ചോദ്യത്തിന് കോഴ: തൃണമൂല്‍ കോണ്‍ഗ്രസ് എംപി മഹുവ മൊയ്ത്രയെ ലോക്‌സഭയില്‍ നിന്ന് പുറത്താക്കി

ഡല്‍ഹി: ചോദ്യത്തിന് കോഴ വിവാദത്തില്‍ തൃണമൂല്‍ കോണ്‍ഗ്രസ് എംപി മഹുവ മൊയ്ത്രയെ ലോക്‌സഭയില്‍ നിന്ന് പുറത്താക്കി. മഹുവ മൊയ്ത്രയ്‌ക്കെതിരായ എത്തിക്‌സ് കമ്മറ്റി റിപ്പോര്‍ട്ട് ലോക്‌സഭയില്‍ ചര്‍ച്ചയ്ക്ക് വച്ച ശേഷമായിരുന്നു പുറത്താക്കല്‍. ഇതോടെ മഹുവ മൊയ്ത്രയ്ക്ക് എംപി സ്ഥാനം നഷ്ടമായി. ശബ്ദവോട്ടോടെയാണ് പ്രമേയം പാസായത്. മഹുവ മൊയ്ത്രയെ പുറത്താക്കുന്നതിനുള്ള വോട്ടെടുപ്പില്‍ പ്രതിപക്ഷം പങ്കെടുത്തില്ല. വോട്ടെടുപ്പ് ബഹിഷ്‌കരിച്ച് പ്രതിപക്ഷം സഭ വിട്ടതോടെ ലോക്‌സഭ തിങ്കളാഴ്ചത്തേക്ക് പിരിഞ്ഞു. മഹുവയെ പുറത്താക്കാന്‍ സഭയ്ക്ക് അധികാരമില്ലെന്ന് തൃണമൂല്‍ കോണ്‍ഗ്രസ്, കോണ്‍ഗ്രസ് എംപിമാര്‍ വാദിച്ചെങ്കിലും ഫലമുണ്ടായില്ല. …

ആത്മഹത്യചെയ്യുമെന്ന് ഷഹനയുടെ മെസേജ്; വാട്‌സാപ്പ് ബ്ലോക്ക് ചെയ്ത് റുവൈസ്; പിന്നാലെ ആത്മഹത്യ; റുവൈസിന്റെ പിതാവ് ഒളിവില്‍

തിരുവനന്തപുരം: മെഡിക്കല്‍ കോളേജിലെ യുവ ഡോക്ടര്‍ ഷഹന ജീവനൊടുക്കിയത് സുഹൃത്ത് ഡോ. റുവൈസ് വാട്‌സാപ്പില്‍ ബ്ലോക്ക് ചെയ്തതിന് പിന്നാലെയെന്ന് കണ്ടെത്തല്‍. ആത്മഹത്യ ചെയ്യുകയാണെന്ന് മരണ ദിവസം ഷഹ്ന വാട്സ് ആപ്പിലൂടെ ഡോ. റുവൈസിന് സന്ദേശം അയച്ചിരുന്നു. മെസേജ് കിട്ടിയതോടെ ഡോ. റുവൈസ് ഷഹ്നയെ ബ്ലോക്ക് ചെയ്യുകയാണുണ്ടായത്. ഷഹ്നയുടെ ഫോണിൽ നിന്നും മെസേജിന്റെ വിവരങ്ങൾ പൊലീസിന് ലഭിച്ചിട്ടുണ്ട്. തിങ്കളാഴ്ച രാവിലെ 9 മണിക്കായിരുന്നു മെസേജ് അയച്ചത്. പൊലീസ് അറസ്റ്റ് ചെയ്യുന്നതിന് തൊട്ടുമുമ്പാണ് ഈ സന്ദേശം റുവൈസ് ഡിലിറ്റ് ചെയ്തത്. …

