Author: WEB EDITOR

കുമ്പള: കോയിപ്പാടി കടപ്പുറത്തു ഡിവൈഎഫ്ഐ പ്രവർത്തകനു ബിയർ കുപ്പി കൊണ്ട് തലക്ക് അടിയേറ്റു. പരിക്കേറ്റ കോയിപ്പാടിയിലെ നിസാമിനെ (28)ജില്ലാ സഹകരണ ആശുപത്രിയിൽ പ്രവേശിപ്പിച്ചു. ഇന്ന് വൈകിട്ട് കോയിപ്പാടി കടപ്പുറത്താണ് സംഘട്ടനം ഉണ്ടായത്. ബിജെപി പ്രവർത്തകനും നാട്ടുകാരനുമായ സജനും കണ്ടാലറിയാവുന്ന നാലുപേരും ചേർന്നാണു മർദ്ദിച്ചതെന്ന് പരാതിപ്പെട്ടു . രാഷ്ട്രീയ ചർച്ചയ്ക്കിടെയാണ് അക്രമം എന്ന് പറയുന്നു.

മഞ്ചേശ്വരം: മാതാപിതാക്കൾക്കൊപ്പം കടൽക്കാറ്റ് കൊള്ളുന്നതിനിടെ 18 വയസ്സുകാരനെ തിരമാലയിൽപ്പെട്ട് കാണാതായി. മഞ്ചേശ്വരം ചൗക്കിയിലെ മുഹമ്മദ് സൈനുൽ ആബിദിനെ ( 18 ) യാണ് കാണാതായത്. ബുധനാഴ്ച വൈകിട്ട് പിതാവ് ഉമറുൽ ഫാറൂഖ് ,മാതാവ് റസീന എന്നിവർക്കൊപ്പം മഞ്ചേശ്വരം കുണ്ടു കൊളക്കെ കടൽത്തീരത്ത് വിശ്രമിക്കുകയായിരുന്നുവെന്ന് പറയുന്നു. ഇതിനിടയിൽ ഉണ്ടായ ശക്തമായ തിരമാലയിൽ പെടുകയായിരുന്നത്രേ. ഒപ്പമുണ്ടായിരുന്ന രക്ഷിതാക്കൾ രക്ഷപ്പെടുത്താർശ്രമിച്ചെങ്കിലും പരാജയപ്പെട്ടു .വിവരം അറിഞ്ഞു മഞ്ചേശ്വരം പോലീസും ഉപ്പള ഫയർ ഫോഴ്സും നാട്ടുകാരും തിരച്ചിൽ തുടരുകയാണ്.

കാസർകോട് : സമൃദ്ധി യുടെയും സന്തോഷത്തിന്റെയും കണി ഒരുക്കുന്നതിനുള്ള അവസാന തയ്യാറെടു പ്പിൽ നാട് അമർന്നു. വിഷുക്കണിയുടെ വിശുദ്ധിയും പ്രൗഢി യും ഉറപ്പാക്കുന്നതിനു കർണാടകയിൽ നിന്ന് എത്തിയ വൈവിധ്യമാർന്ന മഞ്ഞ കണിപ്പൂക്കൾ പൂ വിപണിയിൽ പുളകം പകർന്നു.പൂക്കളെല്ലാം ആളുകൾക്കിഷ്ട പ്പെട്ടു. എങ്കിലും പ്രിയം കാണിക്കൊന്നപ്പൂക്കളോടായിരുന്നു.

കാസർകോട് :ട്രാഫിക് ലംഘനത്തിന്റെ പിഴത്തുക പകുതിയാക്കി കുറക്കാൻ മന്ത്രിസഭ എടുത്ത തീരുമാനം ഏറെ ചർച്ച ചെയ്യപ്പെടുമ്പോൾ ജില്ലയിൽ ട്രാഫിക് നിയമലംഘനങ്ങൾ ആവർത്തിക്കപ്പെടുന്നത് അധികൃതർ ശ്രദ്ധി ക്കാത്തത് ബസ് യാത്രക്കാർക്കും, പൊതുജനങ്ങൾക്കും, കാൽനടയാത്രക്കാർക്കും ഒരുപോലെ ദുരിതമാകുന്നു. 2024 വരെ സംസ്ഥാനത്ത് ട്രാഫിക് നിയമലംഘനത്തിന് വാഹന ഉടമകൾക്ക് മേൽ ചുമത്തിയ പിഴത്തുക പകുതിയാക്കികൊണ്ടുള്ള മന്ത്രിസഭയുടെ അവസാന തീരുമാനം സർക്കാർ ഉത്തരവായി കഴിഞ്ഞയാഴ്ച ഇറങ്ങിയിരുന്നു. കുറച്ച തുക ഏപ്രിൽ 30ന് മുമ്പ് അടക്കാനാണ് നിർദ്ദേശം.933 കോടിയോളം രൂപയാണ് സർക്കാറിന് പിഴയിനത്തിൽ മാത്രമായി …

Read more “ഇത്‌ മത്സര ഓട്ടമല്ല: യാത്രക്കാരെ പിടിക്കാനുള്ള നെട്ടോട്ടമാണ്: പിറകിലെ ബസ്സിന് വഴിമാറി കൊടുക്കാതെയുള്ള മരണപ്പാച്ചിൽ”