Day: September 24, 2026

കാസര്‍കോട്: വൃക്ക സംബന്ധമായ അസുഖത്തിന് ചികിത്സയിലായിരുന്ന യുവതി മരിച്ചു. ബെള്ളൂര്‍, കര്‍ക്കട മൂലയിലെകെ.അശ്വിനി (22)യാണ് മരിച്ചത്. ബെള്ളൂരിലെ ഹോട്ടല്‍ ഉടമ കുഞ്ഞണ്ണ ഭണ്ഡാരിയുടെ മകളാണ്. മാതാവ്: ജയന്തി. ഭര്‍ത്താവ്: ഗോപാല്‍ ഭണ്ഡാരി. സഹോദരങ്ങള്‍: രഞ്ജിത്ത് ഭണ്ഡാരി, അക്ഷത. യുവതിയുടെ മരണം നാടിനെ കണ്ണീരിലാഴ്ത്തി.

കാസര്‍കോട്: മഞ്ചേശ്വരം, കടമ്പാര്‍, ചെമ്പപ്പദവിലെ കനില ജയന്ത ആചാര്യ (75) അന്തരിച്ചു. മരപ്പണിക്കാരനായിരുന്ന ഇദ്ദേഹം അസുഖത്തെത്തുടര്‍ന്ന് ചികിത്സയിലായിരുന്നു. ബങ്കര, കാളികാ പരമേശ്വരി ക്ഷേത്ര പ്രാദേശിക മുക്താറായും പ്രവര്‍ത്തിച്ചിരുന്നു.ഭാര്യ: അനസൂയ. സഹോദരങ്ങള്‍: ഹരിചന്ദ്ര, രാജീവ്.

പുത്തൂര്‍: പുത്തൂര്‍, മൂവാജെ, പടിബാഗിലു സ്വദേശിയായ ടൈലര്‍ മൗവേനേശ ആചാര്യ (66) കുഴഞ്ഞുവീണു മരിച്ചു. വിട്‌ല പഞ്ചലിംഗേശ്വര ക്ഷേത്രത്തിനു സമീപത്ത് ടൈലറിംഗ് ഷോപ്പ് നടത്തി വരികയായിരുന്നു. കഴിഞ്ഞ ദിവസം ജോലി സ്ഥലത്തേയ്ക്ക് പോകാനുള്ള ഒരുക്കത്തിനിടയില്‍ കുഴഞ്ഞു വീഴുകയായിരുന്നു. പരേതനായ സുബ്രായ ആചാര്യ- സുശീല ദമ്പതികളുടെ മകനാണ്. ഭാര്യ: ശോഭ(മുന്‍ പ്രസിഡണ്ട് അളിക്കെ ഗ്രാമപഞ്ചായത്ത്). മക്കള്‍: ഹര്‍ഷിത, സുഷ്മിത, ലക്ഷ്മീശ. സഹോദങ്ങള്‍: ശേഖര ആചാര്യ, രാമകൃഷ്ണ ആചാര്യ. തിരുമലേശ്വര ആചാര്യ, പുരുഷോത്തമ ആചാര്യ, പാണ്ഡു രംഗ ആചാര്യ.