13 കാരിയെ പീഡിപ്പിക്കന്‍ ശ്രമിച്ചു; ഗള്‍ഫിലേക്ക് രക്ഷപ്പെടാന്‍ വിമാനത്താവളത്തിലെത്തിയ പിതാവിനെ എമിഗ്രേഷന്‍ വിഭാഗം പിടികൂടി

കാസര്‍കോട്: പ്രായപൂര്‍ത്തിയാകാത്ത മകളെ പീഡിപ്പിക്കാന്‍ ശ്രമിച്ച പിതാവ് ഗള്‍ഫിലേക്ക് പോകാന്‍ ഒരുങ്ങവെ വിമാനത്താവളത്തില്‍ പിടിയിലായി. ഗള്‍ഫില്‍ ജോലിചെയ്യുന്ന ചന്തേര പൊലീസ് സ്റ്റേഷന്‍ പരിധിയില്‍ താമസിക്കുന്ന അമ്പതുകാരനെയാണ് തമിഴ് നാട് തൃശ്ശിനാപ്പള്ളി വിമാനതാവളത്തില്‍ വെച്ച് എമിഗ്രേഷന്‍ വിഭാഗം പിടികൂടിയത്. പിന്നീട് ചന്തേര പൊലീസിന് കൈമാറി. ഇക്കഴിഞ്ഞ ജനുവരി മാസത്തിലാണ് പതിമൂന്നുകാരിയായ മകളെ പ്രതി പീഡിപ്പിക്കാന്‍ ശ്രമിച്ചത്. സംഭവത്തെ തുടര്‍ന്ന് പരാതിയില്‍ പോക്‌സോ കേസെടുത്ത പൊലീസ് അന്വേഷണത്തിനിടെ ഇയാള്‍ മുങ്ങി നടക്കുകയായിരുന്നു. വീണ്ടും വിദേശത്തേക്ക് കടക്കാന്‍ ശ്രമം നടത്തുന്ന വിവരം …

കവുങ്ങില്‍ നിന്നു വീണ തൊഴിലാളിക്ക് ദാരുണാന്ത്യം

കാസര്‍കോട്: കവുങ്ങില്‍ നിന്നു വീണ തൊഴിലാളിക്ക് ദാരുണാന്ത്യം. പെര്‍ള, മണിയമ്പാറ, പള്ളക്കാന സ്വദേശി സയ്യിദ് അലി(45)യാണ് മരിച്ചത്. വ്യാഴാഴ്ച രാവിലെ വീടിനു സമീപത്തെ തോട്ടത്തില്‍ അടയ്ക്ക പറിക്കുന്നതിനിടയിലാണ് അപകടം. ഗുരുതരമായി പരിക്കേറ്റ സയ്യിദ് അലിയെ പ്രാഥമിക ചികിത്സയ്ക്കു ശേഷം മംഗളൂരുവിലെ ആശുപത്രിയില്‍ എത്തിച്ചുവെങ്കിലും ഉച്ചയോടെ മരണപ്പെട്ടു. പോസ്റ്റുമോര്‍ട്ടത്തിനു ശേഷം മൃതദേഹം ബദ്രംപള്ള ജുമാമസ്ജിദ് അങ്കണത്തില്‍ സംസ്‌ക്കരിച്ചു. ഭാര്യ: ഹാജിറ. മക്കള്‍: സഫ്വാന, റിസ്വാന, ഹാരിഫ്, ഫാരിസ്. മരുമകന്‍: നിസാം. സഹോദരങ്ങള്‍: അജാസ്, അസ്മ, ഖദീജ.

