Day: May 25, 2026

കാസര്‍കോട്: അസുഖബാധിതനായി ചികിത്സയിലായിരുന്ന പെരിയ, ആയംപാറ, വില്ലാരംപതിയിലെ ബാലകൃഷ്ണന്‍ (49) യാത്രയായി. ചെങ്കളയിലെ സഹകരണ ആശുപത്രിയിലായിരുന്നു അന്ത്യം. ചികിത്സക്കായി 15 ലക്ഷത്തില്‍പ്പരം രൂപയാണ് ഇതിനകം ചെലവായത്. ഇത് കുടുംബത്തിന് താങ്ങാനാവുന്നതിനും അപ്പുറമായിരുന്നു. ഇതേ തുടര്‍ന്ന് വാര്‍ഡ് അംഗം കാര്‍ത്യായനി ചെയര്‍പേഴ്‌സണായും നാരായണന്‍ മുണ്ടയില്‍ കണ്‍വീനറായും കുഞ്ഞിരാമൻ സെഞ്ച്വറി ട്രഷററുമായി നാട്ടുകാര്‍ ചികിത്സാ കമ്മിറ്റി രൂപീകരിച്ച് പ്രവര്‍ത്തിച്ചു വരുന്നതിനിടയിലാണ് നാടിനെയാകെ കണ്ണീരിലാഴ്ത്തി കൊണ്ട് ബാലകൃഷ്ണന്‍ യാത്രയായത്. പരേതരായ കോരന്‍ – കുഞ്ഞമ്മ ദമ്പതികളുടെ മകനാണ്. ഭാര്യ: സജിത. മക്കള്‍: …

Read more “ജീവന്‍ രക്ഷിക്കാന്‍ നാട് കൈകോര്‍ത്തു; പക്ഷെ പ്രതീക്ഷകള്‍ ബാക്കിയാക്കി പെരിയ, വില്ലാരംപതിയിലെ ബാലകൃഷ്ണന്‍ യാത്രയായി”

കാസര്‍കോട്: രക്തസമ്മര്‍ദ്ദത്തെ തുടര്‍ന്ന് ആശുപത്രിയില്‍ ചികിത്സയിലായിരുന്ന ബിഎസ്എന്‍എല്‍ ജീവനക്കാരന്‍ മരിച്ചു. ബദിയഡുക്ക, ചെമ്പല്‍ത്തിമാര്‍, വളമല, സുള്യോടുവിലെ പരേതനായ സദാശിവയുടെ മകനായ കീര്‍ത്തീശ് (37) ആണ് മരിച്ചത്. കര്‍ണാടക, മുല്‍ക്കിയില്‍ ബിഎസ്എന്‍എല്‍ ജീവനക്കാരനായിരുന്നു. കഴിഞ്ഞദിവസം താമസസ്ഥലത്തു വച്ച് അമിത രക്തസമ്മര്‍ദ്ദം ഉണ്ടായതിനെ തുടര്‍ന്ന് സൂറത്ത്കല്ല് ആശുപത്രിയില്‍ പ്രവേശിപ്പിച്ചിരിക്കുകയായിരുന്നു. ഞായറാഴ്ച പുലര്‍ച്ചെ നില കൂടുതല്‍ വഷളാവുകയും മരണം സംഭവിക്കുകയുമായിരുന്നു. മൃതദേഹം നാട്ടിലെത്തിച്ച് വീട്ടുവളപ്പില്‍ സംസ്‌കരിച്ചു. മാതാവ്: വനിത. സൂര്യനാരായണ ഏക സഹോദരനാണ്.