന്നു. ബൈക്കിന്റെ വേഗത കുറച്ച് ഗോപാലകൃഷ്ണയുടെ സമീപത്തെത്തി പെട്ടെന്ന് മാല തട്ടിപ്പറിച്ചെടുത്തു. എതിര്‍ക്കുന്നതിന് മുമ്പ് തന്നെ സംഘം മാല കവര്‍ന്നിരുന്നു. പിന്നീട് വേഗത്തില്‍ ബൈക്കോടിച്ചുപോവുകയായിരുന്നു. …

Read more “മാലക്കള്ളന്മാര്‍ മധ്യവസ്‌ക്കനെയും വെറുതെ വിട്ടില്ല; ബൈക്കിലെത്തിയ സംഘം രണ്ടുപവന്‍ സ്വര്‍ണമാല തട്ടിപ്പറിച്ചു”