കൂടുതല്‍ പണം ആവശ്യപ്പെട്ട് ഭര്‍തൃവീട്ടുകാര്‍ പീഡിപ്പിച്ചു; മുഹസിനയുടെ മരണത്തില്‍ പരാതിയുമായി പിതാവ്

കാസര്‍കോട്: മുഹസിനയുടെ മരണം കൊലപാതകമാണെന്നു ആരോപിച്ച് പിതാവ് പള്ളിക്കര കീക്കാന്‍ സ്വദേശി എന്‍.പി മുഹമ്മദ്. ഭര്‍ത്താവും ഭര്‍തൃവീട്ടുകാരും കൂടുതല്‍ പണം ആവശ്യപ്പെട്ട് മകളെ നിരന്തരം പീഡിപ്പിച്ചിരുന്നുവെന്നും ബേക്കല്‍ ഡിവൈ.എസ്.പി സി.കെ.സുനില്‍ കുമാറിനു നല്‍കി പരാതിയില്‍ പറയുന്നു. ഇക്കഴിഞ്ഞ അഞ്ചിനാണ് മുഹ്സിനയെ കരിവേടകത്തെ തവനത്ത് ഹൗസിലെ ഭര്‍തൃവീട്ടില്‍ തൂങ്ങിയ നിലയില്‍ കണ്ടത്. ഉടന്‍ തന്നെ ബന്തടുക്കയിലെ സ്വകാര്യ ആശുപത്രിയിലും, പിന്നീട് കാസര്‍കോട് ജനറല്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല. സംശയത്തെ തുടര്‍ന്ന് പരിയാരം മെഡിക്കല്‍ കോളേജ് ആശുപത്രിയിലാണ് …

മാസപ്പടി: മുഖ്യമന്ത്രിക്കും മകള്‍ക്കും അടക്കം നോട്ടീസ് അയക്കാന്‍ ഹൈക്കോടതി ഉത്തരവ്; നോട്ടീസ് വരട്ടെയെന്നു മുഖ്യമന്ത്രി

സിഎംആര്‍എല്ലില്‍നിന്ന് മാസപ്പടി വാങ്ങിയെന്ന ആരോപണത്തില്‍ മുഖ്യമന്ത്രി പിണറായി വിജയന്‍, മകള്‍ വീണ വിജയന്‍ എന്നിവര്‍ ഉള്‍പ്പെടെയുള്ള കക്ഷികള്‍ക്ക് നോട്ടീസ് അയക്കാന്‍ ഹൈക്കോടതി ഉത്തരവ്. എതിര്‍കക്ഷികളുടെ വാദംകൂടി കേള്‍ക്കണമെന്നും ഹൈക്കോടതി നിര്‍ദേശിച്ചു. യുഡിഎഫ് നേതാക്കളായ രമേശ് ചെന്നിത്തല, പി കെ കുഞ്ഞാലിക്കുട്ടി അടക്കം 12 പേര്‍ക്കാണ് നോട്ടീസ് അയച്ചിരിക്കുന്നത്.മാസപ്പടി വിവാദം സംബന്ധിച്ച് വിജിലന്‍സ് അന്വേഷണം ആവശ്യപ്പെട്ട് നല്‍കിയ ഹര്‍ജി മൂവാറ്റുപുഴ വിജിലന്‍സ് കോടതി തള്ളിയതിനെതിരെ കളമശേരി സ്വദേശി ഗിരീഷ് ബാബു നല്‍കിയ ഹര്‍ജിയിലാണ് ജസ്റ്റിസ് കെ ബാബുവിന്റെ വിധി. …

അനാരോഗ്യകരമായ ഭക്ഷണ സംയോജനം: നിങ്ങൾ ഈ ഭക്ഷണങ്ങൾക്കൊപ്പം വാഴപ്പഴം കഴിക്കുന്നുണ്ടോ? എങ്കിൽ, ശ്രദ്ധിക്കുക. വാഴപ്പഴത്തോടൊപ്പം ഒഴിവാക്കേണ്ട 4 ഭക്ഷണങ്ങൾ

ലോകമെമ്പാടുമുള്ള ഏറ്റവും ജനപ്രിയമായ, വർഷം മുഴുവനും ലഭ്യമായ പഴങ്ങളില്‍ ഒന്നാണ് വാഴപ്പഴം. നിങ്ങൾക്ക് ഇത് ഒരു പഴമായും പച്ചക്കറിയായും കഴിക്കാം, കൂടാതെ വിവിധ അവശ്യ പോഷകങ്ങളാൽ സമ്പുഷ്ടവുമാണ് വാഴപ്പഴം. നാരുകളും, പ്രോട്ടീനും, ആരോഗ്യകരമായ കൊഴുപ്പുകളും, ഒരു വ്യക്തിക്ക് മൊത്തത്തിലുള്ള പോഷണത്തിന് ആവശ്യമായ നിരവധി ധാതുക്കളും വിറ്റാമിനുകളും കൊണ്ട് സമ്പുഷ്ടമാണ് വാഴപ്പഴം. എന്നാൽ ചില സിദ്ധാന്തങ്ങൾ ജലദോഷവും ചുമയുമായി വാഴപ്പഴത്തെ ബന്ധപ്പെടുത്തുമ്പോൾ, ചിലർ ഇത് പ്രമേഹമുള്ളവർക്ക് ദോഷകരമാണെന്ന് അവകാശപ്പെടുന്നു. വാഴപ്പഴത്തോടൊപ്പം ചില ഭക്ഷണങ്ങൾ കഴിക്കുന്നത് മൊത്തത്തിലുള്ള ആരോഗ്യത്തെയും ക്ഷേമത്തെയും …

മദ്യം നല്‍കി അബോധാവസ്ഥയിലാക്കി; 52 കാരനെ പ്രകൃതിവിരുദ്ധ ലൈംഗീക പീഡനത്തിന് ഇരയാക്കിയ 30 കാരന്‍ അറസ്റ്റില്‍

തിരുവനന്തപുരം: മദ്യം നല്‍കി അബോധാവസ്ഥയിലാക്കി മധ്യവയസ്‌കനെ പ്രകൃതിവിരുദ്ധ ലൈംഗീക പീഡനത്തിന് ഇരയാക്കിയ സംഭവത്തില്‍ യുവാവ് അറസ്റ്റില്‍. ആനാട് കൊല്ലങ്കാവ് സ്വദേശി എസ് ദീപു (30) ആണ് അറസ്റ്റിലായത്. പ്രകൃതിവിരുദ്ധ പീഡനത്തിന് ഇരയായ 52 കാരന്‍ ആശുപത്രിയില്‍ ചികിത്സ തേടിയതോടെയാണ് പീഡന വിവരം പുറത്തറിഞ്ഞത്. തുടര്‍ന്ന് ആരോഗ്യ പ്രവര്‍ത്തകര്‍ പോലീസിനെ വിവരമറിയിക്കുകയായിരുന്നു. സംഭവത്തില്‍ പോലീസ് കേസെടുത്ത് അന്വേഷണം നടത്തുകയും പ്രതിയെ അറസ്റ്റ് ചെയ്യുകയുമായിരുന്നു. സ്റ്റേഷന്‍ ഓഫിസര്‍ ശ്രീകുമാരന്‍ നായരുടെ നേതൃത്വത്തില്‍ എസ്‌ഐമാരായ ശ്രീലാല്‍ ചന്ദ്രശേഖരന്‍, മുഹ്സിന്‍ മുഹമ്മദ്, ഷാജി, …

ബി.ജെ.പി വന്‍ വിജയം നേടിയ മൂന്നു സംസ്ഥാനങ്ങളില്‍ മുഖ്യമന്ത്രിമാരെ കണ്ടെത്തുന്നതില്‍ അനിശ്ചിതത്വം

ഡല്‍ഹി: നിയമസഭാ തെരഞ്ഞെടുപ്പഫല പ്രഖ്യാപനം കഴിഞ്ഞു ഒരാഴ്ചയോട് അടുത്തിട്ടും ബി.ജെ.പി.വന്‍ വിജയം നേടിയ മൂന്നു സംസ്ഥാനങ്ങളില്‍ മുഖ്യമന്ത്രിമാരെ കണ്ടെത്തുന്നതില്‍ അനിശ്ചിതത്വം തുടരുന്നു.ഇതിനിടെ കോണ്‍ഗ്രസ്സില്‍ നിന്നു പിടിച്ചെടുത്ത രാജസ്ഥാനില്‍ മുഖ്യമന്ത്രി സ്ഥാനം ഉറപ്പാക്കുന്നതിനു പാര്‍ട്ടി എം.എല്‍.എ.മാരെ തട്ടിക്കൊണ്ടുപോയി തടവില്‍ പാര്‍പ്പിക്കുന്നതായും പരാതി ഉയര്‍ന്നു. രണ്ടു തവണ രാജസ്ഥാന്‍ മുഖ്യമന്ത്രിയായിരുന്ന വസുന്ധരരാജ സിന്ധ്യയാണ് മൂന്നാം ഊഴത്തിനു പരസ്യമായി രംഗത്തിറങ്ങിയിട്ടുള്ളത്. തന്റെ മകനുള്‍പ്പെടെ പുതുതായി തിരഞ്ഞെടുക്കപ്പെട്ട അഞ്ച് എം.എല്‍.എ.മാരെ സിന്ധ്യയുടെ മകന്‍ ദുഷ്യന്ത് സിംഗ് ഒരു റിസോര്‍ട്ടില്‍ ഒളിപ്പിച്ചിരിക്കുകയാണെന്നു മുന്‍ എം.എല്‍.എ.യും …

വീട്ടിലെ സ്വര്‍ണ മോഷണം ഭാര്യ കണ്ടു; യുവതിയെ ടൈല്‍ കട്ടര്‍ ഉപയോഗിച്ച് കഴുത്തറുത്ത് കൊന്നു; 11 വര്‍ഷത്തിന് ശേഷം ഭര്‍ത്താവ് പിടിയില്‍

കൊച്ചി: കോതമംഗലം മാതിരപ്പള്ളി സ്വദേശി ഷോജി വധക്കേസില്‍ വഴിത്തിരിവ്. 11 വര്‍ഷത്തിന് ശേഷം പ്രതി പിടിയില്‍. ഭര്‍ത്താവ് ഷാജിയെയാണ് ക്രൈംബ്രാഞ്ച് സംഘം അറസ്റ്റ് ചെയ്തത്. ഓട്ടോഡ്രൈവറായ യുവാവിനെ ടൈല്‍ കട്ടര്‍ ഉപയോഗിച്ച് ആക്രമിച്ചു കൊലപ്പെടുത്താന്‍ ശ്രമിച്ച കേസില്‍ ഷാജിമോനെ അറസ്റ്റുചെയ്തു ചോദ്യം ചെയ്യുന്നതിനിടെയാണു ഷോജി കൊലപാതകവുമായി ബന്ധപ്പെട്ട ചില സൂചനകള്‍ അന്വേഷണ സംഘത്തിനു ലഭിച്ചത്. മറ്റൊരു സ്ത്രീയുമായി അടുപ്പത്തിലായിരുന്ന ഷാജി അവര്‍ക്കു പണം നല്‍കാനാണ് സ്വര്‍ണം മോഷ്ടിക്കാന്‍ ശ്രമിച്ചതെന്നാണ് സൂചന. യുവതിയെയും കൊലപ്പെടുത്തിയത് ടൈല്‍ കട്ടര്‍ കൊണ്ടാണെന്ന് …

കരിപ്പൂരിൽ വീണ്ടും സ്വർണ്ണ വേട്ട; ഒന്നര കിലോ സ്വർണ്ണവുമായി രണ്ട് പേർ പിടിയിൽ

കോഴിക്കോട്: കരിപ്പൂർ വിമാനത്താവളം വഴി കടത്താൻ ശ്രമിച്ച ഒന്നര കിലോയോളം സ്വർണ്ണം കസ്റ്റംസ് പിടികൂടി.ഒന്നാമത്തെ കേസിൽ ഇൻഡിഗോ വിമാനത്തിൽ ദമാമിൽ നിന്ന് എത്തിയ പാലക്കാട് കോട്ടോപ്പാടം സ്വദേശി ചെമ്പൻകുന്നൻ അകിൽ റഫാൻ (30) നെയാണ് കസ്റ്റംസ് പിടികൂടിയത്. ചോദ്യം ചെയ്യലിൽ ഇയാളുടെ ശരീരത്തിൽ ഒളിപ്പിച്ച 638 ഗ്രാം ഭാരമുള്ള 02 സ്വർണ മിശ്രിത ക്യാപ്സ്യൂളുകൾ കണ്ടെടുത്തു. മല ദ്വാരത്തിൽ ഒളിപ്പിച്ചാണ് സ്വർണം കൊണ്ട് വന്നത്. പിടിച്ചെടുത്ത സ്വർണ്ണം വേർതിരിച്ച ശേഷം 574 ഗ്രാം തൂക്കം വരും.ഏകദേശം 34 …

കഞ്ചാവുമായി കാസർകോട് സ്വദേശികൾ വയനാട്ടിൽ പിടിയിൽ

സുല്‍ത്താൻ ബത്തേരി: കാറില്‍ കടത്തിയ കഞ്ചാവുമായി കാസര്‍കോട് സ്വദേശികളായ യുവാക്കളെ പിടികൂടി. വെള്ളരിക്കുണ്ട്, പുതിയപുരയില്‍ പി.പി.സിറാജ് (35), പള്ളിക്കര, കുറിച്ചിക്കുന്ന് വീട്ടില്‍ ജെ. മുഹമ്മദ് റാഷിദ് (30) എന്നിവരെയാണ് സുല്‍ത്താൻ ബത്തേരി എസ്.ഐ എന്‍.എ. രാധാകൃഷ്ണന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്. ബുധനാഴ്ച ഉച്ചയോടെ മുത്തങ്ങ പൊലീസ് ചെക്ക്‌പോസ്റ്റിന് സമീപം നടത്തിയ വാഹനപരിശോധനക്കിടെയാണ് യുവാക്കള്‍ പിടിയിലാകുന്നത്. 228 ഗ്രാം കഞ്ചാവാണ് ഇവരില്‍ നിന്ന് പിടിച്ചെടുത്തത്. പ്രതികള്‍ സഞ്ചരിച്ച കെ.എല്‍. 60 ജെ. 4853 കാറും കസ്റ്റഡിയിലെടുത്തു. …

ദുബായിലെ ബാങ്കിൽനിന്ന് തട്ടിയത് 300 കോടി രൂപ, സിനിമയിലും പണം നിക്ഷേപിച്ചു: കാസര്‍കോട് സ്വദേശിയെ ഇ ഡി ചോദ്യം ചെയ്യുന്നു

കൊച്ചി: ദുബായിലെ ബാങ്കില്‍നിന്ന് 300 കോടി രൂപ തട്ടിയെടുത്തെന്ന കേസില്‍ മലയാളി വ്യവസായിയെ ഇ.ഡി (എന്‍ഫോഴ്‌സ്‌മെന്റ് ഡയറക്ടറേറ്റ്) കസ്റ്റഡിയിലെടുത്തു. കാസര്‍കോട് സ്വദേശി അബ്ദുള്‍റഹ്‌മാനെയാണ് കൊച്ചിയിലെ ഹോട്ടലില്‍നിന്ന് വ്യാഴാഴ്ച രാവിലെ ഇ.ഡി. കസ്റ്റഡിയിലെടുത്തത്.തട്ടിപ്പുകേസില്‍ ഉള്‍പ്പെട്ട അബ്ദുള്‍റഹ്‌മാന്‍ കഴിഞ്ഞദിവസം രാത്രിയാണ് കൊച്ചിയിലെ ഹോട്ടലില്‍ എത്തിയത്. തുടര്‍ന്ന് വ്യാഴാഴ്ച രാവിലെ ഇ.ഡി. സംഘം ഇയാളെ കസ്റ്റഡിയിലെടുക്കുകയായിരുന്നു. കൊച്ചിയിലെ ഇ.ഡി. ഓഫീസിലെത്തിച്ച ഇയാളെ ഉദ്യോഗസ്ഥര്‍ വിശദമായി ചോദ്യംചെയ്തുവരികയാണ്. ഇയാളുടെ ഉടമസ്ഥതയിലുള്ള 25-ഓളം സ്ഥലങ്ങളിലും ഇ.ഡി.യുടെ റെയ്ഡ് നടക്കുന്നുണ്ട്.2017-18 കാലയളവില്‍ ദുബായിലെ വിവിധ ബാങ്കുകളെ …

കാസര്‍കോട് വിദ്യാഭ്യാസ ജില്ലയിലെ വിദ്യാലയങ്ങള്‍ക്ക് നാളെ അവധി

കാസര്‍കോട്: കാറഡുക്ക ഗവ. ഹയര്‍ സെക്കന്ററി സ്‌കൂളില്‍ നടക്കുന്ന കാസര്‍കോട് റവന്യു ജില്ലാ സ്‌കൂള്‍ കലോത്സവം പ്രമാണിച്ച് കാസര്‍കോട് വിദ്യാഭ്യാസ ജില്ലാ പരിധിയിലെ മുഴുവന്‍ വിദ്യാലയങ്ങള്‍ക്കും നാളെ അവധി നല്‍കിയതായി ജില്ലാ വിദ്യാഭ്യാസ ഉപഡയക്ടര്‍ എന്‍. നന്ദികേശന്‍ അറിയിച്ചു.

സ്ത്രീധനം ചോദിക്കുന്നവരോട് ‘താന്‍ പോടോ’ എന്ന് പറയാന്‍ പെണ്‍കുട്ടികള്‍ പഠിക്കണം; മുഖ്യമന്ത്രി പിണറായി വിജയന്‍

തിരുവനന്തപുരത്ത് യുവ ഡോ.ഷഹ്നയുടെ ആത്മഹത്യയില്‍ പ്രതികരിച്ച് മുഖ്യമന്ത്രി പിണറായി വിജയന്‍.സ്ത്രീധനം തന്നാലേ വിവാഹം കഴിക്കൂവെന്ന് പറയുന്നവരോട് താന്‍ പോടോ എന്ന് പറയാന്‍ പെണ്‍കുട്ടികള്‍ പഠിക്കണമെന്നാണ് മുഖ്യമന്ത്രി പിണറായി വിജയന്‍ പറയുന്നത്. യുവഡോക്ടറിന്റെ ആത്മഹത്യയുമായി ബന്ധപ്പെട്ട് കൊച്ചിയില്‍ നവകേരള സദസിന് മുന്നോടിയായി മാധ്യമങ്ങളോട് സംസാരിക്കുകയായിരുന്നു അദ്ദേഹം. സമൂഹത്തിന്റെയാകെ നവീകരണം ആവശ്യമാണ്. സമൂഹത്തിനും ഉത്തരവാദിത്തം ഉണ്ട്. നിയമവും അതിനൊപ്പം ശക്തമാകണം. അത് സര്‍ക്കാര്‍ ചെയ്യുന്നുണ്ടെന്നും മുഖ്യമന്ത്രി പറഞ്ഞു. വിസ്മയയുടെ മരണത്തിലടക്കം ശക്തമായ നടപടികളാണ് ഉണ്ടായത്. സ്ത്രീധനത്തിനെതിരേ ശക്തമായ പൊതുബോധം ഉണ്ടാക്കി …

പിജി ഡോക്ടര്‍ ഷഹനയുടെ ആത്മഹത്യ; ഡോ. റുവൈസിനെ സസ്പെന്‍ഡ് ചെയ്തു; ഡോ.വന്ദന ദാസിന്റെ മരണത്തില്‍ പ്രതിഷേധിക്കാന്‍ മുന്‍പന്തിയില്‍ നിന്നതും റുവൈസ്

തിരുവനന്തപുരം: സ്ത്രീധനത്തെ തുടര്‍ന്ന് തിരുവനന്തപുരം മെഡിക്കല്‍ കോളജിലെ പിജി ഡോക്ടര്‍ ആത്മഹത്യ ചെയ്ത സംഭവത്തില്‍ പിജി ഡോക്ടര്‍ റുവൈസിനെ സസ്പെന്‍ഡ് ചെയ്തു. ഗൗരവതരമായ വിഷയമാണെന്നും ഇത് ഒരുതരത്തിലും അംഗീകരിക്കാന്‍ കഴിയില്ലെന്നും ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. സംഭവത്തില്‍ മന്ത്രി വീണാ ജോര്‍ജ് അന്വേഷണം നടത്തി കര്‍ശന നടപടി സ്വീകരിക്കാന്‍ മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍ക്കും വനിത ശിശുവികസന വകുപ്പ് ഡയറക്ടര്‍ക്കും നിര്‍ദേശം നല്‍കിയിരുന്നു. ഇതിന്റെയടിസ്ഥാനത്തിലാണ് തിരുവനന്തപുരം മെഡിക്കല്‍ കോളജ് പ്രിന്‍സിപ്പല്‍ ഡോക്ടറെ സസ്പെന്‍ഡ് ചെയ്തത്. …

സംസ്ഥാനത്ത് നാളെ മുതല്‍ മഴ ശക്തമാകും; ഞായറാഴ്ച എല്ലാജില്ലകളിലും യല്ലോ അലേര്‍ട്ട്

തിരുവനന്തപുരം: സംസ്ഥാനത്ത് നാളെ മുതല്‍ മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. രണ്ടുജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. ഇടുക്കി, എറണാകുളം ജില്ലകളിലാണ് യെല്ലോ അലര്‍ട്ട്. ഒറ്റപ്പെട്ട സ്ഥലങ്ങളില്‍ ഇടിമിന്നലോടുകൂടിയ ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. ഞായറാഴ്ച എല്ലാജില്ലകളിലും യല്ലോ അലേര്‍ട്ടും പ്രഖ്യാപിച്ചിട്ടുണ്ട്.മണിക്കൂറില്‍ 30 മുതല്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. കേരള തീരത്ത് ഇന്ന് രാത്രി 11.30 വരെ 0.6 മുതല്‍ 1.5 മീറ്റര്‍ വരെ …

കാണാതായ യുവാവിന്റെ മൃതദേഹം ഉറുമ്പരിച്ച നിലയില്‍; പൊലീസ് അന്വേഷണം ഊര്‍ജിതമാക്കി

കാസര്‍കോട്: മാതാവിനൊപ്പം ആശുപത്രിയിലേക്ക് പോകുന്നതിനിടെ കാണാതായ യുവാവിനെ വിജനമായ സ്ഥലത്ത് മരിച്ച നിലയില്‍ കണ്ടെത്തി. ബായാര്‍ മുളിഗദ്ദെ, താല്‍ത്താജെ, കൊറഗ കോളനിയിലെ മത്താടിയുടെ മകന്‍ ഗോപാല(28)യാണ് മരിച്ച നിലയില്‍ കണ്ടെത്തിയത്. ബുധനാഴ്ച രാത്രി 9.30 മണിയോടെ വീട്ടില്‍ നിന്നും അഞ്ചുകിലോമീറ്റര്‍ അകലെയുള്ള പൈവളിഗെ, ബെരിപ്പദവ്, പെര്‍വാടി, കുടാനയിലാണ് മൃതദേഹം കണ്ടത്. പാന്റ്സും, ഷര്‍ട്ടും ധരിച്ച മൃതദേഹത്തിന്റെ കണ്ണുകളും കൈകളും ഉറുമ്പരിച്ച നിലയിലായിരുന്നു. വിവരമറിഞ്ഞ് എത്തിയ പൊലീസ് സ്ഥലത്ത് കാവല്‍ ഏര്‍പ്പെടുത്തി. വ്യാഴാഴ്ച രാവിലെ മഞ്ചേശ്വരം പൊലീസ് ഇന്‍സ്പെക്ടര്‍ …